الموضوع: ديوان الشاعر / طارق المحياس

نسيت..أسهل عذر..وأسخف عذر..وأغبى عذر..

نسيت..الكلمة اللي للأسف مالها عذر..

لكن أنا والله نسيت..
أرجوك برر موقفي..لا تقول سامحتك خلاص..وبداخلك جرح خفي..
عبر عن إحساسك وقول..كلي على بعضي فضول..كلي ندم..والله يذبحني الألم..
لا تغير إسلوبك معاي..ما أبيك تتعمد جفاي..
ما كنت أقصد أجرحك..وأدري غيابي يذبحك..
لكن نسيت..
بالنسبه لي..إنته الهوى..إنته الغلا..إنته القمر..إنته القدر..إنته الحبيب..إنته القريب..
وكل شي بدنيتي..
مقدر بدونك أستمر..مالي عذر..ومالي من عتابك مفر..
ما بعتذر..لا ما بقول إني إنشغلت..أو ما قدرت..والا إوقفت ضدي الظروف..
لكن نسيت..
هل يا ترى شايل على خلك كثير..ما أعتقد..
أدري أنا قلبك كبير..كبر السما..
هل يا ترى تسقيني من غيثك زلال..وإلا أموت إمن الضما..
يا صاحبي..
جيتك وأنا شايل هموم..كبر الجبل..ما أحتمل..
وإنته بيدينك راحتي..
وحياة من يغلا عليك..وحياة منهو يرتجيك..
فوتها هالمره خلاص..ما راح أكررها معاك..ومن لي في الدنيا سواك..
يرضيك يذبحني الكدر..وأبات ليلي منقهر..
وكل السبب..
إني نسيت..
تدري أنا بعدك أضيع..ما أستطيع..أحيا بدونك ثانيه..بس ثانيه..
لأنك في دنياي المطر,,والورد كله والزهر..
أحيا على صوتك وأموت..ومرات يذبحني السكوت..
أرجوك لا تزعل علي..بسك زعل..
لا تخاصم اللي يعشقك..ولا يقدر إنه يفارقك..
يا كل هالدنيا تعال..لا تقول لي مافي مجال..لأ في مجال..
أدري أنا كلمة نسيت..أسهل عذر..وأسخف عذر..
والكلمه الي للأسف مالها عذر..
لكن أنا والله نسيت..
والله نسيت..

