| | |
| |||||||
| القصص والروايات قصص, قصص قصيرة, رواية, روايات |
 |
| | أدوات الموضوع | إبحث في الموضوع |
|
#1 
26-05-2005, 03:48 AM
| |||
| |||
| قصة حبي (أعتبرو ياشباب)......
(((الحلقة الأولي )))) بدأت قصة حبي مع فتاة لا أعرفها ولا تعرفني ... جائني أتصال في تمام الساعة الثامنة والنصف تماماً وكنت في أحد أستراحات الرياض على طريق الشرقية وأصوات الشباب تضج بالمكان .. فلم أرد على الرقم الغريب الذي جائني ... لأني كنت متوقع انه واحد مايعرفني ومن طبعي اني ما ارد على الجوال وعلى الأرقام الغريبة اللي ما اعرفها المهم دق الجوال مرة ثانية قلت أووووووووووف وش يبي ذا ودخلت المطبخ انا وصديقي صالح قالت نعم ... صوت هواء مافيه احد يتكلم ...قلت الووووو فرد وقال : الووووووووووو قلت أنا نعم وانا معصب قالت : جوال وليد قلت لا مو جواله ولاعاد تدقي على الرقم هذا شوي الا ودق مرة ثانية ... قلت نعم خيييييييييييييييير أن شاء الله ... قلتلك مو جواله ... قالت لحظة لاتسكر ... قلت خير .. قالت أذا وليد عندك خله يكلم سارة ... قلت أنا لايكون قايليك أن صاحب الجوال فرقة أنقاذ ولا مصلح أجتماعي ,,,, وانا مدري .. قامت تضحك وسكرت ... شوي الا ورسالة توطوط على جوالي .. فتحت الرسالة الا هي كاتبة : الله يخليك اذا قابلت وليد خله يدق على سارة ضروري الله يعافيك تكفي ... وارسلها رسالة : قلت فيها أنني احذرك يابنت الناس للمرة الأخيرة ,,, وبعدها كتبت لي رسالة وقالت أنا آسفة الظاهر أني غلطانة .. تركتها بعد نصف ساعة دقت على رحمتها .. ورديت قلت هلا يوم بغت تطير من الفرحة .... قالت وليد .. قلت الله يلعن ذا الوليد اللي أشغلتيني به خليني العب ورقة زي الناس ،،، قالت معليش الظاهر اني غلطانه ... قلت أنا اية غلطانة ولا عاد تدقين على ذا الرقم لا أكسرة الجوال فوق راسك ... قالت : ههههههههههههههههههه حلوة منك .. قلت يابنت يابنت أنتي فاضية الظاهر قالت لا مشغولة معك .. قلت أنا دمك خفيف هي هي هي (سخرية) قالت مرة زيك ... سكرت في وجهها وقفلت الجوال وشغلت بعد ساعة ... وحصلت رسالة تقول فيها ... حبيبي أنا آسفة أني أزعجتك وزعلتك ... لكن ماكان قصدي ... ومالقيت الا ها الطريقة اللي أقدر أسمع صوتك فيها ,,, N بعدها وسوست جلست أتذكر من وين ذا البنت داقة ... ومن هي وكيف عرفت رقمي ... ووش تبي مني .. ؟؟ أسئلة كثيرة كانت تجول في خاطري ... جلست أفكر أفكر ,,, أتذكر المشكلة اني حالي حال نفسي ... ماعمري رقمت ... ولا عمري تعرضت لأحد أبد بس اللي ذابحني وباط كبدي .. أني أسمع سيرتي وسط المجالس ولا ني عارف وش السبب ولا وش الهدف ,, وكذا مرة قلت لهلي لا تتكلمون فيني قدام أحد ,,, ماكان فيه في ذا البلد الا ذا الولد .. ودقيت على جوالها .. الساعة 2.00 آخر الليل ... (واحد قديم مايكلم الا آخر الليل ههههههه) وحصلت جوالها مقفل .. وراحت الايام وجت الأيام وهي تراسلني ولكنها ماتكلمني ... وفيه من كلامها