ما كل من يضحك مع الناس مبسوط يا كثر من يضحك ونفسه حزينه , كامله

Loli.

Well-known member
السلام عليكم ورحمة الله وبركاته ..,
بعد ماخلصت في حط البارت نار الغيره تحرق رجل واطيها كلها

حبيت اضع لكم روايه حلوه وتضحك ب نفس الوقت
وتستمتعتو بعد ب قراتها لانو بطل وبطله ع كيفهم ي فكرو
كلها هواش في هواش ^.^ طبعا منقوله مهوب من كتاباتي

. :k: .

قراءة ممتعه لكم ي قدعان :h:
 
السلام عليكم ورحمه الله وبركاته

ببدء بشخصيات الرئيسيه
ابو نور (عبد الله ): رجل اعمال ناجح يمتلك اكبر شركة مقاولات بجده عمره 50 سنه
ام نور( حصه ):عمرها 45 سنه طيبه وحنونه لكن وقت الحاجه تكون اصلب من اشد الرجال
نور: عمرها 22 سنه
حلوه اهي البيضا الوحيده بخواتها طالعه على جدتها
نور بطبعها انسانه حنونه وفرفوشه لكن حالها انقلب من سنتين تقريبا وصارت حساسه وايد وتعصب بسرعه لكن هالعصبيه ولان قلبها ابيض ترضى بسرعه وايد
حنان:21 سنه
عربجيه بمعنى الكلمه شعرها قصير وايد تقريبا بوووي
الا انها صاحبه احلى ملامح بين خواتها لكن للاسف مايبين هالشي
تتمتع بصفتين تسبب لها مشاكل وهي العناد والصراحه
تدرس بجامعه الملك عبد العزيز ادارة اعمال
ليلى : 18 سنه
توها تخرجت من الثانويه بنسبة 97.80 والان جالسه تستعد لامتحان قبول الطب
ليلى زي اخواتها عندها حظ من الحلى ولكن يغلب عليها الطابع البسيط ماتحب التعقيدات وطموحه
مريم :17 سنه الي يميزها لون عيونها العسليماتحب تحتك بالناس الا المقربين لها
مريم مافي احد ببيتهم قريب لها اكثر من حنان مافي شي يخفونه عن بعض ابدا وعشان كذا ينامون بحجره وحده

عائلة ابو تركي
ابو تركي (محمد ): اخو ابو نورالكبير وشريكه برحلة الكفاح
يدير فرع الشركه بالرياض عمره 55 سنه
ام تركي (موضي ): ماتختلف عن حصه نفس الطيب والقوه وهي اخت حصه عمرها 48 سنه
تركي : 28 سنه مطلق خريج جامعه الملك سعود قسم المحاسبة ويدير الشغل مع ابوه حلو وماعليه كلام
بندر : 23 سنه يدرس بامريكا ادارة اعمال وسيييم ومحترم وعبارته المشهوره مافي بنت تهز فيني شعره

الجده
ارمله ربت اعيالها الين ماصارو رجال وينشد فيهم الظهر
مره متمسكه بعاداتها وتقاليدها والحايل المايل مايمشي معاها
وتبر دوم عن ارئها (انتقاداتها بالاصح ) بطريقه قاسيه

في شخصيات ثاويه رح تظهر مع الاحداث ان شاء الله


اه لا هدنيييييي يمه يبه لحقووووو علي لا

ليلى : بسم الله الرحمن الرحيم نور ياعمري اذكري ربك

نور: يلحقني بيذبحين يالليلى بيذبحني

ليلى : ياقلبي مافي احد يلحقك هذا كله كان حلم

نور : ها حلم ايه صح حلم

ليلى: تعوذي من ابليس وارجعي نامي

نور: انام ومن وين بيجي النوم ؟

ليلى وهي تحاول تهون الوضع على اختها : يابنتي هونيها وهي تهون

نور بتهكم : النار ماتحرق الا رجل واطيها

ليلى : ادري بس والي يعافيك حطي الماضي ورى ظهرك وعيشي حياتك

نور : حياتي أي حياه حياتي خلاص انتهت

ليلى : استغفر الله وين انتهت انتي بعد توك صغيرونه ما وصلتي حتى ال25

سيبيك من التشائم اضحكي للدنيا تضحكلك

نور ابتسمت بوجه اختها الي طول عمرها متفأله بالحياه وتحب تخفف عن الناس

وقالت وهي متلومه : سوري ليلى صحيتك من النوم

ليلى : ايه نعم فجعتيني يابنت حسيت قلبي بيوقفك من الرعب

نور الي اصطبغ وجهها بالاحمر : سوووووري ليلى

ليلى وهي تنفجر ضحك : خخخخخخخخ والله انج مقصه

نور فهمت ان اختها تكذب عليها : مالت عليك ياوجه العنز

ليلى : خخخخخخخخخ حلاتك وانتي مفتشله خخخخخخخ

نور : الا صدق مانمتي

ليلى : نوووووووو

نور : وليه ان شاء الله مانمتي (تناظر لساعة الجدار ) الان الساعه 4 الفجر

ليلى بأبتسامه شاقه الحلق : كنت اذاكر

نور باستنكار : شحقه تذاكرين الثانويه وخلصتيها الحمد الله ليش المذاكره ؟
ليلى وصوتها مليان بخيبة الامل : اشفيك نواري انا اذاكر لامتحان القبول نسيتي ؟!

نور : وخير ياطير

ليلى : خير ياطير اقولك امتحان القبول امتحان كلية الطب يعني لازم اكون مستعده اتم الاستعداد انا فحطت 12 سنه في المدرسه وتعبت وسهرت عشان اجيب درجات عدله والان على بعد خطوه انام مستحييييييييييييل
انا ماقدر ارتاح ولا انام الا يوم ماختبر واعدي الاختبار لا يوم ماخلاص يطلع قبولي واداوم بالجامعه ...لا يوم التخرج

قاطعتها بتهكم : لا حبيبتي يوم ما تستلمين وظيفتك او يمكن يوم مايصير عندك مستشفاك الخاص !

ليلى : تتريق الاخت

نور بانفعال مصطنع : ايه نعم ماتشوفين نفسك كلها كلميتن قلتها لك كلتيني بقشووري

ليلى بعد ماحست بالفشيله من طريقة كلامها مع اختها الكبيره : سوري يانور ماكنت اقصد اعلي صوتي وانفعل
بس عاد انتي تدرين هذا الطب حلمي من انا صغيره اه (قالت جملتها الاخيره وهي ضامه كفوفها ببعض ومقربتها من صدرها وعيونها للسما وصوتها مليان بالحنان )

نور : الحمد الله والشكر الي يسمعك وانتي تقولينها بيقول تتكلم عن حبيبها خخخخخ

ليلى : جب

نور : يجبتس وحمار يلمتس

ليلى : ياشين السرج ع البقرة

نور وهي توها تبي ترد على ليلى الا والباب ينفتح تقولون اعصار ضاربه
وياحرام البنات انفجعوو

حنان :مرحبا شباب ونطت ع السرير جنب ليلى ونور

ليلى بعصبيه من عربجية اختها : اولا احنا مو شباب وثانيا شلون تدخلين الغرفه بالطريقه لايكون جايه تفتحين حصن وانا مادري

حنان : حلوووووووووووووووه منك بس لاتعيدينها وتلتفت بنظرها لنور الي شافتها خلاص مفوله ع الاخير

حنان : نور اشفيك مفوله اكيد هذي الدبا صدعت راسك بسوالفها البايخه

ليلى : سو....قاطعتها نور

نور : الا مفوله من شغل العربجه الي تسوينه شهالتصرافت ياحنان بالله ناظري نفسك دخلتي علينا لاحم ولادستور وفوق كذا صوتك العالي الي سمعوه الجيران
وشهاللبس الي لابسته بذمتك هاذي بجامة بنت مصارعن وثيران

ليلى رزت وجهها : احمدي الله انها ماتنام لك بالفوطه (الوزار بالاماراتي )

طالعتها نور بنص عين يعني انكتمي وحنان الشرر يتطاير من عيونها

ولكن كتمت غضبها وقالت : سووري ان شاء الله المره الجايه رح اطق الباب واخفظ صوتي ولايهمك عمتي نووور

ليلى : كثري منها ابو طبيع مايجوز عن طبعه

حنان : اقول انكتمي يالبزر

ليلى واستفزتها الكلمه : انا مو بزر يالعجيز

حنان : عجيز ماغيرك يالدب

ليلى بمكر : توك تقولين اني بزر

نور الي كانت بين ضربات المدفعيه الكلاميه بين خواتها الصغار قررت توقف الامور عند حدها : بس عاد احشموني انا جالسه بينكم مطلشه
ولاكأني اختكم الكبيره ولاشي مالت على هالوجيه
ليلوه انعدلي وانيت تكلمين حنان هذي مهما كان اختك الكبيره ولا ترادينها بوقاحه
(حنان تطالع ليلى بنظرات انتصار ولكن المسكينه ماتهنت لان بدور لفت راسها ووجهت الكلام لها ) وانتي بعد حنان خانم عدلي اسلوبك مع ليلى كونك الاكبر مايعطيك الحق باني تقليلي من احترامها كونها الاصغر وشغل العربجه هذا تعبت وانا اقول بطليه (ليلى عاد ردت نظرة الشماته لاختها ولعبت لها حواجبها )
والان يالله فارقي على غرفتك(قالتها لحنان وهي تأشر للباب ) وانتي انقلعي لسريرك (قالتها ليلى وهي تأشر للسرير )

حنان : يعني طرده ؟!

نور :شرايك يعني ؟

حنان ..................
ليلى : الا صدق حنان شسبب زيارتك هذي

حنان وهي قايمه من السرير : اختك مريم نايمه وانا ماجاني نوم وسمعت اصواتكم قلت اجي اسهر معكم بدل جلستي اناظر الجدران وبعدين مابقي شي ع الاذان

ليلى : اها

نور: اجل خلاص اجلسي معاك حق مابقي شي ع الصلاه

حنان انبسطت ورجعت جلست : اجل ياللا اهرجو ياشباب

نور وهي تطالعها بنص عين : ماعندي سوالف دورولكم سالفه

ليلى : اممممم مدري مخي مصنقر ع الاخر

حنان : امممم شرايكم نتكلم عن السيارات يانا شفت لكم همر اخر يوم بالجامعه

نور : تكفين حنان خلصت المواضيع نتكلم عن السيارات

ليلى : معذوره يوخيتي انتي مو شايفه درزن السيارات الي بالجراش تراها حقتها

حنان : اه ليت عندي سياره لو حتى ونيت بغمارتين

ليلى : خخخخخخخ ونيت مالت تمني شي عدل

نور : وشفيه الونيت

ليلى : مافية شي بس عاد تتنمى شي عدل ويليق للبنت

حنان : الي يسمعك يقول الان الونيت جنب الباب وبعدين ان لو ابي اخذ سياره
ما اتنازل باسوء الحالات عن الbmw

نور : بلللللللللللللللل هذا ع الاقل

حنان : افكورس ياعمري هذا على اسوء احتمال

ليلى : هذا والسواقه عندنا ممنوعه والبي ام اسوء احتمال اجل لو قالو سوقوا يالحريم شرح تشترين

حنان بحماس : الله لو يسونها بشتري امممم همر ولو ابوك هز جيبه زييين باخذلي فراري او بورش

نور : شهاذي بعد
 
حنان سيارات

نور : وانا قلت انها طيارات

ليلى : خخخخخخخخخخخخ حلوه

حنان : اه متى رح يسمحون

ليلى : غني ياليل مطولك

نور : وان سمحو الاخت ناويه تسووق

حنان بحماس متعمد : اكيييييييييييييييييييييييييييييييييد هذا ان مابدت بالتخشيبه من ورى التفحيط بالتحليه خخخخ

ليلى : من جدك انتي

حنان : ايه

نور : الي يقول ابوي وعمي بيسمحولها قسم بالله يحشون رجولها حش

حنان : عمي وعياله مالهم كلمة علي وشوري عند ابوي والوالد الله يخليه
كلمتين حلوووين على تمسكن وبيرضى

ليلى : يالطيبه الان ابوي تبين تقصين عليه بكلمتين انتي اكيد خبله

نور بجديه : انا مدري كيف الحريم يبغون يسوقون بالله لو اتعطلت فيها السياره
بمكان مقطوع شبتسوي ولا اذوها شباب وقامو يعترضونها بسياراتهم
ولا كفرها لما يبنشر ان شاء الله بتنزل وتشمر اكمام العباءه وتغيره

ليلى : قولي لاصار لها حادث لاسمح الله شبتسوي ياحلاتها وهي بقسم الشرطه بين السفاحين وارباب السوابق ولا لازم تبات لها يوم الين مايطلع تقرير المرور وتتقدر الاخطاء واذا طلعت الغلطانه هي وحظها بيتنازل الي صادمته او لا وحليلة ابوي يوم تدق عليه وتقول يبا تعال اكفلني ويتبهدل ابوي بين قسم الشرطه والمرور اذا ارجال تعور بيدفع مصاريف المستشفى
يعني شغله مال امها داعي

حنان : بللللللللللل عقدتووو الدنيا انا اول بس اسوولف وهذي كلها امنيات لا اكثر ولا اقل
وكل الي قلتوه انا حاطته زين ببالي وياليلى مو انا الي احط ابوي بموقف بايخ زي هذا بعد ماخط الشيب بلحيته ولا اسمح للي يسوى ومايسوى يخليني علك بفمه يتسامر بسمعتي وسمعة هلي

نور : انا ابي اعرف العقل هذا من وين ينزل عليك فجأه

حنان : انا نفسي مادري خخخخخ

الله اكبر الله اكبر الله اكبر الله اكبر <<اذان الفجر

ليلى : وهذا الفجر اذن يالله اذلفي حجرتج صلي وصحي اختك تصلي واحنا بنصلي عشان ننام

حنان : اوكي خلينا ننام ساعتين قبل مايصحى ابوي

اذا شفت ردودكم بكمل

مع خالص حبي
 
البارت الثاني



كعادتها اليوميه صحت مع اول تكبيره من تكبيرات المؤذن المعلنه لدخول وقت صلاة الفجر التفت على يسارها وشافته كان نايم بكل هدوء


