توقيع : الكريستالة

●
●


هذا وهو عالوفا والحب عاهدني
هذا وأنا كل مشاويري تجي صوبه


هذا وإذا غبت ماظنّيت يفقدني
طفلٍ مدلّع وعنده ألف لعبوبه


●

[ أعذب حديث ] .. اللّي بلا صوت وشفاه
همس الغرام اللّي ../ [ من العين للعين ] ...!!

●

خلٍ جرحني رمح عينه وشفاه
مايدري أن فيني من الوقت جرحين !!

●

يا صاحبي ../ جنّة صحيبك شرّعت بيبانها
ياضحكةٍ جعل الخلايق كلهم يفدونها ..!!

●


ياقلب لاتحزن عليك أستدارت
كل الدواير ../ وأبتدت [ رحلة الخوف ] !!

ياقلب لو أن المخاليق بارت
ماباربك قلبٍ على الوصل ملهوف

الله يخلّي دمعتي يوم حارت
عيّت تطيح ../ وجاوبت دمعة الجوف .....!!


●


من يحبّك ../ شخص ماعنده ضمير
من يحبّك ../ ميّت أحساس وشعور !!
صاحبي قلها ترى وضعي خطير
صدّتك .. هي شك أو خوف أو غرور !!

●

حسّي فيني !!

وبعذابي وبحنيني

وشوقي اللي معتريني

وأذكريني كل لحظه !!

وأذكري عيني

يا عيني

دام أنا [ ميّت عليك ]

ما أبيك [ تموتي فيني ] !!

بس أبيك [تحسّي فيني ] !!


●

طيفك أقبل مثل [ وبل الغمام ]
أنبت [ العشب ] في كل جسدي !!
أورق الغصن ../ وأسراب الحمام
غنّت الحب حبٍ سرمدي !!

●

بعض البشر ودّك إذا جعت [ تاكلْه ]
من قبلته من سكّره من حلاته !!


●

صاحبك .. لو وصل حدّ الهيام
أجودي وأن تمادى أجودي !!

وأنت منهو يحبّك ما يلام
قبلي الريح ../ والورد الندي !!


●


لو الأيام والله تنهدى
كان أبهديك [ عمري ] يوم يوم ..!!

كل أبو صاحبك لجلك فدى
خل من يشره ومنهو يلوم ..!!


●

كل المشاعر تبعثر لاقريتيني
يا أعذب حروف بعماقي أبعثرها ..!!

يا آنسه ما أظنّ أنّك فهمتيني
هذي ورود المحبه جيتك أنثرها ..!!


●


أووووه يا كثر المهازل !!

في زمنّا / كل شي طالع ونازل

حتى موضتنا مهازل

نرتدي كل شي سيّء

بلا تنازل !!

ون سُؤلنا .. قلنا [ موضه ] !!

نخلق العذر القبيح .../ وذنبنا كل شي فوضه !!

يعني عادي بنت تلبس [ خصر نازل ] !!

لكن الي ماهو عادي .. نفس لبس البنت لكن

يلبسه رجال مابه أي ذرّه من رجوله !!

لا ../ بعد جالس يغازل !!

وجداً المشهد حضاري

بس فكّر

تدخل مجمّع تجاري !!


●


وتجرحني ../ وتبغاني أسامح !!
وأنا مجنون أسامح من جرحني ....!!

بقالك في خفوقي بس ملامح
وأنا مجنون أحب الي ذبحني ..!!


●


ياسيّدي لا تعاتبني ولا اعاتبك
دام الوفا في زمنّا صار ضمن المحال !!


بس قلّي شذنب منهو حبّك وماتبك
ولاتعتبرها عتب لكن مجرّد سؤال !!


●


البرد ماحسّ بعذابي وشكواي
ولالقيت الا القصيد / أشتكيله ...!!

وأن كان ماهمّك غيابي وفرقاي
شف غيبتك ياهي وربّي ثقيله ...!!


●


تدري وش أكثر شي خفته بدنياي ؟؟
أنك [ تغيب ] و [ رجعتك ] مستحيله !!

●

من يسلملي على الترف الزعول
صاحبي يزعل علي من دون ذنب ...!!

دام أحبّه راعي الطرف الخجول
هو رضاه بجنب والدنيا بجنب ...!!


●

عشان غمّازاتك الثنتين قدّ طاح الحطب
ماقلتلك أنّي فداها صاحبي ماقلتلك ...!!

لا ماعليك من السوالف والقصايد والعتب
مدام ذاب الخافق بكبره وأنا قدّ ملتلك ..!!