لهجه خليجية شوي مو مرة ,, اللين مر شهر تقريباً بعد أنقطاع واتصلت علي كيفك وش أخبارك ,,, آخذت واعطيت معها الا حد ما بعدها تعلقت البنت فيني ... طلعت البنت محرومة من شئ كبيييير وهي في عمر الزهور ,,, طلعت البنت محرومة من حنان الأب والأم .. الأب متوفي والأم متزوجة خارج المملكة والبنت مع عمها ولي أمرها والمسئول عنها بعد وفاة والدها ,,, ومن هنا بدأت الحكاية ،،، نكمل ماتبقي من القصة في الحلقة القادمة ،،،  |
|
#2
26-05-2005, 03:50 AM
| |||
| |||
|
بديت أحن على البنت وصارت تشكيلي من همومها المسكينة البنت طلعت تعاني من كبت نفسي وانا مدري ... المهم يوم وراء يوم وينتقطع بها الاتصال لمدة شهر ويعد شهر حصل وكلمتني قالت أنها كانت عند أمها في الكويت ورجعت اليوم وبعد فترة من الزمن جاء الشهر الفضيل ... شهر رمضان المبارك . قلت لها أنا ماراح أكلمك الا بعد رمضان هذا شهر عبادة نسأل الله أن يتقبلنا عنده ويعتق وجهونا من النار .. صارت تبكي وسكرت ،،، حزنت شوي وبعدين نسيت ,,, بعد رمضان أرسلت لها رسالة كل عام وانت بخير المهم شوي الا وتكلم ماهي مصدقة وتشاهق ماني مصدقة ... واسولف معها شوي وأضحك وانتهت المكالمة عادي ويوم وراء يوم أهتمامي فيها يزيد وكل يوم تكلمني تشكي من عمها فهد ومن بنات عمها وانها وحيدة بين ها البنات ومالها الا جدتها وزجت عمها سعود اللي هي ساكنه معه في الدور الأرضي والدور العلوي السلق على حد تعبيرها وعمها الشرير اللي يضربها .. وكل ما سوت غلط ضربها على وجهها والبنت تجلس تضحك تقول عادي تعودت على عمي وأسلوبه معي .. المهم أتضح لي أن البنت عايشه في جحيم ... وكل مرة تكلمني تبكي عمي ضربني .. بنات عمي سوو فيني مقلب بنات عمي مايحبوني ... قلت لها ليش كذا ؟؟؟؟ هم بنات عمك قالت تربية أمهم ،،، لأن أمهم تكرة أمي وبكذا يبون يضيعوني ... ؟؟ وطلعلها ورث بعد وفاة أبوها مقدارة (2.000.000)ريال كان أبوها يعمل في شركة أرمكو( الله يرحمه ) وخذ الفلوس كلها عمها تدرون ليش ... لأن نوف هي الوريثة الوحيدة لأبوها ؟؟؟ ومالها الا أخوي واحد توفي في حادث سيارة قبل سنة وثلاث شهور .. وفجأة مع سوالفها قالت : لحظة لحظة نعم نعم ... طوط طوط طوط تعبت نكمل بكرة باقي القصة الحزينة |
|
#3
26-05-2005, 04:49 PM
| |||
| |||
| ويين باجي القصه تراني اتريااا الباجي لاطول علينا حطه بسرعه |
|
#4
29-05-2005, 03:58 AM
| |||
| |||
|
عذروب رايك واحترمه
|
|
#5
29-05-2005, 04:02 AM
| |||
| |||
|
القصة حصلت معي أنا شخصياً ومازلت أجمع شتاتي بعدها ... ومازلت أرد الأعتبار معها ... (( الحلقه الثالثة )) أنقطع الأتصال بيني وبينها .. لمدة شهر تقريباً لا أعرف عنها شئ حاولت الأتصال بها بشتي الطرق ولكن للأسف لم تجدي محاولاتي ... تعلقت بها أكثر وأكثر كانت فترة أنقطاعها عني مثل جبل أحد وبعدها أحزنني كثيراً أتصلت علي بعد أنقطاع دام شهر ... أتصلت على في يوم جمعة وكان الخبر