ام نور وهي تهز بيدها كتف زوجها : ابو نور قم يارجال
ابو نور : اممم
ام نور : عبد الله قم ياللا
ابو نور: شوي زين يامره
ام نور : تم قول شوي شوي الين ماتقيم عليك الصلاه
ابو نور من سمع فز على طول من سريره وهو يتعوذ من ابليس
وراح للحمام (وانتو بكرامه )
ام نور بعد ماصلت طلعت من حجرتها واتجهت على طول لغرفة حنان ومريم عشان تصحي مريم للصلاة لانها الوحيد الي ماسمعت صوتها على عكس صوت نور وليلى الي وصلها مع هدوء الليل وطبعا صوت حنان الي خرم طبلة اذنها من علوه
طقت ع الباب بس ماسمعت رد فكرت انها لسى نايمه فتحت الباب وبتسمت للمشهد الي شافته
كانت مريم جالسه للتشهد الاخير وكلها ثواني وسلمت ولفت وجهها وبابتسامتها المشرقه : هلا يمه حياك
ام نور : ماشاء الله اشوفك صاحيه .. لايكون كنتي سهرانه
مريم : لا وين اسهر يمه تعرفين ماقدر ع السهر بس حنان كانت صاحيه وصحتني للصلاه
ام نور : زين واهي الان وينها اشوف سريرها خالي
مريم : صلت ونزلت الصاله تقول بتقعد تناظر التلفزيون الين الفطور وعقب بتنام
ام نور : شتلفزونه بعد الان بدل ماتقعد تقرالها قران بتقعد ع التلفزيون
شتبي بهالخراب من صبح رب العباد استغفرالله يارب ان تهدي هالبنيه
مريم : ان شاء الله
ام نور : وانتي يمه بتردين تنامين
مريم : ايه نعم يمه
ام نور: زين اخليك يابنتي وخفظي هالمكيف الغرفه ثلج
مريم : ان شاء الله
خرجت ام نور من غرفت بنتها ورجعت لغرفتها عشان تقرأ وردها اليومي من القران واثناء ماتقرأ دخل عليها زوجها
ابو نور : السلام عليكم
ام نور(وهي تقفل المصحف وتحطه ع الكومودينه ) : وعليكم السلام ورحة الله وبركاته
علامك ابطيت يارجال ؟عسى ماشر
ابو نور: مافي شر ان شاء الله بس قابلت ابو احمد عقب الصلاة وخذتنا السوالف
ام نور : اها (وهي تبي تطلع من حجرتها )
ابو نرو : وين بتروحين
ام نور : علامك بروح اجهز الفطور والقهوه
ابو نور : زين اجل انا بكمل كم شغله عندي بالمكتب ولاجهز الفطور علميني
ام نور : تامر امر
ابو نور : مايامر عليك ظالم


اتجه ام نور للدور السفلي عشان تجهز الفطور .رغم ان البيت فيه خدامتين وارفع بنات الا ان ام نور ماتحب احد يطبخ لعيالها وزوجها غيرها
ووسط انشغالها بتجهيز الفطور تدخل حنان ببتسحب وامها مو منتبهه لها ومعطيتها ظهرها وبصوت عالي : شصبحتي يمه ؟
ام نور مخترعه : بسم الله ..حنانوووووووه
حنان : خخخخخخخخخخخخخخخخخخخخخخ حلاتك وانتي متخرعه خخخخخخخخ
ام نور : خس الله وجه العدو وتضحكين بعد (تمطها من اذنها ) تبين تجلطيني
حنان : بسم الله عليك يمه
ام نور : قسم بالله ان تعيدينها بتشوفين الي مايسرك
حنان المتورطه : على هالخشم ...وتاشر على خشمها
ام نور : بنشوف يابنت بطني اعرفك بياعه كلام
حنان وعيونها شوي تطلع من محاجرها : انا بياعة كلام
ام نور : لا ياقلبي الي عدالك
حنان : حليلك يمه تنكتين
ام نور : انا كم مره اقول لاتقولين حليلك قل الله حليل العدو
حنان المتفشله : اوبس زلة لسان السموحه يمه
ام نور : سويلك فايده وخذي هالصحون للسفره
حنان : ان شاء الله
ام نور : وصحي خواتك الساعه 6.30
حنان : ان شاء الله
وطلعت من المطبخ

 
صحت من نومها وفيها نشاط على غير العاده تسبحت وغيرت هدومها
حطت على راسها مسفع يتماشى مع لون ملابسها الورديه
لها سنيين غطى الراس مرافقها مستحيل تتخلى عنه حتى بداخل حجرتها ماتخلعه
دايما لابسته وكأنه صار جزء لا يتجزأ من جسمها
بعد مالفت المسفع باحكام عن ينفتح عليها قررت تنزل للفطور الاجباري
وهي نازله ع الدرج شافت حنان وهي طالعه تركض
حنان : هلا هلا بالريم
مريم : اهلين صباح الورد
حنان : صباح العود والعنبر والبخور ...شلونك ياقمرهم
مريم : ههه قمرهم مره وحده الله يجبر بخاطرك ياحنو
حنان : ايه نعم قمرهم والي مو بعاجبه يطق راسه بالجدار
مريم : اعصابك هههههههه الا وين طايره
حنان : لابس هنا قريب بروح سنغافوره بجيب بخور وارجع
مريم : خخخخخخخ صدق وين رايحه
حنان : وين يعني كنت جايه اصحيكم ودامك صحيتي بروح اصحي مبروكه ومحظوظه
مريم : ياويلك ان سمعوك خخخخ
حنان بثقه : ماعليك منهم مايقدرون يسون لي شي
الا انتي وين رايحه ؟
مريم : بشوف امي اذا تبي مساعده
حنان : استريحي امي خلصت الفطور
مريم : برضو بروح اشوفها
حنان : اوكي اشوفك ع الفطوور سي يووو
مريم : سي يوووو
كملت حنان طريقها لغرفة خواتها اما مريم اتجهت للمطبخ
مريم قابلت امها ع باب المطبخ ابتسمت لها :قوة يمه
ام نور : يقويك يالغلا ها وشو الي جايبك المطبخ ؟
مريم : جيت اشوفك اذا تحتاجين مساعده يالغاليه
ام نور باتسامه عذبه : لا يابنتي ماحتاج شي والغالات موجودات ان احتجت
انت بس روحي نادي ابوك خليه يجي يفطر
مريم : ان شاء الله
مريم اطلعت من المطبخ الي مكتب ابوها مملكته الخاصة كان المكتب يغلب عليه الطابع الكلاسيكي ابتداء من الالوان وانتهاء بالاثاث
ابو نور يقضي بالمكتب اكثر من نص وقته اثناء تواجده بالبيت يشوف اوراقه ومعاملاته الي ناقصه او يوقع اوراق او يدرس مشاريع ...الخ
اثناء انشغاله بالملف الي قدامه سمع طق ع الباب
ابو نور بابتسامه : دخلي يامريومه
مريم وهي تدخل : اول شي صباح الخير وثاني شي شلون عرفت ان انا الي ادق الباب
ابو نور : ههههه اول شي صباح الورد وثاني شي بسيطه لان محد يدق بابي بهالنعومه غيرك وثلاث مرات بس
مريم : اها .... انزين يبه الفطور جاهز
ابو نور: الحمد الله جهز خلاص انا شوي وبموت من الجوع
مريم بخوف : بسم الله عليك يبه جعل يومي قبل يوم
ابو نور وهو يضم اصغر بناته لصدره : يابنتي المووت حق علينا وقصر الزمن او طال مردنا شاربين الكاس
مريم : .........................
ابو نور: امشي يللا نروح نفطر عن تجي امك الحين وتهاوش
مريم : خخخخخخخخخخخخخخخخخ


حنان وصلت غرفت خواتها وطق الباب مره واثنين وعشر ولكن لاحياة لمن تنادي
طبعا الحبيبات مو بنايمات الا عقب الفجر فطبيعي مايردون عليها
فتحت الباب ولقتهم بسابع نومه
حنان وهي تقرب من نور : نور نواري ياللا قومي
نور :.........
حنان : النور يالله وبعدين
نور : امممم
حنان تلف على ليلى : ليلى ....ليلوووه ياللا انتي بعد قومي
ليلى : انزين بس شووي
حنان : اقول قومي بلا شوي لا نيله
ليلى : قلت لك طيب اوووف
حنان خلاص فولت وبصوت عالي : وهي تسحب اللحافات : اقوووووووووووووول بالطيييييييييييييييييب قووووووووو مووووووووو
نور بانزعاج : حنانوه وصمخ انقلعي بره وقفلي الباب
حنان : مو بطالعه ..امي قالت اصحيكم وياحلوين الساعه الان قريب ال7 يعني الفطور العسكري حان موعده
ليلى : حنان قفلي فمك وانقلعي بره احسن لك ورجعت سحبت لحافها وتغطت
حنان : اقول قومو بالطيب عن تجي امي تغسل شراعكم
ليلى : .....................................
نور : ........................
حنان : انتو الي حديتوني على هالشي وتقوم تخرج من غير ماتسكر الباب
ليلى : اووووووووووف واخيرا ذلفت
نور : مالت كان قفلتي الباب يالتيسه
ورجعو البنات يكملو النوم
وبعد شووي ترجع حنان لغرفة خواتها وهي تتسحب شوي شوي وبيدينها كاستين مويه بارده وتكب على كل وحده من خواتها كاسه
ليلى ونور : اه
حنان الي وصلت عند الباب : تستاهلون
ليلى : بلى في شكلك شالحركات
نور : تبين الي يكسر لك عظامك مويه وبارده الله اكبر عليك
حنان : قلنا قومو ما قمتوو تستاهلون
ليلى : ان مارديتها لك
حنان : خخخخخ عشم ابليس بالجنه ..لاتكثرون كلام بدلو هدومكم ونزلو للفطور سامعيين
ليلى ترميها بالمخده : انقلعي
حنان الي ماجات فيها المخده : الحمد الله اختي حوله
ونزلت جري عن يجيها شي اكبر من المخده وخلت خواتها يتوعدون لها
وصلت لحجرة الطعام دخلت وسلمت على ابوها واخذت مكانها ع الطاوله (بجانب ابوها )
ام نور : ها صحيتي اخواتك ياحنان
حنان : ايه نعم يمه
ابو نور : وانتي من متى هالنشاط اشوفك قايمة بدري من غير منازع
حنان الي توقهت بالسؤال تعرف لو درى ابوها انها مو نايمة لحد الان رح يهاوشها : ها
ابو نور : وش ها سمعتي سؤالي شمقومك بدري ؟
نور وهي تدخل عليهم : وهي اصلا نامت
ابو نور : وليه مانمتي ان شاء الله
حنان المتورطه : ياخي انت تدري اجازه ابي استانس وبعدين هالمساطيل (تاشر على ليلى ونور )ترى مانامو الا عقب الفجر يعني زي زيهم
ابو نور : ياخي ها اصغر عيالك انا
حنان : سوري يبه مو القصد
ابو نور : حنان السهر الزياده بطليه سامعه وارحمي عيونك من السنتره قدام التلفزيون وهالافلام لا اخر شي بشيل الفيشه ودوريلك تلفزيون
حنان مرخيه راسها : حاظر يبه
ام نور : وانتن يالشيخات ليه ماتسلمون على طول جلستن
نور وليلى الي توه منتبهات انهم ماسلمو على ابوهم ولامهم (طبعا مستانسات على حنان الي يهاوشونها ياحرام )
حنان استغلت الفرصه : ماتعرفن السنع
ابو نورعطاها نظره يعني انكتمي احسلك
نور قامت وتحب راس ابوها : مسامحه يبا
ليلى من وراها وخري زيين خلينا نسلم على شيخ الشباب ومسكهم وعودهم
ابو نوره وهو يضحك : شيخه الشباب مره وحده اكيد هالشباب عجزان دامني شيخهم هههه
حنان : الا شيخهم من اصغرهم لاكبرهم وحلاهم بببببببعد انت حتى مغطي على توم كروز
(ليلى ونور كانو راحو حبو راس امهم ) نور : يهبى يجي هالكروز عند فر من اظفار ابوي
ليلى : كل مزايين الكون بكفه وانت بكفه ياكايدهم
ام نور بانفعال شوي : خصلتو غزل
مريم : خخخخخ امي تغار
ام نور بنص عين : انتي الان من اول ساكته ويوم مانطقتي قلتي اغار
(حليلها مريم انكسحت ) ولو بغار مارح اغار من بناتي يالدعله
حنان وهي تغمز بعينها لامها : علينا يام نور
ليلى : عادي يمه قولي تغارين ترى مافيها شي ومارح نلومك الوالد يستاهل
ام نور طفرت من بناتها : قلت ماغار قفلو الموضوع
ابو نور استغل الموقف وحب يحرج حرمته وبزعل مفتعل : اجل ماتحبيني يامره
ام نور : استح يارجال بناتك قاعدات
ابو نور مكمل خطته بس بنبره ناعمه : وش علي منهن قولي تحبيني
ام نور الي اصطبغ وجهها بالاحمر : وبعديييييييييين
البنات فطسو ضحك على امهم وحنن طبعا لازم تعلق
حنان تصفر وتصفق : امووووووووووووووت علي يستحووووووون
ابو نور وهو يقرص خدها : انا كم مره اقول بطلي هالحركات
حنان متوجعه ياحرام : اي ان شاء الله ان شاء الله
نور : دوم ان شاء الله ومانشوف شي
ام نور تغير الموضوع : الا ليلى متى الاختبار يابنتي ؟
ليلى : بعد اسبوع يمه ان شاء الله والنتايج عقب الامتحان بيومين
ابو نور : وان شاء الله تذاكرين زيين
حنان برزة وجهها المعتاده : بنتك دافوره تاكل الكتب اكل
ليلى : هيييي انتي اذكري ربك
حنان : لا اله الا الله تطمني ان انحسدتي انا معك بالبيت تعالي وخذي من وضوئي
مريم : اختي بترفع راسنا ان شاء الله
حنان : اختك مو بصاحيه


 
ليلى : وليه عمتي حنان
ليلى : اجل وحده صاحيه تضيع من عمرها 7 سنيين دراسه
نور : وانتي اشلك عمرها ولا عمرك هي الي بتدرس او انتي
ليلى : والله حاله تراها 7 مو 70
ابو نور : الايام بسرعه تجري وكلها مده بسيطه وبتتخرج وتتوظف وناس بعدهم حتى ماتخرجو
حنان فهمت النغزه : ان شاء الله رح اتخرج
ابو نوره : والله مو باين اذا بعد سنتين بادارة الاعمال قلبتتي قانون بعد سنتين بتقلبين علوم
حنان : بسم الله علي علوووووم ووووووووووع واصلا خلاص ماقدر اغير نظام الجامعه يمنع

ابو نور: ولو كان يسنح كان غيرتي ؟
حنان : لا بس اقولك يعني وبعدين انا عاجبني مره القانون كشيييخ وجديد القسم وانا رح اكون ان شاء لله من اول دفعه يخرجونها
ابو نور : اهم شي تتخرجين ولا تحولين ولاتفحطين
حنان : حط ببطنك بطيخه صيفي
ابو نور : بنشووف
ام نور : يابو نور دام ان البنات قدامهم اسبوعين على ماتخلص ليلى امتحاناها واوراقها شرايك تاخذ اجازه ونطلع الديره او الرياض
البنات بصوت واحد : لا ا
 
اسألوا دمي .. وسعادتي وهمي

اسألوا التوفيق ..