●

قال / وشلونك حبيبي .. كيف حالك ؟؟ قلت / طيّب ...!!
والله أنّي غير أطيب اليا سألني ../ ( كيف حالك ) ...!!

●

أنتي مثل دمعة مفارق وعبره
مثل الشجن في صوت [ سعدون جابر ] ...!!

مثل الأماني مالك اليوم دبره
مثل الخفوق الي يموت ويكابر !!

خوذي من أحوال المجانين عِبره
هذا أنا ../ صابر ولانيب صابر ...!!


●


جيتي على البال ياعمري ولك وحشه
قلت أتّصلبك وحشني صوتك الأعذب ....!!

صوتٍ أذا مرّني حسّيت بالرعشه
لا تقولي كذاب عمر الشوق مايكذب ..!!


●


من ليلة البارح وأنا مخاصم النوم
حاول يصالحني ../ وعيّت عيوني ...!!
واليوم لي يومين ضايق ومهموم
يالي عيونك من رحلت وحشوني ....!!

●


قال هذا البعد وش سوّا بقلبك
قلت مدري شوفت عيونك حبيبي ...!!
قال أصبر يالحبيب يعين ربّك
قلت أبصبر بس شيصبّر قليبي ..!!


●


يا سندريلا عاشقك يا عسى خير
-أنقطعت أخبارك وطوّل غيابك
وأنا أدوّر للجفا اليوم تبرير
ذبلت ورودي واقفٍ عند بابك
وأذا على التقدير لك كلّ تقدير
حقّك علي مقبول حتى عتابك
لكن انا عاشق وله حق ويغير
يشتاق يشكي غيبتك وأغترابك


●


أحبك كلمةٍ ماهي قليله ياقليل الذوق
أحبك وش كثر تعني أحبك لو هي بس كلمه


●


غمّض عيونك ... وأحلم شوي فيني
وتخيّل يديني تلامس يدينك .....!!


●

زرعت لجلك داخل القلب [ نبته ]
وأسقيتها من شان لجلك تفرعن ....!!
وألا أنت .. قلّي صاحبك وش وهبته
غير الدلع .. ياللي علينا تدلعن ...!!
لو بيّنتلك سود الأيام [ كبته ]
[ كبت الغرام ]../ أشدّ بئساً وألعن ...!!


●

أنا حزين .. / وكل مافيني أحزان
وأنتي بعد جيتي تزيدين .. [ حزني ] ..!!


يابنت هذا القلب ../ ميّت من أزمان
أنا أنتهزت الموت .../ أو أنتهزني ..!!!


●


تعال مرّه [ حطّ نفسك مكاني ] ....!!
وشوف الفراق شلون بأبسط طريقه .....!!

جرّبته مرّه .../ بس مجرّد [ ثواني ]
ولا صبرت ../ شلون لو هي دقيقه ....!!


●


ويش باقي والسنين أنّ نادتك
قم لها ../ حتى بدون تودّعه ...!!

عادت الدنيا ../ ويمكن عادتك
ينجرح قلبه ../ وينزف مدمعه ...!!


●


تصدّق إذا شفتك أذوب !!
وأذوب أكثر بالغياب ...!!

لي قلب لايمكن يتوب
لاحبّ .. حبّك للتراب ....!!


●


أنا أنفاسك ...!!

أنا أحساسك ..!!

أنا ناسك ...!!

وأنا لا ضاقت الدنيا على [ قلبك ] تلاقيني ...!!

تعشقيني ....؟؟!!

تجين [ نذوووووووووب يا طفله ] ...!!

[ أواسيك ] وتواسيني ....!!

عشان الغيم .. لافكّر يروح وخان قلبي البوح ....!!

[ أغنّيلك ] ../ وأناديلك ...!!

عشان الروح ../ عشان أحساسي المجروح ....!!

عشان أحساسك المذبوح ...!!

ولا تحزن

أنا والله كلّي لك ...!!

وأبي أقهر مناديلك ....!!

إذا طاحت عيونك يوم !!

وكفّي صار منديلك ...!!

ولكن ..

[ ماتسوّيها ] وأنا جالس وأغنّيلك ..!!


●

ماخسرت إلا [ حنانك ] مع [ حنينك ]
[ عمر ] من دونك مضى كلّه خساير ...!!


●


أبغى ألاقي [ موطن ] لبسمة شفاي !!
وأبغى من [ أحساس ] المحبين ../ ليله ....!!

وأبغى أرجّع [ نكهة الطيش ] ل.. أشياي !!
وأرجّع أيام الحياة الجميله ....!!