لو ابكتب ليش ابكتب أي قصايد أي شعر
ما بقت فينا مشاعر ما بقى أصلا كلام

الله يعلم كيف حال إحساسنا بعد الخبر
بعد أبونا الغالي قلنا بس على الدنياالسلام

راح وأصبحنا يتامى آآآه يا ظلم القدر
والنسا صارن أرامل كلهن والله حراام

والعجايز دمعها بلل محاجرها وحدر
والألم قطع قلوبن عاشت بحبك غرام

الإمارات الحبيبة ودعت ذاك القمر
آه يا مصعب وداعه كنها طعنه سهام

مابقى للنوم طاري ما بقاله أي أثر
حتى كل طفل بكى فرقاك عيا لا ينام

المآذن والمساجد والشوارع والشجر
المباني والمواني ذاقوا إحساس الظلام

البحر والطير والأنعام ناحوا والزهر
والنخل والعاديات كل شي حتى الغمام

وين ذيك الضحكة اللي تأسر الدنيا أسر
وين ذاك الطيب ياللي صار للعالم وسام

وين هالنظرة الحنونةتشرح أنفاس الصدر
وين هالهيبة إللي تمنع هاللباقة من الكلامة

وين زايد وين أبونا وين راح أغلى البشر
إللي في عزه ربينا لين ما صرنا تمام

إللي نومنا بأمان ولجل راحتنا سهر
إللي ضحى بكل عمره يبني أجيال وسلام

راح يقابل ربه راضي مرضي أبوقت العصر
راح وصدمتنا كبيرة غمض عيونه ونام

مات في العشر الأواخر ماات والدنيا سفر
من سفر وجهه ونوره صارت الدنيا ظلام

راح ونفسه مطمئنه بعد ما أوفى النذر
بس عزانا يوم روح راح في شهر الصيام

راح وهيبت موكبه هزت قلوبن تقشعر
عاش في الدنيا عظيم ومات وهو أسمى العظام

والدليل النظرة اللي باقي شوي بس وتنفجر
نظرة محمد ياللي ودع بها خير الأنام

نظرته كانت أليمة بكى من شاف ونظر
وحد أنظار العرب في نظرته مابه كلام

نطلبك يا رب رحمه ونطلبك ربي الصبر
وندعي بالرحمة لزايد قد ما صلى وقام

نشهدك ربي رضينا عنه فاكسبه الأجر
ربي وارضى عنه واجعل منزله دار السلام

واجعل اللهم قبره دار صدقن مستقر
في جنان الخلد مع الأنبياء على الغمام

واغفر اللهم ذنبه إنه صلى وشكر
واجعله منأهل اليمين من المكارم والكرام

ما أتيت بمادحن أفعال قائد مزدهر
أو أرثي إنسان يركع له الإنجاز باحترام

إللي دفعني شفت دمع أطفال يبكون بقهر
وإللي دفعني أمةتبكي شخص صحاها ونام

البقى في راس شعب كان له قولك امر
والبقى والله بخليفة وكل أخوانه الكرام

الإمارات الحبيبة ودعت ذاك القمر
آه يا مصعب وداعه كنها طعنه سهام

الله يعلم كيف حال إحساسنا بعد الخبر
ما بقت فينا مشاعر ما بقى اصلا كلام

يزيد الشوق بي ويكبر ,, وأحبك أكثر وأكثر
وإذا أنته أشتقت لعيوني ,, أنا مشتاق لك أكثر
إذا أنته أشتقت لي بالحيل ,, وبعدي ماتنام الليل
أنا بعدك مجنني ,, معيشني عذاب وويل
عسى الله يلوم من لامك ,, وعسى تحقق أحلامك
وإذا أنته تشوفني محلو ,, عسى الله يحلي أيامك
هلا بك الف ترحيبه ,, هلا بمطول الغيبه ,,
من الفرحه انا مدري ,, فؤادي ايش اسوي به

بكل حسن نيه طلبته أسمع الرنه الجديده
لأنها عجبتني بصراحة فيها احساس جديد

وقال والله أنته تامر والله تبغي تعيده عيده
لو تبي ترسلها أرسل قلت: عادي قال أكيد

أنته تستاهل عيوني جت على رنه زهيده
هذا هو الجوال عندك بس ترى مابه رصيد

قلت أدري يا الذكي بلوتوث ما ينقص رصيده
قال أدري بس امزح لا تدقق يا العضيد

ويوم خذت جوالي منه روحي كم كانت سعيده
لأنه أغلى الناس يمي و أنا في قربه سعيد

أهو يدري كم أحبه و كم أعزه وكم أريده
يبقى يمي لين موتي من عقب عمر مديد

هذا أغلى الناس أصلن هو خوي قلبي وسيده
هذا بس اللي أعاني لو بعد عني بعيد

اهو يدري بالأغاني كل جديد أنا أصيده
كيف لو هالرنه كانت من غنى عبدالمجيد؟!

أنا هالمطرب مجنني بقديمه وبجديده
أصلن إحساسه يجنن من قديمه والجديد

المهم أنه عطاني وخذت جواله من إيده
كنت ناوي أسمع الرنه و أستطرب و أعيد

فجأه رن جواله بإيدي وهالرقم كني أحيده
ياترى خالد أو أحمد لا أظن أنه سعيد

ويوم أنا دققت أكثر بالرقم ارتجفت إيده
قلت له وأش فيك خايف و أنته من لحظه سعيد؟

قال لا لا عادي والله بس ألهتني الجريده
كل ابو هالأخبار ضرب وقصف تهديد ووعيد

ثم طرى شخص (ن) ع بالي خلى نيراني وقيده
وكان هو يقرى الجريدة قلت له أنا أكلمك ولا أكلم حديد؟

قال لا تظلمني والله ما ظلم خلقه وعبيده
قلت أنا أسألك وجاوب مالك ومال العبيد؟!