والكدر والضيق

اسألوا الطيب في صفاتي ..

والدعاء اللي في صلاتي

واسألوا شهودي ..

الدموع اللي في سجودي

اسألوهم .. واسألوا دمي ..

عن غلا أمي..

ام نور : علامكن تقول لاقعكن عقرب
البنات حليلهن استحن
ابو نور : وحضراتكن ليه ماتبون الديره ولا الرياض
ليلى : يبه الله يطول لنا بعمرك الديره مافيها احد نعرفه
واهلنا كلهم بالرياض وشحقه نطق مشوار لها
حنان : والله انك صادقه
ابو نور الديره الي مو بعاجبتك تراها ارض ابوك وجدك (يوجه الكلام لليلى )
ليلى : والنعم فيها يبه ماقلنا شي بس يبه جدتي وعمي بالرياض
و البيت وحالته حاله انا اشك انه مسكون
مريم : انا اقول نقعد بجده اصرف لنا
حنان : صح يبه ماله داعي السفر ترى حتى الرياض والله مو حلوه
ابو نور: ها نوروانتي بعد ماتبين تقولين رايك بالسفر شرات خواتك
نو ر: يبه انا مالي راي الراي اولا واخيرا لك ولامي من عقبك وين ماتبي بنروح وخواتي ماعليك منهن
ام نور : والله انك صادقه
ابو نور : اثرني اهتميت اسمعوني ان شاء الله عقب نتيجة ليلى بنروح الرياض
ياللا انا بروح الشركه توصوني على شي
الكل : سلامتك
طلع ابو نور متجه لعمله اما البنات وامهم اخذوا قهوتهم والى الصاله
ليلى وهي ترمي نفسها ع الكنبه (القنفه ): اووووف بنروح الرياض
مريم : الله يستر من الي بيصير
ام نور : اسمعن يابناتي انا ماتكلمت قدام ابوكن عشان لا يعصب ولا يهاوشكن والان بصراحه ليه ماتبون الرياض (ام نوره عارفه السبب الحقيقي لرفض بناتها لكنها تبغى تتاكد خايفه يكون السبب الي في بالها من نسج خيالها )
مريم : يعني يمه انتي ماتعرفين السبب؟!
ام نور : لو اعرف كان سالت يعني
حنان بتضجر: بالعربي اللفصيح عشان لانشوف جدتنا المصون
ام نرو بعصبيه : حنانوه يوم ماتبين تتكلمين عن جدتك تكلمي بادب سامعه
حنان : يمه انا مو قصدي اقلل من احترامها بس عاد انتي ابخص بجدتي
ام نور الي مو عاجبها الكلام وظنها طلع بمحله : حتى ولو هاذي جدتك عجبتك ولا ماعجبتك هاذي جدتك واحترامها واجب
مريم : يمه تكفين اقنعي ابوي اننا مانسافر
ام نور : انتن صاحيات ؟! شتبوني اقوله ؟!
والله بناتك مايبون يروحون الرياض عشان امك ؟
ليلى : ايه نعم قوليله
ام نور وبلهجه حازمه : اسمعوني زين انتو الان ترضون احد يقول عني كلمه مو بزينه ؟ ترضون ان أي احد يقلل من احترامي ؟ ترضون احد يحرمكم مني ؟ طبعا بتقولون لا
اجل شلون تبوني بكل بساطه اقول لابوكن والله بناتك الي ربيتهن وكبرتهن وعلمتهن بناتك الي هم حفيداتها مايبن يرحن ولا ايحبن المره الي تعبت عليك وربتك وكبرتك الين ماصار اسمك ينذكر بمجلس الكل يقول سلمت البطن الي جابته ؟! شلون يابنات بطني ؟!
مريم : يمه احنا مانكرها لكن تصرفاتها
ام نور : هي مره كبيره ومهما كان لازم تحشمونها
حنان : بس يمه ..... وتقطع امها كلامها قبل لاتكمله
ام نور : حنان لا تكثرين الهرج ...ترى موقفكن هذا مو عاجبني ابدا
واسمعي زين ياجنان اياني واياك تحطين راسك براسها يابنت اعقلي مهما كان هاذي مره كبيره واحترامها امر واجب انا تحملتها يوم كنت بعز شبابي وكانت هي بعدها بصحتها الين اليوم لا شاب راسي وهي اهتد حيلها ماتحملها ؟!
يابناتي لخاطر ابوكن لا تعملن مشاكل معاها
وحاولو تحسسونها انكن تحبونها
حنان وهي تبوس راس امها : ولا يكون خاطرك طيب يمه
وشوي الا ليلى توقف : عن اذنكم ياجماعه انا بروح اذاكر
ام نور : يابنتي خفي شوي من هالمذاكره واهتمي بنفسك زين شوفي شلون صايره عصلا (نحيفه وايد )
ليلى تضحك : هذي رشاقه يمه
ام نور : جلد على عظم وتقولين رشاقه امحق رشاقه
البنات خخخخخخخخخخخخخخخخخخ
مريم : وانا بعد استاذن بروح انام شوي
حنان : انتي ماتكلين من النوم علىطول نايمه
مريم : مو بكيفي حاسه بتعب وكسل
ام نور بخوف : اجل لبسي عباتك بوديك المستشفى (وتلتفت لحنان ) حنان دقي ع السايق خليه يجهز السياره
مريم بابتسامه : يمه ماله داعي هو بس تعب خفيف وان شاء الله بعد ماصحى من النوم رح يكون راح مو محوجه المستشفى
حنان رازه وجهها : يمه شوفيها ماشاء الله مافيها الا العافيه
ام نور : اللحين التعب فمين فيك ولا فيها عن اللقافه ... مريم يابنتي اسمعي كلامي وخلينا نروح المستشفى
مريم بعصبيه : وايل يعافيك يمه مابي مستشفيات قلت لك بنام وبكون بخير لاصحيت وطلعت على غرفتها
ام نور : لاحول ولاقوة الا بالله
حنان : عن اذنكم بروح انام خلاص مافيني حيل افتح عيوني
ام نور : روحي نامي وان اذن الظهر وماقمتي للصلاه تراني بسبحك بسطل مويه سامعه
حنان : ان شاء الله
وطلعو البنات غرفهم مابقي الا ام نور ونور الي كانت جالسه طول الوقت ولاهي حاسه بالي يدور حولها جسدها بالمكان ولكن تفكيرها كله متركز علي جالسه تشوفه
ولد صغير وبنت اصغر منه كان شعرها كستنائي قصير وكيرلي عيونها العسليه وبشرتها الي بياض اللبن الصافي يلعبون وسط حديقه كبيره وتحيط فيهم الازهار وضحكاتهم تملى المكان
الولد : ثعالي هنا (ريم ريم تعالي هنا )
البنت : مابعى (مابغى )
الولد : اوف يالبي ادول ثعالي (اوف ياربي اقول تعالي )
البنت : اوف مابعى
الولد يسحب شعرها ويجري والبنت قامت تبكي
شاف الولد دموعها وسمع صياحها رجع لها
الولد : حلاس لاتبكي (خلاص لاتبكي )
البنت : ليه تدلوبني اندلع هناك ما احبك ( ليه تضربني انقلع انا ماحبك )
الولد : انا اثف لاتذعلي انا احبث وايد (انا اسف لاتزعلي انا احبك وايد )
نور ابتسمت للي تشوفه
ام نور : نور .......نور
نور : ................................
ام نور : نور ........ نور وصمخ
فجأه اختفى كل شي من قدام عينها وانتبهت لامها الي تناديها
نور : سمي يمه بغيتي شي
ام نور : علامك يابنيت ساعه اناديك خواتك راحن غرفهن وانتي ولا انيت هنا
نور مفتشله : السموحه يمه بس سرحت شوي
ام نور : وش الجديد
نور :........................
ام نور : الين متى بتقعدين على هالحال
نور : يمى ارجوك
ام نور : ام مطلق اتصلت امس تقول
نور : اعرف اشقالت كلام كل مره قوليلها لا لا
ام نور : يابنتي فكري زين
نور : لا رح افكر ولايحزنون ...يمه انتي تدرين رأي زين بالموضوع
ام نور : يابنتي فكري مارح يضرك التفكير ترى قعدت البنت مو زينه
نور بعصبيه : وهرج الناس كثير بس يمه والله خلاص مابي
واذا تبين تخلصين مني انا حاضره قولي لهم موافقه ومابي لاعرس ولاطقطقه ولو بيجي اليوم يملك علي وياخذني انا جاهزه ارتحتي
ام نور الي عصبت من صوت بنتها العالي : نور لايكون نسيتي اني امك اشوف حسك قام يعلى علي تراني امك اذا نسيتي
نور ودموعها على خدها : يمه افهميني انا خلاص تعبت كل فتره ونحن نعيد هالكلام وام مطلق خل تزوج بناتها وتحل عني انا عرسان مابغى
ليه يمه تحنين على هالموضوع ليه محسستني اني حمل ثقيل وتبونه ينزاح عنكم او زي الي مسويه بلوه وتبون تسترون عليها
ام نور الي تقطع قلبها وهي تشوف دموع بنتها : خلاص انسي الموضوع هذا وانا مارح اكلمك فيه مره ثانيه ...بس يابنتي اعرفي انك مو رخيصه ولانتي حمل
 
زي ماتقولين انا ابغى اطمن عليك قبل لاتغيب عيني
نور : عسى عمرك طويل يمه لاتقولين هالكلام
ام نور : خلاص يابنتي قفلي الموضوع لاتوجعين قلبي ولاوجعك انا بروح اصلي الضحى وبنام ساعه
................... في غرفة حنان ومريم ...................
حنان داخله الغرفه وهي متنرفزه وكانت مريم توها بتتمدد ع السرير عشان تنام
مريم : هي انتي شجاك كذا داخله ماتعرفين تطقين الباب
حنان وهي تتنفخ : واعتقد ان هاذي حجرتي ومو محتاجه اطق بابها لابغيت ادخلها
مريم عرفت ان اختها مضايقه وفي كلام تبغى اتقوله وهالشي مبين من انفعالها الزايد وعبثها بالاشياء الي محطوطه ع مطتبها بطريقه عصبيه وايد
مريم : حنان اخلصي قولي الي بخاطرك مافي داعي لهالحركات
حنان وماصدقت تقول اختها هالكلامات حتى انفجرت

حنان : انزين اسمعي ماتبين تروحين المستشفى بالطقاق الي يطقك لكن ترفعين صوتك بوجه امي وتعطينها مقفاك قبل لاتكمل كلامها هذا الشي ابد مو مقبول وان عدتيها بتشوفين الي مايسرك
انا لو ادري انها مارح تزعل كان رويتك شغلك قدامها لكن اعرفها رح تضايق فقلت اسكتي يابنت لاتزعلين امك ولاتحرجين اختك
مريم بابتسامة سخريه :مو غريب ان انتي الي تقول هالكلام
حنان : شتقصدين
مريم : يعني بدل ماتوزعين نصايح على خلق الله انصحي نفسك بالاول
حنان : انا عمري ماغلطت على ابوي ولا امي
مريم : وجدتي ؟
حنان : جدتك هاذي حاله خاصه
مريم : لا والله
حنان : شوفي مرايم انا اكثر وحده فيكم متعلقه بابوي وامي واحبهم بشكل جنوني
مريم : يعني احنا نكرهم
حنان : لاتقاطعين سمعي كلا مي للنهاية
مريم : انزين
حنان : وبعديييييييييييين المهم اسمعي جدتي عمرها ماحبت امي ولا حتى خالتي
مريم : اجل شلون خذوهن ابوي وعمي
حنان : لانها رغبت جدي وجدتك ماتقدر تعصي شوره
جدنا ابو ابونا الله يغفرله وجدنا ابو امنا كانو اصحاب وايد ومايفترقون
ولما كبر عمي وابوي واشتد عودهم قرريزوجهم من بناته جدتك ماكانت راضيه وتعللت انهم من فخذ وهم من فخذ ثاني وجدي قالها اننا مادام قبيلتنا وحده مايهم الموضوع طبعا السبب الرئيسي والي ماقدرت تقوله جدتك لجدي انها كانت تبغى عيالها ياخذون بنات اختها
مريم : اها فهمت لكن اهي الان تعامل خالتي وايد زين
حنان بضيق : لانها ام الاولاد ...جدتي كرهت امي بزياده يوم انها جلست 5سنين ماحملت وابوي رفض ياخذ وحده عليها او حتى يطلقها وبوم احملت امي وصارت خلفتها كلها بنات وماجابت الولد الي يشيل اسم ابوي .
صدقيني يامريم انا مارد بس عشان ابين كم اني قويه وماخاف من احد
صدقيني انا مو عاجبني هالشي واكثر من مره احاول امسك اعصابي بس والله ماقدر ...كل كلمه جدتي تقولها كل نغزه لامي تذبحين احساسي ان امي جالسه تتعذب النظره المكسوره بعينها ماقدر اتحملها امي ماترد عليها لانها مره كبيره وبحسبت امها بس انا ماقدر ماقدر
تنهدت حنان بالم وتبعتها تنهيده تحمل الم اكبر من مريم
مريم : انا كنت دايم احسدك ع الجرأه الي فيك على قوتك على ردك عليها صح اسلوبك بايخ وتصرفك خطأ لكن مع كل هذا اتمنى اكون مكانك
حنان بزهو : انا حاله خاصه ياماما ...بس مهما كان تصرفك الي اليوم مع امي لاتعيدينه هالمره بعديها لك بمزاجي
مريم : حلوووووه بمزاجي هههه
انقلب ملامح مريم لجديه وقالت لحنان .......
 
