العرب قامت تبيع وربحها مترابي

جدا عادي

شاعر القمه
السلام عليكم ورحمه الله وبركاته


مصافحه بعد غياب طويل وذلك لظروفي الصحيه

ولعل تلك الابيات اليتيمه تشفع لنا




يارفيقي والمعاني في حروفك تابي
انت ماتجهل كتابي لاقريت حروفه

وانت سيد قومه الي بالذكاء متغابي
وانت من ينقش على صم الصخر بسيوفه

سيدي ماكل من يرمي هدفها صابي
ولاتحسب ان كل خيل مروضه معسوفه

العرب قامت تبيع وربحها مترابي
وكل واحد ذمته في هالزمن مبيوعه

وكل كلمه في ثنايا خاطري باعرابي
الضمير المستتر والجمله المعطوفه

خلني مابين قوسين الغموض احبابي
وحطني فوق السحاب الي يمد كفوفه

ودي اعلمك وشلون الزمان هو دابي
ودي اكمل بعض اجزائي المحذوفه

السؤال الي فضح ليل السكوت عتابي
وعذري الي مات وانا في رجاه وخوفه

كل جرح لو يطيب الجرح ذا ماطابي
اليا تمنن صاحب المعروف في معروفه
 
أول شي ألف الحمدلله على سلامتك يارب وماتشوف شر ان شاءالله
ثاني شي صح لسانك ولاهنت أخوي
ثالث شي تحيتي وتقديري
رابع شي شكلي بانضرب
 
وعليكم السلام ورحمة الله وبركاته

حياك الله يالشاعر
الحمدلله على سلامتك ماتشوف شر ان شاءالله
نص رائعه ماهو غريب عليك الابداع
صح السانك ويسلم نبضك

دمت متألق
 
خلني مابين قوسين الغموض احبابي
وحطني فوق السحاب الي يمد كفوفه

ودي اعلمك وشلون الزمان هو دابي
ودي اكمل بعض اجزائي المحذوفه


صح لسانك على القصيده الجميله
والله يقويك ونشوفك من رواد المنتدى المتواجدين دائما
حياك الله

مودتي
طير القوافي

 
عودة
أعلى