 |  |
|
#1 
29-09-2006, 03:10 PM
| |||
| |||
| قصة - اذا في يوم مت [color="Black"]@@@إذا في يوم مت@@@ @@@مابغاك تبكي علي@@ @@(قصة أحمد ومرام)@@ @@@(الجزأ الأول)@@@عبير ام احمد: ياالله ياوليدي صدقيات اختك هند بيجون وانت مابعد جبت الأغراظ الي وصيناك عليها احمد: يايمه البنات بيجون على العشا مو على الغدا الله يهديك الساعه ثلاث مابعد اذن العصر هند: احمد اذا عزمة اخوياك من الصبح تخلينا نقوم نطبخ واحنا موصينك على المقاظي من يومين وانت مطنش احمد: خلاص إذا صليت العصر بجيبلك الي تبغين احمد بعد صلاة العصر يقابل صديق عمره سعود سعود: احمد وش عندك بعد الصلاه احمد: إذا فاظي تعال معي عندي مشوار قريب وبرجع وفي السياره لاحظ احمد ان سعود عنده شي بيقوله بس متردد احمد: سعود وش فيك ساكت ماهي عادتك سعود: وش تبغاني اقول احمد: هذي لهجه جديده الحين انا تأكدة ان فيك شي تكلم وانا اخوك سعود: اختي مرام ___ احمد: وش فيها سعود: بقولك بس اهم شي اختك هند لاتدري احمد: خوفتني تكلم سعود: اختي جاها فشل كلوي وبتصير تغسل كلا بعد عشرين يوم وبصراحه هي تعرف انها مريظه بس حنا ماقلنالها ان معاها فشل كلوي الى الحين احمد: ليه طيب سعود: انت عارف ان الأسبوع الجاي أخر اسبوع في الأختبارات وانا مابغا الخبر يأثر على مذاكراتها احمد: اسمع اليوم إذا حطيت اختك مرام في البيت انتظرني عند الباب علشان ودي اقعد معاك اليوم سعود: خلاص ابشر احمد سمع صوت بوري سيارة سعود وهو طالع من غرفته الي في الدور الثاني طل من فوق لقى بنت توها داخله عرف انها مرام اخت سعود نزل مع الدرج وهو في أخر الدرج لمح وجه مرام من غير ماتشوفه طلع من البيت وركب مع سعود سعود: احمد وش فيك سرحان احمد: مافيني شي سعود: تعلمني فيك في شي مخليك شارد احمد كان يفكر بالملاك الي شافه اليوم في بيتهم ويقول الله خلق والله فرق سعود: وين تبغانا نروح احمد: وش رايك نروح جيان نتمشى فيها وبعدين نروح نتعشى سعود شورك وهداية الله ====================== ********************** @@@الجزأ الثاني@@@ @@(مرام وماكتبه الله)@@ سعود: مرام ابغى اقولك شي ماقلتلك من اول خفت الخبر يأثر على اختباراتك مرام: يدها على قلبها وش فيه ياخوي طيحت قلبي سعود: مرام انتي لازم تروحين المستشفى مرام: ليه___! سعود: علشان تغسلين كلا انتي مع___ مرام: تقاطعه وهي مصدومه طيب ليه انا سعود: استغفري ربك الله له حكمته يخليها سعود ترتاح ويطلع للمستشفى يكمل اوراقها _مر شهر ومرام تغسل ثلاث مرات في الأسبوع سعود واحمد كانو ماخذين كورس صيفي_ مرام: سعود متى بتجي تأخرت سعود: المشكله اني غبت كثير ولا أقدر استأذن لاكن انا برسلك احمد يوديك هو واخته هند لأن أحمد محاظراته مسائيه مرام: لا ياخوي لاتكلف عليهم انا بروح بسيارة اجره سعود: هذا الي ناقص كلها دقايق ويجيك احمد ياالله مع السلامه مرام: مع السلامه هند: ياالله يامرام ماصار انشوينا بها الشمس مرام: طيب دقيقه اقفل الباب الداخلي والحين جايه وفي السياره كان احمد مشغل محمد عبده احبه حيل وعند المستشفى مرام: مشكورين ومع ليش إذا تعبناكم احمد: تعبك راحه هند: استغربة رد اخوها شهر مر ومرام تروح في الأسبوع مرتين مع اخوها ومره مع احمد وهند هند: احمد الله يخليك وقف شوي عند المكتبه بشتري كتاب نفسي فيه من زمان احمد: هند الله يهديك ماتشوفين البنت