اواه يا طول عمري لا حسبت الهموم
يا كني اكبر من الدنيا ولا قد شكيت

++++طلال الرشيد ++++



انقلبت ملامح مريم لجديه وقالت لحنان :

حنان انتي اكثر وحده مفروض تكون فاهمتني

اكثر وحده عارفه اسباب انفعلاتي تصرفاتي من غير ماشرح لها

انا خلاص ياحنان تعب وربي تعبت مو قادره اتحمل اكثر صددقيني

احيان اتمنى من كل قلبي اموت وتخلصون مني واخلص انا

حنان معصبه : شهالكلام ايش نخلص منك احنا اشتكينالك

مريم والله حرام عليك انيت تعرفين ان الواحد حرام يدعي على

نفسه بالموت

مريم : ادري بس قدرتي ع التحمل وصلت حدها

حنان : كلمة منك تنهي هالوضع كله

مريم : كلمة ممكن تدمر حياة غيري

حنان : بس غيرك راضي ومستعد يدفع عمره عشانك

مريم : عسى عمره طويل ان شاء الله

حنان : اسوء شيء اننا مانقدر نساعد الي نحبهم

مريم : واحسن شي نحترم رغبات من نحبهم

حنان : وان كانت رغباتهم خطأ ان كانت رغباتهم سبب عذابهم

مريم : لازم نحترم قراراتهم

حنان : الكلام معك ضايع

مريم : هههههههههه

حنان : اضحكي اضحكي انا انحرق عشانك وانتي تضحيك

مريم تحضم حنان لصدرها : الله يسعدك صدق انك حنان اسم


على مسمى

حنان : قصي على عقلي قصي

مريم : مالت عليك تشكين في مشاعري

حنان : ايه نعم لو صدق تحبيني طيعيني

مريم : اووووف انتي مو حنان انتي حنانه

حنان : مسرع ماغيرتي رايك

مريم : من حنتك

حنان : هذا لمصلحتك

مريم وه يتمتد ع السرير وترفع اللحاف تغطي نفسها : اقول

حنان انا ابي انا لو سمحتي اطفي النور ونامي واذا مابتنامين عطيني مقفاك

حنان : طيب يالجبانه نامي وانا بعد بنام


*****في غرفة ليلى *****

Ch3+O2>>>CO2+H2O+E
الميثان +الاكسجين يعطينا ثاني اكسيد الكربون وطاقه

صحححححححححححح حليتها ياسلام عليك يالولو ياشطوره

(الاماكن كلها مشتاقه لك ...العيون الي انرسم فيها خيالك

والحنين الي انرسم بقلبي وجالك ماهو انا بس الاماكن كلها

مشتاقه لك )

<<نغمة جوال ليلى

ليلى : يوه وين هذا الجوال الحين وتدور ع المكتب لين مالقيته

تحت الانقاض ( الكتب )

( ضرتي يتصل بك )

ليلى : هلا

احلام : اس اس اسلامو عليكو طب اس اس السلامو عليكو

ليلى : بعد السلام

احلام : اه يحلى الكلام

ليلى : ماتنعطين وجه تراك

احلام : مالت عليك هذا وانا معبرتك ومتصله مو زيك

ليلى : لا والله مدري مين الي اتصل عليها وما ترد حتى اهلها

خفت يقولون يابنت تراك لزقه لاتتصلييين

احلام : خخخخخخخ تطمني مارح يقولون

ليلى : ليه مادقيتي امس انتظرت انتصالك وحضرتك ماعبرتيني

احلام : متى دقيتي؟

ليلى : دقيت بعد العشاء وردت علي هذيك المحقق كونان

احلام : خخخخخخ حلوووه تصدقين ولاقالت لي

ليلى : هذا وهي فتحت لي تحقيق يابنت خذيها نصيحه مني

بنتكم هذي لاترد ع التلفون وربي تقرف الي ماينقرف

احلام : ماعليك منها ارويها هذا وانا قايله لها لادقت ليلى لا

تطولينها وهي قصيره لكن لاحياة لمن تنادي

ليلى : مو مشكله حصل خير

احلام : ليه دقيتي امس ؟

ليلى : كنت ابغى اقولك تعالي عندي تعشي ونسهر

سوى على فلم هندي جديد


احلام : لا والله تبغين دحمي يقصب رقبتي

ليلى : ومن دحمي هذا

احلام : خخخ عبد الرحمن اخوي من غيره بعد

ليلى : ههههه يالظالمه من عبد الرحمن لدحمي

وبعدين حظرته ليه مايرضى ؟

اخوان شباب وماعندي وابوي كبر ابوك الله يرحمه وما يسهر بعد

العشا على طول نايم والبيت جنب البيت

احلام : ماعنده سالفه يقول عيب ذاك اليوم مارضي يخليني اروح

عند دارين وانتي شفتي بيتها كيف قريب

وهي داقه ع العصر مو زيك العشا

ليلى : معقد

احلام : لاعاد كله ولا دحمي مارضى عليه

انا اسبه بكيفي غير نووو اخوي حبيبي


ليلى : ماعلينا انتي الان شعندك داقه

احلام : امحق اسلوب

ليلى : خلينا الاسلوب لك يام الاسلوب

احلام : ههه ...اسمعي باركيلي

ليلى : على ايش ...لايكون

احلام : ايه ايه

ليلى بفرح : الف الف مبروووووووووووك والله لو اعرف ازغرد

كان زغردت لك

احلام : شكر ا شكرا

ليلى : ومتى هالكلام يالخاينه

احلام : امس بالليل

 
ليلى : وليه ماقلتي من قبل ها ؟ وكيف شكله حلوو

احلام : شوي شوي امس دحمي اشتراه لي وانتي تعرفينه

نفس جوالك بس اللون غير

ليلى : جوال

احلام : صمخ ان شاء الله فقعتي طبلت اذني

ليلى : الحين انتي عامله الهيصه والزنبليطه هذي كلها عشان جوال

احلام : ايه نعم ليش انتي شتفكرين فيه

ليلى : مالت عليك على بالي جالك عريس

احلام : خخخخخخخخ أي عريس انتي وجهك تو الناس ياهو

وبعدين يالذكيه انا لو بعرس مارح اتنازل

ان يكون عرسي وعرسك بنفس اليوم

ليلى : ولازم بعد يكون نفس الزوج المصووون

ولا شلون بنكون ضراير

احلام : عز الله امه داعيه عليه دامه بياخذك

ليلى : لا والله اصلا يحمد ربه ان ليلى بنت عبد الله

تنازلت واخذته

احلام : اخس يالغرور

ليلى : نووو ياقلبي هذي ثقه

احلام : لايكثر بس ...ايوا اسمعي تذكرت الان انتي دفعتي

الرسوم حق الاختبار

ليلى : أي اختبار

احلام : اختبار القبول يعني اختبار ايه انتي وجهك

ليلى : ايوه وصح لا مادفعت واصلا مين قال ان فيه رسووم ؟

احلام : امس دارين دقت علي وقالت لي ان في رسوم واذا

مادفعتيها ماتدخلين الاختبار

ليلى : طيب ووين ندفعها

احلام : ببنك الراجحي وترى لازم تجيبين سند استلام وتودينه معاك يوم الاختبار

ليلى : اوووف شغله وانا الي اقول بكره احول بالكردت كارد

احلام : لا ياقلبوو مايصير وترى اخر موعد للدفع اهو اليوم بنهاية الدوام البنكي

ليلى : لا وليش دوبك مفتكره تقولين لي

احلام : قلت لك مادريت الا امس بالليل واليوم دحمي وهو رايح

الدوام مر البنك ودفعها

ليلى : وانا ايش اسوي الان الساعه 10 وابوي مو راجع

الا ع الغذا ايش اسوي

احلام : روحي ادفعيها انتي روحي الفرع القريب من البيت قسم

السيدات وخلصيي نفسك

ليلى : فكره طيب كم الرسوم

احلام : الرسوم 50 ريال بس

ليلى : مالت وهاللفه الطويله العريضه عشان خمسين ريال

احلام : شفتي كيف

ليلى : اوكي انا بروح الان الحق ع البنك تامرين على شي

احلام: سلامتك

ليلى : الله يسلمك يالله ضفي وجهك بايو

احلام : بايو

ليلى اول ماخلصت المكالمه طيرات ع الصاله عشان كلم امها

لكن مالقيتها ولا قلتها بالمطبخ فتوقعت انها بغرفتها راحت

وطقت الباب

ام نور : ادخل

ليلى : قوه يمه عسى ماشر

ام نور : هلا ليلى ماشر بغيتي شي

ليلى : ايه نعم ابي فلوس

ام نور : مسرع خلص مصروفك

ليلى : لا يمه ماخلص بس انا ابغى ادفع رسوم لاختبار القبول

ام نور : وليه ماخذتي من ابوك الصبح؟

ليلى : انا مادريت بسالفه الرسوم الا من شوي دقت احلام

وقالت لي

ام نور : انزين كم تبين

ليلى : خمسين ريال

ام نور : انزين هاتي المحفظه من الدولاب

ليلى : ان شاء الله

ام نور : من بيروح معاك الجامعه

ليلى : انا مو رايحه الجامعه

ام نور : اجل وين بتدفعين الفلوس

ليلى : بدفعها بالبنك عشان السند

ام نور : زين

ليلى : اقول يمه ابغى امر السوق دام اني خارجه والحين صبح

مافي لا زحمه ولا معاكسات

ام نور : وشتبين من السوق

ليلى : ابغى اخذ بدله حلوه اكشخ فيها يوم الامتحان

ام نور : اذا بتروحين السوق خذي نور معاك

ليلى : طبعا باخذها طيب ايديك ياجميل

ام نور : شفيها

ليلى : خخخخخخ اقصد عطيني فلوووس

ام نور : ههههه هاك هذي 2000 تكفي

ليلى : تكفي وتزيد بعد يسلمووووووووووو يا احلى ام بالدنيا كلها

ام نور : لاتكثرين حكي وياللا الحقي ع البنك والسوق وخذي

هالفلوس بعد لنور

ليلى : ان شاء الله بروح اول انادي نور

كانت جالسه بالحديقه تطالع الفراغ الي قدامها معاه دفتر

خواطرها وقلمها دائما اذا حست نفسها متضايقه تلجأ للكتابه

تفرغ فيها كل مايجول بفكرها

كتبت ....


خيانة صوت

لطالما كان رفيقا لي

في صحوي في منامي

رفيقا لضحكاتي وانيسا لدمعاتي

لما حينما احتجته هجرني

لما تركني اغرق

اصارع الاعصار وحدي

لما ياصوتي خنتي

قفلت الدفتر ورفعت بصرها شافتها وهي تبكي نفس البنت

بعيونها العسليه وشعرها الكستنائي البنت كانت بزاويه

وجالسه لحالها قرب منها ولد اكبر منهابسنين : انتي ليه تبكين

رفعت بصرها وتكلمت بصوتها الصغيرون المرتجف : د د لبني

بندل دلبني (ضربني بندر ضربني )

الولد : هين انا اراويك فيه لاتبكين

نور الطفله : بتدلبوو ياتلكي (بتضربه ياتركي )

تركي : ايو رح اضربه بس انتي اسكتي

نور وهي تمسح دموعها بيدينها : احسن يستاهل سووف

خلاص انا مابكي

وجاء الصوت الي قطع عليها حلم يقضتها

ليلى : نواري

نور : هلا

ليلى : واخيرا اقول تروحين معاي السوق والبنك

نور : وليه بتروحين هالحزه

ليلى : بروح عشان ادفع الرسوم حقت الامتحان

وبشتري لي لبس

نور : اوكي طيب قلتي لامي

ليلى : ايه نعم قلت لها وقالت اخذك معاي

واعطتني لك فلووس

نور : انزين يللا بروح ابدل

ليلى : اووكي

في غرفة ابو نرو وام نور بعد صلاة العشا

دخلت ام نور الغرفه شافت زوجها وهو يقرأ القران ماحبت تقطع

عليه قرأته جلست ع الكنبه وفكرها مو معاها

ابو نور : علامها ام البنات مهمومه

ام نور : نور يابو نور

ابو نور : خير شفيها

ام نور : يعني عاجبك جلستها بهالطريقه لازوج ولا بيت ولا اولاد

(وتبكي )نفسي اطمن عليها اليوم دقت ام مطلق الخطابه

جايبه عريس

لها وبنتك حتى ماكلفت خاطرها تعرف عن العريس شي على

طول رفضت تكفى كلمها يابو نور

ابو نور : شقولها لو كان الكلام بيفيد كان الكلام فاد من زمان

تحسبين اني مرتاح وهي كذا جالسه انا زيي زيك اتمنى يجي

اليوم الي اشوفها فيه عرووس اليوم الي يجي عيالها يتنططون

حولي وهذا يشد الثوب وهذا يجر الشماغ

ام نور : حسبي الله على الي كان السبب


ابو نور : لاتفتحين الموضوع معاها يظهر ان ربي مو كاتب لنا

يكون لنا احفاد منها

ام نور : الي تشوفه بخليك تنام تصبح ع خير

ابو نور : وانتي من اهله
 
بعد مرور اسبوع (يوم اختبار القبول )

الصبح ع الفطور العائلة باكملها مجتمعه للفطور ماعدا ليلى

ابو نور : وين ليلى يانور

نور : ليلى يبه جالسة تتجهز للجامعه

ابو نور : الله يوفقها ان شاء الله ها حنان بتروحين معاها الجامعه

حنان : تبيهم يطردوني

ام نور : ليش ؟

حنان : يمه الله يسلمك الحين ليلى بتروح تختبر بقسم الكليات الصحيه وهم

اقسامهم منفصله بمبانيها عن اقسام بقية الكليات وبطاقه الدخول حقتي مكتبوب

عليه ان تخصصي قانون السكيورتي مارح تخليني اشبر شبر بتقول انتي شجايبك

مكان مو مكانك احتفظ بكرامتي احسن عن يطردوني

ام نور : ياقلبي على بنيتي اخاف تضيع

ابور نور : الله يهداك شتضيع بعد بزر هي ماشاء الله عليها

البنات: خخخخخخخخخخ

ام نور : برضو يارجال بتكون بمكان جديد عليها

مريم : ترى يمه يحطون لهم ارشادات وناس تدلهم ع الطريق تطمني وترى

مابتكون لحالها احلام معاها

وشوي ويشوفون ليلى نازله ع الدرج ولابسه العبايه وماسكه كتاب بيدها وتذاكر
حتى ماكلفت خاطرها تناظر الطريق

حنان : اقول يالمجتهده شوي شوي على عمرك لاتتعنقلين

ليلى مسكينه واصله حدها من التوتر : حنانوه ترى مو ناقصتك واصله حدي

حنان : والله مايسوى عليك هالامتحان

ليلى : احتفظي برايك لنفسك مو انتي الي رح تختبر ولا انتي الي حلمها رح يكون

على كف عفريت
حنان بمغايضه : قصدك غبائك المستدق

ابو نور مو عاجبه اسلوب حنان : حنان بس

ولتفت الى ليلى : ها بنتي ان شاء الله مذاكره زيين ومعنوياتك عاليه

حنان رزت وجها : ابشرك ماكله الكتب اكل

ابونور : وبعدين معاك يعني ليه ماتنكتمين لما اسألك جاوبي بطلي اسلوب الرزه

حنان انحرجت وايد وبان هالشي عليهاوكان ودها تترك السفره وتقوم لكن طبعا

عزت نفسها ماسمحتلها تسوي هالشي وجلست براس مرفوع ع السفره ولاكأن

صار شي

مريم : تستاهلين جبتي لنفسك الكلام

حنان :.......................

