يا راعي الفندق اعتزناك وافهمها
وياحبني يوم اعيّن شخص فاهمني

ابي لي سويت ياخذني وياخذها
سويت مضبوط ياخذها وياخذني

خويّتي جعلني والله ما اعدمها
وهي بعد جعلها والله ماتعدمني

اللي ليا احتجت شيٍ جيت زابنها
وهي بعد تنبسط وتموت في زبني

في قلبها كلبو الاسرار حافظها
وهي تحافظ على سرّي وتحفظني

يازين هدووها لاصرت حاظنها
وهي تواسا علي وتْقر في حظني

بطني على بطنها وايّديّ في يدها
وهي على قربها تدني علي وادني

لاتروح عينك على الصالة تدوّرها
كانك تحاول تدوّرها فدوّرني

افكار بعض العرب ما عاد نضمنها
نضمن مباديه والتفكير ماضمني

خويّتي شنطتي قدّامك احْملها
وليتك مع اللفت تحْملها وتحْملني

نبي لنا غرفةٍ يالقرم نسكنها
الله يجيرك من المسكون والسُكني

طول المسافات متعبني ومتعبها
والا الحقيقة تعَبها اللي متعبني

قال انت دعواك خابزها وعاجنها
وانا التعب والسهر والهم باعجني

هذا انت واقف على الزحمة وشايفها
بعيونك تشوف مثل ما انت شايفني

ماعاد في الفندق اجنحةٍ نأجرها
ويالله على الصدق ياربي تواجرني

كل الغرف فيه محْجوزة على اخرها
وهذا هو اللي مجلّسني ومخّرني

حتى البنيات تاركتن منازلها
ماتشوفهن في الدرج واللفت ينزلني

اللي مع اصحابها واللي مع اهلها
واللي تأهل بها اللي مايأهلني

واللي تغرّب ولا احدٍ داريٍ عنها
يعني بلا محرم ويعني ولايعني

قلت انت هرجتك ما ادري ويش داخلها
قال انت هرجتك منها الشك داخلني

قلت اطرح اهدومها وانطل ببرقعها
بعض البراقع تراهن مايبرقعني

قال المدافع مركزةٍ ذخايرها
وماحدٍ بذاخرك للعوزة وذاخرني

قلت احتمى سوقها كان انت بايعها
قال احتمى سوقها كان انت بايعني

قلت انتهينا عقب مازان مطلعها
قال اذكر الله وفيها لاتطلّعني

قلت الامانة لاضيعها مودعها
ماتقّدر تقول لاخُذني ولادعني

نسّيتني شنطتي بغيت اضيعها
وتقول بعدين همّلني وضيّعني

خويّتي جعلني والله ما افقدها
وهي بعد جعلها والله ماتفقدني

.


.

سعيد بن مقبل الأكلبي