--------------------------------------------------------------------------------

عليمن جاي تبجي وأدري شتريد
شو ظليت واكَف گلي شمتاني .؟

تره كَلّبي انترس من عندك اعذار
تخلص من عذر تكَلب على الثاني

خلصّت العمروياك بالحسرات
من غم الزمان البيك وازاني .

ما اعتب عليك من العتب مرفوع
اعتب عالبخت چيه بيك دلاني

انه الضّيعت ربعي وباقي بس وياك
وهسه تكَلي تاني .! اعذرني ماتاني

چنتلك ضحكه تلعب بين الحچايات
واذا تحتاج تبچي دموع تلگاني

على كيفك عليّ هذا الكَلب ملچوم
حمامة بنص ذيابة شوم خلاني

صرت يوسف زماني وبيك شفت البير
وصفت روجات غدرك چنهن اخواني

صرتلك شمعه تضوي وحضن تالي الليل
الوليلك چنت تغفى على ذرعاني

صحتلك وسمعت چا ليش ما رديت
مو كبّر وكت مغربكم آذاني

المن جاي گلي وشّصلافه البيك .؟
آنه ويآك ابشرك مات شيطاني

توقيع : صفاء الشويلي

ليس عضيما ان تصنع الف صديق في عام,,,, ولاكن الاعضم ان تصنع صديق لألف عام





صفاء الشوٍيلي

قصيدة جميله
يعطيك العافيه
ياليت تقول لنا القصيدة لك
او منقووله

توقيع : *مزون شمر*

شكرا خيو صفاء على القصيدة الحلوة

توقيع : شهد العراق

صفاء حبي
ولك خيو اتفجات بيك حبي
اسف والله واعتذر منك لان ردي متاخر
تحيه مني لك من قلبي الذي اعترف لك بالحب ههههههههه
شعر شعبي جميل
لا تحرمنا من شعرك حبي
تقبل مرور حبك بالحديقه
ههههههههههههههههههه