خفق قلبي في دقاته يقول
يحبك للأبد والشوق يكبر

احبك موت وأشواقي رسول
تضوي لك شموع الليل تنور

أنا حبي كتبته في فصول
أنا حبي مع الأيام يكبر

^&§¤°^°§°^°¤§(&^*^&§¤°^°§°^°¤§(&^

وتمر أيام العذاب العديده
تمر فيني مثل دمعة وسط موق

وما كل نفس تملك اللي تريده
لا صار شي يبعد النفس ويعوق

يا قصة الحرمان جيتك وحيده
أسير والماضي كما كتاب محروق

^&§¤°^°§°^°¤§(&^*^&§¤°^°§°^°¤§(&^

ودي أرحل وامتطي بعد المسافة
واصل المقصود لو خان الزمان

واعشق التجديف لو جاني كلافه
واجعل من الخوف في ليلي أمان

واسقي العطشان في صحرا جفافه
واتعنا له ولو باقصى مكان

^&§¤°^°§°^°¤§(&^*^&§¤°^°§°^°¤§(&^

لو طلعت لفوق عانقت القمر
يستحي نور البدر لا شاف خدك

لو حسبت الشوق ينبت لك شجر
تثمر أزهار العمر أضعاف حدك

لو حصرت أيام وأحلام البشر
كلها قطرة وفا من جزر مدك


^&§¤°^°§°^°¤§(&^*^&§¤°^°§°^°¤§(&^


مادريت ان صافي الأيام شان
لين شفت العمر غارق في بحرنا

ماتت الأحلام من قاسي الزمان
والليالي قالت ان هذا قدرنا

مالنا حيلة سوى كنا وكان
حظنا العاثر على دربه عثرنا

^&§¤°^°§°^°¤§(&^*^&§¤°^°§°^°¤§(&^


بكينا للوفا ياما بكانا
تناسينا الهوى والا نسينا

تناسانا الزمن والا نسانا
انا وياك بحر بدون مينا

على درب الشقا تمشي خطانا
عطانا الوقت بعض اللي خذينا

^&§¤°^°§°^°¤§(&^*^&§¤°^°§°^°¤§(&^

سحابه عابره غطت سمانا
نعم ياما من اللوعة شكينا

ولا حد قال عنا وش بلانا
شربنا من سرابه وارتوينا

سراب الما نبي يروي ضمانا
طردنا خلفه بخوف وضمينا

^&§¤°^°§°^°¤§(&^*^&§¤°^°§°^°¤§(&^

وش تخفي الأيام لي شر أو خير
وشلون باكر وش نهاية مصيره

وياك تلعبي رياح التفاكير
تقبل علي مثل الغيوم الكثيره

بس التمس لك عن خطاك المعاذير
ولي طاعني عذر .. غدرني ضميره

^&§¤°^°§°^°¤§(&^*^&§¤°^°§°^°¤§(&^


لك ذكريات ما تفارق خيالي
ياللي معي ذكراك روح وسط روح

ضيعت في وجه الليالي سؤالي
ودمعي على خدي من الحزن مسفوح

واشيا كثيره عقب فقدك ببالي
إني بلا حبك عذابات وجروح

^&§¤°^°§°^°¤§(&^*^&§¤°^°§°^°¤§(&^

عن غرامك عندي الحكي الكثير
ما وصلت بحبك احدود الكلام

ما يصير انساك لا لا ما يصير
وفي خفوقي لك معزه واحترام

قبلك الدنيا مثل حلم صغير
وعقبك الدنيا غرام في غرام

^&§¤°^°§°^°¤§(&^*^&§¤°^°§°^°¤§(&^

ماودي انك عابر كنك الطيف
واني انا نجمة وطاحت بكونك

ودي أكون البحر لك وانت لي سيف
واكون لك عمرك وقرة عيونك

واصير لك ديوان شعر وتوصيف
وفي وسط صحرا الحب تهطل مزونك

^&§¤°^°§°^°¤§(&^*^&§¤°^°§°^°¤§(&^

بيني وبينه يفصلن المسافات
ودموع عيني بالبكا ودعنه

لا من يعزيني ولا من مواسات
كلن تصاريف السنين اشغلنه

وأنا وحيده ضاع عمري خيالات
بس الخيال ايقرب الروح منه

^&§¤°^°§°^°¤§(&^*^&§¤°^°§°^°¤§(&^

أناظر الساعة في كل مره
ونبض القلب في نبض الثواني

عقارب ساعتي كنها اتشره
غريقه في بحر ماله مواني

رضيت بكل حزني والمضره
خذيت الوقت في صمت وخذاني

^&§¤°^°§°^°¤§(&^*^&§¤°^°§°^°¤§(&^

أحس إني بدونك أي حاجه
وسيلة تايهه من دون غايه

وأحس ان السنين ابدون شوفك
تموت وفيك من يجبر عزايه

وانا ادري كل تمثيلي بحبك
صحيح وحبنا ما هو روايه

^&§¤°^°§°^°¤§(&^*^&§¤°^°§°^°¤§(&^

ودي أعطي لك سنا شمس النهار
ولو بغيت الثانية نور القمر

بس أنا مالي في أقداري خيار
خيرتي إني أداري واستمر

للظروف القاسيه نتبع مسار
ما تخيرنا اهي تامر أمر

^&§¤°^°§°^°¤§(&^*^&§¤°^°§°^°¤§(&^


العمر ينقص ولا يمكن يزيد
والزمن يسري بخطواتي يطوف

لو دريت الوقت مني وش يريد
كان شمسك ما يطاولها الكسوف

وكن يوم التقي بك يوم عيد
ولين غبت أصبح ضريره ما تشوف

يا عنيد الوقت قل لي يا عنيد
وش نهاية حبنا قل وش تشوف

^&§¤°^°§°^°¤§(&^*^&§¤°^°§°^°¤§(&^

ما يفيد البوح في همس الكلام
والأماني مثل مجنون انتحر

يا شواطي احضني باقي الحطام
واسألي عن طيف مشتاقه عبر

يا دموع الوجد يا زخة غمام
كيف ذاك الحب يقتله البشر

^&§¤°^°§°^°¤§(&^*^&§¤°^°§°^°¤§(&^

مادام أنا بالهوى كني
حب مصيره معك فاني

ودي ألاقيك متهني
حتى ولوك مع ثاني

واكتب لك إحساس متعني
حبي معك جرح وانهاني