| | |
| |||||||
| المنتدى الأدبي العام المواضيع الأدبية : مقالات ، لقاءات مع شخصيات أدبية ، محاولات الأعضاء الأدبية التي لا تندرج ضمن باقي الأقسام |
 |
| | أدوات الموضوع | إبحث في الموضوع |
|
#1 
17-03-2008, 10:38 PM
| ||||
| ||||
| لمحبى صلاح جاهين الجزء الاول
سلام عليكم طبعا مقدرش اقول غير الله عليك ياصلاح ياجاهين واللى يعرف صلاح جاهين اكيد بيحب الرباعيات بتاعته واللى مايعرفوش من الرباعيااات يعرفه .gif) واول مجموعه من عندى لصلاح جاهين خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت ولا الحياه ؟ عجبي !!! .gif) ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي أنا سبتهم و الا علي الفرص اللي ما سبتهمش عجبي !! و الكون ده كيف موجود من غير حدود و فيه عقارب ليه و تعابين ودود ؟؟ عالم مجرب فات و قال سلامات ده ياما فيه سؤالات من غير ردود عجبي !!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! سهّير ليالي و ياما لفيت و طفت و ف ليله راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! رقبه إزازة و قلبي فيها انحشر شربت كاس و اتنين و خامس عشر صاحبت ناس م الخمرة ترجع وحوش و صاحبت ناس م الخمرة ترجع بشر عجبي !!!! ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قَتلت ؟ ..... والا اتقتلت عجبي !! انا كل يوم أسمع ........ فلان عذبوه أسرح في بغداد و اوالعراق واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتى الخنازير و الكلاب شربوا منه عجبي !!!! يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة ؟؟ !! عجبي !!! شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!! أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !! إقلع غماك يا تور وارفض تلف إكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي !!! يا حزين يا قُمقُم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!! في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة عجبي !!! الفيلسوف قاعد يفكر سيبوه لا تعملوه سلطان و لا تصلبوه ما تعرفوش إن الفلاسفه يا هوه اللي يقولوه بيرجعوا يكدبوه عجبي !!! علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !! إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !! نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! - يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!! السم لو كان في الدوا منين يضر ؟ و الموت لو عدونا .. منين يسر؟ حط القلم في الحبر و اكتب كمان .. و العبد للشهوات .. منين هو حر؟ عجبي !!! الله عليك والله ياجاهين لو عجبكم عجبى ابقا انزلكم الجزء التانى منه ياحلوين اختكم /من انا؟  |
|
#2
17-03-2008, 10:46 PM
| ||||
| ||||
| يعطيكِ العافيه عالنقل الرائع و الجميل تحيااتي لكِ |
|
#3
18-03-2008, 07:54 PM
| ||||
| ||||
|
الله يعافيكى ياعسل ويارب يكون عجبكم عجبى تحياتى ليكى |
|
#4
25-03-2008, 08:19 PM
| ||||
| ||||
| السلام عليكم... عزيزتي من أنا؟؟... أنا لم أكن أعرف من هو صلاح جاهين و بصراحة دخلت من باب الفضول.. و لكن ما قرأته أذهلني بحق... و أثار دهشتي و عجبي... حقا أيا عجبي... كلماااااات قمة في الروووعة ... و الأروع منها أنت عزيزتي.. فلولا الله ثم أنت لكانت ضاعت عليا قراءة تلك الكلمات... ليك أرق تحياااااااتي يا قمر... و أنا مستنية الجزء التاني على أحر من الجمر... و ألف شكر مرة تانية... |
|
#5
27-03-2008, 09:06 PM
| ||||
| ||||
 اقتباس:
ههههههههههههههههههههههههه يااااااااعسل نورتى الموضوع والله بيقولوا الفضول مفيد فى بعض الاوقااااات ياعسل والحمد لله انك عرفتى صلاح جاهين والرائع مرورك ياعسل والجزء الثانى علشان خاطر عيونك كام محاميه عندنا وحده وليها عيونا |
|
#6
31-03-2008, 10:47 PM
| ||||
| ||||
| من انا كالعاده طبعا موضوع اكثر من رائع بجد موضوع تحفه انا بموت فى صلاح جاهين |
|
#7
04-04-2008, 01:55 AM
| ||||
| ||||
|
رورى ياقمر منوره تسلمى ياقمر على المرور ونورتى الصفحه وانا كنمااان بموت فى صلاح جاااهين |
|
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ...الجزء الاول من الرواية..... | marh | بوح الخواطر | 8 | 24-06-2008 10:48 PM |
| ختان الاناث (الجزء الاول) | سلـ الغرام ـطان | الحياة الأسرية | 16 | 10-04-2008 08:43 PM |
| اقرا ومش هتندم الجزء التانى من ابداع صلاح جاهين | من انا؟ | المنتدى الأدبي العام | 13 | 04-04-2008 05:09 PM |
| ثلاث نكت روعة (الجزء الاول ) | بنت فلسطين | الرجة و الهبال | 4 | 08-06-2007 02:12 PM |
| ضحايا الحب...الجزء الاول | aboode | المنتدى العام | 8 | 16-11-2006 11:27 AM |
