تعلمي فن الإحترام والصمت مع زوجك .!

صباحية عيد

Active member
تعلمي فن الإحترآم والصمت مع زوجك .!



السلام عليكم ورحمة الله وبركاته

اغلب الزوجات يشتكوا من تذمر

ازواجهم من ناحية<كثرة كلامهم>

فالزوج يحب من الكلام <ما قل ودل>

ولكن مشكلة الزوجة انها

ما تستوعب حاجة الرجل لقلة الكلام

حتى يتذمر منها وبشدة.... وبعدها

تشتكي وتزعل...

ولكن من خلال تجربتي في الحياة

اؤمن وبشدة <انه الكلام الكثير يفقد

المراة احترامها لذاتها>
خاصة اذا

كان تعاملها مع الرجل <زوج – اب - اخ>

فالرجل يميل الى المرأة الغامضة او

الشبه غامضة ... ولا يفضلها ككتاب

مفتوح .. صحيح انه اغلب الرجال لا

يحب ان يكون <كالأاطرش في الزفة>

ولكن هذا لا يعني ان تكون زوجتة

متحفظة ببعض مشاعرها وغامضة في

تفكيرها .. فالرجل يحب يعرف كل ما

يدور ببيته بدون تفاصيل .. ولكن في

نفس الوقت يسعى خلف المرأة

الغامضة اللتي تخفي بعض من

مشاعرها ورغباتها وامنياتها وظروف

حياتها ... وفي نفس الوقت هذا لا

يعني ان لا تعبر

المرأة عن مشاعرها ورغباتها ولكن

بنسبة ضئيلة جدا ... يعني <تتحدث

رؤس اقلام وليس معروض>


والمرأة من هذا النوع راح يزيد احترام

زوجها لها... بعكس المراة اللي تتكلم

في الفاضي والمليان لأنه كثر احتكاكها

بزوجها <يفقد المرأة هيبتها>



طيب راح اقول لكم كيف تلتزموا

الصمت ... حتى ترتفع مكانتكم عند

ازواجكم؟؟

اكيد كل زوجين بيكون لهم من خلال

اليوم وقت بيجلسوا مع بعض امام

التلفزيون <ومن هنا تبدأ المشاكل >بيكون الاخذ والعطاء بالحوار

والمواضيع

اغلبها تؤدي لطريق مسدود وتبدأ

بعدها الخلافات .. صح؟؟؟

راح اقلك على طريقة حتى تبتعدي عن

المشاكل الناتجة عن الحوار ...

اختاري كتاب من مكتبة منزلك ... او

حتى لو تشتريه من المكتبة ... وهذا

الكتاب يحتوي على شيء مفيد <اسئلة

ثقافية – او تعليم الانجلش – او قران>


ارجع أأكد واعيد انه يكون كتاب مفيد

حتى تنشغلي بالحفظ ... وتستفيدي من

وقتك .. وابتعدي عن الكتب اللي

تحتوي على القصص والروايات

والمجلات...

لأنها تضيع وقتك بدون فائدة .. غير كذا

ما راح تنشغلي بالحفظ وبالتالي راح

تأجلية لوقت ثاني وتستبدلية بمواضيع

غير هادفة مع زوجك وتبدأ مشكلتكم

من اول وجديد ...

كثير زوجات نفسهم يحفظوا سورة

البقرة وما عندهم وقت ... فهذي

فرصة ذهبية جات لحدك

اول ما تجلسي انتي وزوجك مع بعض

ابدأي بحفظ كل يوم صفحة حتى

تختميها .. واذا كان صوت التلفزيون

مرتفع استبدليه بكتاب اخر تستفيدي

منه ..

والله يا بنات بالطريقة هذي راح تشتري

قيمة نفسك عند زوجك ... وراح ترتاحوا

من المشاكل اللي مالها اهداف ...

