أضمن طريقه لايجاد فارس احلاممك

عبوش..

Well-known member
أضمن طريقه لايجاد فارس احلآممك

للبنت اللي تتمنى إن رب العالمين يرزقها بزوج رقيق ورومنسي وعاقل وذكي ورزين وتقي يعني رجال بمعنى الكلمه
للبنت اللي كانت دوم تحلم بفارس أحلامها وأمير قلبها وترسم له صفات ولمن تشوف أزاوج زميلاتها أو قريباتها تضيع أحلامها في الهواء لأن أغلبهم ماينفع يكون قدوه والشي الوحيد اللي ينفع له التزمت والسيطره

للبنت اللي قضت حياتها تفكر في يوم عرسها وزرعت بذرة فرحها كل يوم وسقتها بصادق إحساسها وراعتها لحد ماشافتها تكبر قدام عينها وفجأه إتخيرت بين إنها تقطع هالشجره أو بين إنها تموت ودمها يسقي زرعها

للبنت اللي كسرت تعاليم الدين وهدمت مبادئ المجتمع ولوثت شرف عايله بأكملها وندمت في حين ماينفع الندم

للبنت المظلومه اللي إجتمع عليها ظلم الناس وظلم الغالين (وضاقت عليها الأرض بما رحبت وظنت أن لا ملجأ إلى الله إلا إليه )

للبنت اللي كل بنت ربت معها من يوم كانوا صغار تزوجت وهي بعدها وإنجرحت من كل صوب



عندي أضمن طريقه للحصول على فارس الأحلام بس يبقى لها صبر شوي
أولا: لازم تعرفين إن الله اللي خلق سبع السماوات والأرض ما يعجزه شي وكم وحده فالأربعين وتزوجت (لا يعزب عنه مثقال ذره في السماوات ولافي الأرض)
ثانيا: لازم تتعلقين بالله وترجينه وحده من دون الخلق وتتركين التلصق في أم الولد أوإخته يعني تتركين التميلح قالى تعالى ( أ إله مع الله) فاللي خلقك واحد وما خلقك غيره مايعجزه إن يحط حبك بقلوبهم
ثالثا : لازم تفهمين إن حكم الله العدل عشان كذا كل شي كان له أجل يمكن زواجك هاللحين فيه شر مهوب خير ( أفي الله شك)
رابعا اللي خلقك ماراح يضيعك ورزقك عليه مهوب رزقه عليك ونعمه عليك كثيره وأنتي تعرفينه أكثر من غيرك وماتقدرين تنكرين (فبأي ألاء ربكما تكذبان)
خامسا : اللي رحم ادم يوم أذنب بيرحمك
واللي نصر نوح بالطوفان بينصرك
واللي وهب سليمان الملك بيوهبك
واللي حمى إبراهيم من النار بيحميك
واللي صبر أيوب على مرضه بيصبرك
واللي نجى يونس من الظلمات بينجيك
واللي أظهر محمد على قومه بيظهرك
صلى الله على محمد وعلى الأنبياء والرسل جميعا



أختي الدعاء باليقين هي الطريقه المثلى والله والله والله لينصرن الله من يلتجأ إليه بقلب سليم


تقبلوا فائق حبي واحترامي​
 
رد: أضمن طريقه لايجاد فارس احلآممك

:

/

تسلمي على الطرح الرائع غلاتي
والنعم بالله .. :)
 
رد: أضمن طريقه لايجاد فارس احلآممك

تسلمي

كلمات قليله وتحمل الكثير من المعاني

جزاك الله الجنه ع الموضوع
 
عودة
أعلى