توها طالعه من المستشفى وبتروح البيت ترتاح هند: الله يخليك خمس دقايق ماراح اتأخر احمد: خلاص ولاتطولين وقف احمد عند المكتبه موقف مزدوج لأن كانت المواقف زحمه نزلت هند وجلس احمد ومرام بسياره احمد: مرام وشلون الغسيل معاك مرام: وهي مستحيه الحمد لله احمد: عاد شدي حيلك السنه الجايه ثالث وهي الي بتحدد مستقبلك مرام: ان شاالله وفي نفسها تقول الله اعلم كيف بدرس وانا نص حياتي بالمستشفى احمد كان يناظر مرام نظرات غريبه وكنه وده يقول حرام هالقمر يصير فيه كذا مرام استحت من نظرات احمد مرام: انا استأذنك بروح اشوف هند وتوها بتنزل إلي شافت هند جايه ركبت وراحو البيت اليوم الثاني__: مرام: الو هند كيف الحال هند: الحمد لله مرام: وش قاعده تسوين هند: قاعد اقرا الكتاب ويدخل فيصل احمد: هند من قاعده تكلمن هند: مرام في شي احمد: لا بس سلميني عليها يطلع فيصل من البيت ويدق على سعود احمد: سعود وينك لي يومين ماشفتك سعود: هلا بالطش والرش انت الي وينك احمد: انا الحين امشي في الشارع والظاهر اني وصلت باب بيتكم اطلع ياالله سعود: منت صاحي وش خلاك تمشي هالمسافه احمد: اولا البيت موبعيد مره ثانيا رياظه ثالثا انا خست عند الباب ولا ماودك تطلع سعود: ياالله طالع ركبوا سيارت سعود احمد: وش بتسوي في موظوع مرام سعود: سوات الله ابرك احمد: طيب ليش ماتزرع كليه سعود: ماأدري طيب من راح يتبرعلها احمد : عيال الحلال واجد والي يبغى الأجر اكثر سكرو على الموضوع ورجع كل واحد لبيته __________________________________ عبير: ياوليدي ياأحمد انا شايفه انك هاليومين متغير وماتاكل معانا احمد: لا يمه مافيني شي عبير: طيب إذا مافيك شي تعال تعشى احمد: تعشيت يمه عبير: الله يهديك يايمه احمد: تبين شي انا بروح ارتاح عبير: سلامتك احمد: قبل مايدخل غرفته احمد: هند هند هاااند هند: هلا اخوي بغيت شي احمد: تعالي شوي ابغا اتكلم معاك هند وهي تقعد على كرسي الكمبيوتر الي في غرفة احمد احمد: هند مرام وش لونها هند: بخير انت ليه تسأل عنها احمد: ابغى اطمن عليها هند: من متى واخبار مرام تهمك احمد: يعني حرام نسأل خلاص اسفين على السؤال هند: انا حاسه بأهتمامك بالبنت وانا عارفتك ياخوي انت ماتعرف هالسوالف احمد: هند بصراحه انا ماأدري ليه هي تطري على بالي هند تسكت شوي بعدين تقول ياخوي انا خايفه___ احمد: يقاطعها هند خلاص سكري على الموظوع ********************** @@@(الجزأ الثالث)@@@ @@@(الحب من اول@@@ @@@نظره عذاب)@@@@ سعود: مرام وش رايك نسويلك عملية زراعة كليه مرام: لا انا خايفه وبعدين من الي راح يتبرع سعود: انتي ظروري تسوين العمليه باقي على اختبارات الفصل الدراسي الأول شهرين وانتي حتى ماتقدرين تذاكرين بسبب مواعيد الغسيل مرام: انا مابقالي في هالدنيا الا انت واختي سماح بعد مامات ابوي وامي في الحادث سعود: انا ياأختي مابي إلا مصلحتك سعود كلم الدكتور المختص وقاله الدكتور اول مانلقى متبرع بنعلمكم التلفون يرن: مرام: الو السلام عليكم__طيب سعود تليفون سعود: الو المستشفى_____ __________________________________ سعود: صدقيني العمليه سهله وكثيرين عملو العمليه ونجحت مرام: انا خايفه ياخوي سعود: تعوذي من ابليس ماراح يصير إلي الخير بعد اسبوع هند: الحمد لله على السلامه ياحبيبتي مرام: الله يسلمك مرام: إلى احمد مارجع من الشرقيه هند: ليه