تصدقوا انا كان عندي كتاب انجلش من

خمس سنوات لتعليم المفردات والجمل

اشتريته من جرير ..ورخيص ب 20 ريال

اظن واسمة <دليلك بالأنجليزية

للسياحة ,السفر , المحادثة , المواقف

اليومية>
هذا الكتاب يجنن

بمعنى الكلمة ... وكل مرة اقول بكرة

بحفظ منه حتى كملت خمس سنوات

وما حفظت شيء ... لكن بعد ما اتبعت

طريقتي في فن الصمت ... صرت كل

ما اجلس مع زوجي امام التلفزيون

على طول امسك الكتاب واحفظ

واحفظ في المفردات ... وختمت حفظ

المفردات في اسبوعين <حذفت

المفردات الغير مهمة> وبقي لي حفظ

الجمل ...

والله يا بنات خفت المشاكل بيننا 90

% .... وبعد هذا العمر كلة اكتشفت انه

لسان المراة هو اللي يوديها في ستين

داهية ... لانه الرجل بطبيعة حالة عنيد

وما يتنازل

عن افكاره وارائة ومبادئة <عشان

خاطر عيونك>
... يعني الصمت مع

الرجل

افضل من مجادلته في معتقداته وفيما

يحب ويكرة ... وبالعكس كمان في

الغالب

صمت المرأة يجعل للزوج فرصة انه

يتنازل عن قراراته وافكارة ... يعني

في

الصمت تقدري تعملي اللي ما قدرتي

تعملية وانتي تتحدثي معاه ... والله يا

بنات ترى الصمت قوي... قوي جدا للي

يفهمة بس ...

يعني انتي بطريقتك هذي ما غبتي عن

عين زوجك خليكي امامه حتى لا يتعود

على غيابك.. وفي تفس الوقت مسكتي

لسانك وانشغلتي بشيء مفيد لك جدا

جدا ...

وصار عندي قناعة شديدة واتمنى انكم

تقتنعوا مثلي ... انه <اولوياتي تكون

للأشئاء الأهم ثم المهم>
يعني انشغل

بشيء يفيدني افضل مليون مرة

من فتح موضوع مع زوجي يؤدي

لطريق مسدود وبعدها تحدث المشاكل

والعناد <خاصة مواضيع سبق وان

فتحته مع زوجي واختلفنا فيه سابقا>


- ممكن تستبدلي الكتب بهواياتك ...

الرسم او الأشغال اليدوية ... يعني

جهزي الستاندر تبع الرسم في الغرفة

المتواجد فيه زوجك ... وابدعي في

الرسم .... او التطريز والاعمال

اليدوية ..

يعني حاولي تكوني متواجدة مع زوجك

صورة ... وذهنك مشغول بهواياتك ...

احذركم يا بنات .. واحذركم بشدة ان لا

تستبدلي الكتب والهوايات <بالتلفون مع

اقاربك او الجوال او المسنجر >
امام

زوجك ...

ممكن تستخدمي النت امام زوجك فقط

بطريقة معقولة للتصفح ...

ولكن احذر انه يكون قضاء وقتك امام

زوجك <بالتحدث للصديقات

والاقارب وتضيع الوقت>
لأنها هذي

الحركة ممكن تستفز زوجك

ويتهمك باللامبالاة والاستهتار .. وعدم

احترام وجودة .. وتجيبي لنفسك

كلام انتي في غنى عنه ... <يعني بدل

ما تكحليها عميتيها>

... في غياب زوجك كلمي صديقاتك

وجيرانك وصحباتك ... واشتغلي

ونظفي واطبخي واخرجي كل

طاقتك ... واعملي كل ما بدا لك ...

وفي حضور زوجك ... اذا حاسة انه

في فمك هرجة او كلام <وعارفة انه

ما راح يعجبة الموضوع>
على طول

امسكي كتاب او أي هواية

وانشغلي فيها ... وشوفي كيف تتغير

حياتك والله للأفضل والأحسن

وتخف مشاكلكم بنسبة عالية جدا ...

