| | |
|
#1 
28-08-2007, 09:45 PM
| ||||
| ||||
| ديوان الشاعر سعد جزاء - شاعر حزن الشاعر سعد بن جزاء ((( شاعر حزن ))) (*( أمنيه إني أموت )*) كلن تمنى في حياته أماني وأنا أتمنى أمنيه إني أموت مظلوم في دنيا بها الله بلاني عايش ولكن عايش إنسان مكبوت عايش يتيم ماعرفت الأماني غصب علي أقبل أنا الظلم بسكوت الحظ ضدي والبشر والزماني باسبابهم همي بدى يلوتني لوت حسره طوت قلبي وحزن طواني الين حزني صار بالصدر منحوت حتى حبيبي خان حبي وحناني وحط بفمي علقم وأنا مذوقه توت خان المحبه صار شخص أناني وحرم علي حتى أتصل أسمع الصوت مادام صرحي إنهدم مع كياني وش تنفع الصرخه إذا فايت الفوت أيوب لو ساعه يكون بمكاني ماكان في صبره ترى تكتب بيوت الموت أرحم من حياتي أعاني ولاظن فيه أرحم عليه من الموت ياسعد قلبي كان موتي لفاني ويازينها لاصار جسمي بتابوت يارب حقق لي أنا هالأماني أرجيك يامنجي نبيك من الحوت ومادام مسموحه علينا الأماني عندي أمنيه وحده أنا ودي أموت (*( زيف المشاعر حقايق )*) ودي أنا أفرح مثل كل المخاليق ودي أحس بفرحتي لو دقايق مليت أنا من عيشة الهم والضيق وزود على الضيقه بقلبي حرايق ومليت أنا أشكي علتي بالطواريق ومليت أدور فزعة بالرفايق ناديت لين إنه نشف فيني الريق ولحد سألني ليه وشفيك ضايق يلعن أبو دنيا تذل المخاليق ويلعن أبو وقت يذل الخلايق دنيا بها كذب وزيف وتلفيق دنيا بها زيف المشاعر حقايق صبري نفذ وماعاد أنا لصبر أطيق عجزت أنا أفرح مثل كل الخلايق (*( قلي بربك )*) قلي بربك يابعد عمر مغليك وشلون خنت اللي محرم يخونك وشلون هانت رجوتي يوم أنا أرجيك وشلون هانت دمعتي في عيونك وشلون بعت اللي بهالناس شاريك قلي علامك بعت ناس يبونك قلي بربك دامني صدق هاويك وشلون بحيا باقي العمر دونك قلي بربك حالي اليوم يرضيك طايح جريح من سبايب طعونك طايح جريح أنتخيبك وأناديك ودي تقول أبشر حبيبي ياعونك وأثرك تقول أبعد أنا اليوم ماأبيك وتروح تتركني بلحظة جنونك وقف قبل لاتروح ربي يخليك دامك رفضت أحيا حياتي بدونك أرجوك قبري تحفره اليوم بيديك يحرم علي االعيش يازين دونك (*( ياحزن خاف الله )*) ياحزن قلي لى متى مبتليني وياحزن خلني لو ثواني أبرتاح خليت دمعي دوم في وسط عيني ماشافت عيوني بشير للأفراح وياحزن خاف الله ياحزن فيني عجزت أقاوم ياحزن طعن الأرماح تكفى طلبتك ياحزن حس فيني هديتني من كثر همك والجراح وياحزن يكفي تسعه من سنيني أكذب وأقول الحزن له يوم ينزاح وياحزن تكفى خلني لاتجيني خاني أبلحق وقت خلاني وراح وياحزن تكفى ردني لم ضنيني هو الوحيد اللي بجنبه أبرتاح (*( ياليتني محروم من نعمة الشوف )*) ياليتني ميت ولا عيني تشوف خلي يزفونه على شخص ثاني طعنت غدر جتني كما طعنت سيوف يوم الحبيب أختار غيري ونساني من صدمتي كني مقيد ومكتوف وأنا أشوف الغير يأخذ مكاني وصارت على شفاتي سؤالات وحروف ليه الخيانه ليه قتل الأماني كنت أحسبه خلي وفي حالي يروف وأثره حكم باإعدام حبي وحناني كنت أحسبه ماله بهالعالم وصوف كنت أحسبه وافي ولاهو أناني وأثري أنخدعت وراحت سنيني حسوف وضاعت حياتي وإنتهت في ثواني صار