(( ياقلب بيع الحب ةالربح مضمون))**

فاقده لذاتي

Active member
ياقلب بيع الحب والربح مضمون
شفت أكثر العالم من الحب تجار

أحد يجيد الحب في لعب وفنون
وأحد غدا للحب كاذب وسمسار

ياكثركم ياللي على الارض تمشون
وياقل منكم للوفاء صار معيار

مدري غبا وألا علينا تذاكون
لاتفكرونا بالوفاء ناس كفار

حنا نعرف اللي على القلب ويمون
وندري من اللي للوفاء ساق الاعمار

ياعين لاتبكين والشعر مرهون
بلسان راع الحزن من نسل الاحرار

عمره يسوقه سوق كنه درقسون
من وين مالفه على طيبته دار

ياناس والله بالغلا صرت مديون
مؤشر أحساسي على فراقه أنهار

فقير حال ودنيتي دون في دون
من وين ماوجهتها كلها نار

وحيد وسط الناس جالس ومركون
كني أدور حق سابق ولي ثار

حزني لو يشوفه من السجن مسجون
حكمه مؤبد والسجن صار له دار

يبكي وهوباكي له سنين مطعون
يقول أنا بنعمه ولاحولي أخطار

ياصمت هونها على القلب وتهون
أدفن غرامك بين حافر وقبار

أنا أشهد أني صرت خاسر ومشحون
بين الهموم اللي كما ضلع سنجار

كنت أعشقك وأبيك ميت ومجنون
واللحين أنا مابيك ماني بمحتار

غيرك يطفي نار حبي على الهون
ويسرق قصيدي من مقادير الاقدار


م
ن
ق
و
ل


 
71748imgcache-2.jpg


صح لسان الشاعر ولاهنتي على النقل ودي
 
ياناس والله بالغلا صرت مديون
مؤشر أحساسي على فراقه أنهار

فقير حال ودنيتي دون في دون
من وين ماوجهتها كلها نار


بيتين قمة الروعه
ماشاء الله
قصيده جميله وذوق رفيع في الطرح

مبدعه

صح لسانك ولسان الشاعر

احترامي
طير القوافي
 
عودة
أعلى