جربيها اسبوع وشوفي النتايج

وايضا احتسبيها أجر عند الله انه هدفك

من هذا كلة الأجر <حتى لا تؤذي

زوجك بلسانك>
- وبالنسبة للسيارة <اه السيارة وما

ادراك ما السيارة>
طبعا كل واحد

فيكم فاضي ومتفرغ للثاني .. واغلب

المشاكل والخلافات تكون بالسيارة

في السابق انا ما اتذكر اني كنت اروح

لأهلي يوم وانا مبسوطة لازم نختلف

في السيارة واروح لأهلي متضايقة

وزعلانة ... وعلى ايش ؟؟ والله

مواضيع ما تستاهل ... لانه زي ما قلت

لكم الرجل عنيد ويحب يختلف

عن زوجتة بكل شيء حتى بالرأي ...

وفي النهاية نوصل لطريق

مسدود ...<ورددي دائما حتى تحسي

بالراحة ... انه مو ضروري اقنع زوجي

بأفكاري اهم شيء انا مقتنعه >
وايضا

اتبعت افضل طريقة وان شاء الله ربي

يكتب لي الأجر

اشتريت سبحة مكونة من 100 خرزة ...

وخليتها في شنطتي ... طبعا هذي غير

الموجودة بالبيت ... المهم كل ما

حسيت انه راح افتح موضوع

بايخ مع زوجي .. على طول امسك

السبحة واستغفر واستغفر واستغفر

<ياليت كل وحدة تنوي يكون

استغفارها لنية او امنية محددة

تتمناها>


يصير كذا كسبت اجر الاستغفار ...

وتحقيق امنيتها ...

وهذا افضل بكثير من تطاولي على

زوجي والغلط في حقة حتى لو كنت

محقة ...

قيل .!!

زعيم لبيت في ربض الجنة لمن ترك

المراء وان كان محقا > المراء : هو

الجدال[/COLOR]
يعني ترك الجدال وخاصة مع الزوج ...

امر مطلوب ومرغوب دينيا

ودنيويا ونفسيا وصحيا ...


الخلاصة ...

يكون الصمت امام المواضيع الماسخة

البايخة الغير هادفة

واستغلال الصمت بحفظ القران او

سورة معينة منها او حفظ الكتب

التعليمية الهادفة او اللغة الانجليزية او

الهوايات ... ويكون هذا الاستغلال امام

الزوج حتى لا تعطي نفسك فرصة فتح

مواضيع غير ناجحة امامه ... والبعد كل

البعد عن <الأتصال الخارجي

بالصديقات

والاقارب> حتى لا يستاء الأمر


- بالنسبة للطلبات المنزليه
والشخصية ....

يفضل انك تطلبي الطلب مرة واحدة

فقط سواء شيء يخص البيت او

يخصك انتي ... وعلى فترات متباعدة

<اذا تأخر في الطلب> يعني اطلبي

الطلب مرة واحدة ومن ثم اتركية هو

يجيبها ... وحطي في بالك قاعدة

عشان تقتنعي وترتاحي من الزن

واعادة الطلبات <انه الرجل ما راح

يجيب الشيء الا في الوقت اللي هو

يبغاه>


يعني مثلا احتجتي سوق .. قولي انك

محتاجة سوق .. وبعدها مارسي حياتك

اليومية بدون ما تكرري الطلب ... مو

كل شوية في الدخلة والطلعة ذكرتية

بالسوق ... اصلا انتي بالطريقة هذي

تضطرية يهرب من البيت الى بيت اهلة

او اصحابة ... وكذلك ايضا طلبات

البيت ... اكتبيها في ورقة وحطيها في

جيبة ... ولا تستعملي اسلوب الزن ...

وعلى فكرة يا بنات ... اذا اتبعتي هذا

الاسلوب الناجح ... راح تعطي زوجك

مجال انه يتذكر اللي له واللي

عليه ..يعني خليه هو يتذكر مو انتي

تذكرية ... يعني نمي قوة الذاكرة اللي

عنده ... ولو جلستي كل مرة تكرري

نفس الطلبات راح يتعود على

الأتكالية ... لانه متطمن انك راح

تذكرية في كل مرة ... خليه يعتمد على

نفسة .... غير كذا

لما يشوفك ما تطلبي الا مرة وحدة

وتلتزمي الصمت بعدها... <راح

يرحمك كثييييييييييييييييييييييييير

كثييييييييييييييييييييير ويحن عليكي ...