الحزن والهم والجرح والخوف صارو رفاقي يوم خلي رماني وماتنفع الحسره ولاصفق الكفوف ياموت ريحني تراني أعاني وياليتني محروم من نعمة الشوف ولا أشوف الغير يأخذ مكاني (*( ماأصدق أنت ياخلي تخون )*) ياحيبي ليه ياعمري تخون ليه تغدر بي وأنا وافي معاك دامك أنت اللي على عمري تمون ولوتبي عمري ترى عمري فداك ودامك أغلى عندي من ضي العيون ودامك أغلى عندي من هذا وذاك كيف تهديني من كفوفك طعون كيف ترميني على درب الهلاك كيف حب سنين في عينك يهون كيف تنسى قلب ماعمره نساك كنت أظنك يابعد عمري حنون وكنت أظنك صادق لي في غلاك وكنت أظنك يابعد عمري تصون قلبي اللي فز من صدري وجاك ياخساره غرتك ذيك الظنون وغرك العاذل وعن حبي عماك ماأصدق أنت ياعمري تخون ياخساره بعت في قلب شراك (*( ماهمني )*) بقولك هرجي وأبي تفهمه زين وكد قلتها وبعيدها ياظنيني ماأرجي أنا في دنيتي غير شيئين إرضاء والديني وشوفك بعيني ماهمني لو كاهلي يثقله دين وماهمني لو البشر ماتبيني وماهمني لو فارق القلب غالين وماهمني لو حاربتني سنيني وماهمني لو طحت من حظي الشين ولامن الدنيا تزايد ونيني وماهمني صدمات ناس قريبين أمنتهم بس للأسف خاينيني وماهمني هرجن تقوله مساكين حطو علي هروج ماهيب فيني وماهمني عدواني اللي مقيمين حولي وكلن شال سيفه بيني صدقني أنا أسعد إنسان يازين مادمت أشوفك ومرضي والديني (*( أدور عقالي وهو فوق راسي )*) ياصاحبي ياللي على روحي تمون ياأعز خلاني ياأعز ناسي إن كنت ماتدري عن الحال وشلونك وشلي حصل في غيبتك من قاسي خليتني بين البشر تقل مجنون أدور عقالي وهو فوق راسي تايه ولحد جاء يمد لي عون ميت ظما والموت مكسور كاسي أنا بدونك مظلمن فيني الكون وكل الديار صارت بعيني يباسي ماهمني عن حبي الناس يدرون بوضح النقاء أمشي وممشاي راسي ياللي ملكت القلب بالهون بالهون لاتصير علي ياخلي اليوم قاسي أعزف على جرحي علشانك لحون أبيك تذكرني إذا كنت ناسي جيتك تعون وصرت يازين فرعون قتلت فيني كل حلم وحماسي ماأبيك تستغرب إذا جوك يعزون ماأرضى أعيش بذل ومطير ساسي وأموت ولادمعي تهله العيون الموت أهون من شماتات خاسي صحيح أحبك وأعشقك وأحلم تكون في دنيتي شي مهم وأساسي بس الكرامه لا وربي ولاتهون ومن مسها آطى عليه بمداسي ويكفيني مخليني بلا عقل مجنون أدور عقالي وهو فوق راسي (*( تكفى ياموت زرني )*) خلي هجرني لاتكفى ياموت زرني وإن ماقدرت دلني مكانك وأنا أجيك مابي حياتي دام خلي هجرني مابي حياتي دامه يقول مابيك يدري بظلم الناس يدري وظلمني وأكد كلام اللي يقولون ناسيك لكن قبل لاتأخذ الروح مني بسأل حبيبي كم سؤال وأخاويك وشلون قلبك ياحبيبي تركني وتدري بخفوقي كم له سنين هاويك وماتدري بعادك وصدك ذبحني وماتدري عن دمع نثرته وأنا أرجيك أسأل جميع الناس وش صار عني أسأل وش اللي صار في حال مغليك لو عاش عاقل عيشتي كان جني حالي لو تشوفه بعينك يبكيك لو علموك شكثر همي وحزني من يوم حبي إنتهى وصار ماضيك لو علموك عن قلبي اللي يوني مطعون يصرخ يشتكيلك يناديك صار الحزن هو لعبتي صار فني أبكي ندم والله الى حل طاريك ضيقت صدر ويالهموم اسكنتني أحكي أكمل