وأن كان .. ماهمّك غيابي وفرقاي
شف [ غيبتك ] ... ياهي وربّي ثقيله ...!!
ملّيت [ ألمحّ لك ] ../ وأسافر بلياي
وماعاد به غايه تبرّر وسيله ....!!

والله يستر ياحبيبي من الجاي
مدام كل أنسان [ قلبه دليله ] ......!!


●

أنا قلبي طفل مغرور
مثل صوت المطر طيشه !!

أنا قلبي مثل عصفور
بلّل هالمطر ريشه !!

يجي كلّه بدون شعور
رغم قلبك و تهميشه

يروح وخاطره مكسور
يدوّرله على عيشه !!

وقلبك .. / طفلتي معذور
أحب صدّه وتطنيشه

يلوّن عتمتي بالنور
دفاه ونبضه وطيشه !!


●


علّمتني معنى الهروب
وشلون أعيشك أغتراب !!

سافرتبي كل الدروب
وأستوطن الحلم السحاب !!

ملامحي فيها شحوب
حزني ../ وموالي زهاب !!

ذبلت و أوشكت الغروب
فتحت للتخمين باب !! لبست حبك لبس ثوب
وأقول توّ العمر طاب !!

لي قلب لايمكن يتوب
لاحب حبّك للتراب !!

لو سقتني عرض الهبوب
معاك ياحلو العذاب !!


الحب ذا كلّه ذنوب
قد شفت عاشق يوم تاب !!


تصدّق إذا شفتك أذوب
وأذوب أكثر بالغياب !!


فتنتني من كل صوب
فيك الحلا ودّا وجاب !!


هذا وأنا توّي ودوب ...
قلبي عشق قلبك ../ وذاب !!


هذا وأنا أدريبك .. لعوب
ماتستمع كلمة عتاب !!


صادق ../ ولكنك كذوب
كذب الأماني ../ والسراب !!


هادي مثل قلبك ونوب
طايش ../ مثل تشرين آب !!


[ مدلّع ] ../ ويبغالك قلوب
عشان أحبّك .. ما أهاب !!


وأعلّمك أن الهروب
شلون أعيشك أغتراب !!


●


ياغيمةٍ ملّيت أخيل اْبروقها واْهطولها
ياقدرة الله صوب مجروح الحشا تحدّينها !!

ياوردةٍ أزرت يدين الخلق يوم اْتطولها
ياطفلةٍ أزريت أسدد بالقصايد دينها !!


●

لاتسويلي إضافه !!

كل [ ماسنجر أخافه ] ..

كان مافيها كلافه .../

[ طنّش ] إيميلي عشاني ....!!

كلّها ../ هوتميل .. ياهو !!

شوف جرحك فيني [ كاهو ] ..

ماهو حزن وهم ماهو ../

ويل ... بس شيٍ خذاني !!

لايغرّك عزف بوحي

لايغرّك نزف روحي

ماني متحمّل جروحي !!

شوفني جالس أعاني

ما أبي حتى رساله !!

زدتني طيش وجهاله

منطعن حد الثماله

خلّني .. والعمر فاني !!

أنت لو فعلاً تبيني

كان ماشيّبت عيني

تدري وش سوّيت فيني

فوق ماسوّا زماني !!


●

أشعليني

ولّعيني

وأحرقي قلبي وعيني

عاشقٍ بردان بدفا

وأنتي حضنك موطني ../ وأحيان منفى !!

ما أبيني

آه ياشين الشتا

كان مابه حضن دافي ...!!

وآه يازين الشتا

لأحتواني حضن دافي ...!!

بس متى ../ بس متى

دلّعيني

وديري بالك تزعليني !!

طفلك المجنون طايش

شرّعيله كل أبواب المحبه .. والدرايش

ودلّعيه أكثر وأكثر

ناقص شويّة حنان ../ وناقص شوّية أمان

وناقص شويّة دلع !!

عايش وماهو بعايش

والزمن يابنت ذا ماله خوي ../ وماله أمان

وأنتي وصلك موت

وبعادك ممات ...!!

وأنتي بعدك موت

و وصالك حياة ...!!

جمرتك

صرت أشتهيها

بحترق منها وفيها

أشعلي بركان فيني ../ له ثلاث سنين خامد !!

وأنسفيني

لي متى والقلب صامد

يابنيّه

كان عندك للقا والوصل نيّه

ذي يديني

مدّي حبالك ../ قبل حبل المنيّه !!


●


الشتا ../ ملح الفصول الأربعه
حتى لو يزعل علي فصل الربيع !!
الشتا ../ نبض السنين الموجعه
والدفا والبرد .. ضدّين وجميع !!


