لاتسأليني عن سبب كتم الآحزان
********** بس اسأليني عن غيابي وحضوري

لاتسأليني عن سبب دمع الآعيان
********** بس أسأليني عن دواعي سروري

لاتسأليني عن تصاريف الأزمان
********** ترديدها يرهب ويرعب شعوري

أجامل أحبابي وربعي والأخوان
********** جبر الخواطر صار معنى حضوري

أعطيهم الفرحه وأنا وسط الآحزان
********** وأجبر كسور الغير وأهمل كسوري

وأحيان أحس إني بقايا لإنسان
********** وأحيان أحس اني أغيب فحضوري

فجرت أنا في عالم الشعر بركان
********** لا ماأحترفت الصمت صمتي جهوري

أسرح وأفكر والتفاكير تحنان
********** يوم القوافي تعيش نشوة ظهوري

القلب ميت والمضامين سلوان
********** ألغيت انا في عالم الحب دوري

من باعني يابنت لاشك غلطان
********** أظلمت دنياه من عقب نوري

مدري ظلمته أو ظلمني هالأنسان
********** أحترت انا مابين عدلي وجوري

بس الأكيد أنه لعهدي وفى صان
********** ماأمطر لغيري بس ماأسقى زهوري

علي تجبر وأشعل القلب نيران
********** وصار التباعد في هوانا ضروري

ماأشره عليه بس أنا حيل شرهان
********** على سنين ماتقدر شعوري

انا الجليس وعزة النفس عنوان
********** وفي عزتي يابنت قمة غروري

ولاني على دروب المحبين شفقان
********** خلي الصدف يابنت تعلن حضوري

بالمختصر يابنت انا فرحة أحزان
********** أنا الغموض فعالم الصمت دوري




منقوووووول