المسا فة

noha2006

New member
المســــــــــــــــــــــــــــا فــــة

قصة غرام

إخترت ليك أجمل حروف وأصدق فواصل نادرة في لغة الكلام

لا قصدي ألهو معاك بي كلمات غناي

لا حروفي ليك مرجيحة من شعر الغمام

وكتبت ليك والله يا قمر الزمان

شان جيتي بي زمن المحنة

وشفت في عينيك حس أهلي القدام

وكتبت ليك وأنا جايي من زمن الشقا

المرسوم على وش الثواني مظللها

تتمدد الساعات سنين

تتفتح الأحزان غريبة ومذهلة

وأشتاق أفتش نسمة في الزمن العذاب

وأيامي من كتر الأسى وكتر العزوف والإغتراب

صارت حروف مترهلة لحظات أسيفة ومهملة

وكتبت ليك ووقفت ليك

لامن لقيتك جاية في قلب الطريق

ولمحت فيك راحة المشاوير البعيدة

ولفحة النسمة الحنينة الجاية من جوف المضيق

حسيت عجائب الدنيا اتلمت بقت جاياني من عصراً سحيق


عينيك حس أطفال بنادوا القمرة للغائب يعود

وجبينك الضواي حجا الحبوبة في الزمن السعيد

وأنا في قساوة الموحش الزمن المكهرب بي الحريق

أنا حيلتي إيه غي ؟أتكئ وأحلم معاك

وأحضن أماسي الصحو والأمل البريق
 
شكرا على مشاركتك أختي

ويا ليت تتحفينا بما هو أجمل

تم نقل مشاركتك لقسم الخواطر

لأنها لا تمت بصلة للشعر وقواعده
 
عودة
أعلى