تسألين مرام: تنزل راسه وتقول مجرد سؤال هند: ااااهاا مجرد سؤااال مرام: اقول بلا سخافه _في هذا الحظه_ يدخل سعود تتغطى هند سعود: الحمد لله على سلامتك ياأختي مرام: الله يسلمك وين رحت سعود: حاولت اتصل على احمد جواله مقفل من امس مرام: بأهتمام يعني وشلون مقفل هند واحمد مالاحظو كيف خافت مرام على احمد لمى سمعت الخبر لأنهم كانو خايفين على احمد ومستغربين ليه قفل جواله بعد اسبوع احمد: السلام عليكم عبير: وينك ياوليدي خفنا ان صار فيك شي وبغينا نبلغ الشرطه احمد: الله يهديك يمه انتي دايم مشتقه كنت مشغول شوي هند: ماشاالله كان ماجيت ولا أقول كان جيت على العيد الأظحى مره وحده احمد: بدال ماتقولين الحمدلله على السلامه هند: انت الي قلنا الحمد لله على السلامه بغت توقف قلوبنا احمد: على العموم ماصار إلى الخير هند: احمد دق على سعود تراه يدورك احمد: طيب _________________ سعود: احمد وش رايك بمناسبة طلوع اختي مرام من العمليه بسلامه ناخذ الأهل ونطلع نغير جو ولانكشت بأي مكان احمد: والله فكره حلوه واختي خاطرها تطلع البر من زمان سعود: اكلم اختي مرام وانت كلم اهلك ونتفق على يوم نطلع فيه احمد: هند وش رايك نطلع نغير جو هند: اي والله اصبر اغير ملابسي والحقك احمد: يظحك وين تلحقيني حنا بنطلع البر وبنقعد يومين او ثلاثه لا وبشرك بنطلع حنا وسعود ومرام بعد هند: طيب امي كيف تقنعها تطلع معنا احمد: لاتخافين اول وحده بتركب السياره امي __________________________________ مرام: سعود لنا نص ساعه وحنا ننتظرهم متى بيجون سعود: توني داق على احمد ويقول شوي ويوصلون بعد نص ساعه يوصلون وينصبون الخيام ويجلسون يرتاحون بعد خمس ساعات الساعه ثمانيه في الليل سعود: تصبح على خير يااحمد انا تعبان وبروح ارقد احمد: وأنت من اهله زهق احمد وطلع برا الخيمه لقى هند ومرام قاعدين يسولفون هند: احمد تعال ابغاك احمد: نعم هند: احمد بروح نمشي ونبغاك تمشي معانا احنا نخاف بلحالنا احمد: انتي فاظيه نومي ومن اصبح افلح مرام: علشاني احمد: خلاص وش اسوي بعد هند: وش دعوى الله لنا مرام تنغز هند وتقوله احسلك اسكتي _وهم يمشون_ احمد: مرام الحين وشلونك بعد العمليه مرام: وهي مستحيه الحمد لله احمد: ماتشوفين شر مرام: الشر مايجيك ان شاالله احمد: الله يسلمك مرام: وأنت وش لونك مع الجامعه احمد: الحمد لله ماعاد بقى إلى ترم ونفتك من الدراسه هند: طيب انا استأذنكم الظاهر اني عنصر غير مرغوب فيه احمد: وهو يظحك وش قصدك هند: لاسلامتك ماأقصد شي رجعو إلى الخيام بعد رحله قصيره احمد قام يبي يشرب ماء وهو في رجعته للخيمه شاف مرام قاعده خارج الخيمه وكانت متحجبه بس وجهها كان طالع ماصدق احمد الي شافه هو في حلم ولاعلم كانت مرام متوسطة الطول بيظاء حلوه ومملوحه مرام انتبهة لوجود احمد واحمد عرف ان مرام انتبهتله لفة مرام وجهها الى احمد والغريب انها ماتغطة منه وتبادلوا اول نظرات الحب من يومها ومرام تفكر في احمد طول اليوم لاكن احمد كان يفكر بمرام من من يوم ماشافها في بيتهم _________________ مرت ثلاث ايام سريعه عالجميع ولاكن كانت اسرع بنسبه لمرام واحمد ورجعو الرياظ عبير: يابنيتي ياهند مانبي نرقد اليوم إلى بعد مانرتب الحوسه هند: خليها لصبح عبير: لا اناقلت الحين يعني الحين هند: ااااه بس الله يعين احمد كان في عالم ثاني سعود: مرام وشفيك من