قال لا لا هذا سالم رقمه يشبه اللي تحيده
قلت له ممكن أجاوب قال جاوب لو تريد

وقلت في قلبي أخاف إني ظلمته لأنه سيده
ما يلف يسار ولايمين وكلن له شهيد

ويوم أنا جاوبت فعلا إكتشف أنها مكيده
هذا نفس الشخص ياللي قلت له خله بعيد

لا تكلمه هذا أعرفه كل طباعه مب حميده
لو طباعه مب حميده يعني اهو اللي حميد؟

ضاقت الدينا في عيني وخانت لساني القصيده
توني كنت ناوي أسمعه من قصيدي شي يديد

شي أنا قلته عشانه وكنت في مدحي أزيده
طاح شعري من عيوني وماتت أبيات القصيد

إلا هذا إلا هذا ما هقيته يذبح أحلامي بإيده
إلا هذا ما هقيته يكون عربيد ورغيد

لعبو كنت أنصحه ويقول تم للي تريده
وكان يأخذني على عقلي و أنا عقلي رشيد

كنت أظن انه ملاك وعارف دروب (ن)تفيده
وإكتشفت أن النصيحة باللي مثله ما تفيد

لا نفع فيه الكلام ولا يفيده ويستفيده
قد ما كنت أنصحه مو ناوي أنه يستفيد

دام ما تقدر تنقص همي ياخي لا تزيده
ولا ما ترتاح يعني إلا لو همي يزيد

اللي حز بقلبي إني كنت أبا أسمعه قصيده
امدحه فيها و أقول بدنيتي أهو الوحيد

بس ش أسوي دام خانتني في وصفه هالقصيده
الله لا رد الأغاني والله لا رد القصيد

كنت كاتب بالقصيده أنه هو دانه فريده
وللأسف لا فيه دانه ولا به شي فريد

حلوه هالرنة إعجبنتي كشفت أشياء عديده
بس ما بخذها منك نفسها عند بو وليد

خل هالرنه معاك شكرن وفرصه سعيده
وهاك من عندي بطاقه عبي جوالك رصيد

لا طاحت الدمعة من العين طاحت.
.صعبة ترد وترجع بداخل العين..

وإنته مثل دمعة في عيني وساحت.
.وشلون أردك قلي وشلون يا زين؟؟؟

كانت لك بقلبي مشاعر وراحت.
.واليوم وينك يا عزيزي وأنا وين..

صدقني لو روحك على البعد ناحت.
.لا يمكن أرجع لك ولو حتى يومين

وشلون أرجع دام روحي أستراحت..
مابي أكرر غلطة الامس مرتين..

