الصوره الي جا عليها في الوداع علوم

**المُستّشَآَرٍ** · #1 17-12-2007, 06:37 PM

( الصورة )

تراها الصورة اللي جا عليها في الوداع علوم
فديتك ما سواها حرك الخفاق و اوجاعه
عسى يا احلى هدايا الكون ما انتب من حلال القوم
عسى يمي يجيبك من تركتك عنده وداعه
معاك اضيع يا عمري .. و ابي لو ساعة من اليوم
تضيعها معي .. و انسى وش اليوم وكم الساعه
عشيرك من يد الترك ليد الفرس ليدين الروم
هذا هو يعربي لانسى حلمك و لا باعه
تعال الكل ينشد عنك و طيور الخيال تحوم
و انا مما بين طيف وصوره ودفتر وسماعه
من اول ما اصبح استفرد بنكهة سرك المكتوم
و اهيم بكل شارع و اندهك و اخرج على الطاعه
اطارد شمسك اللي لآخر الدنيا بدون غيوم
و الى مني ذكرت عيونك و مغناي و شراعه
اجي جنب البحر واحكي له اول ما عرفت العوم
وفوق الشاطي ارسم وجهك اللي سافر شعاعه
و الى جا الموج يمي ضمت ايدي وجهك المرسوم
وطاحت نجمتين مرت الخدين مرتاعه
و اعود للحدايق ما بقى من زادي الا اللوم
افتش عن عبير كم و كم نسمه من ابتاعه
اداعب وردها و الفل و الريحان و اليشموم
ولا هو ملمس الورد الطبيعي يا اجمل أنواعه
و انشد عنك اناشيد و عصافير وشجر و كروم
وكرسي باهتٍ لونه وسبع خيوط لماعه
و اشوفك في فساتين وذهب معلقٍ منظوم
و اخبر بك سرايا كل سوق وغالي بضاعه
واشيل اوراقك ام حروف وقلوب تشيل سهوم
واغني ما طرى و اطبع عليها الطاري طباعه
و اعود للوساده في مسا ما له قمر و نجوم
اصحي صورتك من نومها و تفز فزاعه
انام بحضنها لين الصباح يقول ( صح النوم )
وافيق بوجهٍ اجمل من ( صباح الخير ) مطلاعه
=====================

7
7
7

القصيدة مسموعه

http://www.faisal1.com/poems/rm/alghtani-2.ra

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بغداد - ناصر القحطاني	مزون شمر	ناصر القحطاني	0	28-12-2007 02:45 AM
المقابر - ناصر القحطاني	مزون شمر	ناصر القحطاني	0	28-12-2007 02:41 AM
السوالف - ناصر القحطاني	المُستّشَآَرٍ	ناصر القحطاني	0	17-12-2007 06:52 PM
غادة - ناصر القحطاني	المُستّشَآَرٍ	ناصر القحطاني	0	17-12-2007 06:49 PM
الذاهبة - ناصر القحطاني	المُستّشَآَرٍ	ناصر القحطاني	0	17-12-2007 06:31 PM