بيبي كبةة :) ,

ᵽ¡ҋʞ ║•

Well-known member


السلام عليكم ورحمةة الله و بركاتةة ~

shamoaf4a17f2eef-1.jpg


صباحكم / مسائكم , سعادةة "متوتر:
طبعا الكبةة تجيكم كبيرةة , بس انا افضلها تكون صغيرةة :ابو خشم" يعني تؤكل بلقمةة واحدةة ,
الكبةة الصغيرةة اصعب من الكبيرةة اكيد , يبيلها نحت وهيك اشياء
م علينا ي الله نبدأ :) "متوتر: :



سر الكبةة الناجحةة :


النعومه ثم النعومه ثم النعومه ( الغلاف لازم يكون ناعم مثل العجين )

بالأضافه إلى جودة المواد المستعمله , يعني اللحم يصير زين مهوب تخربطون باللحم
, ولازم يكون لحمه هبره ( خاليه من الشحم )
طبعا مو بجميع أنواع الكبب بس بالكبب المقليه والكبه اللبنيه وكم نوع غيرها ..

لأن الكبه المشويه تحتاج شحم قليلا ..
المطاعم إللي جربتها ماتتقن الكبه نهائيا , يسترخصون أغلبهم بها
..فالكبه مكلفه شيء طبيعي يسترخصون بها ..


مقادير عجينة الكبه ~


shamoa4b2b75d01a-1.jpg


كيلو لحم هبره خالي من الدهن مفروم فرم ناعم
كيلو برغل ناعم ( يفضل أستخدام البرغل الأبيض مو الأسمر )
بصله كبيره
ملح
بهارات مشكله
{ ملعقه كبيره كمون , ملعقه صغيره فلفل أسود ,ملعقه صغيره هيل , ملعقه كبيره قرفه , ربع ملعقه صغيره جوزة الطيب } أو حسب ذوقك .

الطريقه :

ينقع البرغل لمدة ربع ساعه , ثم يوضع بالمصفاه حتى تسهل تصفيته

shamoaaf4dda3882-1.jpg


نأخذ كمشه من البرغل ونعصرها زين بقبضة اليد , حتى نتأكد أنا تخلصنا من كميه كبيره من الماء .

shamoa1cac80643c-1.jpg



طبعا نحتاج فرامة لحم كهربائيه , أستخدمت أصغر حجم للفرم {عجانتي كينوود }
للأسف فقدت صور كثيره تفصيليه وأتمنى أنكم تفهمون علي ..
المهم نبدأ بتقطيع البصل شرحات ووضعه بالفرامه ( ممكن تخلطين البصل بس بالخلاط ) ..

shamoa246bcef801-1.jpg


بعد فرم البصل , نفرم اللحم ( أحرصي تجيبينه من عند الجزار مفروم فرم ناعم وعلميه أنك تبينه فرم كبب )
البعض يرسل البرغل واللحم عند الجزار مره وحده لأن هالعمليه مرهقه بالحيل ,,

خاصه أن اللحم ياحبيباتي بالغالب يكون فيه مثل الخيوط البيضاء هذي تجتمع بالفرم , فتسد الفرامه فتضطرين بين فرمه والثانيه , تنظفين راس الفرامه عشان ينزل لك اللحم ..

بعدها ريحي المكينه , وأخلطي اللحم مع البصل مع أضافة البهارات المذكوره والملح ..أعجنيها ..
بعدها مباشره نكمل شغل بالماكينه ونفرم البرغل , فرم البرغل أسهل من فرم اللحم سلس للغايه لأن مافيه أعصاب أو غيره يعيق عملية الفرم ..

shamoa439f179575-1.jpg


الان أخلطي البرغل مع اللحم , لين تحسينهم صاروا عجينه ناعمه ,
بتقولين ناعم وكفايه , بس أنصحك من جديد تفرمينهم سوا بالماكينه
,, راح تضمنين الفرم والخلط .. وبيكون متعب حبتين ,, بس بتضمنين }

عجينه ناعمه , عجينه ماتتفتت , أو تتفقع بالزيت أو حتى تشرب زيت ..

إللي تضيف بطاطس أو غيره من دقيق وخرابيط , هذا نوع من الألتفاف بالوصفه يفقدها نكهتها الأصليه <=== شكلي عجيز أحب الأصلي .

وبكذا الحمدلله نكون خلصنا العجينه , أتركيها بالثلاجه لمدة ساعتين , بحيث تكون بارده وسهلة التشكيل ..

يتبع ،،،
مقادير حشوة الكبه ~

shamoa86c5712383-1.jpg


للتنبيه
أنا أحشيها كثير أبيها مربربه و بنت عز , فلي ماتبيها مربربه تصلح نصف هالكميه ..
كيلو لحم مفروم
كميه مساويه للحم بصل مفروم
{ أستخدمت من 8 إلى 9 حبات متوسطه}
أربع ملاعق سمن
كوبين صنوبر حباته صغيره
{ أفضل الصنوبر السوري , الأيراني والباكستاني نسبة السكر إللي به عاليه فيحترق مع التحمير }
بهارات
{ ملعقتين كبار كمون , ملعقه كبيره قرفه ,ملعقه صغيره هيل ,ملعقه صغيره مكومه فلفل أسود }
ملح

ملاحظه }

حبيبات قلبي إللي تحب البهارات تكثرها بالحشوه , ولكن ماتكثرينها بالعجينه , راح تحترق بالزيت وتطلع ريحتها مو ok
والعجينه راح تصير معك سوداء ..