ليلى ولاكأن شي صار : الحمد الله يبه ذاكرت زين انتو ادعولي الله يوفقني

ام نور : ان شاء الله يابنتي ربي يكون معاك وتتوفقين واشوفك دكتوره ياليلى

ابو نور : ابغى ارفع راسي فيك ياليلى واقول عندي بنت دكتوره (وهو يوقف بيطلع)
مريم :يعني الحين مافي غير ليلى ترفع راسك واحنا وين رحنا

ابو نور : اشوفك انعديتي من طولة لسان ناس

حنان (شرقت بالعصير عرفت انها المقصوده ) : كح كح

ام نور : بسم الله اشربي شوي شوي لاتصيرين مفجوعه

حنان : ان شا ءالله

مريم : يبه المثل يقول من عاشر قوم اربعين يوما صار منهم وانا ماعشرتهم

سنيين شلون مارح اصير زيهم

ابو نور : خخخخخخخخ يالله في امان الله

ليلى جالسه ع السفره وحاطه الكتاب جنبها وطبقها مالمسته لان نظرها وانتباهها

كله ع الكتاب

ام نور : ليلى قفلي هالكتاب واكلي فطورك

ليلى : هاه ما ابي يمه شبعت خلاص

ام نور : المسي الاكل اول وبعدين اشبعي

ليلى : لاخلاص بطلع الحين الجامعه

ام نور : تو الناس ترى ماشبرتي شبر برا الباب اذ ا ماكلتي

ليلى اظطرت تقعد عصب عنها عشان تفطر اكلت بسرعه

حنان : عن اذنكم

ام نور: وين ياحنان

حنان : بطلع انام يمه
ام نور : زيين

وطلعت حنان غرفتها

ليلى : يللا ياجماعه انا بروح الحين ادعووولي

الكل : موفقه ان اشاء الله

طلعت ليلى الى الشارع وشافت السياره موقفه لكن السواق مو موجود

ليلى : اوووووف هذا وين راح

ليلى دقت على جوال السواق: اكبر وينك فيه

اكبر : سوي سلام اول ليلى

ليلى : الله ماطولك ياروح سلام عليكم اكبر شلونك شخبارك (بصوت عالي ) انت

وينك فييييييييييه

اكبر : وألكيم السلام حال انا تمام انت كيف حالك انا اند طوني سواق بابا راشد

(واحد ساكن بالحي بس بيته شوي بعيد عن بنت ابو نور )

ليلى : وانا شكو فيه ياللا تعال الان بسرعه

اكبر : ان شاء الله

مرت خمس دقايق على ليلى وهي ملطوعه ياحرام في الشارع وشوي الا تشوف

اكبر جاي وهو يمشي على اقل من مهله

ليلى بخاطرها (ويتمخطر بمشيته بعد ) : اكبر يسرعه يللا شغل السياره

اكبر وهو يفتح باب السياره : شوي شوي سرعه من شيطان

ليلى : يارب صبر من صبر ايوووب
وطلعوا السياره حاول اكبر يشغل السياره لكن معصي

دور المفتاح مره مرتيين السياره تحن ومو راضيه تشتغل ابدا

ليلى : شفيه اكبر

اكبر : هذا سياره مو راضي يشتغل

ليلى : وشوووووووو

اكبر : مادري مكينه مو راضي يشتغل

ليلى : طيب انزل شوف ايش فيها

هز اكبر راسه يمين وشمال ونزل فتح كبوت السياره واول مانفتح الغطا السياره

دخنت
اكبر : ليلى انا مايعرف ايس في هذا سياره لازم يروح ورشه

ليلى : اكمللللللللللللللت الان انا كيف بروح

وتنزل ليلى من السياره وتدخل الى البيت وتشوف نور جالسه في الصاله وحدها

نور : بسم الله علامك رجعتي

ليلى : السياره خربانه وابوي وراح الحين شلون بروح الاختبار

نور : طيب اتصلي بابوي يجي ياخذك

ليلى : ويين يجي الين مايوصل البيت بيروح علي الموعد

نور : طيب شوفي امي لو ترضى بوديك بالتاكسي

ليلى تطالعها بنص عيين : عشان تقصب رقبتي

نور: اجل اقعدي وحطي يدك على خدك

ليلى وهي تنقز : احلام

نور : شفيها ؟

ليلى : اكيد ماراحت بدق عليها تمرني

نور : زين اجل دقيلها

ليلى والسماعه باذنها : تررررررررن تررررررررن

واول ماسمعت ان السماعه انرفعت ومن غير ماتعطي مجال للي راد عليها يفتح

فمه بكلمه قالت وبسرررعه : الوووووووو كونان بسرعه عطيني اختك

ولاتكثرين اسئله قوليلها ليلى تبيها ضروري

صووت رجالي ومبين عليه انه كاتم الضحكه : لحظه اختي بعطيها خبر

ليلى بخاطرها "مالت على ذا الوجه الحين ماعندهم احد يرد الا اخوها شبيقول علي

هاليوم نحس من بدايته ..استغفر الله العظيم "

احلام : الو شتبين داقه بهالوقت

ليلى : مالت على ذا الاسلوب سلمي بالاول

احلام : مافي سلام مقومتني من ع الفطوور

ليلى : عشان تنحفين

احلام : ومن قال ابي انحف تكفين ليلوه قول شتبين قبل مايمسح ريانوه الاطباق

ليلى : ههههههههه اجل بمط المكامله خليه ياكل براحته

احلام : وقسم بالله ان ماقلتي شعندك لاقفل السماعه

ليلى : طيب خلاص اسمعي يعني اذا ماعليك امر ممكن تمريني اروح معاك
الجامعه لان السياره عطلانه والوالد راح الدوام
احلام : افكر

ليلى : اقول بتمرين ورجلك فوق رقبتك بعد

احلام: لا والله من يقوول

ليلى : العيش والملح الي بينا يقوول

احلام : اخخخخ مسكتيني من ايدي الي توجعني خلاص بمرك

ليلى : اووووووكي انا انتظرك

احلام : ترى كلها 10 دقايق وانا عندك خليك جنب الباب بدق لك بوري

ليلى : حاظر عمتي

احلام : يللا ضفي وجهك

بعد ماقفت ليلى من السماعه

نور : بيمرونك ؟

ليلى : ايه

نور : اجل بطلع اقول لاومي

ليلى : مشكووره وفرتي علي المشوار

وطلعت ليلى للحوش تنتظر احلام


 
+ + + + في بيت احلام + + + +

احلام : اقول دحمي ترى بنمر بيت صحبتي بناخذها معانا

عبد الرحمن : انا كم مره اقول بطلي دحمي هذا ياشيخه استحي رجال طول بعرض

وتناديني دحمي دحمي

احلام : جزاتي اني ادلعك

عبد الرحمن : دلعك ومستغنيين عنه وبعدين من قال اني بمر بيت صحبتك المخفه

سواقك عندك انتي وجهك

احلام : لا كله ولا لولوو مارضى عليها هاذي ست العاقلين

عبد الرحمن : دامها صحبتك الموضوع مشكوك فيه بصراحه

ريان : خخخخخخخخخخخخ حلووووووووووووووه

احلام : انت انكتم (لريان )

ريان : يعني عشان ماقدرتي عليه تجين علي انا الغلبان

احلام : ريانوو

ام عبد الرحمن : بس عاد احشموني

احلام : محشومه يمه

عبد الرحمن : بس خلاص يللا انا بالسياره وانتي بسرعه اطلعي البسي عباتك

وانت امشي قدامي (لريان ) تامرين على شي يم

ام عبد الرحمن : سلامتك ياوليدي لا تسرع

عبد الرحمن: من عيوووني

خلونا نعطيكم معلومات عن عائلة احلام <<صح النوم

احلام : 18 سنه حبوبه وفرفووشه صديقة ليلى من ايام المتوسطه

ومقدمه معاها بامتحان القبول للطب
عبد الرحمن : 26 سنه من مات ابوه قبل 6 سنيين وهو صاير رجال البيت وهم

الشغل والشركه كله فووق راسه كشكل مملوح وماعليه كلام والكل يشيد

باخلاقه العاليه

روان : 10 سنيين البنت هذي ملقووفه لقافه مو طبيعيه ومسميتها ليلى المحقق

كونان
ريان : 8 سنيين اخر العنقود مات ابوه وعمره سنتين متعلق بعبد الرحمن وايد لانه

الي مربيه ريان يعز الاكل مره وتختوووخ شووي ولسانه يبيله قص شووي

ام عبد الرحمن : مره طيبه وحنونه

نرجع للاحداث

++++ في السيارة ++++

عبد الرحمن : احلام وين بيت صحبتك


احلام : هذا البيت البني والبيج الي جنب المسجد

عبد الرحمن : اها عرفته

وصلوو البيت ودق بوري وطلعت ليلى

ليلى اول مادخلت سلمت بصووت واطي يادوب ينسمع

ريان : الناس تدخل تسلم

ليلى انحرجت من ريان

احلام : ريان البنيه سلمت

ريان : وانا ماسمعتها

احلام : ياخي مو ضروري

ريان يتكلم لكن لمح نظره من عين عبد الرحمن كفيله بانها تسكته

عشرييين سنه قدام

وساد الصمت بينهم رفع عينه لاول مره يناظر المرايا وشاف عيونها

التقت النظرات لمده ماتتجاوز بضع لحظات الا انها كانت كفيله تذووب عبد الرحمن
وتغرق ليلى

عبد الرحمن في خاطره

الله اكبر كيف يجرحن العيون

كيف مايبرى صويب العين ابد

احسب ان الرمش لاسلهم حنون

اثر رمش العين ما ياوي لاحد

يوم روح لي نظر عينه بهون

فز له قلبي وصفق وارتعد

لفني مثل السحايب والمزون

في عيوني برق وبقلبي رعد

نقض جروحي وجدد بي طعون

قلت : يكفي قالت عيونه بعد

وانعطف هاك الشعر فوق المتون

وانثنى عودة وقفى وابتعد

اشغلتني نظرة العين الفتون

حيرتني بالتوعد والوعد

هي تمون العين والا ما تمون

لي خذت قلبي وقفت ياسعد

وصلو الجامعه كل وحده راحت باتجاه قاعتها ع الساعه 12 خلصو البنات

ليلى : السلام عليكم

احلام هلا وعليكم السلام ها بشري

ليلى : مالت عليهم جايبين اسئله من برى المناهج مره صعبه

احلام : والله الي من جوى والي من برى كلها صعبه الله يستر ونعديها

ليلى : احلام ترى انا بروح مع السواق

احلام : ليييييييه

ليلى : ايش ليه السياره صلحها والحين جاي ........وبعدين والله فشله من اخوك

شيقول علي

احلام: مارح يقول شي والله وناسه معاك

ليلى : تسلمين والله ماتقصرووون يللا هذا السواق يدق في امان الله

احلام : مع السلامه

بعد يومين كانت ليلى في غرفتها ونور نايمه وفجأه ليلى تصرخ

ليلى : لا
 
أأنكر دمع عيني إن تداعي؟ ... وأصطنع ابتساماتي اصطناعا




ليلى : لا
نور قامت مفزوعه من النوم :خير شصار ؟
ليلى وهي ماسكةضحكتها على شكل نور : ولا شي
وترجع تكلم احلام الي ع التلفووون : احلام دقيقه شووي اوكي
نور واصلة حدها : ودام مافي شي ليه تصارخينحرام عليك روحي احسها طلعت من الخوف
ليلى متفشله : سوري مو القصد بس عاد تحمست مع المووضوع بعدين بقولك عليه الان نامي
نور: شلون بنام وانتي طيرتي النوم من عيني وقامت شايلة لحافها ومخدتها ومتجهه للباب
ليلى : على وييييييين ؟
نور : مايخصك وطلعت من الحجره
ليلى رجعت تكلم احلام : باكو
احلام : تو الناس كان تأخرتي شوي
ليلى : خخخخخخخ سوريكنت اكلم النوري مسكينه قامت خايفه من صوت الصرخه
احلام : اكيد بتخاف اذا انا احس طبلة اذني انفجرت وانتي ماتقصرين تموتين على رقعة الصوت (الصراخ )
ليلى : يؤ يؤيؤ انا تحمست للموضوع
احلام : عسى بس مازعلت
ليلى : الا هجت من الغرفه بكبرها
احلام : ياويلي حرام ليلووو راضيها
ليلى : افكورس براضيها هاذي النوري ماستغنى عنها ابدا
احلام : ياعيني ياعيني
ليلى : اوكي ياللا ضفي وجهك بروح اشووف اختي وينها وبراضيها
احلام : اوكي يالدعله لاتنسين تشيكين ع الموقع الجامعه
ليلى : دعله انا اقول حتى بالديره بطلوها
احلام : خخخ كيفي انا احب اتمسك بالتراث
ليلى : ونعم التراث
احلام : خخخخخ يللا في امان الله
ليلى : في امان الكريم


نور خرجت من الغرفه معصبه وواصله حدها الدنيا كانت ظلام مافي غير اضاءات الجدار الصغيرونه
الا وفجأه يوم وصلت للدرج الي ينزل ع الدور الارضي تسمع


هاي اخ اه هيهاي

نور : بسم الله الرحمن الرحيم انا اكيد اتخيل
نووووووووووور جاء الصوت من وراها ينادي بسمها
نور : اه ليلوووه فجعتيني
ليلى : ايش موقفك هنا
نور : سمعت صوووت من الصاله تحت
ليلى : من الصاله من فيها الان الكل نايم
نور : اقولك والله سمعت
ليلى : يابنتي يتهيألك
وما ان خلصت ليلى عبارتها الا ورجع الصوت لكن هالمره صوت مره صوت
ضحكات بشكل هستيري يقطعها صراخ مره معذبه
ليلى : يمممممممممممممممممه
نور : يتهيألي موووو
ليلى ويقال انها شجاعه : صدقيني هذا التلفزيون تلاقين حنان نامت من غير لا تطفيه
نور : هقوتك ؟
ليلى : ايه نعم تعالي معاي
نور : ويييين ؟
ليلى : وين بعد بننزل الصاله تحت
نور : لييييييش؟
ليلى : شنو ليش تعالي بنقل التلفزيووون

نور : مابي روحي لحالك
ليلى : لا والله من فينا الكبيره تعالي معاي انا اخاف اروح لحالي بالليل
ومن غير ماتعطيها مجال للرد سحبتها ع الصاله التحتيه
وصلو لمكان التلفزيوووون ما شافووو شي التفزيووون كان مو شغال
ومافي اثر ان أي شخص موجوود لكن فجأه














تتكرر الاصوات وهالمره بشكل مره اعلى ليلى ونور لصقووو ببعض

نور : ليلىىىىىىىىى قومي نطلع من هني
ليلى : مو قادره احرك رجلي وربي
وشوي الا ونور (اضاء ه )على الدرج يظهر ويختفي ونفس الوقت حاجه تتحرك
نور : قل اعوذ برب الفلق
ويجيهم صوت لاشياء تتكسر وابواب تنظرب ببعضها وريح قووويه
ليلى: لا ابي حجرتي
ليلى ونور ماتشوفون الا غباره مسرعين باتجاه الدرج لكن طلعلهم شي ماكان بالحسبان جالس ينزل من الدرج
شي ابيض مو باين منه ولا شي غير عيونه
ليلى ونور بصوت واحد : ا ا
ورجعو ركض للصاله لكن طلعلهم نفس الشي
ليلى ونور : يمممممممممممممممه يبا وحظنووو بعض يبكووون وفجأه
مع خالص ودي
 
