 |  |
| |||||||
| الرجة و الهبال هبال, خبال, تنسيم, زحف, اقلاع, صرقعة, محششين |
 |
| | أدوات الموضوع | إبحث في الموضوع |
| | |
| |||||||
| الرجة و الهبال هبال, خبال, تنسيم, زحف, اقلاع, صرقعة, محششين |
|
| | أدوات الموضوع | إبحث في الموضوع |
|
#1 
12-10-2006, 02:48 PM
| ||||
| ||||
| مشكلة صب القهوه السلام عليكم هالمرة عندي مشكله نقدر نقول عنها انها مشكله اغلب البنات والعيال ألا وهي مشكلة ( صب القهوة .. وما ادراك ماصب القهوه ) قبل لا اطرح المشكله واظهر الحقائق والخفايا واكشف الاوراق خلوني اسألكم سؤال : ليش لاجونا ضيوف لازم نشربهم قهوه ؟ ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟ ليش وليش ولمازا هزا يحدس ؟؟؟؟؟ يعني تجيني امي وتقول : بعد المغرب بيجونا حريم . اقولها : منب طالعه لهم مالي نفس . تقووول : تراهم مهب ميتين عليتس بس مين اللي بيصب القهوه ؟ يوووووووه صارت عندي حالة نفسيه من صب القهوة لاني اذا باصب القهوة لازم اول البس وطبعا عشان البس قبلها ابلللط ساعة قدام دالوبي اختار خلقنّه من بين خلاقيني .. همن استشور شوشتي لو عزيمه هذا غير المكياج يووووووووووه مشوااااااااااااااااااااااااااااااار شي ثاني وهو اني ادخل على الحريم وانا ماسكه القهوه مدري احط القهوه على الطاوله وادور اسلم !!!!!! والا ادور اصب القهوة واسلم بنفس الوقت !!!! والا ادخل اسلم بعدين اروح اجيب القهوة !!!!! بعدين انا مدري اصب بالدوووور من اليمين والا اروح لاكبر وحدة !! سألت امي هالسؤال وقلت بكل غباء : يمه اصب بالدور والا لاكبر وحدة ؟؟ وصدف ان مر أخوي وقال : صبي بالدور تدرين ليش !! عشان الحريم كلهم صغار مايكبرون خخخخخخخخخخخ قلتله : يعني عادي محد يقول هالبنت هبله ؟؟؟ >>>>>>>>> هالسؤال يدل على الهباله الملازمه للعقل قال اخوي : لا .. انتي ما ينشره عليتس لانتس هبله ؟؟ خخخخخخخ ياحوبيله اخوي يستخف دمه >>>> يشتمها وتضحكله نرجع لموضوعنا صب القهوة شي مو حلووو ات از نت نااااااايس لاني اصير اطامر بين الحريم ومايمديني اخلص الا فيه وحدة خلصت فنجالها وتأشرلي امي .. صبيلها .. يعني من جد عذاااااااااااااااااااااااااااب هذا غير لامني صبيت لوحدة واقولها : سمي . تقول : لا مابي اقول بيني وبين نفسي : هاهاها تحسبيني بأترجاتس .. شربتيها والا عساتس هاهاها بس يجي صوت امي ويحطم علي متعتي واحلااامي : ( وش بتس ماتقهويتي ؟ طيب اخر فنجال ... ) ياربييييييه .. وتجلس امي تحايل فيها وانا واقفه آكل هواء ( وجعن يوجعتس انشالله .. مدي ايدتس خوذي الفنجال والا قسمن لا اصبها عليتس ) 7 7هذا انا اقوله بيني وبين نفسي - والشي اللي يقهر بعد انه لاصارت وحدة تسولف بنص السالفه تأشرلي اختي ( وحدة خلصت فنجالها قومي صبي قهوة ) اقوم انا أأشرلها بعد ( ليش ياعمتي !! وراه ماتصبينلها انتي ؟؟ ) ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل مايضرها لو صبرت شوي .. خلاص بتموت اذا ماصبينالها على طول لا نكون تشتغل خدم عند ابوها وانا مدري عاد كله كوم واذا جوكم ضيوف فاضين كووووووووووووووووم يجلسون يعزمون على بعض والله ان تاخذينه انتي لا والله انتي طيب وانا اللي واقفه محد فكر فيني .. والا عشان اصب القهوة صرت صفر على الشمال اصابعي مولعه من الحرررارررة وهم جالسين يعزمزن على بعض وقتها يجيني شعور اني ودي اصب القهوه على روسهم واقول لا انتي ولا انتي محد بيشرب قهوة .. خلالالالالالالالالالالالالالالالاص والا لاجت وحدة تميلح وتقوم تمسك الدله وتحاول تفتحها وتناظرني يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال واروح لمها واقول : ( هاتي عنتس ) . تقول : ( لاه عادي ) .. اقطعي واخسي تراني منب اترجاتس هاتي الدله اقووول بس تبين تصيرين قرمه قدام الحريم .. وععععع الللللللله لا يعيده من موقف شعووور مووو حلووووووو شي ثاني لا مننا قلنا (( تفضلوا العشااااء )) آآآآآآه و آآآآآه ثم آآآآآه مدري وش يصير فيهن !!! والله العظيم ترانا قلنا تفضلوا للعشاء !!! يقعدون يسولفون ولااااااااا على بالهم وكل وحدة تحط بمخباتها مو بس حجر الا اثقااااااااااال وجبااااااااال وتلال وبحوووووووور وعبال مايمشون او بالاحرى يتسحبون من الصالون الى غرفة السفرة يااااااااي طيب اذا ماتبون تتعشون وش مجلسكم لوقت العشاء ؟؟ ((( سؤال مههههم يطرح نفسه ))) عاد انا جتني فكرة اننا نقولهم قبل لا يجهز العشا بنص ساعة تفضلوا للعشاء >>>>> يازينتس ساكته والا مايقومون الا لما اروح عند وحدة وحدة واقولها تفضلي ماباقي الا ابوووس رجولهم واترجاهم تكفون تفضلوا للعشاء مير ودي اترجاهم واقولهم لا عاد تجون لمنا انا مااحب العزايم اللي ببيتنا اكرررررررره العزايم اللي ببيتنااااااااااااااااا اكرهاااااااااااااااااااكرهاااااااااااااااااااااكره ااااااااااااااااااااااا والا قولوا لأمي مو لازم تجي تسلم علينا خليها على راحتها >>> من جد يازينتس ساكته - - هذي معاناتي مع صب القهوة ,, ^ ^ االي يسمعك يقول ابد دايم وااقفه تصب ماتصبين الا مره بالسنه اذا جو نااس تميلحو وقالو مايبون قعدت البيت اترك المايك لكم للتعليق والتفحيط بهالموضوع .. واللي مايعجبه هرجي لا يرد مو لازم نعرف رايه لانه غلط >>>> ياسلااام يعني اللي مايعجبه هرجتس صار رايه غللللللط >>>> نعيد ونقووول يازينتس ساكته ... ووووووووووو تشاااااااااااااااو  |
|
#2
12-10-2006, 04:02 PM
| |||
| |||
| رد: مشكلة صب القهوه
يسلمووووووووووووو حياتووووووووو
|
|
#3
12-10-2006, 04:25 PM
| ||||
| ||||
| رد: مشكلة صب القهوه أم شوشه صب القهوه والقهوه معناها الكرم عند العرب يالله اعطيكي معلومه خفيفه عن سبب صب القهوه والهدف منها شوفي صب القهوه كان منذ زمن بعيد حتى اليوم عند العرب يقدم للضيوف وخصوصاً كان في الفترات المسائيه ولان القهوه منبهه لا يشعر الضيف او المعزب( المضيف) بالنعاس لانه من حسن الضيافه عدم اظهار النعاس بوجود الضيف لان ذلك يعتبر طرد او أهانه للضيف اما من جه الضيف فهو يعتبر تقليل من قيمه المضيف أذاظهر عليه النعاس ولذلك كانت القهوه هي السبيل الوحيد لتدارك كل تللك الأمور وهي عاده جيده دل على الترحيب و الكرم وكماهي القهوه هي النار ( التي تعد بها القهوه قديماً)المضيف تدل على كبر كرم المضيف وقدرته على أضافته الناس لما في ذلك من عز وفخر للمضيف ورجوعنا لمن يصب القهوه فأنه يدل على انه انسان ذكي يعرف متى يصب القهوه ولمن يصبها وكيف تصب والكميه التي يصب بها للضيوف وان كانت الطريقه جيده وفيها أتقان دل على حسن تربيه وتعليم الأهل وكرمهم لذلك يهتمون بتقديم القهوه وتعليم أولادهم على صبها للضيوف أذا اختي مما ذكرتي يدل على حسن تربيه وأصل وكرم في صب القهوه وحرص أهلك على تعليمك الاسلوب الجيد والقدر الكبير من أظهار كرم الضيافه والتفاخر بصبها لما لديكم من حب للناس والأخوه والترابط الأجتماعي ومشاركه حلوه ام شوشه وتقهوي خيتو بهذا الرد على الموضوع أما في وقتنا الحالى أصبحت عاده منقوله من أهلنا السابقين وهي جيده التعديل الأخير تم بواسطة محترم ; 12-10-2006 الساعة 04:27 PM |
|
#4
03-11-2006, 06:21 PM
| ||||
| ||||
| رد: مشكلة صب القهوه
يسلموو محتررم ع المرروورر
|
|
#5
03-11-2006, 06:27 PM
| ||||
| ||||
| رد: مشكلة صب القهوه  |
|
#6
03-11-2006, 06:29 PM
| ||||
| ||||
| رد: مشكلة صب القهوه
الله يسلمك نووووووووووووووووررررررررررتي |
|
#7
03-11-2006, 09:23 PM
| |||
| |||
| رد: مشكلة صب القهوه
