تعآل إشعل كٌلآم الحب .. وخمّد ثورة سكآتي

تعال اسكن مساحات الخفوق .. وودع الترحال
تعال اشعل كلام الحب .. واخمد ثورة سكاتي

.
تعال وقبل ( كيف الحال ) .. ناظر .. هو بقى بي حال
تعال وقبل ( سمعني جديدك ) .. أسمع آهاتي


.
تعال وشيل من بالي هجوس ٍ كنهن جبال
تعبت أخضع لهذا الإنهزام .. ونكس راياتي


.
تعال وشوف ( نهّام الحنايا ) واسمع ( اليامال )
حزين ٍ مثل ... دمعات اليتامي .. لانكساراتي


.
لك الله .. مابقى جرح ٍ بروحي مانزف أو سال
لك الله .. مابقى هم ٍ اعرفه ... ماملى اوقاتي


.
أجي لك ممتطي صهوة احروفي .. شاعر ٍ خيّال
أبوصل للعيون اللي .. مساها .. لملم شتاتي


.
على جال التعب .. أرمي جراحي .. وأحسب الآمال
ولالي لالبس ... هالليل ثوبه .. غير وناتي


.
وش أقسى من الذبول اللي تشوفه .. لابكى رجّال
وش آخر هالأفول اللي أشوف .. بكل نجماتي


.
دخيلك هاتي لي ( قلب ) ومعه ( صبر ) ومعاهم .. ( بال)
دخيلك حس بجروحي .. ( أما تُبكيك أنّاتي ) !!!


.
دخيلك اطعن غيابك .. تعبت أحايلك .. واحتال
دخيلك .. ملني هذا الطريق ... ومل جياتي


.
عشقتك مثل مايعشق شعوري .. ضحكة الأطفال
عشقتك مثل مايعشق طموحي ... لمس غاياتي


.
عشقتك مثل ماتعشق جروحي .. صرخة الموال
عشقتك مثل ماتعشق عيوني .. حبس دمعاتي


.
عشقتك مثل مايعشق غرورك .. رغبة الإهمال
عشقتك مثل مايعشق خفوقي .. سجنك بذاتي


.
أنا بصبر .. مدام لكل عقده .. فالزمن حلال
وإذا إني مت ياآخر طموحي .. عيش فابياتي



منقول تحياتي

شامخة رغم الجراااااااااااح

نقل رااائع وذووق اروووع
يعطيك العااااافيه شااامخ

توقيع : الأصيل

يسلمو [M]على التوقيع الرائع