العبايات للحشمة او لجذب الشباب

بسم الله الرحمن الرحيم


شوفو واحد من الشباب وش يقول عن العبايات الحين.....
م
ن
ق
و
ل

عندي موضوع والله انه يا جماعه فاقع مرارتي ,, مضيق صدري وفي نفس اللحظه لاحس مخي !!


أباطرحه قدام حضراتكم ,, وأنتم براحتكم, , إن بغيتوا اطرحوه أرضاَ أو ثبتوه جواَ أو دحدروا به على المدرج والعالميه (( رجعت الدعايه انتبه له يا مشرف ))



موضوعنا في هذه الظهريه هو : العبايات ,,, عباية المرأة ,, واه يا أخواني من سالفة المرأة وعبايتها لأن موضوعها ذو شجووون والمثل يقول: الشجووون ملعوووون



تكفون لا ينط لي واحد منكم ويقول: وش عليك منهم؟ وش دخل أم اللي جاب مندوبك ؟

لأني وقتها راح أقول له : دخلني الباب وألحس كفر الدباب


ولا يجيني واحد ثاني مطفي النور وداعس ثم يخش فجأة في عيني وهو يشربك ويقول: موضوع مكرر ,,

لأني وقتها راح أظطر أسدد له طراقين . الأول صدقي والثاني مكرر


من جد يا جماعة الخير ,, هل اللي حاصل حالياَ في الأسواق والعروس والشوارع .. اسمه عبايات ؟ ويسمى ستر وحشيمه ؟


سؤال أطرحه لكم ياحضرات القضاه والساده المستشارين وأبي منكم إجابه ..



أنا ك شاب أعزب أشعث أغبر ما قد شفت الا شغالتنا السرلانكيه .. فجأة تشطفني في الشارع بنت عليها عباية أضوق من ثوبي !!!!! وش موقفي ؟ أكيد بأعض الأرض وأتمتم قائلا : ألعن أبو الصيده يا شيخ


أنا ك شاب أفكر كثيرا في الجنس الاخر ولا قد شفته .. أجي السوق وألقى ثلاث بنات مروا من جنبي عليهم اسم طرحه والأكمام كأنها كراسيدا باكستاني أنواع الزخارف ,, وش ترجون مني ؟ أكيد ابليس بيدق علي بيجر ويقول: دز وراهم يا مال السيل


أنا ك مواطن متحمس و لي حق العيش في هذا الوجود المنتعش ,, أروح المستشفى أبي أعالج راسي من الصداع ,,

ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟

أكيد راح يزيد صداعي وبأرجع من المستشفى مصدع ألعن من قبل والبركه في عباية بنت الأجواد


لا والمشكله ,, تلقى البنت شينه وشيفه وكأن وجهها قوطي داعسه وايت بس بالعبايه قسم بالله ماتقوم معها حلا شيحه


شغالتنا مثلا .. اسمها ( راني ) .. وجهها كأنه مفك بيبسي .. وفي الليل أتجنب رؤيتها لأنها تذكرني بسوالف الجن"شيطان: الله يقاصرنا ويقاصرهم بالاحسان .. مرة لبست نقاب حق جدتي العجوز ,, ماعرفتها ..

قمت ألاحقها في الحوش وأقول: يا لبى قلبك يا المبرقع انت

يوم استانست وشالت البرقع وناظرتني بإبتسامتها الخاليه من الأسنان ..ضاعت علومي و قلت :


يالله روحي مطبخ جيبي مفاتيحي (( من زود الشين اللي فيها لخبطت بين غرفتي والمطبخ ))

يعني شفتوا كيف ان العبايات والبراقع قد إيش ملاعين خيّرررر ؟

لحظه لحظه ,, كأني أشوف الأخ مدرعم راز سبابته اللي كنها عصا موكلي ,, تفضل اسأل يا درعومتي..


والله برافو عليك ,, سؤالك جدا في محله .. نعم أحسنت من هو المسؤؤل :z: (( صفقوا كلكم لمدرعم الدافور ))---> أما عاد هذي أسئلة مدرعم كثر لي منها أخبر أسئلته بكم الحشيش وين بتجلسون الليله وكم تدفون

الموووهم ..


