خشيف الريم والغيبات طالت
فديتك كلّي ارْحم لاتطوّل

عيوني كم تحرّت واسْتخالت
يجي طيفك ومعسولك ينوّل

شفْ الاشواق في مغليك حالت
وطير السّعْد عن مرباه حوّل

تكرّم دمعة الاشواق سالت
منالك وقْفها يالحب الاوّل

ونهتات الوله بالصّدْر حالت
وبلْساني خشيف الريم قوّل

توالت دمعتي والله توالت
الا والموت برْكوني تجوّل

مرازيم الغلا ماعِنْك مالت
على بابك طواريقه تِسوّل

تبي عطْفك ترى الروح اسْتزالت
تجمّل سيّدي لاجْلك مِخوّل


أورنس