يوم ماكنا في البر وانتي متغيره مرام : لا ياخوي مافيني شي سعود: وش لون مافيكي شي انا اعرفك زين مرام: صدقني ياخوي مافيني شي سعود: على راحتك بعد اسبوع هند: احمد ابغى اكلمك شوي احمد: طيب دقيقه وجايك هند: احمد بكون صريحه معاك انت تحب احمد: يظحك اي حب الله يسامحك هند: انا ملاحظه انك متغير لابعد حتى مرام احمد: مرام وشفيها___! هند: لاتخاف ياخوي مافيها شي احمد ياخوي إذا ودك تقولي شي تراني بتفهم الموظوع وراح اساعدك احمد: لا انا ماعندي شي اقوله هند: بكيفك حبيت اساعدك __________________________________ @@@(الجزأ الرابع)@@@ @@@(بدايت المصارحه)@@ هند: اقول مرام لنا ساعه واقفين وماجا اخوك اقول بدق على اخوي احمد يجي ياخذنا اكيد سعود تأخر بالمحاظرات مرام: هند لا لاتعبينه شوي وبيجي سعود هند: احمد لايتعب وحنا ننشوي بالشمس اقول ترى مو وقت رومانسيه الدنيا حر مرام: وش قصدك هند: لا لا ولاشي بدق على احمد الحين واخليه يجي هند: الوه احمد وينك احمد: ليه هند: تعال خذنا سعود تأخر احمد كان يبغاله نص ساعه لين يوصل احمد: طيب هند عشر دقايق بالكثير واكون عندكم هند: طيب لاتتأخر احمد كان يسرع بتهور شديد حتى في بعظ الأحيان كان يمشي 200 لين وصل هند: تاأخرت ياخوي احمد: حرام عليك الحين كملت الساعه عشر دقايق من اول ماسكرت السماعه وعند بيت مرام مرام: يالله مع السلامه احمد: الله يحفظك انتبهي لنفسك مرام: ان شاالله وتنزل من السياره وتسكر الباب هند: اقول احمد ماودك تنزل معاها يمكن تحتاج شي احمد: يعني حرام اسلم هند: لا بس كنت شاكه بشي والحين تاكدت مليون بالميه من هالشي احمد: انتي وش قاعده تقولين انا موفاهم اي شي من الكلام الي تقولينه هند: انت فاهم وانا فاهمه وبعظ الناس بعد فاهمين احمد: لا اليوم انتي كلامك كله الغاز في الغاز هند: ياخوي ليه ماتفظفظلي انا عارفه ان صديق عمرك واعز اخوياك سعود ماتقدر تفتح معه هالموظوع بالذات احمد:_____ هند: شفت ياخوي سكوتك هذا يأكدلي صدق كلامي وترى ياخوي الكتمان يولد الأنفجار في اللحظه الي تحس انك تبغى تتكلم ترى اختك هند جمبك وينزلون من السياره ويدخلون البيت عبير: هند الله يهديك وش فيك تأخرتي هند: وش اسوي سعود تأخر واتصلت على احمد على بال ماجى قد انشوينا من الشمس عبير: تتغدون الحين ولا بعد الصلاة هند: لايمه انا برتاح لين بعد صلاة العصر بعدين بتغدى عبير: وانت احمد احطلك غدى احمد: لايمه انا تغدية _________________ بعد صلاة المغرب هند: احمد ابغاك توديني المكتنه احمد: طيب خليها بعد صلاة العشا وبعد الصلاة في السياره هند: احمد انا الفلوس الي معي ماتكفي وانا ابي اشتري العمل لمرام بعد احمد: اشتري الي تبينه ولا تدفعين ولا ريال هند: الله يخليك لي ياخوي احمد: انا بستناك في السياره لاتتأخرين نزلت هند خذت الفلوس من احمد ومانزلت شنطتها رن جوالها احمد: يمكن هذي مرام خلني ارد احمد: الو مرام: هلى احمد احمد: ماشاالله عليك مانسيتي صوتي مرام: خجلت وسكتت بعدين قالت وين هند احمد: اسمعي هند في المكتبه اتصلي مره ثانيه ولاتقولين لهند اني انا رديت مرام: ان شاالله احمد: وش لونك مع الدراسه مرام: شكلك ماودك تسكر احمد: إذا تبيني اسكر حاظر مرام: لاتصدق وانت تبغاه من الله احمد: لو كان الأمر بيدي كان قعدت سنه وانا ماسكرت مرام: بخجل وش قصدك احمد: تسمحين لي اخذ رقمك