ويحس

انه انتي افضل منه وانه هو مقصر

معاكي ... وراح يستشعر بقناعتك

وهذي اهم نقطة انه يحس انك قنوعة

... يعني خليكي كتلة من الغموض او

على الأقل نص كتلة

يعني اعطي زوجك بس قليل قليل ...

وحلاة الشيء في قلته ... يعني اعطي

واسحبي واعطي واسحبي ... وخلي

لسانك حلو معاه .... اتعلمي الرقة

واللطافة ...يعني التزمي الصمت واذا

اتكلمتي ذوبية بأسلوبك ...

فهمتوا علي ؟؟؟ مو تجي طول اليوم

ساكتة .... ولما يكلمها ترد من طرف

خشمها؟؟؟ لا لا بالعكس ترى كذا راح

يتمناكي تسكتي طول اليوم ...

خليه يشتاق يسمع صوتك .... واذا

سمع صوتك ... خلية يتمناكي ما

تسكتي على طول ...

طبعا كل شيء صعب بالبداية سواء لك

او على زوجك ...

وابعدوا عن الاتصالات عليهم بالجوال

اذا طلعوا من البيت .... لا تسألي متى

جاي ؟؟ ومتى رايح؟؟

وليش ؟؟ وعشان ايش ؟؟ لا لا لا خليه

يفقدك .. ويفقد اتصالاتك

ولو جربتيها مرة ... راح تتفاجأي انه هو

بنفسة يتصل عليكي ويسأل ... اذا

تبغي شيء او لا ؟؟.. خاصة اذا اتأخر

عن البيت ساعات طويلة بدون ما

ترفعي السماعة علية ... وهذي

الطريقة تناسب الزوج اللي يحب يسهر

ويطلع كثير من البيت

... في البداية الازواج بينبسطوا انه

زوجاتهم اتغيروا والتزموا الصمت

وما يطلبوا كثير وما يسألوا عنهم

كثير ... لكن بعد كذا يبدأ يقدر هذا

الشيء لكم ... فعلا يا بنات راح يقدروا

هذا الشيء لكم ... ويعوضوكم وكلمة

<يعوضوكم> حطي تحتها مية خط

لاهميتها


نقطة اخيرة ومهمة... وهي طريقتك

في التمشية والفسحة مع الزوج وهذي

نقطة مهمة للي يعانون من الاكتئاب

والملل والروتين القاتل والوحدة

والزوج الكسول
...


... لازم تقتنعي باللي راح اقوله لك ...

زي ما انا اقتنعت ... ورضيت ...

وأرضيت لا تشغلي نفسك وتفكيرك

بفسحتك وخروجك مع الزوج ... اكرر

واعيد ... لا تشغلي تفكيرك فين

تروحي وفين تجي وخاصة نهاية

الاسبوع ... حتى ما تصابي بصدمة

نفسية اذا رفض زوجك يطلعك ... كثير

مننا المتزوجات تخطط انه نهاية

الاسبوع مثلا تروح المكان الفلاني او

السوق الفلاني وترسم احلامها ..

وفجاة يقول الزوج ما ابغى اطلعك ...

وتزعل وتسبب مشكلة كبيرة لانه حلمها

في لحظة انهدم والسبب الزوج ...

عشان كذا اقولكم لا تخططوا

وترسمواحلامكم ... خليها بظروفها ...

او على الأقل فكري في اسوأ

الاحتمالات ... عشان لو رفض الزوج ما

تزعلي بسرعة... يعني لو جات الخرجة

كان بها ولو ما جات ما كان اكبر

همك ... فهمتوا علي ؟؟؟

والفسحة تطلبيها من مرة وحدة ....

يعني مثلا تقولي له ايش رايك نروح

السوق؟؟؟ اذا قال : لا ....

خلاص لا تزني ولا

تزعلي ... وتخليه

يطلع بره البيت غصب عنه ... ويدور

مكان يهرب فيه ...