ولاماقلت يكفيك اللي سمعته بسبتك أنت جتني عطيتني كرهك وأنا الحب معطيك ضاعت سنيني وأنا بالحب أبني قصور وأنهدت سبب فعل أياديك جاك الوفاء والحب والعشق مني حتى الوله والشوق والصدق مهديك قلبي وفالك وأنت قلبك خدعني خدعت قلب كان بالحب شاريك بكذب وخيانه وغدر قلبك حضني في وقت قلبي فيه يسهر يداريك ماكنت أظن قصدك بحبك تذلني ذليتني من بعد مامت أنا فيك هذي حقيقه بعض مامنك جتني وبعض الذي أسقيتني سم باأيديك ماكنت ساكت خايف بس لني ميت بحبك ماأقدر أزعلك وأشقيك حرمت أقولك من محبتك عطني مادام غيري في محبته مرضيك ببعد بعيد وأوعدك ماأحني أبشر أببعد ومع حبيبك بخليك وأبي مماتي يأخذ الروح مني تاركلك الدنيا بها الله يهنيك وإذا سأل في يوم أنا إنسان عني قله توفي والسبب طعن بيديك  |
|
#2
13-10-2007, 02:45 AM
| ||||
| ||||
| ؛؛((يسعدك حزني ياحبيبي))؛؛ من يوم حبيتك وانا عايش بهم وكل يوم والثاني تزوّد بهمي اشوف منك الحزن واذوق هالسم صبيت بيدك سم في وسط فمي عندك سعاده شوفتي عايش بغم ويقهرك لو فرحي لفى بيوم لمي ولو شفت جرحٍ داخل القلب يلتم سددت طعناتك وسيحت دمي عايش انا بظلمك كما بلليل مظلم وصرت تتفنن ياحبيبي بظلمي الحزن با اسبابك ترى بدنيتي عم والموت صار اقرب من اطراف كمي حبي معاك اليوم قصره تهدم واصبحت انا طايح ومكسور عظمي ودامك ياعمري تفرح اني اتالم ويسعدك حزني ياحبيبي وهمي لالايهمك لاولا يوم تهتم ماظنتي عطر السعاده بشّمي ابشر حبيبي افرد حجاجك ونم نادتني جروحي وانا قلت سمي هذي حقيقه كان ماكنت تعلم سعادتك أغلى امنياتي وحلميى التعديل الأخير تم بواسطة *مزون شمر* ; 06-11-2007 الساعة 03:48 PM |
|
#3
13-10-2007, 02:48 AM
| ||||
| ||||
| ((قالولي اطلع ياسعد غير الجو)) قالولي أطلع ياسعد غير الجو الى متى قافل على نفسك الباب قلت اتركوني ياعرب لاتلزو الجرح ينزف ياعرب مابعد طاب اللي خذو عمري وعني تخلو اللي طعنوني يوم صارولي اقراب اللي بخفوقي للاسف كد تسلو خلوني انظر للبشر كلها اغراب قالولي انسى ياسعد دام ولو ومن جابهم غيرهم ملايين لك جاب وكثار منهم ياسعد من تمنو انهم يلاقو منك لو نظرة اعجاب جرب وصدقني سعد انت بس لو اشرت بيدك ياسعد تطلب احباب لتشوف حولك من حبايبك صفو ناسٍ بحبك ياسعد قلبها ذاب ناسٍ رغم صدك ولا يوم ملو وكانو يقولون العذر مع من غاب بالصدق والاخلاص والله تحلو وفي قلوبهم حبك ترى ماله حساب وفيهم جمالٍ ماحدٍ شاف له أو احدٍ سمع ان فيه مثله بالاعراب ومعهم بتنسى ياسعد من تبرو اللي بحبك ياسعد كان كذاب يعني انا افهم من سبب ماهرجتو هو قصدكم اطلع ادور لي احباب كنكم بهذا القول والله قلتو دور سعد للحب في داخل الغاب وكنكم تقولو شب في صدرك الضو واجدع خفوقك ياسعد بيد الاغراب خذو الوكاد انسو انا احب انسو وقلبي حلف لي حلف انه بعد تاب واخر كلامي ياعرب لو سمحتو لاتسألوني لي متى قفلت الباب التعديل الأخير تم بواسطة *مزون شمر* ; 06-11-2007 الساعة 03:51 PM |
|
#4
13-10-2007, 02:50 AM
| ||||
| ||||