من جوال هند بدون ماتدري مرام: ليه احمد: خلاص ما ابغى الرقم مرام: احمد وش فيك عصبت عادي خذ الرقم انت مثل اخوي احمد زعل: وانتي بعد مثل اختي مرام بعصبيه : خلاص ياالله احمد: وش فيك زعلتي ترا انتي الي بديتي احمد: مرام مرام: نعم احمد: متى اتصل مرام: الوقت الي يعجبك احمد: خلاص بأتصل الساعه تسعه في الليل مرام: خلاص انا استناك هند شافت احمد يكلم بجوالها وتذكرة انها مواعده مرام تتصل عليها بها الوقت رجعت هند للسياره وهم في نص الطريق هند: احمد انت تحب مرام صح احمد: يتلخبط ويقول اي مرام هند: مرام الي كنت تكلمها في التليفون احمد: ________ هند: ياخوي مرام من اعز صديقاتي لاكن انت اخوي وابغاك تبعد عن المشاكل احمد: اي مشاكل هند: انت تعرف ان مرام مخطوبه__ من يوم ماكان عمرها 15 لولد عمها راكان صح ان هي ماكانت تحبه بس هو يحبها ومستحيل يتخلى عنها مستحيل حتى مرام كانت تقول الحب يجي بعد الزواج مهما كان هو ولد عمي واولي فيني من الغريب انا بغيت اقولك من اول بس قلت يمكن هو يفكر بشي ثاني وانا ماكنت متاأكده ولا ابغى افتح عليك باب مسكر احمد: مستحيل احد ياخذها مني هند: اعقل انت الحين في اول الطريق وتقدر تسيطر على مشاعرك احمد: لا ياهند انا حبيت مرام ومستعد اظحي بروحي عشانها هند: انا متأكده انك اخذت رقمها وبتتصل عليها لو درى سعود وش بيقول عنك احمد: ماراح يقول شي هند: تتكلم من قلبك احمد: يغير السالفه وش رايك بشريط رابح الجديد هند: ايه حلو مره عندك الشريط احمد: لا عند سعود باخده منه وبعطيك اياه تنسخينه _________________ مرام الساعه تسعه تستنى احمد على احر من الجمر يرن الجوال/ مرام: الو احمد: هلا والله مرام مرام: وش لونك يااحمد احمد: اكيد إذا كنت اسمع هالصوت بكون بخير مرام: احمد وبعدين احمد: خلاص اسف مرام: احمد بالصراحه انا ما اعرف هالسوالف وانا مارديت عليك علشان اتسلى احمد: مرام ترى انا قصدي شريف وانا بعد مااعرف هالسوالف مرام: في اشياء كثيره عني لازم تعرفها قبل كل شي احمد: اكل العنب حبه حبه اكيد مع الوقب بعرف كل شي وإذا قصدك سالفة راكان عارفها وماتهمني مرام: هذي السالفه فيها تفاصيل كثيره هند ماتدري عنها يااحمد احمد: مثل ايش مرام: الكلام ماينفع في التلفون إذا جيت عند هند بحاول اكلمك واوظحلك موظوع راكان بكل تفاصيله الي لو عرفتها يمكن تغير رايك عني وتبعد عن المشاكل احمد: لايامرام مو احمد الي يرجع بقرار اتخذها عن اقتناع مرام: على العموم مااطول عليك وبعدين اخوي سعود رجع البيت ياالله مع السلامه احمد: تصبحين على خير مرام: وانت من اهله احمد: انتبهي لنفسك مرام: إن شاالله وانت بعد إنتبه لنفسك احمد: إن شاالله مرام: ياالله مع السلامه احمد: مع السلامه __________________________________ @@@(الجزأ الخامس)@@ @@(الغيره تقتل@@@@ @@بصمة)@@@@@ عبير: هند متي بتجي مرام هند: مدري وشفيها تأخرت كان المفروظ انها وصلت عبير: طيت نادي احمد ابيه يوصلني عند خالتك لولوه هند: احمد راح مشوار شوي ويرجع احمد: السلام عليكم هند وعبير: هلا والله عبير: ابيك توديني عند خالتك احمد: خلاص استناك بسياره وهو طالع سعود: هلا احمد وين في هذه اللحظه تنزل مرام من السياره وتدخل عند هند احمد: والله ياسعود انا مشغول شوي (احمد ماعنده شي بس هو كان عنده موعد مع مرام) سعود: خلاص متى بتفظى احمد: ماأدري