لازم تتعودوا على القناعة ... اذا قال

زوجك :لا ....؟؟؟ قولي في نفسك

<ترى الجنة احلى> او ممكن حتى

كمان تخليه يسمعها عشان يراجع

حساباته...

لا تطلبي طلعات وفسحات كثيرة من

باب الكماليات ... اتركية هو وذوقة ...

وخلي عندك قناعة شديدة <انه اذا

زوجي ما طلعني بطيب خاطره ورضا

نفسه انا ما ابغاها من طلعة>
يعني

طلعة وحدة مع زوجك من تخطيطة

وتكتيكه هو احسن من الف مليون

طلعة من تخطيطك انتي .... وجربوها

واتأكدوا من كلامي ... جربي تجلسي

اسبوع او اسبوعين بدون ما تقولي

طلعني وخرجني ... وهو حاس جوة

نفسة انك قد ايش محتاجة تشمي

هواء ... ونفسك تطلعي ... شوفي

كيف راح يفاجأك بطلعة ترد الروح ...

لأنها جات بطيبة خاطر منه ...

عارفين انا كيف افنعت نفسي اني ما

اطلب طلعات كثير؟؟؟ بس ما ادري اذا

بتناسبكم او لا ؟؟؟

بس مناسبتني كثير جدا ....

انا عن نفسي اتمنى اقدم على بعثة

وادرس في الخارج وزوجي رافض 90

% ...

بس مافي شيء صعب امام

الاستغفار .... وصرت التزم

الاستغفار

... استغفر واستغفر واستغفر ...

وحاطة ببالي انه ربي ما راح يردني

خائبة ...

وبيجي يوم وافرح بهذا الخبر ...

المهم ... اذا طلبت خرجة او فسحة من

زوجي

وقال : لا .... ما اتضايق وازعل ... لأنه

في بالي اقول .. اذا سافرت الخارج

ادرس ؟؟؟؟... راح اشبع تماشيء

وطلعات ... اقلها الجو العليل ... وبكذا

يرتاح بالي واهدأ ... وما اكدر على

نفسي ...

راح تجي وحدة وتقول ... ليش ضامنة

انك بتسافري وزوجك رافض 90% ؟؟؟

اقول لها : لأنه مافي شيء صعب على

الله والتزمت الاستغفار ... وربي وعدنا

انه اللي يستغفر راح يحقق طلبه ...

اعملوا بحث في النت وشوفوا اللي

استغفروا اتحققت معظم امانيهم ...

اللي جابت اطفال بعد عقم دام 10

سنوات و.. و.. و... كثير من

القصص ....

يعني كل وحدة تحط هدف امامها

عشان ما تزعل اذا قال الزوج <مافي

طلعة > انا هذا الهدف حطيته امامي

ورضيت واقتنعت فيه ....

في بنات ... مثلا يكون زوجها واعدها

انه اخر السنة يسافروا برة للسياحة ...

يصير لا تزعل اذا زوجها قلها مافي

خرجة .... خلاص تجهز وتخطط لهذي

السفرة ... وتقول اذا سافرت راح

اتمشى واروح واجي واطلع حق السنة

كلها في هذي السفرة ...

زي ما قلت لكم كل وحدة تحط هدف

امامها وتحلم فيه ... عشان لا تنصدم

اذا زوجها رفض يفسحها ... والحلم ما

يتحقق الا بالأستغفار

والدعاء وقت تحري الأجابة


اختصار

- الصمت امام المواضيع الغير هادفة

واستغلالها بالقراءة والهوايات

- عدم الزن وتكرار الطلبات <بأستثناء

الضرورات> وراح تشوفي كيف زوجك

يجيب لك اللي تبغية

- لا تزعلي اذا زوجك ما طلعك وفسحك

وقولي <ترى الجنة احلى> او حطي

امامك

هدف اذا وصلتيه راح تتفسحي وتتمشي

على كيفك ...


اتمنى الموضوع يعجبكم وتطبقوة

لانه عن جد راح يريحكم من اشياء

كثيرة انتوا في غنى عنها

.... ودمتم


م/ن

 
التعديل الأخير بواسطة المشرف:
عودة
أعلى