| ((انا فعلاً غبي)) اعترف وابصم على العشره بعد اني انا ما افهم ابد للحين انا عندي امل ان البشر صادق حنون وان المشاعر ماتهون فيه معاني ساميه محفوضه في وسط العيون فعلا انا فعلا غبي فعلا انا فعلا غبي مخدوع في زيف وظنون مسكين انا شفت الغدر من يوم امنت البشر عشت بحزن عشت بقهر كله من اسباب البشر وغدر البشر يمكن تكون حكمٍ من احكام القدر ويمكن تكون سبة غبائي والظنون في كل مره انصدم اقسم قسم ما اامن انسان واقول ان الغدر طبع البشر وسرعان ما انسى القسم وارجع اامن هالبشر واشغل عيوني بالسهر واعطي محبه صادقه واصير شمسٍ شارقه تشع لهم صدق وحنان نور وامان والقى جزاء هذا الحنان وصدق المشاعر والامان غدر البشر وارجع اقول وابصم على العشره بعد اني انا ما افهم ابد للحين انا عندي امل ان البشر صادق حنون وان المشاعر ماتهون فيها معاني صادقه محفوضه في وسط العيون فعلا انا فعلا غبي فعلا انا فعلا غبي |
|
#5
13-10-2007, 02:53 AM
| ||||
| ||||
| ((وربي لنتحر)) ياوليف الروح تكفى لا تروح لو تخليني وربي لنتحر لاتخليني حبيبي للجروح لاتخلي جفن عيني للسهر لاتهد عزوم قلبي والطموح لاتخليني لهمي والكدر قمت اشوف الموت قدامي يلوح وفي يمينه شفت لي حفرة قبر ياحبيبي طالبك شفني انوح ارتجيك بدمع عيني تنتظر لو رحلت لمين بشكي له وابوح لجتمع همٍ وضيقه بالصدر الحزن في دنيتي بادي يفوح خلى دمعي فوق خدي ينهمر خابرك ياصاحبي وجهٍ سموح ماتخليني وانا حالي خطر شوف عينك واضحٍ حالي وضوح لاتخليني اطق من القهر يعني تهمك حياتي؟؟لاتروح ولو حياتي ماتهمك بنتحر التعديل الأخير تم بواسطة *مزون شمر* ; 06-11-2007 الساعة 03:53 PM |
|
#6
13-10-2007, 02:57 AM
| ||||
| ||||
| ((خلي غدر بي)) ياعين لاتبكين ماعاد به فود يكفي ثلاث سنين تبكين فرقاه خلك غدربي والغدر منه مقصود جتني طعون الغدر من كف يمناه ودامه جزاء حبي بنكران وجحود مني الجحود وكل نكران يلقاه من لانشد عني فلا عنه منشود واللي جفى ياعين مجبور انا اجفاه ودام الليالي بناظرك سبته سود خلك عزيزه ولاتجيبين طرياه وان كان ظنك دامها سهود ومهود انه بيرجع ويروي الظامي بماه والله مايرجع حبيبك ولايعود كفي دموعك واتركي القلب ينساه خلك غدى دربه ترى اليوم مسدود سدوه ياعيني ربوعه وبرضاه وصارت حواجز بيننا وبيننا قيود ولو ينوي الرجعه لقى ناس تنهاه ويكفي ثلاث سنين مدري بعد زود تبكين ياعيني من اسباب فرقاه التعديل الأخير تم بواسطة *مزون شمر* ; 06-11-2007 الساعة 03:55 PM |
|
#7
13-10-2007, 02:59 AM
| ||||
| ||||
| انا مت!! ياصاحبي عندي رجاء لو تكرمت نفّذ رجاء اللي يالغضي منك مظلوم لو جت لك علومي وقالوا انا مت ارجوك لاتبكي ولانفسك تلوم لني سبب فرقاك ياما تألمت وياما امتلى صدري من احزان وهموم وحالي تردى وصرت انا اطيح لو قمت واخذ على فراشي لي ايام ما اقوم وفي غيبتك لانمت انا فيك حلمت وافز غصبٍ وانحرم لذة النوم ولاجيت اقاوم موج حزني وعزمت غرقت في موج الحزن ما اقدر اعوم ورغم المآسي والقهر لازم الصمت اخاف لايشمت بنا ناسٍ رخوم يعني امانه وانتبه لو تكلمت عني تقول ارجوك((خلي سعد دوم)). وكانك علينا بعد موتي تندمت اسأل يدلونك على قبري القوم دامك علي شوفك وانا حي حرّمت لايصير قبري من زيارتك محروم ومع السلامه ولو يجي علمي ومت ارجوك ولاتبكي ابي تقول مرحوم التعديل الأخير تم بواسطة *مزون شمر* ; 06-11-2007 الساعة 03:57 PM |