تولعت الانوار وبانت الاشكال وصوت الضحك تغير

نور بوسط معمعة البكا انتبهت للاصوات وعرفتها
والتفت وشافت مصدر الصوووت
نور : حنان
حنان الي فاطسه على روحها من الضحك وماسكة الششف الابيض بيدها : وربي انكم مقصات خخخخخخخخخخخخخخخ
نور : كيف
مريم الي تنزل من ع الدرج : ههههههههههه جبانات
ليلى استوعبت الموضوع اخيرا : انتوووووووووووووووووو
وتقوم تلحق ورى حنان ونور ورى ليلى الين مامسكت كل وحده طريدتها وقامووو ينتقمون منهم
ليلى تشد شعر حنان : ان مانتفت شعر ك شعره شعره يالتيسه
حنان : حرام عليك كل هذا غيره من شعري
نور : خل يكون عندك شعر بالاول
مريم : لا خخخخخخخخخخ بس ماقدر
نور : واهي تكركر مريم ببطنها : تستاهلين اعرفك ماتتحملييين
مريم : خخخخخخخخ لا نور حرام خصري ههههههههههههههههه
واخيرا توقفت الحرب بين البنات وجلسوو كل وحده مقابلة الثانيه
نور : ممكن تفهموني ليه سوتو كذا وفكرت مين
حنان : خخخ انا كنت مرتبه لك المقلب من فتره ومنتظره الفرصه المناسبه
ويوم كنت طالعه من المطبخ مريت من جنبل غرفتكم سمعت هوشتك انتي وليلى
قلت والله وجاتك الفرصه وطبعا مريوووم ساعدتني
نور تناظر مريم : والله ويطلع منك يامرايموو
مريم تضحك : خخخخخخ وازيدك من الشعر بيت انا مصممة الازياء
البنات : ههههههههههههه
ليلى : طيب والاصوات
حنان :هههههههههههههههه الاصوات هاذي انا محملتها من النت وبعضها خذتها من cd للمؤثرات الصوتيه نزلتها ع اللاب توووب وشغلتها وقت ماحضراتكم جيتووو
ليلى بتشكيك : شلون ينسمع اللاب توب من حجرتكم
مريم : يابنت اللاب ورى الكنبه الي جنب الشباك
ليلى : اها
نور : المهم لا تعيدونها سامعين والله حسيت قلبي بيوقف
مريم : سلامة قلبك
حنان : طيب ليلوه لليه انتي كنت تصارخين
نور: ايه تذكرت وتجر ليلى من اذنها
ليلى : اي نووووور اذني
نور : بلا اذنك بلا نيله اعترفي ليه الصراخ
ليلى : زيييييييييييين بقووووول
مريم : ناس ماتمشي الا بالعين الحمرا
الكل : هههههههههههه
ليلى : احلام صديقتي انخطبت
نور: وهذا الي خلاك تصرخين
ليلى : ايه نعم تفاجأت بصراحه
نور : وليه يعني اهي بنت زي كل البنات لازم بيوم تنخطب وتتزوج
حنان : اها
نور : حنان شعندك
حنان : ابد سلامة راسك بس كل بنت لام تتزوج موووو
نور : حنان لا تبدأين
حنان : ابدأ بشنووو
مريم وهي تحاول تخفف من حدة التوتر : بنات ترى بكره السفر جهزتو الشنط
ليلى على نفس المنوال : ايه نعم حنان عسى حطيتي بناطيل ترى امي بتذبحك
حنان وعيونها بعيون نور وكلام بالعيون ينقال محد فاهمة غيرهم الثنتين :
تطمني ماحطيت اعرف جدتي بتفتح لي محاظره مالها اول من تالي وبتقلب الموجه على امي
نور وقفت واهي بحالة انفعال مو قادره تتحمل نظرات حنان : انا بطلع انام اذا اذن الفجر صحوني
حنان : هروووب موفق
ليلى وهي تضفط على ايد حنان : بس حنان
نور طنشت وكملت طريقها



مريم لحنان بعد طلوع نور : انتي اكيد جنيتي
حنان : nooooooooo
ليلى : حنان حرام عليك تعرفين حساسيتها تجين انتي تزيدينها يكفي انها شايله هم السفر على راسها
حنان : لو اهي فعلا عاقله تنسى الي راح شوفي شلون صارت من يصدق ان هاذي نوور الي كانت ضحكتها ترن بالبيت رن الخلاخل بالفراغ
هاذي نور الي كل من يشووفها يقول سبحان الي خلقها وين نور العاقله نور المتفائله انا مو شايفه قدامي الا حطام
مريم : حنان
حنان : شنو حنان انتي بعد هذا الواقع ولا شي من نسج الخيال
مريم : ..................
حنان : ها ليلى ؟
ليلى : .................
حنان : اجل لا تلوموني هاذي اختي وقلبي يوجعني عليها يوم اشوفها بهالمنظر
ليلى : بس كلامك نظراتك تجرحها
حنان : احيان الجرح يكون الدوا
مريم : شقصدك
حنان : زي العمليات الجراحيه يجروح الجسم وبعدين يخيطونه
ليلى : لا والله ومن بيخيط جرح نور
حنان : نور وحدها
ليلى : صعب
حنان : لو تقرر صدقيني رح تقدر
بعيد بغرفه نور جافى عينها النوم تناظر لسقف غرفتها : اه ليه ياحنان
ادري كل الي بتقولينه صح لكن صعب والله صعب
ونزلت من عينها دموع حاره فيها من الالم مايفتت الحجر مسحت دمعتها واخذت دفترها الخاص وكتبت :
اواه لو تغيير الزمان باستطاعتي
لبدلت ايام الحزن فرحا لا ينقض له مضجعي
اواه يازمن
حطت القلم ونامت
يتبع
 
ودي ابكي لين مايبقى دموع ودي اشكي لين مايبقى كلام
من جروح صارت بقلبي تلوع ومن هموم احرمت عيني المنام
انطفت في دنيتي كل الشموع والهنا مايوم في دنياي دام
ان شكيت الحال محدن لي سموع وان سكت الناس زادوني ملام

++++++++++++++++++++++

حنان

مدري ليه اصحى بدري حتى لو نايمة عقب الفجر برضو اصحى بدري اعتقد ان جسمي خلاص تبرمج على هالشي بعكس خواتي النوم عندهم شي مايمكن يتعوض يطقونها 10 او 12 ساعه ماتفرق

اليوم هو الخميس موعد سفرنا للرياض تدرون ابدا ماحس بالحماس لهالسفره ماعتقد ان في احد متحمس لها غير ابوي وامي

الرياض لنا فيها ذكريات حلوه وسعيده لكنا بنفس الوقت تعيد ذكريات كلها الم وحسره

نزلت للدور الارضي لقيت الوالد والوالده جالسين يتقهوون ماتغيرت ابد عاداتهم رغم مرور خمس وعشرين سنه الا ان هذي هي عادتهم كل خميس وجمعه يقعدون سوى قدامهم القهوة والتمر ويتكلمون لما اشوفهم احس دوووم ان امي محظوظه بابوي حتى هو محظوظ فيها

تدروون بيني وبين نفسي ادعي ان الله يرزقني بالرجال الي يكون شرات ابوي بكل شي حتى التجاعيد الي عند عينه يوم تظهر وهو يبتسم

اول مما انتبه اني جايه عليهم بدأ يرحب فيني هاذي عادته كل ماشاف وحده منا يحب يسمعها احلى كلام الترحيب والحب عمرنا ماحسينا ان ناقص حنان ابو رغم كل مشاغله وضغوط عمله الا ان كل هذي الاشياء يكبها ورا ظهره اول مايدخل البيت

ابوي : هلا والله هلا بشيخة البنات هلا بالغلا كله

عاد شقت الابتسامه وجهي : هلا فيك يبه شلونك يالغالي اليوم

قالي : الحمد الله انتي شلونك

قلت له : ازقح ولله الحمد

قربت من امي وسلمت ع راسها : شلونك يمه

امي: الحمد الله يابنتي

وقالت لابوي بلهجة عتب : اللحين حنان الغلا كله اجل انا شتطلع يابو نور
بيني وبينكم حسيت نفسي رح افطس من الضحك لكن عاد احترمت نفسي لا تجيني كلمه من هني ولامناك

رد ابوي بذكاء رجال الاعمال: امنتي الاصل يا ام نور وغلا بناتك ماهي الا جزء بسيط من غلاك بقلبي

انصبغ وجه امي باللون الاحمر يالله ماتوقعت ان بعد كل هالعمر تستحي من كلمة غزل

طبعا اهني ماقدرت امسك نفسي قمت اصفر واقول : احلا علي يستحوون ومعاه ذيك الصفقه العربجيه

ماحسيت الا وامي ساحبة اذني : انا كم مره اقول بطلي هالحركات مره شتطولك شعرضك تسوين هالحركات

قلت وانا اتوجع : اي زين زين ماعيدها

ابوي كام يضحك علي ويقول لامي : اتركيها حرام عليك

امي تعاتب ابووي : ايه اتركها دللتها وكبرت راسها الي يشوفها ما يقول انها بنيه

فتحت عيني على الاخير : اجل شنوو يمه

امي : أي شي الا انك بنيه

بيني وبينكم حسيت بغصه معقول انا لهالدرجة مايبين علي اني بنيه معقول ان كل تصرفاتي تصرفات صبيان شرات ماتقول امي

طيب شسوي اذا كانت ميولي للسيارات واحب الاكشن والملابس العمليه
وماحب الطخ وجهي كأني مهرج سيرك والشعر الطويل اوووووووف يضايقني احس نفسي امشي وشي يشدني لورى

ابوي حس اني زعلت من كلام امي دووم اهو الي يحس فيني وبمشاعري لاني الاقرب له من كل خواتي

ضمني وباسني على راسي وقال : بسم الله على بنتي الا شيخه البنات كلهم من اولهم لاخرهم بكرة بتركد وتصيري شحلوها وشزينها

امي كملت : من هي صغيره وانت تقول هالكلام تعبت ونا اوقلك حنان بنيه ياعبد الله والي تعلمه اياها مو لللبنات لكن ماكو فايده

ابوي بصدمه مفتعله : انا

امي : ايه نعم انت اجل احد عنده بنيه عمرها 8 سنيين ياخذها المقناص
ولا يعلمها ركووب الخيل خواتها بسنها يلعبون بالعرايس والالعاب المطبخ واهي ماتاخذ الا السيارات والاسلحه

حاولت ادافع عن نفسي : يمه كل شخص له ميووله

امي : وانيت تشوفين ميولك شي طبيعي حنان يمه انا امك واخاف عليك وعلى مصلحتك
اليوم انتي عندنا بكره ببيت رجلك وبين ناس غير الناس شيقولون
يوم يشوفون تصرفاتك مزوجين ولدنا رجال بشكل حرمه

قلت لها : والله ألي يبيني ياخذني شرات مانا مارح اغير نفسي عشان رجال
مو عاجبه بالطقاق الي يطق راسه

ابوي عاتبني : حنان يابنتي ثمني الكلام قبل لا تقولينه الي تتكلمين عنه ولد عمك

تعرفون يوم تنكب عليكم مويه بارده او تصعقكم الكهربا هذا نفس شعوري يوم قال ابوي هالكلمه ولد عمك

قلت وانا كلي صدمه : أي ولد عم يبه ؟!!!!!!

امي : وانتي كم عم عندك ابوك يتكلم عن بندر انتي محجوزه له من صغرك

قلت وانا اناظر ابوي اتمنى يكذب الي اسمعه : يبه صحيح هالكلام ؟!!
انا محجوزه له ؟

ابوي مسح على راسي: ايه نعم وعمك كلمني قبل يومين وخطبك رسمي مني وانا عطيته موافقتي المبدأيه

استغربت من رد ابوي عطاه الموافقه انزين وانا شخانتي كمالت عدد انسانه بلا راي قلت له : انزين ورأي ماله اهميه ماله قيمه

امي جاوبتني : بتكسرين كلمة ابوك ياحنان

رديت بسرعه : ماعاش ولا كان الي بيكسر كلمت ابووي بس انا

ابوي : حنان سمعيني زين انا ماوفقت على بندر الا لاني اعرف انه بيحافظ عليك ويصوونك ويابنتي البنت مايعزها احد اكثر من ولد عمها

ولد عمي ذاك المغروور انا مكنت اطيقه واحنا صغار اجي اخذه اللحين بعد ماكبرنا

ابوي قالي : شوفي يابنتي صلي واستخيري اذا ماتبينه انا مارح اغصبك
وبقول لعمك ماللك نصيب عندنا

قلت له اذكره : بس انت عطيته كلمتك

قال وهو يتنهد : اخوي رجال عاقل وعادي بقوله اني وافقت من غير ماستشيرك ويوم سألتك ماوافقتي

قلت له : بهالسهوله

قال : تأكدي اني مارح اغصبك على شي ومستحيل اجبرك على شي انتي ماتبينه اهم شي سعادتك عندي

ووقف بيطلع : ياللا توصون على شي

سألته امي : وين بترووح

قال : ابد شويت اوراق بروح اجيبها من المكتب يحتاجها ابو تركي

امي: زين الله يحفظك

قال : مارح اتاخر ارجع القاكم جاهزين

امي : ان شاء الله
ابوي : مع السلامه

وطلع من البيت وتركني سط حيرتي وسط ضياعي عمره ابوي مايسوي شي من غير لا يشاورنا طول عمره يسألنا ويعرف ارائنا ليه بموضوع زي هذا اعطى كلمته وجاء يشاور بعد ماتخذ القرار ليه ؟مل كذا ليه ؟!!!!!!!

