هلا وغلا فيكم ، اليوم عندي قصه حلوه مضحكه ومسليه ،،
ابوبرغش وسعدالبريك


يوم نجحنا من الثنوي جينا طايرين على الرياض وميزتنا يالحواطى مانخلي كلية مانسجل فيها المهم كنا 6 كلهم جيد الا محاسيكم جيد جدا المهم يوم وصلنا كلية المعلمين كان من ضمن لجنة القبول الشيخ سعد البريك وكان وقتها مانعرف المطاوعه والمطوع الوحيد الي نعرفه ابو ام برغش الي قلب المسجد مطعم هذا هو مطوعنا في الحوطه المهم كان مايطلع للشيخ سعد لحيه في وقتها وكان صاك بنت البكار . كنا برى انا الوحيد الي اضحك ومبسوط لا وادور في الكليه علشان اتعرف عليها ومن زيني اسئل عن احسن الاقسام وين المطعم وين مواقف السيارات وين بننزل فيه وخوياي هاجدين ويقولون حضك مجموعك زين ضامنها يحقلك تمشى في كليتك المهم قامو يسمونها كليتك


و كنت انا اول واحد قابلوا معه وكان الي يقابل معي الشيخ سعد ومادريت انه مطوع بصراحه سحبني وسألني سؤاليين قال لي ياعزيزي الناس اشوفهم كلهم يشجعون ويستمتعون بالفنان محمد عبده يااخي ترا طلال مداح فنان كبير ليش حاقرينه تراه احسن من محمد عبده والسؤال الثاني بصراحه انا الاحظ ان الرجل يكون شكله مقبول اكثر اذا حلق اللحيه وش رايك و خويكم المسيكين الحوطي المنفلت محاسيكم مايعرف شي عن الغنى لكن قلت اخاف اقول مااعرف شي واقعد بها واصير مضحاكة لهالحواطى و قلت له بلعكس طلال مداح فنان كبير وهو اكثر واحد من المطربين يعجبني لا ومعي كل اشرطته وبالنسبه لحلقي للحيه صراحه شكلي يكون مقبول وانا صراحه مااحب اخلي اللحيه(ترا الغزل مانبت في لحية الشيخ الا تالي وهذا الي شجعني)المهم الرجال برد وجهي وقال لي الله يهديك خاف الله الا تعلم ان الاغاني حرام الا تعلم ان المغنيين يعلقون بالسنتهم يوم القيامه الا تعلم انك تقضي وقتك مع الشيطان فهو اللذي يجعلك تسمع هذه الاغاني وتعجب بها.وبالنسبة للحيه قال لي الاتعلم ان حلق اللحيه بل مسها حرام كل هذا وانا عرقان قدامه وماادري وش اقول بعد كذا وقلت الحقيقه اني مااحب الاغاني ولااسمعها وبالنسبة للحيه انا فيني حساسيه والدكتور يقول احلقها والا ترا بيقب وجهك نفر . قال لى يعني تكذب علي اول وشلون بتطلع مدرس .وانا اللي ادق الطمه والريوس مع بعض واطلع من المكتب وهو يناديني رح يختبرونك جماعة العلوم . وانا الي التفت له وقلت بعد فيها علوم كفاني ماجاني .. ههههههههه عسى تكون عجبتكم ..

مشكوووووور يا أخي على القصة
وفقك الله

توقيع : النسيان

[glow="0099cc"]ابو برغش هذا من وين لني اعرف كثير من البرغش
رررركزي على كلمتين حلوات يشجعون ويستمتعون
مشكوررررررررررررررررررررررررره
على القصة[/glow]

العفو ،،، مشكور على المرور والرد ،،
وش قصدك انت ابو الافكار الغريبه ؟ يشجعون ويستمتعون وشلون يعني مافهمت ؟

العفو يا النسيان ،
مشكور على المرور والرد الحسن ،
وبعدين انا أنثى مو ذكر قد شفت واحد اسمه الورده الحمراء ؟ هههه

يسلمووووووووو على القصه الرووووعه ..

الله يعطيك العافيه ..

توقيع : المميزه22

بنت السعوديه حلاها غير حتى دلعها والتغلي ذوق


من حسنها كل البنات تغير مثل القمر دايم مكانه فوق

توقيع : وجة جميل

و ياك يا المميزه
شكراً على الرد الجميل
دُمتي بخير وهناء

وياك يا الغاليه
تسلمي على الرد الجميل
تقديري لك

بالهي اكيد تمزحين صح مين الي مايعرف وش قصدي