مقادير اللمعه ~
هذا سر صغيرون مايعرفه إلا أهل الشام راعيين الفناتك بس ,,
صلحت كميه بس صغيره لأكلنا اليوم ,, لأن الكبه مثل ماتعرفون أفرزنها عشان رمضان ..
فص صغير مره مره ثوم
ملعقتين كبار دبس رمان { أحب الماركه إللي بالصوره }
ملعقه ونصف ماء
ملعقه ونصف زيت عادي أو زيت زيتون
قليل من الملح
بعدين بقولكم وش تزينون به ,, يفرق بطعم الكبه 50 % يعطيها لذاذه , خاصه للناس إللي يحبون ال Action مثلي ,,
طريقة عمل الحشوه ~


نذوب السمنه بمقلاه , ونشوح الصنوبر حبتين لين يصير ذهبي , أرفعيه وخليه على جنب ..

shamoab1d73dd780-1.jpg


بنفس المقلاه , نضع البصل حتى يذبل ..

نضيف اللحم , وعلى طول نضيف الفلفل الأسود ( لأزالة رائحة الزفره) ونظل نقلب على نار عاليه حتى تنشف العصاره

shamoaaab56a4a63-1.jpg


بعد ماتنشف العصاره نكمل إضافة بقية البهارات والملح .
نضيف الصنوبر , ونقلب اللحم ودايركت نطفي النار

shamoa5389aa5556-1.jpg


ودائما إذا واجهتي مشكله بالتشكيل بلي أدينك بالماء البارد وكملي شغلك ..
أنا ماأنزل كل العجينه من الثلاجه , جزء جزء بحيث تحتفظ ببرودتها ولاتتعبني بالتشكيل ..

نكور العجين ( أنا أصلح كور كثيره بحيث يكونون بمقاس واحد ) .
يفترض تكون بحجم البيضه <== يقصدون بيض الدجاج
أنا أصلحه بحجم بيضة الحمامه لوووووول ,,أحبها مره صغيره , صح تشكيلها صعب بس أطعم .

shamoa18986c2f2b-1.jpg


حطي هالكوره براحة أدينك , وأفعصي من النص وأبدي تحفرين تحفرين ,
لين ماتشقين لك طريق هههههه <== مو تصدقون تخرب الكبه كذا
لابس وأنت تحفرين ألزقي بالأطراف عشان تصير نحيفه , شلون أوصفها ذي ؟؟
المهم مسديها تمسيد , ولاتخلينها تلزق بكفك ,, شغلك سريع سريع .

أحشيها بالحشوه بواسطة ملعقه صغيره , إذا تبينها بيبي , أما إذا تبينها أمنا الغوله فأحشيها بمغرفه لوووووول

shamoaebe0f3e19d-1.jpg


شوفوا شلون تقفلونها !!! أبيها تصير كتكوته كذا
<=== تتشرط لوووووووووول
فيه ناس يحبونها مروسه أكثر وهي الأصل , وعاد بالشام يتفاخرون مين راسها أكبر من الثاني لووووووووووووول ..
لا بجد بجد يتفاخرون مين شكل راس كبتها أحلى من راس كبة جارتها ( ملكة جمال رؤوس الكبب ) ..
أحيانا ماأخليها مروسه من جهتين بس من جهه وحده , أحسها تصير كيوت ,, <== ذابحها الكيوت .

, واليوم طلعتها من الفريزر قبل القلي ب ساعه بحيث تذوب ,, وطش طاش قليتها ..

shamoadf307c1f6d-1.jpg


حرارة النار 180 درجه .

shamoa511158e5b2-1.jpg


تقدم مع البطاطس , والزبادي بثوم مزين بالنعناع ..

shamoa66dbe6720f-1.jpg


طيب لو جوك ضيوف ,, ونبي نقدمها بصواني , مالنا خلق لا زبادي ولا مايحزنون وش نزين ؟؟
ألحقوني بالسر }

راح يضفي نكهه وشكل , وطعم جونان .. عاد أنا طماعه أفضلها بزبادي وبالسر ..

shamoab90fb1026f-1.jpg


مقادير اللمعه تخلط سوا , ثم تدهن كل حبة كبه بها أو تغمس قبل الرص , قبل وقت التقديم ,,
يزيد من لمعتها ويعطيها أشراقه غير شكل ..


shamoaefb9d461b5-1.jpg


فكره أخرى للتقديم :

جيبي أناناسه , وأغرسيها بأعواد الشواء الخشبيه ,
وبكل عود حطي 4 حبات كبه , بعد ماتخلصين بتطلع معك شجرة كبه ,,
فعليا شكلها يواجه , وأغلب محلات التقديمات بالمملكه يصلحون هالحركه ,,
حطيها بصينيه وزيني صينيتك بمقبلات اخرى ..
أتمنى أكون أفدتكم ,,


دمتم بحب "متوتر: + منقول :) ~
 
وعليكم السلام ورحمة الله وبركاته
مساءك رضى رب العالمين
نقل مميز ورائع وان شاء الله بجربها أكيد بس أحلمي أسويها بيبي ههههههه
تعجبني أمنا الغولة أكثر
تسلم الأيادي حبيبتي
تحيتي لك غلاتي:ابو خشم"
 


ياحلوها والله ودي فيها من ذاك العام ماكلتها ><"!

عوافي خيتو
 
عودة
أعلى