أردد للي يسمعني .. اذا حبيت

**●●[ رسمي ]●●** · #1 02-03-2008, 06:20 PM

السلآم عليكم

قصيده أعجبتني للشآعر ●● ساقي الشوق ●●

لسمآع القصيده هنآ

4 ف 6

ثلاث سنين انا اخطط لهذا اليوم يا بو سعود
تيسّر حالي و جاهز اوفّي وعدي بوقته

و فجأه جتني تتعذر .. تقول تأخَرَت لوعود
و انا مستغرب و اسمع كأني وعدها خنته !!

حسبت انها تمازحني و تتصنع جفا و صدود
ضحكت بوجهها من قلب.. مع انْها بايخه النكته

و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!

كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته

و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته

صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته

سكت و قلت هي فرصه مدام الجود في الموجود
و قالوا كل من حولي علامات الرضا سكته

و انا فكرت دام امه و اخته ما عليهم زود
اكيد اني براضيهم اذا وافقت و اخترته

و اراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته

و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !

تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمري ما عشته

انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته

عسى بفستانها اشواك .. و في ثوبه عقارب سود
و نار ٍ تحرق الكوشه و تحرق بيتهم حتى

و موت بليلة الدخله يبرد حرتي يا كود
ولا احس انها بحضنه يلامس خد لامسته

علي اهون اذا ماتوا ولا بنفس السرير رقود
ترى صعب ٍ علي اتخيل اللي ما تخيلته

عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته

ترى دفنة عديم الذات تلوع حتى كبد الدود
و من خان العهود و مات تعافه حتى مقبرته

عسى ربي يجازيهم بحبل ٍ من مسد ممدود
يعلقهم من اطرافه و فوقه نار ٍ و تحته

انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته

مدام الفعل له ردة فعل والله ابشري بردود
بدعي دامني حي ٍ و بغرس للدعا نبته

و بسقيها نزيف القلب و دمع ٍ ما رحم لخدود
و تكبر و الثمر ثاري من اللي خانني و صنته

انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته

و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته

ثلاث سنين انا ابني و جت ( صوره ) بكل برود
خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يا بو سعود
وتوافق من كلام اخته .. و صوره ( 4 ف 6 )

وسلآمتكم

دمتم بخير

الشتيلي!!! · #2 02-03-2008, 07:01 PM

مشكور كلك

**الأصيل** · #3 02-03-2008, 08:10 PM

وانت ساالم وغاانم اخوي رسمي
نقل راائع وذووق ارووع
يعطيك العاااافيه

*مزون شمر* · #4 02-03-2008, 08:38 PM

قصيدة جميله
يسلموو عاالنقل الرائع
دمت بخير

**●●[ رسمي ]●●** · #5 03-03-2008, 12:42 AM

اقتباس:

المشاركة الأصلية كتبت بواسطة الشتيلي!!!

مشكور كلك

العفو .. يآ عسل

مشكور على المرور

دمت بخير

**●●[ رسمي ]●●** · #6 03-03-2008, 12:43 AM

اقتباس:

المشاركة الأصلية كتبت بواسطة الأصيل

وانت ساالم وغاانم اخوي رسمي
نقل راائع وذووق ارووع
يعطيك العاااافيه

الله يعآفيك أخوي الأصيل

مشكور على المرور

لا عدمنآ طلتك

دمت بخير

**●●[ رسمي ]●●** · #7 03-03-2008, 12:44 AM

اقتباس:

المشاركة الأصلية كتبت بواسطة *مزون شمر*

قصيدة جميله
يسلموو عاالنقل الرائع
دمت بخير

الله يسلمكِ خيتو مزون شمر

مشكوره على المرور

لا عدمنآ طلتكِ

**مدوخه خلق الله** · #8 03-03-2008, 09:25 PM

قصيدة جميله
يسلموو عالنقل الرائع...

**●●[ رسمي ]●●** · #9 03-03-2008, 09:51 PM

اقتباس:

المشاركة الأصلية كتبت بواسطة مدوخه خلق الله

قصيدة جميله
يسلموو عالنقل الرائع...

الله يسلمكِ

مشكوره على التوآجد الرآئع

دمتي بخير

**سلطان شمر** · #10 03-03-2008, 10:57 PM

نقل مميز كما هي حالت ناقله

يعطيك الف عافيه

لك خالص تحياتي ...

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اين اجد من يسمعني ... ولا يعاتبني	آهات الحيارى	المنتدى العام	15	17-04-2008 05:16 PM
صدقني سمعتك لكن انا من يسمعني	جرح الرياض	المنتدى العام	10	08-10-2007 01:48 PM
من يسمعني	بوح الورود	بوح الخواطر	10	24-09-2007 03:41 PM
لبنان .. ادعي ولي يسمعني يارب يدعيلهم .!	الحلم المفقود	الشعر	2	03-08-2006 10:24 PM
خوف بلا حدود	صدى الحرمان	المنتدى العام	0	10-07-2006 05:52 PM