الشيخ تركي بن حميد آل حميد العتيبي وهو الشيخ الفارس الشجاع رحمه الله المشتهر بالكرم والوفاء والصدق والأمانه ، وكان إنسان شهما ومحبوبا لدى الجميع ، ويتميز شعره بالجزاله واللفظ ، وجمال الاسلوب ، وكثرة وصفة للدنيا وحالها ، وتميز أيضا بالقوافي الصعبه ، وبالحكمه القويه المعبره نظرا لما اعطاه الله من موهبة ومن رجاحة العقل الكبير ، ومايتمتع به من تجارب كثيره في مجال الحياة الواسعة ، ويذكر الرواة دائما قصائدة في مجالس الرجال ويكون لها الأثر البالغ على النفوس نظرا لوجود الفائدة والحكمة والموعظة في اغلب اشعاره ..
وعندما نستمع إلى شعره نجد فيه إيمانه القوي والعميق بربه عز وجل وكذلك حثه على مرافقة الأخيار ، والنصح والإرشاد من رفقاء السوء ، ونجد الكثير من الفوائد في أشعاره الجميله التي تحث على مكارم الاخلاق ، وكذلك في وصف شبه النار والسفر ، والقهوة والحث على الجار ، ونختار لكم هذه الابيات التي يقول فيها :


[poem=font="Simplified Arabic,4,darkred,normal,normal" bkcolor="sandybrown" bkimage="backgrounds/8.gif" border="double,7,darkred" type=0 line=0 align=center use=ex num="0,black"]
يامحلا يا عبيد في وقت الأسفار = جذب الفراش وشب ضو المناره
مع دلة تقدى على صالي النار = ونجر ليا حرك تزايد عباره
في ربعة ماهيب تحجب عن الجار= لامن خطوا اللاش ماشب ناره
النجر دن وجاوبه كل مرار = ما لفه الملفوف من دون جاره
واخيرا منها ركعتين بالاسحار = لاطاب نوم اللي حياته خساره [/poem]


ومن قصائده رحمه الله في الحكمه قوله :

[poem=font="Simplified Arabic,4,silver,normal,normal" bkcolor="transparent" bkimage="backgrounds/28.gif" border="double,4,darkblue" type=0 line=0 align=center use=ex num="0,black"]
من لايدوس الراي من قبل ما ديس = عليه داسوه العيال القرومي
اشوف عدلات الليالي مقاييس = ولحدن من الدنيا عظامه سلومي
ومن لايقلط شذرة السيف والكيس =يبدي عليه من الليالي ثلومي
ومن لاخذا الدنيا بميز وتقييس = مثل الذي يسبح بليل يعومي
والقصر ما يصلح على غير تأسيس = ومن لاتعلم ما تسر العلومي
إلى توافق مشور السو وإبليس = تبر منه وعز ربي يدومي [/poem]


وكما قال رحمة الله عليه في الدنيا قوله :

[poem=font="Simplified Arabic,4,silver,normal,normal" bkcolor="transparent" bkimage="backgrounds/26.gif" border="inset,6,gray" type=0 line=0 align=center use=ex num="0,black"]
فكر وناظر يا محمد ترى الحال = نفسي وتاليها مع الله خبرها
العين كن لها عن النوم عذال = تسهر وغادن نومها عن حجرها
والكبد ما تقبل من الحلو فنجال = والمر لو هو عشرق ما نقرها
دنيا هيال ولا لحقنا لها جال = وزيرت اميز سهلها من وعرها
كان أقبلت يا حلو هاك التبهلال = وإن ادبرت سواًً على اللي حضرها
ما ظن فيها واحدن داله البال =إحفظ لدينك وإنتبه عن خطرها
تراه مثل الفي لا بد ينزال = والشمس هي ويا القمر من فكرها
الحق ينكر والتفاخر بالأموال =لاهين في غفلاتهم في دورها
كم فرقت من دولة عاشة أجيال = وإلى ومرها الله عطتهم نحرها
فعال نو الخير لاموه الانذال =كثرت تخاليف العرب في صورها
يالله يا عالم خفيات الاحوال =ياللي ذنوب العبد لاشا غفرها
طالبك أنا الجنة وحسنى بالاعمال = تقدر تفرجها إلى قدرها [/poem]

وله قصيدة رحمه الله تعالى في رثاء لأخيه ويذكر جور الدهر وتقلباته :


[poem=font="Simplified Arabic,4,tomato,bold,normal" bkcolor="transparent" bkimage="backgrounds/3.gif" border="groove,5,white" type=0 line=0 align=center use=ex num="0,black"]
ذا قول من هوجس ومن باح ما خفا = من عبرة بالصدر يبح كنينها
من عبرة كنينها تفرك الحشا = محال حضر في يدي شاغلينها
تدور الدواير بالليالي وغرني =سريع ترددها وصكة سنينها
دنياك لو هي ساعفت يوم كدرت = غيور تحل الحيل ومفارقتها
على الرغم لوهي بالتمني وبالهوى = جري المغربل والعرب عارفينها
على مسايرها كثير همومها = وعلى شين جيرتها العرب عاشقينها
ومن شاف كسر الليالي أو جبرها = هي المنجل الخافي جفاها ولينها
لو كان هي توريك يوم مسره = صفق موج بقعا لين تملا جرينها
مخلوطه عسر الليالي أو يسرها = صروف الليالي دققت في طحينها
دنياك لو رادك يوم بطريه = صفق موج بقعا لين تملا جرينها
كم خير يجلي الصدا عضه البلا= تضحك له الدنيا وتخفي رطينها
ياطالب الدنيا وهي تستغرك = كم فرقت من مرضع عن جنينها
وجربت في حلو الليالي ومرها = وازريت أميز هزلها من سمينها[/poem]

وهذا ما استطعت به ان أكتبه لكم .......
وشكرااااااا

اخوكم
محمد الروقي العتيبي

يسلموا على الموضوع