دايم أسأل نفسي وانا من النوع اللي أحيانا في العصريه أجيب ترمس شاهي ومكسرات وأتقهوى انا ونفسي وندردش


بس الغريب ان نفسي من النوع الحياوي . تصدقون ماقد قالت لي ولا مرة: صب لي بياله


قبل فترة كنت جالس مع نفسي وحصل موقف رهيييب .. , سألتها : من المسؤؤل عن هالعبايات السامجه اللي انتشرت ؟ وين اخوانا اللي في الهيئة أو شابين على مندوبنا حنا بس يا الشباب ؟ وينهم عن عبايات هالغزلان ؟


المشكله أن نفسي ما ترد لأنها مو لاقيه اجابه ..


سألت نفسي ثاني مرة : اعنبوا بليس هذولي ما وراهم أهل يقولون: هالعبايه عيييييييييييييب حرام !!

للمرة الثانيه تلتزم نفسي السكوت ولا ترد ,,


سألت نفسي ولثالث مرة : طيب وين الحمية ؟ وين أخوانهم الكبار عنهم ؟ أو بس جيدين في تحويم الحمام في السطوح؟

وللمرة الثالثه مارست نفسي السكوت وعطتني بالخامس !


سألتها لرابع مرة : طيب هالبنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم وتحرش هالمراهقين اللي أنا زعيمهم ؟

كالعاده لم ترد علي نفسي للمرة الرابعه وحقرتني !!!



عصبت انا ,, طنقرت ,, وأنا من النوع اللي إذا عصب على طول يحمق !! قلت :

مو معقوله يانفسي .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام هالعبايات تلعن جدفنا كشباب طموح


وفجأة .. وبدون مقدمات .. طار الحب والفستق وانكبت زمزمية الشاهي وقامت نفسي علي وسددت لي ذاك الكف وشالتني سوبرفلكس ومحطت بي ثم انفجرت تصارخ علي تقول:


(( ياخي أزعجتني ياخي من يوم طبيت الثمانطعش الين الحين في الثنين وعشرين من عمرك وانك مزعجني بهالاسئله

نعنبوا من جابك 5 سنين وانت شغال تجلدني بأسألتك لابوك لابو مخك لابو هالعبايات والبنات اللي تقول

يابن الذين امنوا شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..
ياخي عاصر زمانك وخلك جنتلمان او ياخي انطق في بيتكم لاعاد تطلع ,, انثبر في غرفتك الله ياخذ شكلك وفكني .,,

لاعاد تتمشى بسيارتك ولا عاد تروح دوامك ولاعاد تطب الاسواق وكل تبن واقضب ارضك ,, جعلك الماحي قل امين تكفى يامدرعم أشطب يوزره والله انه ابلشني))



مرت خمس دقائق وانا فاقد الوعي وخايف من نفسي وقعدت أفكر في كلامها:b: وبالذات كلمة :
إقتباس




ذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..




(( اقتباس من مشاركتها ))


قمت ,, عدلت الزمزمية ,, جمعت الحب والفستق والقريض اللي طاح ,, والتفت عليها وحبيت راسها وقلت :

سامحيني والله انك صادقه ابشري من اليوم ورايح ما هنا طلعه ووالله صدقتي في كل كلمه ,,


ضحكت وقالت لي : هههههههههه أعترف صح جلدتك ؟ صح أنا أخوف لما أكون عصبيه ؟

قلت: لا وفوق هذا والله انك حكيمه بعد .. الله لايحرمني منك ..

قالت : ولا يحرمني منك بعد أنت يا بعد روح روحي ..

قربت منها وقربت مني .. وصار مشهد رومنسي قطعه إياد مدني مهوب أنا



السؤال : هل تتفقون مع ما قالته نفسي الحكيمه ؟ أم يا هل ترى بالغت وشطحت قليلا (( انتم ماخذين بالكم من الفصحى ؟ ))


ولو الواحد منكم يا الحبايب شاف عباية أخته مخصره ومزخرفه كأنها هوندا حقت خال .. وش موقفه . يرضى ؟


وإذا - لا قدر الله - وحصل ما لايحمد عقباه وتحرش في البنت أي شاب مفتووون ,,

ليش اللوم والحكي كله على الشاب والبنت طالعه منها براءة ؟ ليش ؟ ليش؟ (( وجه واحد منهار في المحكمه ويقول: اغيثونا ))




