صفحة 6 من 127 الأولىالأولى 1234567891011121314151656106 ... الأخيرةالأخيرة

رواية تتعب لو معي تلعب للكاتبة ساندرا (كاملة)

إرسال إلى Facebook ارسال الى تويتر
  1. 26-03-2012, 04:41 AM
    الكاتبة ساندرا

    رد: رواية تتعب لو معي تلعب للكاتبة ساندرا





    حال ابطالنا بدأت تتجدد وتتعقد من حيث بطلنا راكان..

    ريمـ ألي في دوامهـ كبيرة..هل صحيح أن سعود من هالنوعيه؟؟

    أبو راكان تسرعهـ لأجل أنقاذ حياة فتاة..وورطتهـ أن رفض ابنه راكان بزواج بها..

    جيهان بطلتنا التي لاتعلمـ ماذا تخبى لها الأياامــ...

    حنان ورنيمـ ومرام ضحيهـ لطمع ابيهمـ..هل سيأتي الفرج عما قريب..ويطرق ابواب
    السعادة بقلبهن أم ماذا..



    أحداثــ جديدة وشيقهــ بالبارتات الجايهـ انتظروني احبتي..

    محبتكمـ الابديه:
    الكاتبة ساندرا ^^

    من مواضيع الكاتبة ساندرا :


  2. 26-03-2012, 05:41 AM
    دفاالعاشق

  3. 26-03-2012, 07:32 AM
    بنت آبوها

    رد: رواية تتعب لو معي تلعب للكاتبة ساندرا

    بارت روعه مرا تسلم ايدياتك

    جيهان بتحززن بس رب يعينها

    راكان راح يوافق مشان مايكسر كلمه ابوه ويفشله بالبدايه بيكرها وبيعذبها وبالنهايه بيموت ع ترابها >>عشت الجو هع

    ريم بتصدق وبتتغير ع سعود

    سعود مسكين بيصيرمهموم

    حنان ومرام ورنيم يب بيفرحوا



    باانتظارك قلبووش =)

    من مواضيع بنت آبوها :


  4. 29-03-2012, 09:53 PM
    ادمنت تعذيبك

  5. 30-03-2012, 04:22 AM
    أمل متواصل

  6. 30-03-2012, 03:25 PM
    ايبرو

  7. 30-03-2012, 04:29 PM
    الكاتبة ساندرا

    رد: رواية تتعب لو معي تلعب للكاتبة ساندرا




    رواية تتعب لو معي تلعب


    البارت السابع..

    روعه بتوتر:راكان..ا..أنت سمعت كلامنا..

    أبو راكان من سمع أسمـه رفع عينه بعيون ولده..

    راكان بصدمهـ:أي سمعت..وأبا أتأكد أن صدق ابي سمعته..

    روعه:ا.....

    ابو راكان قاطعها بندم:أي صدق يا ولدي..بس أنا أقول لك..أن جانكـ ماتبا جيهان زوجة لك قول..أنا ما أبا أجبركـ على شيء أنت ماتباه من الأساسـ يا ولدي..ذي حياتكـ وأنت حر بيها...

    مقدر يقول حرف واحد..من الصدمهـ طلع من البيت..

    روعه قامت من كنبها واتكأت على عكازاتها..

    اقتربت من أبيها وبعطف:أنت يبه قصدك شريف..أنا ادري..أنت خايف على هالمسكينه من ظلم أبيها..بس أنا يا حسيت من سكوت راكان انهـ مصدومـ من الخبر لا أكثر يعني لا تحطـ ببالك....

    ابو راكان قاطعها:أنا اقترح يا بنتي...

    روان قاطعت ابيها بدخولها:أعذرني على مقاطعتك يبه..بس إذا راكان رافض انه ياخذ جيهان خل نايف ولدكـ يتزوجها..ولا أنكـ تفتشل قدامـ الرجال..

    ابو راكان التفت لها:وإن نايف رفض..

    روان بثقه:ماهو رافض بإذن الله..

    روعه:متى هو يرد من أمريكا..ترى مصارت بعثا..

    روان:توه مساع مكلمني..وقال لي انه بعد كمـ يوم بيجي..

    أبو راكان تنهد:شوركمـ وهدايه الله..

    .

    .

    .

    حب يغير الجو ألي عايشهـ فيهـ جيهان..وعزمها على مطعم راقي..

    سعود:أنا سئلت عن راكان..رجال والنعمـ يبه..

    جيهان:بس أنا يا عمي مفكر بالزواج..