العمر واحد والجروح أستباحت.
.في الدنيا هاذي محد يعيش عمرين

طلبتيني أألف لج شعر وأقول به أسمج
ولأنج غاليه ع الكل أنا قلت أصبري شويه

ترى صعبه علي أوصف هالطيبه في قلبج
لأنج مب خلوقه بس إلا انتي مثاليه

توقعت أكتب أشعاري وأوصف زينج وحسنج
ولكن ماتوقعت القصيده تكون مرثيه

يا كعبيه أسمع هالقصيده منهو من بعدج
وأنا إللي فيج كاتبها ولج بذات مهديه

يا كعبيه 17 سنه عشتيها من عمرج
وكل الناس تمدح بج ولج ضحكه خياليه

يا كعبيه حشى لله ماقد يوم كلمتج
ولكن كل طيب مايخيب به هقاويه

يا كعبيه ترى هالمنتدى منقوش به أسمج
وكل الأعضاء من فراقج حالتهم فجاعيه

يا كعبيه ومهما صار يجري بقلبنا دمج
ولج ذكرى جميله عندنا والله يا كعبيه

عسى الفردوس دارج والنبي جارج وفي قربج
عسى تشوفين ميمونه وخديجه عاشه ماريه

يا كعبيه أسمع هالقصيده منهو من بعدج
وأنا إللي فيج كاتبها ولج بذات مهديه

توقعت أكتب أشعاري وأوصف زينج وحسنج
ولكن الله راد تكون القصيده مرثيه

بعد ما طول غيابك أنا تعودت هجرانك
بديت أنسى شوي شوي وأخاف أنساك موليه

أنا ما كنت أبي أنسى ولا ع البال نسيانك
ولكن كله منك إنت أبعرف وشهو بيديه

تخيل صار عادي لو أعيش إبدون أشجانك
تخيل غيبتك صارت يا أغلى الناس عاديه

تجيني والا حتى تغيب أنا عايش في حرمانك
كذا والا كذا يعني أعيش أحلام ورديه

اذا ودك نكون أحباب تعال وصون من صانك
حبيبي هالعمر يمضي ولا ترجع لياليه

أخاف أنساك وأتعود على بعدك وهجرانك
وأخاف إنه يجيني يوم...وما أذكرك موليه

وش اللي بخسره يعني اذا انك قلت لي بنساك
ترى قبلك نسوني ناس كثر اغلى واعز منك

بعد فرقاهم تحطمت واذا أنها جت على فرقاك
ابشرك الامر عادي واقدر ابتعد عنك

انا زعلت مني ناس يعزوني عشان رضاك
ولا همني احد غيرك يا محبوبي ولكنك

تجاهلت الغلا كله تجاهلت الذي يهواك
صدق ظني .. وياليته مثل ظني صدق ظنك

انا كنت اعتقد اني بعيش أحلى العمر وياك
ولكن اعتقد يا صاحبي غرك صغر سنك

بسيطة لا تعقدها خلاص انسى وانا بنساك
وش اللي بخسره يعني اذا اني ببتعد عنك

ليش قلبج يا بعد عمري حزين والله مب لايق عليج هذا الزعل
يا حلاتج يوم انتي تضحكين.. افتحي قلبج وقولي وش حصل؟
من تجرأ من قطف هالياسمين؟ من حرمه الزين قبل لا يكتمل؟
منهو ارخص قيمة الغالي الثمين؟ ويدري انه في عيوني له محل
ومن يقول الورد ما يقطر حنين؟ ومن يقول اته وسط قلبي ذبل؟

يالله قومي.. يالله لا تتكاسلين.. خلي حلمي وياج يوصل لزحل
يالله قومي.. يالله لا تتشاورين.. خلي حبنا يكون للعالم مثل

قالت: اصبر
قلت: انتي تامرين
وطالعتني بعين يملاها الوجل.. ولا اراديا ذرفت دمعتين
وقالت: ان الزين ابد ما يكتمل
قلت: قوليلي ترى سرج دفين ما بخبر حد لو مهما حصل
بس دخيلج ما ابي هالدمع يبين.. مب عشان شي بس والله ما احتمل
طالعتني وقلت لها: شو تطالعين؟ ما في داعي للعواطف والخجل
هذا مب وقته في ويهي تسرحين جاوبي احساس قلبي اللي سأل
قالت: الشدة بعد فترة تلين والفرح يقبل اذا باقي امل
والشقى لازم في يومه انه يهين.. والصعب يأتيه وقت يكون سهل
قلت لها: قوليلي ولا تلمحين ما احب اسمع كلام به جدل
قولي شو الموضوع اذا انج تسمحين وخلي الخوف اللي فيني يرتحل

قالت: أهلي ساوموني بدرهمين!! وقرروا انهم يزوجوني بعجل
جا خطبني شخص قدي بمرتين وجابو المأذون والعقد اكتمل
وافقوا لانهم بماله طامعين وبالتجارة والمراكز والفلل
ليش لا دام انهم رابحين يمكن انهم يطلعون بكم محل
! ! !

