الموضوع: قصيدة آه من قلب هواجيسه تلوفه - أحمد الناصر

آه من قلب هواجيسه تلوفه
مع همومه كل ما اقفن واقبلني

لاذكرت اللي زها الحنا كفوفه
يالطيف الحال طار النوم عني

ليت عيني وان بغت شوفه تشوفه
كود قلبي يستريح ويرجهني

حيث عيني عن هوى غيره عيوفه
ماتبي غيره لو انه غاب عني

والله اني طحت في حال المروفه
حيلتي كثر التوجد والتمني

ماذبحني كود من تذبح وصوفه
من جميع البيض حبه ممتحني

عنز ريم مابعد رامت اخشوفه
قايده للصيد ترعى كل ني

والجوازي كنها معها معسوفه
يوم تجفل كلبوهن يجفلني

هرجت العشاق يازين معروفه
والغلا باقصى الضماير مستكني

الهوى مثل المغازي والنكوفه
والقصيدة من سمع فيها يغني

القمر يظلم الى بين كسوفه
لاتبين للعرب ظنك وظني

لازم راعي الهوى تكثر صدوفه
لو يطولن الليال او يقصرني

والمعافى ملحق الدنيا حسوفه
ماطعنه اللي من الفرقا طعني

لو تروح الروح للزين مخلوفه
والعذارى يبعد او يقربني

صح لسانك على القصيده الرائعه

ليت عيني وان بغت شوفه تشوفه
كود قلبي يستريح ويرجهني

حيث عيني عن هوى غيره عيوفه
ماتبي غيره لو انه غاب عني


صح لساتك على الطرح الزين

تسلمو

آبيات مره حلوه
تشكراتي لك
تقبلو آطلآلتي
((ذات العيون المتلآلئه

هرجت العشاق يازين معروفه
والغلا باقصى الضماير مستكني
الهوى مثل المغازي والنكوفه
والقصيدة من سمع فيها يغني
..
صح لسآنه مافيه حيله ,}
وصح لسانك يامزون على هالنقل الرائع,}
الله يعطيك العافيه,}

مشكووووووووووره حلوووووووو

مشكورة ع القصيدة الحلوة