●


حسبي على [ قلبك ] ../ عليك !!

لو متّ ../ لو تهت ... ش [ عليك ] !!

مغرور ماهمّك أحد

هذا وأنا ميّت .../ [ عليك ] !!

تخنق يديك أنفاسنا !!

نذبل ../ يموت أحساسنا !!

وأنا وقلبي يا حراااااااااام

دايم تطيح براسنا !!

●

لو للكلام شفاه !!

لو للوجيه أشباه !!

لو للصدور أي شيّ ...

غير الألم والآه !!

ماكان غنّيتك ........ /

[ بحر وصعب مرساه ]

واللي نساك أنساه !!

واللي هواك أهواه !!

واللي قدر فرقاك ../ تقدر على فرقاه !!

لا تشتكي وتلوووم

عمر الحزن مايدووووم

والعمر فيه كم يوم ../ حتى نعيشه ب آآآآه !!


●


الدنيا فعلاً غريبه

تفرّق حبيب وحبيه

في ذا الزمن يا حبيبي

كلٍ بياخذ نصيبه !!


●

حزين !!

والحزن هذا لمين !!

أن كان ماهو لي ../ ماهو لأحد ...!!

ولمين ../ هالهم أنخلق !!

أن كان ماهو لي ../ ماهو لأحد ...!!


●

ياقلب مالك مع العشاق أي ساحل
لاتزعل أن رحت أدور لي على مينا !!
شف راحوا أحبابك وغنيتلك راحل
ماغير أنا وأنت نتهجا أسامينا !!


●

عطني من أيامك حبيبي ثواني
وأعطيك عمري لو بقابه دقيقه !!


●

ياقلب لاتحزن وهذا نصيبك
لاعاد تشكي لحظة فراق وبعاد !!

حتى حبيبك لو نسى أنه حبيبك
يمكن تكون المسأله شغلة عناد !!


●

ماللزمن عندي حقوق" وشرهه
والله يبيض وجه الأيام والوقت

مليت ألاقي للمشاريه وجهه
مدامني من صدمة الخلق مافقت

أخذتلي مع سجة البال برهه
سجيت وأثري يوم سجيت صدقت

البارحه يوم أن الأحلام شبهه
قلت أنبسط لكن حزنت وتضايقت

والصاحب الي مر فالبال وجهه
عمره أبد مشتاقلي كثر مشتقت

لخنجره من بين الأضلاع نكهه
والمشكله من سالفة خنجره رقت


●


[ ريقك ] عسل ..!!

أو العسل من [ رحيقك ] ....!!


●


صوته [ حزن ]

مايشبه [ الحزن ] صوته ...!!


●


لاجتني الحلوه بكامل أناقتها
ماكنّها الا قصايد [ أحمد الصانع ] !!

كل الحدايق تمنّى بس صداقتها
وأنا أبيها وهي ماعندها مانع !!


●


كسرت مفتاح الفرج وأنكسر قلب
حتى نما داخل شراييني الياس !!
الصبر وينه مابقى للأمل درب
كسرتني مبطي وأنا أقول لاباس !!


●


كل واحد مع حبيبه

بس أنا وأنت حبيبي !!


●

لد يمي مابقى غير ألتفاته
لاتخليني وكل العمر لفته
هذا جثمان الخفوق وذا رفاته
هذا هو الي تقول أنك ولفته
صاحبك صوته تلعثم في شفاته
والقناع يطيح كانك ماعرفته
وأنت صوتك مر في سمعه وفاته
ياكبر ذنب" تمادى وأغترفته
والوفا الي بيننا أعلن وفاته
وكل عرق" في معاليقي نزفته


●


أنتا لو جربت مره هالعذاب
كان مافكرت تجرحني كذا !!
أنت محد" قاللك أن الغياب
مايجيب لمهتويك الا الأذا !!
جيتلك كلي مشاريه وعتاب
وأنت تدري قلبي ويش الي خذا !!
طعنة" ماخلفت فيني صواب
والمصيبه تقوللي طيب وأذا ..!!


●

كل الدروب تضيق
وصدورنا ضاقت !!

كل الخُطا تلفيق
وأحلامنا أنباقت !!


●


ماهو عادي

أنّي أبقى في [ غيابك ] شخص عادي ...!!

ماهو عادي

أنّي أنسى أكثر [ حروفي ] وأنادي ...!!

يا ودادي .. يا ودادي

ردّلي بعضي ../ وأنا اللي [ أكثري ] مُحبط .. وغادي ...!!

من رحلت ...!!

يعلم الله كم ذبلت ...!!