الصااااااااااااااااااااااااااااااااااااااااعقة نوف : الووووووووووو محمد: هلا والله نوف : هلا حمووودي محمد: هلا نوف وش أخبارك عساك طيبه وش فيك قالت مافيني شئ ... بس كانت عندي أختبارات وتخبر جوالي طاح في الموية (كانت تخفي مابداخلها لكي لا أقلق عليها) ... أكيد يانوف مافيك شي قالت : أكيد ياقلبي والله مافيني شئ المهم أنت وش أخبارك قلت : والله الحمد الله انا بخير لكن ماعلمتني ليش سكرتي مني ذاك اليوم . قالت والله أبد دخلت علي زوجت عمي وجلس عندي ونسيت أرجع أدق عليك وأنشغلت بعدها في دراستي ... أية هين ؟؟؟ المهم ماحبيت أني آخذ واعطي معها كثير ... تركتها في نفس اليوم .. جاء الآن موعد تأنيب الضمير ... جلست مع نفسي جلسة خاصة ودار بيني وبين نفسي هذا الحوار : محمد : ياالله وين الله رمي علي ذا البنت . نفسي : والله يابن الحلال حظك العاثر يامحمد. محمد: طيب ليه أنا بالذات وليش . نفسي : يامحمد أنت طيب زيادة على اللزوم لا تاخذك عواطفك ومشاعرك وراء البنت . محمد: بس البنت طيبه يانفسي . نفسي : أقول والله أنه الطيب يامحمد لا تمشي ممشاك مع بنت خالك شف نفسك ووين وصل بك الحال بعد رفعهتهم وعزيتهم باعاوك بحفنت تراب وهم خوالك . محمد : أييييييييه الأجر على الله يانفسي ... أنا مالي حظ بها الدنيا . نفسي : طيب وش بتسوي اللحين . محمد : يانفسي مابيدي حل غير أني أستمر وياها اللي كلٍ منا يروح في طريق . نفسي : يامحمد أنت بتضيع نفسك كذا أترك البنت تروح في حال سبيلها . محمد: أحاول . نفسي : لا لازم يامحمد وبأسرع وقت . محمد : بس البنت طيوبة وحنونة حراااام أجرح مشاعر البنت . نفسي : يامحمد أنت منت ربها ... الله اللي خلقها والله اللي بيتولاها برحمته . محمد : بضوا بحاول يانفسي . نفسي : بكيفك أنا نصحتك وانت بكيفك . محمد : أقول أقلبي وجهك خليني أنوم بس بكرة وراي دوام . وبهذه الحوار ,,,, مع نفسي قررت ماهو آت : نكمل ماتبقي من القصة والخبر الصاعقة غداً أنا شاء الله . ملحوظة : القصة حصلت معاي أكتب لكم ماحصل بالتفصيل ولن أترك شئ من تفاصيل قصتي . تحياتي لكم |
|
#6
29-05-2005, 10:07 AM
| |||
| |||
|
قصه حلوه مشكور بس الريال على اول شي شكله مطوع
|
|
#7
06-07-2005, 01:45 PM
| ||||
| ||||
|
التكمله .... منتظرتها
|
|
#8
07-09-2008, 12:16 AM
| ||||
| ||||
|
لا ضيع البنت معاك ولاتضيع معها وقصه حلوه منك ولاطول القصه مره أبداع رائع
|
|
#9
07-09-2008, 04:12 AM
| ||||
| ||||
| انتظر البقيه بشوووووووق وربي حزنتوني |
|
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مهم جدأ جدأ جدأ تكفون ياشباب | رااائد | المنتدى العام | 0 | 05-03-2008 08:27 AM |
| هاي ياشباب المنتدى والبنات | BIGFOX | الترحيب و اصدقاء عبير | 7 | 16-04-2007 12:19 AM |
| مساعده ياشباب | هاوي نغم | صور سيارات | 3 | 28-08-2006 05:05 PM |
| مشروووب الطاقه ياشباب | نور القمر | المنتدى العام | 3 | 11-06-2005 03:38 AM |
