قصيده اعجبتني اهديها لكم

عتابه... ايه سمّعني عتابه


على موال والحان الربابه

أبي اسمعك واتأمّل عيونك

أبيها تشيلْ من قلبي صوابه

أنا وانتي ضحيّة حبْ وافي

خساره.. وانصدم بأول شبابه

مادامْ انتي وانا والموت واحد

نموت!! ولا تفرّقنَا قرابه

قرايب .. والقرايبْ آه منهم

سبب دمعات عينك والكّآبه

عواذل..آه ياكثر العواذل

تناظرني.. واناظرها بغرابه

أعود تايهْ الأفكار وأسأل؟؟

ورى العذّال تسعى في خرابه

حبيبي..كلّهم ضدّي وضدّك

علينا كلٍ موجّهْ حرابه

نعيش بحلمنا لو ماجتمعنا

ونموت وما درتْ عنّا المهابه

آلا يا ساجي العينين تسمح؟

إذا ممكن ترددلي عتابه

وأنا .. في خاطري هم .. وبكيته

دخيلك.. لاترجّع لي عذابه

ترى ماجيتلكْ ساري وقصدي

أردّ لفاتن هروجكْ جوابه

ولكن.. جيتكم عاشق متيّم

عذابي منك ألفين وهلابه

تقول الناس وش فيك متغيّر؟؟

خذاك الحب في ضيحةْ سرابه

نشوف العشق من جسمك تمكّنْ

كذا سوّاكْ هالشوق وجنابه؟؟

بكيت.. وهلّت دموعي همايل

مثل ديم المطر وسط السحابه

أنا في بؤرةْ الاحزان ساكنْ

وحيد.. وعايشٍ في وسطْ غابه

أناظر لليسار.. ولليميني

ماغير وحوشْ.. وأشواك. وذيابه

حبيبي.. ما بقى شيٍ نقوله

ترى . باب الهوى صكيت بابه

وأنا بكتب وصيّه من دموعي

غريب .. مات.. ما حصّل إجابه