ماهو عادي

وماهو عدل أنّي أنادي وأنت توّك [ ما وصلت ] .....!!


●


لو تدري الناس ويش أسباب عزلتنا
ماكان ضاع بطريق الصمت موّالي ...!!

ولو أن الأقدار ماغابت وملّتنا
ماكان ماتت وذبلت أكثر آمالي ...!!


●


كل الجروح اليوم صارت تشابه
نفس الوجع ياصاحبي والمواري
بس انت جرحك عاد كل" درابه
حاولت اداري بس مقدر اداري
له في عيوني غيمتين وسحابه
وله في خفوقي ألف طاري و طاري
علمني وش معنى الألم والرتابه
وعلمني وش موت الأمل وانتحاري


●


ودّك تكونين ../ [ يمّي ..] !!

أو أكون بيوم ../ [ يمّك ] ...!!

ودّك أجري في [ عروقك ] ../ مثل دمّك ....!!

ودّي تكونين همّي ...!!

قبل أكون بيوم همّك ....!!


●


عادتك يا خفوقي عادتك
قلتلك طيعني لكن عنيد !!

ليه تجرح وتِزعل غادتك
زين أبسأل وش الي تستفيد !!

بنت من حسنها وأن نادتك
المسا يشتعل حب وقصيد !!

كل حلمٍ سكن بوسادتك
فيه منها مواويل ونشيد !!

قم لها الليل مهما زادتك ..
هم ..!!/ وأتعبْت نبضك والوريد !!

أهدها البوح .. قول قلادتك /
كل قصيدي ..!! قديمه والجديد

أصدق أحلامك الي قادتك
لأرتكاب المعاصي يابليد !!

الهوى ذنب وأنت عبادتك
ماتكفّر ذنوب ولاتزيد ...!!

ذنبك أن الخلايق عادتك
يختلط بالحشا جمر ../ وجليد ....!!

لو مشاريه قلبك فادتك
كان ماشفتني مثل الجريد ...!!

لو تقول الجروح أعتادتك
قلت هذا وأنا عايش وحيد ...!!

قلتلك ../ [ مالك إلا غادتك ]
دير بالك عليها يا عنيد ....!!


●


بغيب ../ يمكن مع الأيام تفقدني !!
يمكن تحسّ بغيابي ../ يمكن تعاني !!

يمكن تجيني من [ اللهفه ] وتوعدني...
[ ما عاد أزعِل حبيبة خافقي ثاني ] ...!!


●
●

كريس

توقيع : الكريستالة

توقيع : الكريستالة

وتجرحني ../ وتبغاني أسامح !!
وأنا مجنون أسامح من جرحني ....!!

بقالك في خفوقي بس ملامح
وأنا مجنون أحب الي ذبحني ..!!


رووووووووووووووعه

يسلمووووو على المسجات الحلوة

الله يعطيج الف عافيه

ومشكوره على المجهود

تحيتي لكم

توقيع : بنت زآيد

* كلي فخر لآ قآلوآ بنت الآمآرآت وصلت ..~*

انتهت لحظاتى الجميلة بينكم كما ينتهى أى شئ جميل فى هذه الحياة بسرعه
أحببتكم وأحببت تواجدى بينكم
ولكن وداعى رغما عنّى وظروفى اقوى منّى فتذكّرونى دائما بالخير
وان كنت اسأت لأحدكم فليسامحنى وان كنت قصرت مع أحدكم فليعذر تقصيرى
واحملوا لى فى قلوبكم كل ما هو طيّب
واخيرا ارحل بجسدى وأترك قلبى بينكم ولكن لا أعلم
إلى لقاء آخر أم أن آخر عهدى بكم هو لحظات الوداع هذه .
في امان الله ...
حسبي الله ونعم الوكيل

مشاااااءالله تبااارك الله
مجمووعه كبيره من الرسااائل
يعطيك العاااافيه كريستااااله
يسعدك ربي

توقيع : ولـه وشـوق

كلها أيام بسيطه وراح تكونو في خبر كان!!

على فكره:

الدين ممنوع ...إدفع كاش نعطيك خروفك كاش

والخروف الدادا ترى إنباع

بنت زايد

وله وشوق


نورتوا

شاكره لكم مروركم العطر

حياكم

توقيع : الكريستالة

إبداااع وذووق مختلف

دااائما متألقة ملكة الأورنج

ما شاء الله
مسجات حلوة

توقيع : عسولة بغداد

وجودك هنا له نكهه خااااصه


شاكره لك

توقيع : الكريستالة

عسووله

الأحلى تواجدك المميز

توقيع : الكريستالة