    سعود:أنا ادري أنك بعد أبو يوسف كرهتي الزواج..بس صدقيني ترى راكان غير...

    جيهان:بس عمي...

    سعود قاطعها:أن رفضتيهـ أحين وراح الرجال..ابوكي بيزوجكـ واحد ثاني ويمكن يأخذكـ لناصــر..

    جيهان:.........

    سعود:أنا ممدح راكان عشان أنه ولد صديقي وكذا.. لكن أنا جلست مع راكان ودمهـ خفيف وطيوب يا جيهان..

    جيهان:أنت تشوف كذا يا عمي..

    سعود هز راسه بنعم:أنتي أستخيري وشوفي..

    جيهان:طيب..

    سعود مسك يدها وبا أبتسامه:الله يرضى عليك يا بنتي..

    جيهان ردت له الأبتسامهـ:وياك يارب..

    وصاروا ياكلون..

    سعود يناظر فيها:اقوول جيهان..

    جيهان التفتت له:سمـ عمي..

    سعود:أكلي عدل..أبا ألي في الطاولة كله ذا يروح ببطنك.. "وبمزح"ترى أكلهمـ غالي علي..راحت فلوسي..

    جيهان:هههههه..ابشــر يا عمي..صار لي كم يوم نفسيتي مسدودة..ودحين انفتحتـ..بخمـ كل شيء ههههه..

    سعود:هههههههه بالعافية..

    .

    .

    .

    جلستـ تبكي على وضع بنتها..وكانت بجنبها حرمه ولدها بدريهـ..

    بدريه بداخلها(حســبي الله عليكـ يا عجوز النار..اووف منها بس..مغير تصايح كنها ديكـ على بنتها..أي خلها تنقلع هي وبنتها)

    أم فهد تمسح دموعها:أدري أني غثيتكـ بهرجي..بس وش أسوي..صعبة ابكي قدام جيهان..

    بدريهـ بملل:وليه صعبة؟؟

    أم فهد:لأنـي أبكي عشان وضعها..مسكينة..

    بدريه(إلا سكينه):أي صادقة..جيهان مسكينة وتكسر الخاطر..الله يصبرها..

    أم فهد جات بتقوم بس عورتها ركبتها وبألمـ:بدريهـ ممكن تجيبين لي دواي..

    بدريهـ تأففت بداخلها وقامتـ بدون نفس وراحت لغرفتها تجيب لها الدواء..

    فهد فتح الباب:هلا يمهـ..

    ام فهد:هلا بيك يا ولدي..







    يتبع...

    من مواضيع الكاتبة ساندرا :


  8. 30-03-2012, 04:32 PM
    الكاتبة ساندرا

    رد: رواية تتعب لو معي تلعب للكاتبة ساندرا




    فهد فتح الباب:هلا يمهـ..

    ام فهد:هلا بيك يا ولدي..

    فهد:بدريهـ جهزتـ "وهو يدورها بعيونه"وينها هي احين؟؟

    أم فهد وهي تدلك ركبتها:راحتـ تجيب دواي في غرفتي..

    فهد بق عينه:شنوو؟؟

    أم فهد ناظر بيه:تجيب دواي..

    فهد بصوت عالي تركـ أثرهـ بأرجاء المكان:نعـــم!! أنتي بأي حق تا أمرين عليها..وبعدين وش حضرتكـ ليه متقومين أنتي يا هانمـ..

    أم فهد خافت من طول صوته:ركبتي تعورني يا ولدي..

    فهد بعصبيه:وش تسوي الست جيهان..

    أم فهد بنفس خوفها:طلعت مع عمها سعود..وبعدين وايش فيها لقلت لزوجتك تساعدني..

    فهد بنفس عصبيته:فيها ونصفـ..أنتي لو تستحين مكان قومتيها وهي حامل..بس وش نقول..إن لمـ تستحي فا أفعل ما شئت..

    أم فهد بصدمه من كلامه:ذا الكلام لي يا ولدي!!!!!

    بدريه ابنسطت من كلام فهد زوجها..وجات ومدت لها الدواء:هاكـ دواكـ يا خالتي..

    فهد خذ الدواء من بدريه وحذفه على الأرض.."والتفتت لها"وأنتي ليه تجيبين لها دواها..

    بدريه تخفي ابتسامتها الشريره:تقول ركبتها تعورها عشان كذا جبته لها..

    فهد بقهر:ركبتها تعورها هااااه..

    وسحبـ يد أمه وقومها غصبن عنها وطقت ركبتها وزاد ألمها..

    أم فهد بألم شديد:آآآه ركبتي..