فعلا موضوعك جميل جدا ووضع في قالب كوميدي ولكن يضل اختي الكريمه اكرام الضيف والصبر على اكرامه والجود بما هو موجود من الايمان بالله واليوم الاخر ومن فضائل الاعمال وهو خلق الرحمن وخلق الانبياء والصالحين مع ان ما ذكرتيه صحيح مئه بالمئه وهذه المواقف تحدث معنا في كل مره يزورنا فيه ضيوف ولكن احتساب الاجر يهون من هذه المعاناه وهو البني ادم اش فيه غير كرم اخلاقه يعني ما احد يربي الانسان ويسمنه علشان ياخذ منه مرق مافيه الا اخلاقه ومعاملته الحسنه مع الله ومع خلقه وفي حقيقة الامر ان اخي محترم قد سبقني بكل جميل وبما هو اجمل من عباراتي ولكن كان لابد لي ان اكتب هذه الكلمات حتى لا ابقى بدون مشاركه بارك الله فيك السلام عليكم التعديل الأخير تم بواسطة ساري الليل ; 03-11-2006 الساعة 09:43 PM |
|
#8
03-11-2006, 10:21 PM
| ||||
| ||||
| رد: مشكلة صب القهوه هههههههههههههههههههههههههههههههههههههههههههههه هههههههههههههههههههههههههههههههههههه ههههههههههههههههههههههههه هههههههههههه هههههههه هههههه هههه هه ه الله يرجك والله من جد موضوعك صدق انا لجيت اصب القهوه للرياجيل يجلسون يتحالفون على الي يستلمها اول ولا كلش ولا ايام العيد اول ايام العيد صدق ان الواحد يكون مستانس لاكن لجاك ضيف شباب << و مسوي فيها شايب ع شان ابوي و جدي و عنده استعداد يشرب دلة كامله طنقرت و انا مستحمله قصم بالله ما طلع و فيني حيل حتا ما شرب شاهي و بعدها جوني ولدين نفس النوعيه كل واحد يحلف على الثاني <<< و انا بالي طويل  و معصب في نفس الوقت  رحت تركتهم و عطيت الفنجال ورع كان جاي معهم  تفشلو صدق << و اتوقع لو ما كنت امون عليهم قامو و تركوا لي المجلس المشكله بعد لجا ضيف و معه ناس من جماعته و ما تدري من هو الاكبر والله مشكله و يكونون يقربون لآبوك و كلهم في سن واحد و تجي تبي تعطيه ابوك و يقول لك لا عطه فلان و تروح لفلان و يقول ابد والله تعطيه ابوك ارجع لبوي يقول لي فلان الثاني و على ذا الموال لين يبرد الفنجال و يتشجع واحد و يقوم ياخذه هو ازين حل قدام كل واحد في المجلس طاوله و فيها دله و فنجال و اذا خلص دلته < من عيوني اقوم اجيب له اربع غيرها بس هو يصب لعمره عاد البياخه اذا جا واحد بعد الفجر بساعه << يسوي لنا ملتزم بالعادات و يقوموني من النوم صب القهوه و اجيه ابي اكرمه و اصب له القهوه و يجلس يعلق و مرره مستانس ودي امسك الدله و اصفقه ابها على راسه والله حاله الي يعجبكم الي يجيكم 5 فناجيل و بعدها 3 بيالات شاهي و بعدها فنجال قهوه و يقول بس هذا الي يعجبني بس للآسف قليل مشكوووووووووووووووووووره اخني على الموضوع يسلموووووووووووووووووو تحياتي |
|
#9
03-11-2006, 10:28 PM
| ||||
| ||||
| رد: مشكلة صب القهوه
هههههههههههههههههههههههههههههههههههه خيتووووووووووووووووووووووووووووووووووووووووووو ام شويش صدق انا مت من الضحك الله يرجك هههههههههههههههههههههههه |
|
#10
04-11-2006, 05:50 AM
| ||||
| ||||
| رد: مشكلة صب القهوه
خخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ اما ليه ماسشربون ببيتهم ؟؟؟ اصلا اصلا انا مااتحمس ازور ناس الا عشان اتقهوى واكل حلى هع بس الشهادة لله اني دايمن الزم على راعية البيت اني انا اللي اصب القهوه <<< تبي تشرب على راحتها خخخخخخخخخخخخخخخخخخخخخخخخخخخخخخخ مغسي بكوووووووووووووو حبوبه |
|
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| حلى مع القهوه جنان | !حكايه عطر! | حلويات | 7 | 16-07-2008 03:27 AM |
| احذروا هذه القهوه | نبراس المحبه | المنتدى العام | 3 | 15-02-2008 08:50 PM |
| حلى بسيط مع القهوه | تورالامل | حلويات | 2 | 10-02-2008 01:40 AM |
| جهزولي القهوه انا جاي | رضاء الشمري | الترحيب و اصدقاء عبير | 13 | 22-09-2007 04:53 PM |