كأن امي حست بتفكيري : حنان اعرف بشنو تفكرين يابنتي لكن ابوك ماسوى الا الي بمصلحتك

قلت لها وانا شوي بنفجر من القهر : مصلحتي مصلحتي اخذ هذا الي ما يحترم ولا يحشم الناس مغروور ويكلم خلق الله من طرف خشمه تقولين جالسين يطروون من عنده

امي انصدمت : بندر فيه كل هذا

قلت لها باصرار : ايه

 
امي : وانتي شدراك اخر مره شفتي وقعدتي معاه كان عمرك 12 سنه وبعد كذا تحجبتي وين بتشوفينه وهو اول ماغلق الثانوي سافر يدرس بره
وعمري ماسمعت ابوك يذمه ولا أي احد الا الكل يشكر فيه ويقولون محمد جاب رجال ينشد فيه الظهر

قلت وانا احاول ادافع عن رأي : يمه هذا طبعه مارح يتغير من يوم كنا صغار وهذاك طبعه شبيغيره الان


جاوبتني : يابنتي الناس تتغير بيوم وليله مارح تغيره السنيين
قلت لها : يمه طبيعه بالبدن ماتروح الا بالما والكفن

قالت بعد ماتعبت من الكلام معي : حنان هذا مستقبلك وانتي حره فيه ولا تنسي ان ابوك عطى عمك كلمه وهو ماقال قولته الا وهو متأكد ان بندر رح يعزك ويحافظ عليك

قلت لها : شمعنى انا ليه مو نور او ليلى او مريم ؟

امي بحزن : مو معقول ياخذ وحده رفضت اخوه ومريم تعرفين وضعها زين وليلى صغيره عليه وبعدين قلت لك انتي محجوزه له من يوم كنتي صغيره

قلت بعصبيه : شنو محجوزه له قطعت اثاث انا ؟ يمه هذا زواج مو لعبه ؟ وانا يحق لي اختار شريك حياتي ؟ ودام نور ارفضت انا بعد برفض

امي وصلت حدها : لا تقارنيين نفسك بنوور نور غير وانتي غير وبعدين شتبن عمك يقول عنا مايبون عيالي شعيبهم شقاصرهم ولا شايفين لهم شوفه
او ان عبدالله ماله كلمه على بناته ترضين ينقال على ابووك ان شوره بيد نسوانه
ترضينها عل ابووك

هني ماقدرت اقول شي كله ولا ابووي مستحيل اتحمل شي يمسه او يقلل من قيمته
قلت وانا كلي حسره : زين يمه قولي لابوي اني موافقه

امي فرحت وكانها ماصدقت قامت تزغرط (تيبب ) :هذا الكلام السنع الف مبروك

ضمتني لصدرها ومسحت ع راسي وباستني وقالت : صدقيني يمه هذا كله لمصلحتك

ناظرتها وقلت : الله كريم

من سمعوا صوت الزغاريد نزلوو جري ع الصاله

نور : خير يمه شصاير

امي وهي فرحانه : باركو لحنان تراها خطبها بندر ولد عمكم ووافقت

تجمعو حولي خواتي وكلهم يباركولي وفرحانيين لمحت بعيوون نور الف سؤال وسؤال تجنبت احط عيني بعينها لا تفضحني وتفضح شعووري

تنبهت لمريم وهي تقول : من يصدق ان حنان تتزوج
قلت لها وانا احاول اهرب : ليه عمتي مريم مو بنت زي كل البنات

نور قالت : اشك بصراحه وقامت تجري

لحقتها : هين اراويك شايفتني بشنب

كنا متجهين للباب بنطلع نتراكض بالحديقه وقفنا صوت امي يوم تنادينا

امي : حنان نور عن شغل البزران روحو جهز شنطكم

قالت لها نور وهي ماسكتني من ايدي : يمه كلها اغراضنا جاهزه

بنطلع بره نلعب شووي ليلى مريم تجون معانا ؟!!

مريم : انا ماقدر ع الركض وبعدين الجو بارد

قامت ليلى : وانا بروح اشوف نتيجتي اكيد طلعت


نور

طلعت انا حنان الحديقه ماكنت ابي العب زي ماقلت لامي كنت ابي اعرف شنو يدور براسها هذي مو حنان الي اعرفها زين
ناظرتني وابتسمت ابتسامه جافه وقالت : نور شتبين تعرفين ؟ لا تقعدين ساكته ماطلعتيني الحديقه الا تبين تعرفين الي صار مو ؟

قلت لها : يعني في شي صار شي مو قادره تخفينه بابتسامتك المزيفه حنان انتي ماتبين بندر صح ؟

قالتلي : شالفرق ابيه او مابيه اولا واخير رح اتزوج سواء اهو او غيره فشخص اعرفه احسن من الغريب

قالت لي : من متى تفكرين بهاطريقه كأني اكلم شخص ثاني مو حنان اختي الي اعرفها

قالت لي والغصه بحلقها : نور اليوم حسيت اني مسلوبت الاراده كاني اداءة بيد امي وابوووي تخيلي هالشعور
ماقدرت اقول لا ماقدرت ابوي عطى عمي الموافقه يعني راي مارح يقدم ولا ياخر

قلت لها : ابوي لا قلتي ماتبين بندر مارح يغصبك

قالت لي :ماقدر انتي ماشفتي شلون كان فرحان وهو يقولي ع الخبر انتي تدرين شكثر ابوي يعز عمي وعياله تبينه يقوله بكل بساطه بنتي ماتبي ولدك لاتنسين انك رفضتي تركي وصعب ينرفض اللحين بندر

قلت لها وانا حاسه بلووم اني مسؤوله ولو بشكل جزئي عن الي تمر فيه : حنان انتي مالك علاقه برفضي لتركي وبعدين هالسالفه من سنيييين اذا ماتبين تقولي لابوي انا رح اقوله انك ماتبين بندر

جاوبتني : مافي داعي انا خلاص قلت لامي اني موافقه وبعدين امي تمدح فيه وابووي وعاجبهم

قلت لها : مو مهم يعجبهم المهم يعجبك

ردت علي : انا ماطلع من شور ابووي

تصدقون مافاجأني ردهاهذي هي حنان ماتحب تكسر كلام ابوي ولا امي بقدم الكل على نفسها تقطع قلبي عليها وانا اشوف شرودها كرهت نفسي لاني اشوفها تتألم وانا عاجزه اني اساعدها

جات الشغاله تنادينا ندخل عشان نبدل هدومنا ابوي على وصول ولازم نجهز
طلعنا حجرنا وبدلنا هدومنا طبعا البناطيل كانت ممنوعه فالكل لبس تنانير
وصل ابوي وبلغته امي بقرار حنان وكان مستانس وايد لان بنته المفضله رح تاخذ ولد اخوه المفضل

وصلنا مطار الملك خالد بالرياض اتوقعنا لاقي عمي باستقبالنا لكن كانت صدمتي يوم شفته
هذا هو ماتغير بنفس الهيبه والشموخ كبر صح قريب ويصك الثلاثين كان مبتسم

قرب الين ابوي وحب راسه وحب راس امي

تركي : شلونك عمي شلونك عمتي عشاكم بخير تو مانورت الرياض

ابوي : الرياض منوره بأهلها

امي : انت شلونك ياتركي وينك ماتزورنا

تركي: الله اشغلتنا الدنيا ياعمه

التفت لنا وسلم علينا من باب الادب وسال عن احوالنا

اتجهنا للسياره كان جايب الجمس ركب ابوي جنبه واحنا ورى
وصلنا اخيرا للبيت بيني وبينكم حسيت بالرهبه رجعت لي الذكريات اشياء كثير تمنيت انساها انقذني من هالوضع صوت ابوي واهو يطلب منا ننزل

دخلنا الصاله اما ابوووي اتجه للمقلط مع تركي

وبدأ السلام والسؤال عن الاحوال مع خالتي

سمعنا صوت طق طق صوت نقر كلنا رفعنا النظر باتجاه القادم

سمعت ليلى وهي تهمس لحنان : الله يستر وصل هتلر

مريم كتمت ضحكتها عن تنفجر اما حنان تبان كانها رايحه معركه علامات التاهب باينه عليها واضحه وضوح الشمس

اما انا كنت بداخلي خايفه جدتي مو ممكن الواحد يتوقع شنو رح تقول او كيف يكون استقبالها

جدتي : هلا بام البنات

امي راحت وحبت على راسه ويدينها على : فيك ياخالتي شلونك شخبارك

جدتي : وين رجلك ابو البنات

رديت عليها وانا اسلم عليها : ابوي بالمقلط مع عمي

وبدن خواتي يسلمون عليها كانت اخر وحده حنان لمحت بعين جدتي نظره غريبه مدري شلون افسرها بس نظراتها لحنان غير

جلسنا كلنا بالصاله وقمنا نخلع العبايات والطرح

مادرينا الا وجدتي تناظر باستنكار لحنان وقالت : حنيين (استصغار) شنو هالشعر

حنان وهي تحاول تمسك اعصابها : شفيه شعري

جدتي : شنو مافيه هذا شعر بنيه استحي على نفسك تقولين صبي

وناظرت امي وقالت : ونعم التربية ياحصيص

حنان ماتحملت وقالت : ..........
يتبع
 
لاجيت انا باسامحك
تبكي الجراح ماودها
مشتاق ودي اصافحك
وعيت يدي لامدها

++++++++++++++++

حنان ماتحملت وقالت : وشفيها تربيتنا ياجدتي في ايش مو

عاجبينك ماشوفنا

صايعات ولا قليلات ادب ومحج يقدر يقول كلمة على تربية امي لنا

جدتي جاوبتها : وهاللسان شيطلع

حنان كانت رح ترد على جدتي لكن امي منعتها ماتبي الدنيا

تشعل بينهم اكثر مما هي شعلانه

*حنان *
ياربي احس بداخلي نار مشتعله هذي هي جدتي ماتغيرت

لازم تسمعنا كلام يسم

البدن الله يستر ويعدي هالزيارة على خير

سمعنا صوت ابوي وهو يتنحن بيدخل يسلم على جدتي

جدتي : هلا بوليدي هلا بالغالي

ابوي وهو يحب راسها : هلا يمه شلونك شخبارك عساك بخير

جدتي : اخباري مو بزينه وزعلانه عليك

ابوي : افا يمه كله ولا زعلك انا ماقدر عليه

جدتي : ودامك ماتقدر على زعلي ليه مقصر فيني ماشوفك ولا

اشوف بنات الا بالاعياد والاجازات وكل كلامك معي بالتلفونات

ابوي متلوم : يمه اعترف اني مقصر بس لازم تعذريني البنات

عندهم دراسه وانا

ماقدر افارقهم مالنا احد بجده ممكن ينتبه لهم

جدتي ووصلت لمبتغاها : اجل خلاص اتركك من جده وارجع

للرياض واقعد هني بين اهلك وناس

هني عاد وجوهنا كلنا تلونت بالوان قوس قزح مستحيل نرجع

الرياض ونعيش

فيها نترك جده نوو واي اكيد جدتي تبي تذبحنا

ابوي ينهي النقاش : يمه هذا الموضوع كل مره نعيد ونزيد فيه

البنيات وراهم جامعات ومدارس وغير كذا حلالنا نخليه لمنوو

المال السايب يعلم السرقه

جدتي : كيفك

حمدت ربي ان ابوي ماطاعها ولا رحنا وطي طلع ابوي للمقلط

عشان يتغدا مع عمي وتركي

وطبعا انحط لنا الغذا احنا بعد الغدا كان ع الارض وكله بصحن

واحد كبير

ومافي شي اسمه ملاعق وصحون جانبيه لا حطوهابتصير

فضيحتنا بجلاجل

جلسنا ع السفره الشغالات كانو حاطين ملاعق للسلطه

ومزودين كم لعقه اذاحتاج

احد ما ان لمحت جدتنا المصون الملاعق حتى بدت محاضره

جدتي بنقمة : ليش هالملاعق

عمتي ام تركي: هذي للسلطه ياخاله

جدتي واهي تناظرنا بطرف عينها : احسب بعد على يدينهم نقش

الحنا ولا المدارس

كبرت روسهم على عاداتنا وتقلدوون الكفره

عمتي ناظرتنا بعيون كلها اسف ابتسمنا بوجهها دلاله اننا

عارفين جدتنا وطبعها

الغريبه ان جدتنا بكل القسوه علينا الا انها كانت تهتم بمريم

تطمن عليها وعن

احوالها حتى بالعيديه تعطيها فلوس اكثر منا

جدتي بعد الغدا طلعت تقيل شوووي احنا هني تنفسنا الصعداء

اخيرا بنقعد شووي

من غير هوشه وصياح قدمت لنا عمتي الشاي وجلسنا نتكلم

عمتي : معليه ياحصه تعرفين خالتك وطبايعها لا تاخذين في

بالك من كلامها

امي ابتسمت : تعلميني عليها مهما كان هي مره كبيره ولازم

مانعاندها قالت كلمتها وهي تناظرني فغصيت بالشاي الي

اشربه الكل ضحك علي

عمتي : حنان يابنتي طولي بالك عليها لا تندين معاها بكره رح

تعيشين معانا

بنفس البيت اذا ماكسبتي جدتك بصفك رح تتعبين خصوصا ان

بندر حبيب قلبها

مدري ليه سرت رعشه بجسمي من انذكر اسمه ناظرت الارض

احسها تتحرك من

تحتي الكل فسره خجل الا اني مدري يمكن كنت ادور على

شق بالارض ارمي

نفسي فيه بس اخلص من هذا الي اسمه بندر


امي تسأل عمتي : متى جاي ان شاء الله

عمتي : امس كلمنا وان اشاء الله رح يجي بعد شهرين

امي : ليه مايخلي الاجازه ع رمضان

عمتي: ياريت قلنا له قال مايقدر ماعنده الا الان ومارح يقدر يجي
الا عقب سنه

عاد ابو تركي قال خلاص يملك على حنان وياخذهامعه مايقعد بالغربه لحاله

امي : قلي ابو نور والله مدري كيف بصبر على فراق بنتي

عمتي : هذا حال الدنيا

ماقدرت استوعب الكلام اللحين هذا الي رح يصير زوي بيجي

بعد شهرين لا ويبغاني اترك ديرتي هذا اكيد مجنوون كيف

اتركها اروح مع واحد غريب مكان

ماعرفه مايربطني فيه شي اترك خواتي امي اترك ابووي

شلون اقدر اقعد من

غير ابووي من غير حنان امي وهوشات ليلى! اذا تضايقت وين رح

تكون نور؟ من رح يكتم اسرارها لمن رح تفضفض غيري؟ مريم

من رح يونسها من رح يروح

معاها مواعيدها لمن رح تشكي غير ي مستحيل اترك كل هذا ورى ظهر يواروح

مع هذا الي مفروض يصير زووجي شلوون

ما نبهني من شروودي الا صوت ليلى وهي تصارخ علي يكلمها

ليلى : قووولي والله .........انتي متأكده لا تكوني غلطانه ....ايه ادري انا كنت

حاطتها رغبة ثانيه والحمد الله طحت فيها ....خخخ يابنتي ريح ابو علي ولا عدمه

سلمي ع الوالده ..... زين يوصل ان شاء الله ...في امان الكريم

امي سالتها على طووول : شفيه ليلى شصار

ليلى : ماصار الا الخير هذي ليلى تبشرني طلعت نتايج الامتحان وما انقبلت في

الطب البشري

امي بحسره : واحسرتي عليك يابنيتي ها وانيت ذبحتي عمرك بالمذاكره

ليلى : ههههه يمه لا تهتمين انا والله مو زعلانه بالمره

تصدقون انا قلت اني لو مانقبلت رح استخف لكن بالعكس انا احس نفسي

مبسووطه امس صليت بالليل ودعيت ربنا ان لو لي خير بالبشري يسره لي

وشكلوه ان مافيه خير فتيسرت التقنيه

امي : شنو هذي التقنيه

ليلى : يمه هذي كليه جديده فتحوها مالها سنتين بعد محد تخرج منها

عمتي : زين يعني لا تخرجتي بتصيري شنو

ردت ليلى : بصير دكتوره زي زي الي تخرجو من الطب البشري لكن عدد السنيين اقل
امي : خلاص درسي عظام عشان تعالجين رجولي

