| | |
|
#1 
17-03-2008, 09:46 AM
| ||||
| ||||
| ها لقصيدة عن جميلة اسعد الله اوقاتكم وصباحكم بكل خير .. محبين الشعر .. جلبت لكم قصيدة حزينه والغريب ان الشاعر الف القصة بشكل قصيدة .. ولكن للأسف كاتب القصيدة غير معروف عندي فأرجوا من كان يعرف هذا الشاعر ان يسعفني بأسمه وله مني خالص الدعاء .. ها لقصيدة عن جميلة الحسن مختارها وصفها يعجز الكلمات وكل حروفها طلت صبح ذاك اليوم و(محمد)شافها وغرست سهمين في قلبه ودله عشقها وسرحت( سارة )بحبه وانشغل به بالها ولا قوى (محمد )أبد عذاب فراقها شافها مرة ولكن قلبه اللي اختارها بنت ذاك الجار كم تكوى بنارها أهله يزورونها وكم بحلمه زارها وكم تمنى لجل يعرفها أويعرف أخبارها بانتظار اللقا دارت أيام والقلوب بأسرها هذا أبوها عن يمينه وعن يساره أخوانها أسرعت دقات قلبه ينتظر رد أبوها وردها الجواب اللي يحدد أيام عمره جنبها (مبروك)قالها أبوها وقال:سارة دربك دربها فرحة(محمد)غدت فرحة مدينة بنصرها شهور وصارت زوجته وما بحياته غيرها بينهم قصة مشاعر صعب وصفها راح يذكرها باليوم اللي لمحها ومرها وضحكت:عندباب البيت أنت ليه مانسيتها؟ مرت الأيام،،قالت أنا حامل وما صدق حملها من فرحته ذرف دمعتين وضمها شال شغل البيت على راسه وشال همها ما يبي روحه تتعب أبد في حملها قال: كل الناس ولاشيء جنبها هي حياة الروح وببقى جنبها قرب الموعد وكانت على قلبه يدها قرب الموعد وكان يسمع نبضها وصل (مستشفى الولادة) ولسانه يدعي لها قالت:محمد، أحبك ،أذكر اللي قالها ينتظر زحف الزمن والثواني عدها ينتظر شوفة(فهد)وينتظر لجل يعرف حالها وانولدطفل جميل اسمه (فهد) لكن اللي اسمها: (سارة) ، توفت، لحظة وجوده هي لحظة موتها ماتت وهي تولده و(محمد)مابقى به إلاجسد ماتت سعاداته وعاش ميت بعدها ما بقى له ذكريات بالحياة إلا فهد صار يشبهها وعيونه نفس عيونها وأبوه ما يعرف من الناس إلا فهد هو ليله وهو نهاره وما ينومه إلا على فراشها كل ما شافه وشاف الوردة الحمراء وشاف صوَرها قال كيف أنسى حياة ٍ عشتها أربع سنينٍ وحاله حالةٍ يرثى لها قالوا له:أتزوج أو أترك بيتها قال:أنا بخطب بس ورب البيت ما أترك دارها بسكنه باقي سنيني ولو بدأ نسيانها خطب واللي خطبها كان شرطها يجيب خدامة لفهد ويصير مثل ابنها (محمد)تزوجها ، والخدامة جابها مرت الأيام وما نسى سارة وقديم أيامها وفهد مازال بسمة الدنيا لأبوه وفرحها وخالته ما دارته كانت تداري نفسها مرت شهور وتناسى بعض آلام عاشها واستأذنت زوجته منه، تنادي أهلها وجاء ذاك اليوم وجهزت من بدري دلالها حطت القهوة،والسكري وأجود ما عندها وكلن حضر ولبى لها دعواتها ومر بعض الوقت وكان وقت العشاء وقتها ومابين هي بين الصحون وبين تحضيرها همس صوت بريءٍ نبراته كانت جنبها (ماما أنا جوعان) فهد اللي أتمها أمس تم الخمس لكن ما عرف كيف غطي قبرها قالت : أنا مو أمك حبيبي،ماما لاعاد تقولها ارتسم بعيونه عجب ومافهم وش قصدها قالت :أنا مشغولة خذ هالصحن وأطلع أتعشى بحوش البيت وألعب ولا أشوفك بعدها ناظرها نظرة حزينة وأخذ عشاه من يدها طلع واللي طلعه خوفه وكيف يعصي أمرها؟ ساعتين، وكم دقيقة،والدار راحوا ضيوفها الكل سلم وراح ،وجاء (محمد) عقبها قال يوم أقبل :فهد وينه يامها؟؟ ردت:مع الخدامة نايم عندها ياهو وحشني،هو حياتي ومابها ودي أشوفه بس مدامه نام أشواقي كيفها حط راسه على المخدة ونام وقتها وتلحف ...كانت الليله شديدٍ بردها شاف (سارة)بالمنام بعد دقايق نامها كانت تردد الولد وينه)؟ هذا قولها فز من نومه وماتوقع شوفها وقال :أصحي فهد وينه ؟يامها قالت:أووه لاتقلق عليه نايم عندها رجع ينام ،وثاني مرة شافها فز وسألها مرتين:وش قصدها بسؤالها؟ روحي شوفيه وطمنيني لجلها قامت مها وما ودها وفهد ماهو في بالها راحت ورجعتله عقب دقيقة ونصفها قالت:فهد نايم وهي لاراحتله ولاهو همها قال:أجل نامي،ونام وتكررله حلمها نام وهذي ثالث مرة بالمنام يشوفها قالت:فهدجاني يامحمد،عش حياتك مع مها فز هالمره ، ودقاته ،كيد يسمع نبضها قام يجري للغرف ومالقاه عندها صاح كالمجنون :وينك؟آه وينه يامها؟ أنت على الدنيا يافهد ولاصدق عندها طلع لحوشه المظلم وبالزوايا ظلامها لقاه متوسدٍ لعبته والنفس فاضت روحها واليدين اللي كان أبوه قبل نومه يضمها صار مثل لون الليل لون عروقها زاوية مات البريء بحضنها في ليلةٍ كانت شديد بردها محمد اللي نصفه مات من زمان نصفه الثاني يموت عندها شاف الضنا وعيونه كذبت مشهد قدامها موت الضنا كذبة يا زماني قلها ضمه لصدره وبالضلوع آلامها آه وش بقى بالدنيا يستاهل أعيشها ماتت ومات اللي بقى لي منها ليه عايش بلاهم؟ليه ما غطاني معاهم رملها كيف أنا أدفن ضناي ومندفن قبله شعوري بالحياة وعلمها وكيف أنا صرت (ميت )والكفن ما كفنو ني به ولا ني عشتها فاقد روحين مع روحي ويا كثر أقدارها دنيتي مابين فرحها وحزنها من يجيه اللوم مني وش يفيد عتاب نفسي ولومها دنيةٍ عايش بها فاقد هناي وبسمها وين سارة ؟ليت أقدامي قبل7سنين ما مرت بابها ولا شفت ولاعشقت ولا هويت عيونها ليت لي قلب يحب ولا رحلت محبوبته ينسى قديم الوقت ولا يجيب بذكرها ولكنه عشق سكن بالعيون وهدبها يحكم أنه ينطبع في حياتي اسمها وأن حرف السين والألف والراء والهاء كلها تجري بروحي كل السنين الباقيه مع دمها خاطري مكسور ،وكل الدموع يكنها بعيني ما للشمس نور ولا لشموعي ضيها في بساتيني زهورٍ تدري بقصتي وبسرها أذكر النرجسه والفل والجوري وردها كنت أنا وسارة نشم الياسمين ونبتسم ،،واليوم لاحشى ما شمها ولكم مني احلى الأماني  |
|
#2
15-06-2008, 06:42 PM
| ||||
| ||||
| صح السان الشاعر ويسلموو عاالنقل تحيتي |
|
#3
16-06-2008, 03:49 PM
| ||||
| ||||
|
صح لسان الشاعر أبيات جميلة يسلمووو على الطرح الله يعطيك العافيه تحيتي لكم |
|
#4
16-06-2008, 07:34 PM
| ||||
| ||||
| :( قصه مؤثره تسلم يدينك وصح لسان الشاعر لاعدمناك اخوي .. |
|
#5
19-06-2008, 03:35 PM
| ||||
| ||||
| صح لسان الشاعر ويسلمووووو |
 |
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصه جميلة جدا | توأم الروح | القصص والروايات | 3 | 04-03-2008 03:08 PM |
| توبيكات لقصيدة ناصر الفراعنة ..... | جريحة الصمت | ماسنجر | 10 | 29-02-2008 10:33 PM |
| الروا يه الصحيحه لقصيدة 0 يامل قلبن يسج وفيه دولا جه | ابوعزوف | الشعر | 5 | 26-02-2008 12:42 AM |
| صور جميلة خاصة بالأهلوية ملوك أفريقيا والعرب والعالم!! (خلفيات جميلة) | الناي الحزين | كرة القدم العربية | 3 | 16-09-2007 01:33 PM |