ههههههههههههههههههههههههههه:k:
يضحك صح
بس والله انه صادق
من جد العبايات هاليومين
ملففففففففففففته جدا
انا بالنسبه لي
احس انها تلفت انتباهي بشكل
غير طبيعي
اجل شلون الرجال
اتمنى التفاعل
وودي اشوف وش رايكم بالعبايات هاليومين
تحياتي :a:
 
التعديل الأخير بواسطة المشرف:
رد : الايدز قادم فاحذر منه), وسيلة جديدة لنشر مرض الايدز حول العالم

حسبي الله ونعم الوكيل
يعطيك الف عافية
 
رد : شوفو واحد من الشباب وش يقول <<<عطونا رايكم

وربي هالسحالي انهن منسمات

يعني لازم يلبسن هالعبايات المروحه

اللي تبي الحشمة والعفاف تلبس العبايات الاسلاميه الساتره
مو عباية الفراشه والجراده والصرصورخخخخخ والله حاله

يسلموا خيتو
 
رد : شوفو واحد من الشباب وش يقول <<<عطونا رايكم

حسبي الله ونعم الوكيل
يعطيك الف عافية
 
رد : شوفو واحد من الشباب وش يقول <<<عطونا رايكم

شكرا على نقلكِ عزيزتي
صحيح أنَّ الناس قد أصبحُوا يستهونون في لبس العباءَه ونسوا

أنَّ الله هوَ منْ أمَرَ بِالحجاب .......


سألت نفسي ولثالث مرة : طيب وين الحمية ؟ وين أخوانهم الكبار عنهم ؟

أعتقدُ أنَّ من يحرِصُ على أختِه ويُحبُّها لا يرضى لها بذلك .....


طيب هالبنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم وتحرش هالمراهقين اللي أنا زعيمهم ؟

مُمْكِن كذا وكذا ....

البعض يلبسها للفت الانتباه .... والبعض الاخر لا يقصدون من ذلك أي شئ اخر سوى مواكبة العصر

في ارتداءِ مثلِ هذا الحِجَابْ .......
 
التعديل الأخير:
رد : شوفو واحد من الشباب وش يقول <<<عطونا رايكم

ملكه نورتي
شتات الروح والله انك صادق بس ايش تقول
love مشكوره على المرور المميز
شريف مشكور على المرور
عالي مستواه مشكوره على الاضافه الجميله
تحياتي لكم ..
 
رد : شوفو واحد من الشباب وش يقول <<<عطونا رايكم

طبعا معك حق في كل ما قلتيه و قاله ...

انا شخصيا بعتبر لو انها ما لبست العبايه احسن لانو منظر البنت بالعبايه ملفت اكتر < نظريه صحيحه

لانو الشباب بكونوا عم يتصيدوا البنات البنت الي مو لابسه عبايه مبينه شو هي

بس الي لابسه عبايه يبيلها تفصيل

و طبعا العبايه بتطلع الجسم حلو مع التخصير والزغرفه والحركات ....

بس متل ما قالت عالي و اضم صوتي لها انو مو كلهن غايتهم لفت الانتباه ممكن مواكبة العصر ايضا

و يمكن هيدا هوي الشي الي بسكت اهلهن هنهن

لانو لما يقولولها البسي عبايه واسعه و سادا رح تقول و اشمعنا انا شوفوا بنات الناس كيف واحمدوا ربكم انو انا لابسه عبايه من الاساس

هيدا من وجهة نظري

يعطيكي العافية على الموضوع

و اسفه على التطويل
 
رد : شوفو واحد من الشباب وش يقول <<<عطونا رايكم

ههههههههههههههههه
مشكورة على النقل اختي خصوصا انه نقل بطريقه كلها دعابة والله يهدي بس الوضع باين انه للاردى الله يحمي اخواتنا
تسلمين ياقلبي وبنتظار جديدك
اختك
همs س
 
رد : شوفو واحد من الشباب وش يقول <<<عطونا رايكم

يعطيك العافية اختي على الموضوع الرائع
 
رد : شوفو واحد من الشباب وش يقول <<<عطونا رايكم

امل الحياه

وجه جميل
عبير
فيصل العتيبي

سعدت بوجودكم
مشكووووووووورين ..
 
عودة
أعلى