آه ياحزني ترفق صاحبك جرحه عميق

حيييييهم..


تفضلوا..


يعني من قل المصايب صاب هذا الصدر ضيق

ولا يعني من الحظوظ الزينه ورفع المكانه

ذي حياتي من مضيق في مضيق في مضيق

ولو بحثت الصبر فيني ماجد للصبر خانه

عادتي لاضقت ادور حضن وعيون الرفيق

مشكله لاصار ضيقي منه واحزاني عشانه

يوم قال اسمح لي بارجع وانت كمل هالطريق

لازم تقدر وتنسى وننتهي كل وشانه

قلت صبرك يرحم الله والدينك ماطيق

ماني ناقص فوق جرح اقدارنا جرح الخيانه

حاجتي لك حاجة الايتام ويدين الغريق

طالبك طلبه تراني اعشقك صون الامانه

وراح ماكنه سمعني والتفت لفتة طليق

وقال اخيرا مابغينا ثم غنى ليل دانه

عندها ادركت فعلا قيمة الحب العتيق

وقلت هذي آخرتها ماتجاوزت امتحانه

ضيق صدر وجرح قلب ودمع عين ونشف ريق

هذا كل اللي جناه الشاطر بآخر زمانه

مدري كن الحزن فيني شاف له نعم الصديق

مدري يمكن كنت فعلا كفو للحزن وتكانه

والفرح كالثوب لكن لبسته لي ماتليق

دام لبسه لاي خاسر ماوراه الا الإهانه

اه ياحزني ترفق صاحبك جرحه عميق

اشهد انك يارفيق العمر طيحت الميانه

مثلي مثل اللي يراهن كل خلق الله بعشيق

والبلا راهن ويدري خاسر عشقه ورهانه

ويعني من قل الخساير صاب ذاك الشاب ضيق

يكفي لاهالوقت وقته,,ولامكانه هو مكانه..


كريس

منأول

اه ياحزني ترفق صاحبك جرحه عميق

اشهد انك يارفيق العمر طيحت الميانه

الله يعطيك العافية

سلمت يداك على النقل الرائع

وصح اللسان قايلها

تقبلي مروري

مشكوره كريس على النأله الحلوه
اخوك ف@د

مشكورة كريس علي النقل الرائع

مايصح ألا الصحيح

راجد


لو يموت



فارسه


سرني مروركم الأروع

نورتوا متصفحي

يعطيك العافية يا كريس...

كلمات حلوة عزيزتي..

تقبلي مروري و أرق تحياتي..

يعافي روحك

حياك ياغاليه

روعه

صح لسان الشاعر

كلمات جميله واحساس رائع

يسلمو على النقل

الله يعطيج الف عافيه

تحيتي لكم

الأروع مرورك

شاكره لك