اول ماخلص بأتصل عليك احمد وصل امه عند لولوه خالته عبير: أنزل يمه سلم على خالتك احمد: ادري اصلا" من زمان ماشفتها لولوه: هلا والله ياحي الله من زارنا وش دعوى ياحافظ وش هالقطاعه مابغيتو تجون احمد: الله يسلمك ياخالتي بس تعرفين مشاغل هالدنيا لولوه: الله يحيكم وبعد دقايق تدخل اريج كان عمرها 16 سنه وكانت حلوه جسمها مليان شوي وطولها متوسط وكانت بيظا واحلا شي شعرها كان طويل يوصل لمنتصف جسمها وكانت دمها خفيف وحبوبه عبير: هلا والله يمه اريج لاتستحين هذا احمد تعالي سلمي يمه تسلم اريج على خالتها وتصافح احمد بخجل وتجلس لولوه: هلا والله زارتنا البركه عبير: إلا ياوخيتي وين اشواق لولوه: والله ياأختي اشواق ماتطلع من غرفتها إلا في السنه حسنه (اشواق عمرها 19 حلوه ومزاجيه ومغروره بجمالها) احمد: ليه ياخالتي ماتجلس معاكم لولوه: والله كانت تقعد معنا قبل سنتين مايبقى شي ماتعلق عليه في البيت كل شي في حياتنا مو عاجبها لا الأكل لا البس ___الخ احمد: ليه ياخالتي من متى واشواق كذا لولوه: من اول مادخلت الثانويه بدت بلأنقلاب احمد السالفه رسخت في راسه احمد: يالله استأذنكم عبير: احمد لاتتأخر الساعه 11/30 خلك عندي احمد: إن شالله كانت الساعه تسعه رجع احمد البيت وهو متلهف لمرام احمد دخل البيت ولقى مرام وهند جالسين في الصاله احمد: السلام عليكم مرام تحجبة: هلا والله هند: احمد تعال ابيك طلعوا من الصاله احمد: هاه هند وش تبين هند: احمد ترى انا ماراح اسمحلك تجلس معنا احمد:____! هند: مهما كان هذي بنت وانت رجال قلتك كم مره إذا تبي شي قلي وانا بساعدك احمد: هند وش الي قلب عقلك هند: انا ماعندي شي اقوله زياده وترجع لمرام احمد تظايق وطلع من البيت هند: مرام إذا تبين احمد خلاص انا بجي انا وامي نخطبك العصر مرام: انتي وش فيك معصبه هند: يعني عاجبك تفتشين لأحمد والمكالمات الي أخر الليل والله اعلم بعد وش فيه__؟ مرام: انتي تشكين في اخلاقي وتنزل من مرام دمعة قهر وتلبس عبايتها وتطلع من البيت وتلقى احمد عند الباب وهند ولا فكرة تتحرك من مكانها احمد: وش فيك مرام مرام ماردت وكملت طريقها للبيت الي ماكان بعيد وصلت بيتهم كان سعود واقف عند الباب استغرب وش جايبه مشي وبعدين ماكملت ساعه من يوم ماراحت سعود: سلامات وش جايبك مشي مرام: ماردت ودخلت البيت لحقها سعود ومسكها مع يدها بقوه وقال وش فيك (بعصبيه) مرام: تهاوشت مع هند تركها سعود وراحت تركظ غرفتها وقفلت على نفسها الباب وكملت مسلسل البكاء (مرام تمنت تسمع الي قالته هند من الناس كلهم بس مو من هند) _________________ هند راحت غرفتها وقعدت تفكر بالي صار وتقول بينها وبين نفسها انا ليش سويت كذا جعل لساني انقطع قبل ماأجرح اعز انسانه عندي انا اغار من مرام لأنها اخدة اعز انسان اخوي احمد اخوي الي من اول ماحبها وهو مايسأل عني وإذا قعد يسولف معي قعد يسولف عنها__بس بعد هذا مايبررلي الي سويته انا غلطة في حق اخوي وحق صديقتي الوحيده مرام__اااه ياراسي احس ان راسي بينفجر _________________ احمد كان زعلان على هند على الموقف الي صار بالصاله وزاد زعله عليها يوم شاف مرام تطلع من بيتهم وهي تصيح هو مايعرف الي صار بينها وبين هند لاكن هو متأكد ان المشكله الي صارت كانت بسببه عبير: الو هلا احمد وش فيك تأخرت الحين الساعه12 وانت ماجيت احمد: خلاص يمه مسافة الطريق