    فهد بلا رحمة:أقوول بس..تلايطي يا عجيز..

    أم فهد بين دموعها:الله يسامحكـ يا ولدي..الله يسامحك..

    تركها وخلاها تبكي بشدة على ألي قاله لها..

    .

    .

    .

    كانت تناظر في ملامح أختها النائمهـ...ألي كان باين عليها التعب من صارت الهوشهـ..

    قاطع تأملها صوت اختها:تكسر الخاطر..

    مرام تنهدت:الله يصبرها يا رب..

    رنيمـ بحزن:مسكينة حنان..

    مرامـ قاطعتها:ارجوكـي رنيمـ..سكتي لا تبكيني على أختي..ولا تبكيني علينا..ألي بعمرنا جابوا لهم عيال..بس ابوي..كل ما يتقدمـ لنا واحد رفضهـ "ونزلت دمعتها"وبحكمـ شنو؟؟ بحكم انه مو زين لنا..أو أنهـ يطمع بمعاشتنا والحقيقة انه هو ألي يطمع..بس كلن يرى الناســ بعين طبعهـ..

    رنيم بنوحهـ:أنا خايفة..خايفة أن يوصل عمري زي عمر حنان..ويخط فيني الشيب..وأنا ماتزوجت..وش السواه يا مرام؟؟وش السواه؟؟ اهئ اهئ..

    مرام ضمت أختها بصدرها وصارت تبكي معها وبين دموعها:الصبر..اصبري يا أختي..ربك بيحلها إن شاء الله..

    .

    .

    .

    صحتـ على صوتـ الأذان

    الله أكبر..الله أكبر..

    صارت تردد ورى الأذان وهي منسدحهـ على سريرها..وقامت تتوضأ عشان تصلي وبعد مخلصت راحت لغرفه أمها زي كل يومـ..

    طقتــ الباب مره ومرتين وثلاثـ..بس أمها مردتـ عليها..

    أستغربتـ لأن أمها نومها خفيفـ..

    توجهــت لصالهـ..وشافتها نايمهـ ع الكنب..

    أقتربت منها وسمت بالله وصحتها:يمهـ..يمهـ..

    أم فهد بهمس:نعمـ..

    جيهان:الله ينعمـ عليكـ..قومي صلي يمهـ..

    أم فهد قامتـ بكسل:إن شاء اللهـ..

    قامتـ بصعوبة وهي تعرج..ويدها ع ركبتها..

    وصلتها للتوليت ورحت سويت فطور..

    وع الساعة 6:00 قامـ أبويا وفهد نزل عندنا وفطروا..وراحوا لدواماتهم..

    لاحظتــ في أمي من أمس ووجها متغير..

    جيهان:علامكـ يمه؟؟ وجهك متغير من أمس..

    أم فهد استرجعت فعايل فهد وتنهدتـ بصمت:لا أبد ما بني حاجه..بس ركبتي زادت آلمها..

    جيهان بعدمـ أقتناع:سلامتكـ يالغالية..

    أم فهد:الله يسلمكـ..

    جيهان بتردد:قال لكـ شيء أبويا عن ألي تقدمـ لي..

    أم فهد:قصدكـ الأول ولا الثاني؟؟

    جيهان:الثانـي..





    يتبع....

    من مواضيع الكاتبة ساندرا :


  9. 30-03-2012, 04:34 PM
    الكاتبة ساندرا

    رد: رواية تتعب لو معي تلعب للكاتبة ساندرا





    جيهان بتردد:قال لكـ شيء أبويا عن ألي تقدمـ لي..

    أم فهد:قصدكـ الأول ولا الثاني؟؟

    جيهان:الثانـي..

    أم فهد:قال لي أن اليوم بيدق عليهـ بإذن الله..ويقول لهم أنكـ موافقهـ..بس يا بنتي أنتي أستخرتي؟؟

    جيهان هزتـ راسها بنعم:وأنا أصلي قيام الليل..صليتـ صلاة استخارة..ورتحت..

    أم فهد:الحمد لله.. "وبابتسامه" الله يوفقكـ يا بنتي..

    جيهان ردتـ لها الأبتسامهـ:وياكـ يا رب..

    .

    .

    .

    بعد مرد من المسجد..

    جلس على الكنب يفكر وش يقول لأبو فهد..إلا برن جوالهـ..وارتبكـ أكثر..

    ورد بتوتر:هلا يا أبو فهد..

    أبو فهد:هلابيك..أخبارك يا أبو راكان؟؟عساكـ طيب؟؟

    أبو راكان:طيب الله يبارك فيكـ...