|
#8
13-10-2007, 03:02 AM
| ||||
| ||||
| ((داوه قبل لايموت)) ياللي تداوي كل هالناس بيديك داو اللذي من سبتك صار مرضان داو اللذي يازين بالحيل يغليك داوه من احزانٍ بها اليوم غرقان داو اللذي من بين هالناس شاريك ميت بحبك يعشقك حد الجنان داو اللذي ضيّع حياته يداريك صاين ثمان سنين والله ماخان داو اللذي في كل شارع يباريك خايف عليك من شر هالناس يافلان داو اللذي دايم يتمتم بطاريك من كثر شوقه دايم تهل الاعيان داو اللذي يازين بالروح يفديك لاتقابل بنكران يازين الاحسان داوه انا برجوك ربي يخليك رافض ترى غيرك يداويه انسان داوه قبل لايموت ادواه بيديك من قبل جسمه لاتغطيه الاكفان التعديل الأخير تم بواسطة *مزون شمر* ; 06-11-2007 الساعة 03:59 PM |
|
#9
13-10-2007, 03:05 AM
| ||||
| ||||
| ((وهلت دمعتي والناس يهنو بعضهم بالعيد)) اشوف الناس فرحانه يهنو بعضهم بالعيد وانا دمعي على خدي وقلبي تنزف احزانه يهل الدمع من عيني ولا ليت الدمع بيفيد يرجع لي حبيبٍ راح حرق قلبي بهجرانه يهل الدمع من عيني ولونه سقى هالبيد كساها بلونها الاخضر وفاضت منه غدرانه انا اشهد مابهم رحمه جميع اللي صباح العيد مامنهم من مسح دمعٍ عيوني فيه غرقانه الا ليت الحبيب يحس يجيني صاحبي ويعيد زمان الحب والاشواق وقلبٍ يعزف الحانه انا اشهد من رحل عني وانا حزني غدالي قيد يقيدني عن الفرحه واذوق الهم بالوانه وهلت دمعتي والناس يهنو بعضهم بالعيد وجميع الناس فرحانه وقلبي ينزف احزانه التعديل الأخير تم بواسطة *مزون شمر* ; 06-11-2007 الساعة 04:01 PM |
|
#10
13-10-2007, 03:13 AM
| ||||
| ||||
| ((انتهى حبي وانا معه انتهيت)) إنتهى حبي وانا معه انتهيت دام خلي باع في قلبي وخان يشهد الله اني في حبه وفيت صاينٍ ٍ حبه لي سنينٍ ٍ ثمان وتشهد ابيات القصايد بيت بيت وتشهد الدنيا ويشهد لي الزمان يشهدون اني لغيره ماهويت واضحٍ ٍ اخلاص قلبي للعيان ويشهد الله كل شئٍ ٍ له عطيت حبي الصادق وشوقي والحنان وسبة اني واثقٍ ٍ فيه انعميت عن خياناته ومعطيه الامان من سبايب طيبتي وحبي انكويت ومابقى للفرح في قلبي مكان وانهدم صرحٍ ٍ من اشواقي بنيت وصرت اشوف الحب قدامي يهان وغصب عني كل ما اذكر بكيت يوم خلي باع في قلبي وخان التعديل الأخير تم بواسطة *مزون شمر* ; 06-11-2007 الساعة 04:02 PM |
 |
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر خلف المشعان | سفير الاحزان | ديوان الشعراء | 13 | 02-09-2008 05:52 PM |
| ديوان ناصر الفراعنة شاعر العرب شاعر مضر شاعر الثقلين و فرعون الشعر | الغياب المر | ناصر الفراعنة | 0 | 29-04-2008 12:24 PM |
| ديوان الشاعر الأصيل | *مزون شمر* | ديوان الشعراء | 7 | 26-01-2008 11:05 AM |
| ديوان الشاعر أحمد مطر | zidane1986 | ديوان الشعراء | 42 | 24-12-2007 02:19 AM |
| ديوان الشاعر شقران | *مزون شمر* | ديوان الشعراء | 36 | 04-11-2007 08:39 AM |