وانا عندك عبير: لاتتأخر احمد: إن شاالله وهو عند باب بيت خالته لولوه طلعت امه وكان واقف عند باب البيت اريج واشواق يسلمون على خالتهم عبير كانت اشواق تناظر احمد بنظرات غزليه واول ماركبت امه السياره غمزة اشواق لأحمد احمد عرف ان بنت خالته ماهي طبيعيه وحركتها معه تدل انها متعوده على هالشي شك فيها واستغرب من جرأتها عبير: يمه وش فيك شارد وبعدين وش فيك تأخرت الحين الساعه12/15 احمد: انشغلت شوي _________________ هند كانت تفكر كيف ترظي اخوها وكيف تراظي مرام اما مرام كانت مصدومه من كلام هند وتقول الله يسامحك هذا وان اعرفك من يوم ماكان عمري عشر سنين عشرت عمر وهذي اخرتها مشكوره ياهند ويجي منك اكثر احمد حاول يتصل على مرام جوالها مقفل الساعه وحده الفجر دق جوال احمد رفع الجوال شاف الرقم غريب___! @@@الجزء السادس@@@ @@@(مشكله ماكانة@@@ @@@ على البال)@@@@ احمد: الو الو الو محد يرد يسكر احمد السماعه ويرن الجوال مره ثانيه احمد: الو ؟؟؟: هلا احمد: مين ؟؟؟: انا وحده تحبك معقوله ماعرفة صوتي احمد: عرفتك وش تبين ؟؟؟: ابي حظنك يدفيني احمد: يابنت عيب بعدين ماشاالله وش هالجرأه ؟؟؟: جرأه نسيت يوم قلتلي احبك وخليتني اتعلق فيك وبعدين وبدون مقدمات تتركني اصارع الحزن وحدي احمد: وقتها ترانا اطفال ؟؟؟: يمكن كنت طفل بالرغم انك اكبر مني بثلاث سنين بس انا افهم وخاصه بعد مامات ابوي محد اهتم فيني غيرك احمد: وش الي ذكرك فيني بعد كل هالمده ؟؟؟: بكل بساطه يوم تركتني وقتها ماعرفت اتصرف وصرت ادور الحب الي تعودت عليه في ايامك احمد: يعني انتي تعترفين انك كونتي علاقات ؟؟؟: بعصبيه وانا خايفه منك انت السبب انت الي وصلتني للي انا فيه احمد: بتحاسبيني على شي صار يوم كان عمري 13 اقول كبري عقلك ؟؟؟: اقول اسمع انا ترا ماني اشواق الظعيفه الي تظحك عليها بكلمتين نسيت يوم كنت تدافع عني وتقول مافي قوه في العالم تاخذك مني نسيت يوم طلعنا نلعب في الشتاء والهوا سكر باب البيت وانحبسنا في الحوش كان الجو بارد فصخة جكيتك ولبستني اياه وقلت تدفي حبيبتي انا اخاف عليك من البرد تذكر يوم كنا طالعين البر على حيات ابوي وابوك وكنا نلعب بالدبابات وطحت وانكسرت يدي ظميتني وقعدت تصيح وتقول ياليت يدي انكسرت ولا يدك احمد: اشواق كنت بزر حرام عليك تحمليني مسؤلية هبالك يوم كبرتي اشواق: الهبال هذا انت السبب فيه احمد: والمطلوب يابنت خالتي اشواق: ابيك احمد: والعلاقات الي كونتيه الي يشوفك يقوله مديره علاقات في اكبر شركه في العالم اشواق: بقطعها احمد: وش عقبه عقب السمعه الحلوه الي كسبتيها طوال مشوارك الفي اشواق: تطنز على العموم ياحبيبي لو بغيت اجيبك صدقني راح اجيبك غصبا" عليك ترا اشواق الطفل ماتت والحين جت اشواق الجديده احمد: ترى ماعاش الي يهدد احمد اشواق: تتحداني ياحبيبي احمد: الي في راسك سويه اشواق: حاظر ياحلو انت الي بديت احمد: ياحسافة تربية خالتي فيك احمد ينام بعد يوم شاق في اليوم الثاني الساعه اربع العصر هند تنزل إلى الصاله هند: احمد وش لونك احمد:___ هند: ادري انك زعلان وانا غلطة بحقك قربت هند من احمد وقالتله انت في مكان الوالد وانا لازم احترمك هند بتحب راس اخوها احمد احمد: ابعدي عني ولايجي منك اكثر احمد يطلع من البيت هند نزلة دمعه من عينها مسحتها وقالة انا استاهل احمد حاول يتصل على مرام لاكن بدون اي