    أبو فهد:حبيت أبلغكـ أن البنت أستخارت وأرتاحتـ ولله الحمد..أجل من بكرا أو اليوم يحللون..

    أبو راكان بلع ريقه:بإذن اللهـ..

    أبو فهد:إن شاء الله..يلا مع السلامهـ..

    أبو راكان:اللهـ يسلمكـ..

    مقدر يقول له..لسـانهـ انربطـ..

    جاتهـ روعهـ وهي متكأه على عكازاتها:وش قلت له؟؟؟

    أبو راكان التفت لها:أنتي هنا!! "وتنهد" لساني انربط مقدرت أقولهـ..بينقصـ وجهــي..



    ...ومن جهة ثانية..

    راكان بحماس:وش قالت لك؟؟

    روان بتوتر ملحوظ:ما قالت شــيء..

    راكان لاحظـ توترها وبشـك:ما دقيتي عليها صح؟؟

    روان:..........

    راكان بقهر:وليهـ مدقيتــي؟؟

    روان جمعت قواها:راكان أباك تسمعنـي زين..

    "وسكتت شويا" أروى ما تصلح لك..صدقني ماتصلح لك..

    راكان قاطعها بملل:رواان..دقــي عليها..

    روان قاطعتهـ بجديهـ:أباكـ تفهم أن أروى ما تريدكـ..

    راكان بستغراب:ليهـ هي قالت لك أنها ما تريدني؟؟

    روانا نربط لسانها ما تبا تجرح شعور أخيها..

    راكان بثقهـ:شفتي أنك تكذبين..أباك تدقين عليها "وخذ جوالها ودق عليها"يلا ردي..

    روان باندفاع:لا..راكان جيب الجوال..تكــفى..

    وردت أروى:الووو..

    راكان بهمس:ردت..تكلمي..

    روان باندفاع وتوتر:هلا أروى..

    روان:طيبهـ..أنتي كيفك؟؟

    أروى:تمـامـ..

    راكان كان يسمع كلامها لأنهـ حاط على الاسبيكر..

    روان بتردد:أنا داقهـ عليكـ..لأني أبا أسمع رايكـ..أنتي تريدين راكان؟؟ اقصــد.....

    أروى قاطعتها بعنف:أفهمي أني ما أريد راكان..كم مرة أقول لك؟؟

    راكان انصدمـ من كلامها..

    أروى كملت:أتمنــى أنكـ تقولين لهـ أني ما أريدهـ خله ياخذ وحده غيري..هو ما يناسبني ولا أنا أناسبهـ..أتمنى انك تفهمينه كلامي..لأني عن جد طفشتـ ومليتــ من تلميحات أمكـ وأمي عنا..

    روان سكرت السماعة بوجها..محبت أن راكان يسمع أكثر من كذا..مع أن أروى مبقى هرج ما قالتهـ..

    روان اقتربت من راكان وبهمس:راكان أنا....

    راكان قاطعها وهو مازال مصدومـ من الكلامـ ألي قالتهـ أروى:طيبـ..

    وطلعـ من الغرفة..

    قلبهـ عورة من كلامها..أروى حب طفولتهـ..حب حياتهـ..تبيــن أنها ما تريدهـ..

    نزلتـ دمعه حاره على خده..





    يتبع...

    من مواضيع الكاتبة ساندرا :