ليلى : خخخ يمه هذا يخرج دكاترة اشعه وتخدير ودكاترة متخصصين بامراض الدم
والعلاج الطبيعي

امي بصدمه : يعني انتي بتصيرين تصورين رجول الناس وتاخذين تحاليلهم هذا

الي تسويه الممرضات

 
ليلى : يعني زيهم بعدين هذول يمه اغلبهم الا دكاتره

عمتي : مابقي الا تشتغلين هالشغله ياكثر الي يسونها من غير دكتره كله نناديهم بمرضه ولا سستر

ليلى تدافع عن تخصصها : لاننا محتاجين توعيه احنا نستصغر هالوظايف مع انها

اهم من وظيفة الدكتور نفسه الدكتور مايقدر يعطيك علاج الا لما يشوف هالتحاليل

اشطالع فيها مايقدري سوي عملية اذا دكتور التخدير مو موجود رجلك ماتجبس

من غير اشاعة مانعرف الامراض السرطانيه حمى الله السامعين من غيرها

وبدل مايجي الاجنبي بهاوظايف نكون احنا فيها احنا الاقدر نراعي مرضانا

ونراعي عاداتنا وتعاليم دينا والوطن يمه مايبنيه الا عياله وبناته الين متى رح

نعتمد ع الاجنبي

عمتي وامي بان عليهم الاقتناع من كلام ليلى : والله انك صادقه

هذي هي ليلى دوم تاخذ الامور بتفائل وتاخذ الاشياء بموضوعيه رغم صغر سنها

الا انها عاقله وهذا الي يخليني ماخاف ابد عليها

* نور *

بعد ماصلينا قررت اطلع اتمشى بالحديقه امي وعمتي راحو المطبخ يجهزون

القهوه وياخذون الاخبار والعلووم اما خواتي طلعوو الجناح الخاص فيهم وابوي

وعمي طلعو يزورون واحد من اصدقئهم القدامى اما تركي نايم بحجرته

اخذت الشيله معاي من باب الاحتياط خفت لايطلع سواق بوجهي

الجو اليوم حلوو وشوي مغيم هذي هي الرياض جوها ماينعرف له متقلب يوم حر

يوم برد نزلت اتمشى الحديقه وايد كبيره بحكم مساحة الارض الكبيره جدا عمي

زرع فيها نخل زياده اكيد هذا من شور جدتي تموت ع الرطب اتذكر كان في

مسبح بوجه المقلط لكن عمي ردمه بعد ماطاحت فيه حنان وهي صغيره وبغت

تمووت غرقى الحمد الله كان يومتها اكبر السواق موجود وطلعها بعد مانادته ليلى

وقفت فجأه مردي شلون رجولي خذتني لذاك المكان ماتوقعت بيوووم ارجع لهذي

المنطقه عمي غير بالحوش كله ماقدر يهدم هالمكان ليه الى الان قائم ماتغير

ليه بعده موجود يبيه تذكار لكل الالم لكل العذاب


بسرعه درت راسي ورجعت بخطى سريعه اقرب ماتكون للركض منها للمشي

وانا ماشيه والتفت حولي خفت يكون احد يحقني يمكن الماضي مادري المهم

حسيت احد يلحقني

ماحسيت بنفسي الا وانا مصطدمه بشي قدامي رفعت نظري

اطالع شنو هذا كان تركي قدامي بسرعه وخر عني ووخرت

عنه وبحركه سريعه رفعت الشيله على راسي وغطيت وجهي

نزل اعيونه بالارض عشان لا يحرجني وقال : السموحه منك يابنت العم

قلت له بارتباك : ماصار شي انا الي مانتبه

جيبت ابي امشي ناداني : شلونك يانور شخبارك

رديت عليه : الحمد الله

رد علي : نور انا ابيك بموضوع

قلت له باستنكار : ماعتقد ان بينا مواضيع

رد علي : الا في يانور

قلت له : الي اهو ؟

جاوبني : نور انا بعدني ابيك على سنة الله ورسوله

حسيت بارتباك بخووف مابغيت ابينها : وانت تعرف راي بالموضوع

هذا جاوبتك ع طلبك من سنيين

رد علي بحزم : تلوميني على شي انا مو مسؤول عنه وانتي

تدرين اني احبك

رديت عليه بانفعال : تركي ماعتقد اني جالس تقوله يصير وهذي

الوقفه مالها داعي

جيت بمشي ماحسيت الا ويده ماسكه ايدي استغربت من

تصرفه ماعمره تجرا

وسوى هالحركه

قلت له : انت جنيت اترك ايدي لا اجمع عليك امه لا اله الا الله

قال : صرخي ولا هامني انتي أي قلب عندك تعرفين اني احبك

من زمان من يوم

ماكنا صغار من يوم ماكانو يقولون نور لتركي وتركي لنور تذكرين

عشت احلم باليوم الي يجمعني انا وياك ببيت واحد اليوم الي

تنزفين فيه لي

وجا اليوم لكن ماكنتي انتي العروس كانت غيرك وحده ماقدرت

احبها ماقدرت اكمل

حياتي معاها عشت انا وياها بتعاسه ماتفقنا ابدا

كنت اتخيل شلون بتكون حياتي معاك شلون رح تعيش

بسعاده لكنك حرمتيني

من حلمي ليه رديتيني ليه يانور لا تحمليني ذنب غيري حرام

عليك تظلميني

وتظلمين نفسك نور انا ابي ارجع اخطبك من عمي شقلتي ؟

قلت له وانا خلاص وصلت حدي وجريت ايي من ايده : لو انت اخر
رجال

بهالكون ماخذتك سامعني ياتركي ماخذتك تدري ليه لان كل

شي صار لي من تحت راسك انت تقدر تقولي من الي دخله

بيتنا من الي رحب

فيه وقال صديقي

ومافي مثله من غيرك

تركي : نور انا مستعد اسوي الي يرضيك

رديت عليه : تقدر ترجع الي راح ياتركي ؟ تقدر ترجعه ؟

جاوبني ؟ ليه ساكت

تقدر تمحي النظره الي البنات كانو يطالعوني فيها بالجامعه تقدر

ترجع كرامتي الي انجرحت بالجامعه من وحده ماتسوى؟ تقدر

ياتركي ؟

تركته قبل لا يجاوب رحت اركض لداخل البيت بغيت اهرب منه

مابغى اسمع

ولاكلمه منه مابغى اسمع دفاع ولا مبررات مابغى ذكرى

الماضي تعود

 
وتجرحني ماصد قت لملمت جراحي ليه ترجع تنفتح ليه ؟

وصلت لحجرتي حمدت الله ان محد فيها اكيد انهم بالمجلس

دخلت على طول

للحمام ( اكرمكم الله ) غسلت وجهي مره واثنيين وعشر يمكن

يطلع كل الي صار

مع تركي وهم بوهم يمكن احلم اتخيل المهم مايكون صدق

للاسف كان واقع مو

خيال تمددت ع السرير غمضت عيوني رجعت اتذكر ذاك اليوم

عمري مانسيته

وماعتقد اني ممكن انساه ابد اه

كنا عايشين لسى بالرياض واحنا وعمي ساكنيين ببيت واحد

وقتها كان عمري تسع

سنيين ابوي طلع البر واخذ معاه حنان طبعاوراح معاه عمي

ولده بندر اما ليلى

كانت مريضه وعندها حمى فما تقدر تنزل تلعب معاي ومريوم

كانت صغيره اربع سنين تقريبا

فجلس الكل بالبيت وانا طلعت العب بالحديقه طبعا طلعت من

باب المطبخه الي

يودي ع الحديقه الخلفيه من غير لحد يحس فيني قلت العب

شوي قبل لا يرد

تركي ويعملها سالفه لي شلون طلعت والدنيا تمطر كان يخاف

علي وايد ويهتم

فيني وايد لكن عمره ماتجاوز حدوده معاي المهم نزلت العب

بالحديقه

قدام الغرفه الي بناها عمي لتركي عشان يستقبل فيها اصدقائه

اذا جو عنده منها

ياخذون راحتهم ومنها مايكون في مضايقة لنسوان البيت او حد

لحريتهن

وانا العب بالحوش انفتح الباب حق الغرفه اتوقعت بيكون تركي

رجع من برى لكن

اتفاجاة انه خالد صديقه اذكر ان عمري مارتحت له ولا هضمته

ناداني وقال :شتسوين ياحلوه

قلت له وانا مشغوله باللعب بالمطر : جالسه العب شوف المطره

كيف حلوه

قال : ايه وناظرني بنظرات بذاك اليوم مافهمتها اما اليوم لما

اتذكرها احس

بحرقه بجسمي كله كأنه كان يجردني من هدومي بهالنظرات

جلس يراقبني وانا العب اكثر من نص ساعه وبعدين دخل

الغرفه قلت بنفسي وقتها

فكه اخيرا ذلف لكن بعد عشر دقايق ناداني

خالد : نور نور تعالي اقفلي المكيف مره برد

جاوبته : وانت ليه ماتقفله بنفسك

خالد : ماني لاقي المفتاح تعالي انتي ادرى

رحت وانا اتأفأف من طلبه دخلت الغرفه اتجهت للمفتاح ايل خلف

الستاره عشان اطفيه الا وسمعت باب الغرفه ينقفل التفت له

وسالته : ليه قفلت الباب

قالي : اسمعي خليك ساكته وانا اعطيك عشرة اريال

قلت : مابي فلوس وخر عني جيت اب ياطلع سحبني من كم

الفستان

عصبت عليه : كذا قطعت الفستان ان ماقلت لتركي

ماجاوبني ابتسم ابتسامه كلها خبث ورماني ع الارض جردني

من اهدومي و ....

صرخت وصرخت ناديت ابوي امي عمتي تركي ناديته وناديت

محد رد ع صوتي

محد جا وانقذني منه قبل لا يسلبني اعز ماملك قبل

لايجردني من طفولتي

وبعد ماخلص وشبع مد يدينه لرقبتي يبي يخنقني عشان اموت

وتموت معاي

جريمته البشعه صخرته حاولت ادفعه بعيد عني ماقدرت فرق

الجسم فرق العمر مو

بصالحي واخيرا على صوت صرخاتي المكتومه جاء تركي كسر

الباب وانصدم

يوم شاف صديقه اذكر انه هجم عليه وضربه الين ماغمى عليه

من كثر الضرب

كنت بالركن متكوره على نفسي بلا ملابس شعري هو الي

ساترني خلع ثوبه

ولبسني اياه اخذني لداخل البيت كل الي اذكره اني ارتميت

بحظن امي وماصحيت

الا وانا بالمستشفى عقبها صرت اعاني من حاله نفسيه كرهت

كل الرجال ماقدرت اتحمل أي رجل غير ابوي يقرب مني حتى

الاطباء ماقدرت اتحمل قربهم وجلست على هالحال لمدة عشر

سنيين ماكنا ننزل الرياض الا بالاعياد وماخرج من البيت

ابدا الحديقه ماعتبها لاجل كذا بعد الحادث انتقلنا طبعا لجده

عشان ابتعد عن مكان الذكرى الاليمه

اما خالد انحكم عليه ثمانيين جلده حد الزنا بالاضافة الى ثمانيين

جلده حد الشرب

لانه ماكان بوعيه وقت ماعتدى علي

عمري مارح اسامح تركي اهو السبب لو مارافق هالي اسمه

خالد ماصار الي صار

هو الي دخله البيت لا وجا يبي يعمل فيها راعي نخوه ويتزوجني

يبي يستر على بنت عمه الي كان السبب في توسيخ اسمها

ترن ترن ترن <<التلفون الداخلي

رفعت السماعه : هلا

مريم : اهليين اقول انزلي ترى حطو القهوه بسرعه لاتنزل جدتك

وتفضحنا

جاوبتها : خلاص الان نازله
مع خالص ودي
 
امريكا (شيكاغو )

اخيرا جلس ع الكرسي ليرتاح صارله وقت وهو يركض

* بن در *

معقول لي ساعتين اركض ولا حسيت بالوقت لهالدرجه

احساسي بالزمان توقف

ماتوقعت اني رح اعطي هالموضوع أي اهتمام ..!!!

رجعت فيه ذاكرته لوقت مو بعيد قبل يومين تحديد بالضبط

الساعه 12 الظهر كان راجع من الجامعه مخلص المحاضرات بدري شووي

ما ان دخل شقته الفخمه حتى رن التلفون ركض له بسرعه

بندر: hello

تركي : السلام عليكم

بندر بفرح : وعليكم السلام والرحمه هلا والله بابو محمد

تركي : خخخخ شكلك انت الي رح تصير ابو محمد قبلي

بندر : ليه ناوي تعنس

تركي : خخخخ لا بس انت الي خنتني وخليتهم يخطبولك كذا

يابندر من غير ماتقول لتركي اخوك حبيبك صديقك

بندر كان متفاجأ : هاي انت يالحبيب اشفيك مخرف أي خطوبه

أي بطيخ ؟

تركي : علينا هالحركات يابابا كل شي بان

بندر : اقول تركي انعدل بالطيب عن أي خطوبه تتكلم ؟

تركي بجديه : خطوبتك من حنان بنت عمي

بندر: ومن قال اخطبوها ؟

تركي : بندر اشفيك الوالد خطبها لك مو انت قايله هالشي ؟

بندر : لا انا اصلا وين كلمته لي اسبوعين ماسمعت صوته

تركي: شلون امس ابوي مكلم عمي قدامي وقاله ترى بندر يبي حنان

بندر : تركي لو هذا مقلب تراه بايخ سامع

تركي : بندر هالمواضيع مافيها مزح

بندر معصب : شلون ابوي يسوي كذا ؟ ليه يخطبلي من غير لا

يسألني عن راي

شنو قدامه بزر يمشيه على كيفه ؟

تركي : بندر هدي اعصابك ياخوي مايسوى عليك ؟

بندر : ايش اهدي اعصابي انت بعد تستهبل

تركي : بندر لا يكون ناسي اني اخوك الكبير تكلم معي باحترام

بندر : تركي انا اسف بس الموضوع مو هين هذا زواج عشرة عمر


 
عودة
أعلى