قصيدة ياوجودي كل ماهب نسناس الشمال - ضيدان بن قضعان

إرسال إلى Facebook ارسال الى تويتر
  1. 15-12-2007, 06:14 PM
    *مزون شمر*

    قصيدة ياوجودي كل ماهب نسناس الشمال - ضيدان بن قضعان

    ياوجودي كل ماهب نسناس الشمال
    وجد من حده زمانه على اللي ما يبيه

    وياوجودي كل ماغفيت ثم مال الظلال
    لاغفت عيني ولاذقت شي مشتهيه

    وجد من قفى وهو في رجا كلمة تعال
    والتفت من عقب ماقفى ولحدن لد فيه

    وياعذابي لادنا الليل من روس الجبال
    وانتهى يوم من العمر ماعاد ارتجيه

    وانتي ابعد من سما الحلم وصالك محال
    يابعد من هل دمعي ضحى الفرقا عليه

    ياغناتي لاتحسبين دمعي يوم سال
    ضعف والا خوف والا كذا والا كذيه

    والله اني من رجال يضدون الرجال
    لكن الحظ الردي ساق دمعي كلبيه

    والله اني كل مادار حوليك الجدال
    قمت كن الموت يشر على قبري يإيديه

    والله ان قد لي وانا اصد لاجالك مجال
    صدت اللي لاتضايق تذكر قبر اخيه

    ومن سألني قلت مدري واذا عاد السؤال
    قلتله تكفى سؤالك ترى ماهو وجيه

    وش تبيني اقول عما ترى ذبحي حلال
    والخطا منها علي صرت احبه واهويه

    عذرها لو ماتعذر مثل واضرب مثال
    واحدن مايعرف الحر الأشقر يشتويه

    وان رجعنا للتواصيف لله الكمال
    لا انتهى ليل المزايين جاتك تبتديه

    كنها غفل مع البدو طاويها الحيال
    ما يميز وصفها الا نبيه من نبيه

    واهني اللي وصلها وذاق امن الزلال
    رشفة مع غفلة الناس من فيها لفيه

    واعزتي للي سواتي عشق ما لا يطال
    ويوم طاله ضيع الحلم بين أمه و ابيه

    ياول احلام الطفوله على حد الخيال
    الرجا بللي حمى البيت من حملة بريه

    حال دونك سيف عنتر وتاسع حول حال
    باثر حول حال دونك وانا ادعي هيه هيه

    هيه يللي غرك الحسن واطغاك الجمال
    والله ان اموت ماشفت لاوصافك شبيه

    لو يسام الحسن والتيه بجنيه وريال
    مابقى في سوق غيرك لا ريال ولاجنيه

    كيف اهدك للمقابيل وانتي راس مال
    راس مال ومال والمال مايعطى السفيه

    حافظك حفظي لعيني ورمشي لك جلال

    وانتي تشحين بالما وانا شفي مويه

    شايفن ظلمك وساكت وطال الليل طال
    لاتركتي طعن قلبي وانا ماقلت ليه ؟

    لو بقا للهيل صبرن على فوح الدلال
    مابقى للقلب صبرن على شي يجيه

    كنت احسب ان الغلا زال واثره لايزال
    في الحشا ماكنه الا دخيل في وجيه

    ساقني حبك على الموت وسنيني هزال
    والظروف اقسى من الظلم للعرض النزيه

    وانتي تسوقين عقلي على حد الهبال
    تحسبين ان من بغى شي يقدر يشتريه

    والا انا ياوجد حالي وجودن مايقال
    وجد من ضحى بغاليه لرضا والديه

    وياوجودي ياول العمر قبل ألبس عقال
    وجد من باع اخر العمر في رغبة ذويه

    وياوجودي كل ماهب صوتش من شمال
    وجد من حده زمانه على اللي مايبيه

    من مواضيع *مزون شمر* :


  2. 24-02-2008, 02:48 AM
    وزيـرر البـــطــــالـــة

    والا انا ياوجد حالي وجودن مايقال
    وجد من ضحى بغاليه لرضا والديه


    العن ابو هالشيطان اللي براس ابن قضعان قصائد في قمة الروعه

    الله ينطيك العافيه يامزنه


    تحيتي

    من مواضيع *مزون شمر* :


  3. 19-08-2010, 06:31 AM
    سموالامير

    رد: قصيدة ياوجودي كل ماهب نسناس الشمال - ضيدان بن قضعان

    لبى قلبك وقلب ضيدان



    يسسسسسسسسلموـأ






    تحياتي واشواقي : سموالامير

    من مواضيع سموالامير :


  4. 09-12-2010, 01:06 PM
    تبآريح

    رد: قصيدة ياوجودي كل ماهب نسناس الشمال - ضيدان بن قضعان

    صح لسآنك يآضيدآن..

    وصح ذوقك مزون..
    يسلمو.

    من مواضيع تبآريح :


  5. 14-02-2012, 04:21 PM
    راعي الاصايل

    رد: قصيدة ياوجودي كل ماهب نسناس الشمال - ضيدان بن قضعان

    صح لساان الشااعر / ضيدان بن قضعان

    ولاهان من نقلهاا

    من مواضيع راعي الاصايل :


  6. 31-03-2012, 02:57 AM
    أنا وبس

    رد: قصيدة ياوجودي كل ماهب نسناس الشمال - ضيدان بن قضعان

    لبى قلبي هالقصيدة

    صح لسانتس يالغلا ولسان راعيها

    يا ع1ذابي لا دنا الليل

    ويا غناتي لا تحسبي دمعي

    وهـ وبس


    واحلى يوتيوب للقصيدة وبرعايتي بعد

    http://www.youtube.com/watch?v=ibeSx...eature=related

    من مواضيع أنا وبس :


المواضيع المتشابهه

  1. آخر مشاركة: 07-04-2011, 04:35 PM
  2. آخر مشاركة: 18-02-2011, 02:17 PM
  3. آخر مشاركة: 19-08-2010, 06:28 AM
  4. آخر مشاركة: 29-07-2009, 05:32 AM
  5. آخر مشاركة: 15-07-2009, 06:07 AM