قالت: إلحقني إلحقني ومد لي هالايدين ضاع فكري وطار من راسي العقل
من لي غيرك اشتكيله يا الضنين؟؟ عطني رايك عطني لو ذرة امل
صرت انا وياك ضمن التايهين والحزن في دربنا توه استهل

ليش يا دنيا في ويهي تعبسين؟؟؟؟
ليش يا دنيا في ويهي تعبسين؟؟؟؟
ليش يا ربي في ويهي تعبسين؟؟؟؟
حظي المايل متى بس يعتدل؟؟

قالت: تكلم ولو بس جملتين لا تتم ساكت ترى وردي ذبل
قول لي اي شي قول لو كلمتين
وانت بس اللي لأمره امتثل

صدمتي كانت معاها صدمتين
صدمتي كانت في هالمرة دبل
كنت بسألها اش رايج تملكي بي دام خذنا الدبله والحب اكتمل!!
ما نطقت بشي وانا ميت حزين.. والدمع من فوق وجناتي همل
قمت اشاهق ما ابي نوحي يبين .. كني خيل باعلى صرخاته صهل

قمنا نطالع بعض عين بعين.. ما تكلمنا إلين الليل حل
قالت: انطق لا تقول انزين انزين.. وانا ساكت والفرح عني رحل

كنت اظن احنا لبعضنا مكملين.. ما دريت الحظ عاند بالفعل
كنت انا وحدي بعالمها سجين.. وكنت اقول الحظ اخيرا اعتدل

قلت لها: اذكر كلامج لين الحين يوم تقوليلي تراك احسن رجل
صحت فجاة
وقلت لها: تتذكرين يوم كنا نخطط لشهر العسل؟؟؟؟

قلت: عشاني قومي ولا تزعلين.. وارضي بالواقع ما دام انه حصل
اسمج بيبقى وسط قلبي دفين.. والقمر لازم في يوم بيكتمل
والله بفرح دام انتي بتفرحين.. يالله خلينا بعرسج نحتفل
واصفعتني كف عالخد والجبين..
وقالت: انت قاعد تكلم طفل ؟؟؟؟!!

قلت لها: وصوتي بنبراته حزين
اوعديني هالزعل آخر زعل
لان قلبج ينعرف يوم تزعلين
والله مب لايق عليج هذا الزعل
ومهما ناديتج ابد لا تجاوبين
قصة الحب انتهت مااات البطل

افترقنا بعد كل هذي السنين .. وللاسف حبنا في هالمرة فشل
فشل
فشل
انتهى مشوار احلى عاشقين .. كلن بدربه ولكن ما وصل
كل واحد ينسى مع مر السنين .. لكن الذكرى امرها مب سهل
لين آخر يوم في عيني بتسكنين
لين آخر يوم في قلبي تسكنين
لين آخر يوم في روحي تسكنين

وصورتج بتبقى مثل بدر اكتمل

في بعض الاوقات اقعد مستكين بس افكر لين يذبحني الملل
بالفعل قطفوا زهور الياسمين
قطفوا الزهرة قبل لا تكتمل

شفتك و ردت لي روحي من بعد موت الأماني
ما دريت الفرحة هذي هي بدايات الحزن

شفتك و جيتك بسلم بس لمحت إنسان ثاني
ماسك إيدنك و يضحك كان يضمك بالحض

وقتها ما أدري بكيت الحظ و لا هو بكاني
و كل ما ف الدنيا هذي من ألم فيني سكن

تاهت الخطوة بدربي من قبل ما أمشي عصاني
ما أدري دموعي بكني و لا بس لأجلك بكن

اختلط فكري بظني كل ذا صار بثواني
ما ادري ش أسوي يا ربي صرت حاير ممتحن

ما أدري هل هذي الحقيقة صار غيري بمكاني
و لا هذا اللي أشوفه ما هو بس ظن

جيت أبا أتأكد و كلمة يا إلهي في لساني
يا عسى تكذب ظنوني و تنتهي كل المحن

و يوم أنا قربت منه توني بنظر ما مداني
صوته الدافي عرفته بعده باقي ف الأذن

أذكر أنه هو وعدني و أحسب انه اليوم جاني
و أثري طيري يوم طلعت ريشته فضى الغصن

ماشي روح أنته بطريقك بس تأكد يا أناني
لو تلف الدنيا ما بتلقى لك وطن

مثل ما اتسليت فيني و بغرامي و بحناني
رح يجيلك يوم و تندم رح يجازيك الزمن

وقتها لا تقول وينك تكفى رجعني لمكاني
رح أقولك و بساطة إدفع جروحك ثمن