  10. 30-03-2012, 04:37 PM
    الكاتبة ساندرا

    رد: رواية تتعب لو معي تلعب للكاتبة ساندرا


    وطلعـ من الغرفة..
    قلبهـ عورة من كلامها..أروى حب طفولتهـ..حب حياتهـ..تبيــن أنها ما تريدهـ..
    نزلتـ دمعه حاره على خده..
    حبهـ ألي بناهـ من سنينــ كيف يتخلى عنهــ أحين وبكل سهولهـ ..
    توجه للتوليت وغسل وجهه..
    ونزل تحت وشاف روعهـ وابوه متواجدين في الصالهـ..والتفتت لهمـ:يبهـ كلمت أبو فهد..
    أبو راكان ناظر ولده:كلمني..بس لا تخاف مراح تتزوجها لأنك ما تريدها..نايف اخوكـ بياخذها..
    راكان من حرهـ ما في قلبهـ وبتهور وتسرعـ:أنا أريد جيهان زوجهـ لي..واتمنى أن وقت التحليل ما يطول..لأنــي مستعجل..
    أبو راكان مو مصدقـ كلامـ ولدهـ وبفرحهـ غمرتهـ:اللهـ يوفقكـ يا ولدي..شلت وخففت علي همـ كبير..لا لا تخاف أنا عندي واسطة وإن شاء الله تطلع التحاليل بعد 5 أيامـ بإذن اللهـ..
    راكان:اتمنـى ذلك..واحين بروح المشفى ولا؟؟
    أبو راكان مصدق خبر وباندفاع:أي اكيد..
    وراحـ مع ولدهـ للمستشفى..
    ..وفي البيتـ..
    أم راكان بعصبيه:ومتى صار هالكلامـ إن شاء الله..
    روعه بخوف من عصبيتها:من نصف ساعة..
    أم راكان بنفس عصبيتها:وليه ما كلمتوني..عشان أوقفهمـ..
    روان:راكان موافق وذا أهمـ شيء..وهو حر برايه..ابويا مجبرهـ أبد..بالعكس قال لهـ نايف بياخذها بس راكان قال انهـ يريدها..
    روعهـ باندفاع:أي صادقهـ روان "وهمست لأختها"وأنتي وش دراكـ؟؟ مكنتي معنا بالحدثـ..
    روان بنفس همس اختها:الصوت كان عالي..
    أم راكان بحدهـ:أنا متأكدهـ أنهـ مجبور..عشان ما يجرح ابوهـ وافق..
    روعهـ:لا والله يمه...
    أم راكان بعصبيه:أنتي أووص ولا كلمهـ ودقــي على أخيكـ بسرعه..
    روعه هزت راسها بنعمـ وخذت الجوال قدامها ودقت عليه:جوالهـ مغلق..
    أم راكان:دقي على ابوكي..
    وانفتح الباب الرئيسي..
    الكل ألتفت لهمـ..
    أبو راكان باابتسامه:هلا بيكمـ..
    الكل:..........
    أبو راكان التفتت لهم:علامكم؟؟
    أم راكان بقهر:صح ألي سمعتهـ؟؟
    أبو راكان:وش سمعتي بعد؟؟
    أم راكان:أنكـ رحت مع راكان للمستشفى......
    أبو راكان قاطعها:أي صح رحنا..وحلل..وبعد كم يوم بتطلع التحاليل..
    أم راكان بحدهـ:أنت تبي تجنني..كيف ترضى لولدك انه يأخذ وحدهـ أرملهـ..
    أبو راكان:هو بغاها..وأنا ما جبرتهـ..وبعدين وش هالكلامـ الغلط..يعني الأرملهـ مالها رب..
    أم راكان عطتهم ظهرها:أنا مقلت كذا..
    أبو راكان قاطعها بحده:أنا أعرف مقصدكـ زين يا مره..أدري انك تبين الزين لولدكـ بس ولدك هو ألي بغاها مو صح يا راكان "والتفت له"
    راكان بهم:صح يبه..واحين اعذروني أنا تعبان وأبا أنام..
    وصعد الدرج وتوجه لغرفتهـ..
    أم راكان بخوف على ولدها:شفت ولدكـ كيف مهموم..وعليا على ولدي..

    ما في أحد يعرف وش به؟؟ بستثناء روان..

    رمـــى نفسهـ على السرير..مازال مصدومـ من كلامـ حبيبتهـ أروى..
    حب بناه على كبر صعب يبدله بغيرهـ..
    قاطع تفكيره صوت جوالهـ..
    ورد عليه:هلا طلال..
    طلال:هلا والله بحبيبي..لك وينك أنت علامكـ ماترد على جوالك تعبت وأنا أدق عليكـ..
    راكان تنهد:اعذرني..بس الجوال كان بالغرفهـ وتوني داخلها..
    طلال عدل جلسته:راكان علامك؟؟ فيك شيء..
    راكان بهم:فيني بلاوي يا طلول..
    طلال:لاا..ذي يبي لها قعدهـ..تعال لي في مقهى...........
    راكان:طيب..دقائق وجايكـ..سلام..




    انتهـــى البارت..

    من مواضيع الكاتبة ساندرا :


صفحة 6 من 127 الأولىالأولى 1234567891011121314151656106 ... الأخيرةالأخيرة

المواضيع المتشابهه

  1. آخر مشاركة: 29-03-2014, 08:17 PM
  2. آخر مشاركة: 04-03-2014, 04:17 PM
  3. آخر مشاركة: 07-02-2013, 08:58 PM
  4. آخر مشاركة: 18-08-2009, 02:48 AM
  5. آخر مشاركة: 08-08-2009, 07:49 AM