فايده سعود يتصل على احمد: احمد وش لونك انت حي ولا ميت احمد: هلا بصديق عمري سعود: لو كنت صديقك على الأقل اسأل احمد: كنت مشغول سعود: احمد كل اشغالك عارفها إلا إذا في شي جديد بتخبيه عن اخوك انت حر احمد: يغير السالفه وش لون الجامعه معك سعود: احمد ترى حالتك ماهي عاجبتني انا متأكد ان فيك شي احمد: وانا اخوك مافيني إلا العافيه لاتكبر السالفه سعود: طيب ممكن اشوفك اليوم ودي اقعد معك احمد: خلاص امرك اليوم بعد صلاة العشاء ونطلع اي مكان نغير جو سعود: خلاص استناك احمد يدخل البيت يغير ملابسه دخل غرفته ولقى هند احمد: نعم بغيتي شي هند: احمد انا غلطة وانا اعترف بغلطي احمد: المطلوب هند: ابيك توديني لمرام احمد: عشان تطردك مع الباب هند: انا راظيه خلها تطردني انا حاسه بتأنيب ظمير خلاص انا بعد صلاة العشاء بروح لسعود خلك جاهزه هند: شكرا" احمد: خلاص اطلعي ابغير ملابسي هند: احمد سامحتني احمد: سكري الباب وراك هند تناظر احمد نظره طويله وتطلع بهدوأ وتسكر الباب بعد صلاة العشاء احمد: ياالله ياهند استناك بسياره هند تطلع من البيت وتسكر الباب وتركب السياره هنب تطلع شريط من شنطتها وتشغله كان شريط طلال الصراف وكانت الأغنيه انا اسف على البارح تخيلتك بدون شعور جرحتك من ورا قلبي وادري مني ماتزعل احمد يطلع الشريط ويشغل fm كان فيها اغنية اصاله روح وروح وصلو بيت سعود اتصل احمد على سعود طلع سعود من البيت نزلت هند من السياره ودخلت البيت سعود: احمد غريبه وش جاب اختك بعد المشكله احمد: جايه عشان تنطرد سعود: مرام وهند خوات ومستحيل الخلاف يدوم اكثر من اسبوع احمد: اتمنى سعود: ياالله خلنا نمشي احمد: ماأقدر امشي خلنا نشوف وش بيصير سعود: إن شاالله ماراح يصير إلى الخير هند تدخل عند مرام في الصلاه هند: بخوف السلام عليكم مرام: هلا هند: بصراحه انا جايه اعتذر منك اتمنى إنك تسامحيني مرام: لو وحده غيرك كان ماشرهة على الكلام الي قالته بس ماتوقعتها من اقرب الناس لي على العموم مشكوره بعد هالكلمه اتوقع منك اي شي هند: لا يامرام صدقيني الي قلته قلته غصب عني يمكن عشان احمد اول ماحبك ماصار يسئل عني ولايهتم فيني حسيت بالغيره منك مرام: انتي حسستيني ان علاقتي باخوك تسليه ولعب وانتي عارفتني انا هالسوالف ماأعرفها هند تقرب من مرام وتحط يدها على شعر مرام هند: مرام خلاص سامحيني انا ماعندي احد غيرك اقعد اظحك معاه واتهاوش معاه واطلعله كل الي في قلبي مرام لفت راسها من الجهه الثانيه وبدت تذرف عيونها هند مسكت راس مرام براحة يديها واول ماشافة دموع مرام ظمتها على صدرها بكل قوه هند: مرام سامحيني ارجوك سامحيني مرام: بصوت مخنوق سامحتك هند: مرام دقيقه مرام: وين هند: بكلم احمد اقوله يجي الساعه 12 ولا ماتبغيني اجلس معاك مرام: بالعكس انا من زمان ماجلسة معاك _________________ سعود: هاه بشر احمد: لاأبشرك طاح الحطب لا وقالتلي تعال الساعه12 سعود: خلاص امش خلنا نروح اي مكان نشم هواء احمد: انا بصراحه جايع وش رايك نروح لمطعم يامال الشام سعود: خلاص ياالله جلسو في المطعم قبل مايطلبون يرن جوال احمد احمد: الو اشواق: مساء الحب احمد: نعم فيه شي اشواق: وحشتني يااحمد احمد: اقول بلا قلة حيا ياالله انقلعي قبل مااسكر السماعه اشواق: احمد حياتي انا حطيتك في راسي بجيبك يعني بجيبك ومرد الحمار لأهله احمد: بعصبيه انتي اهلك ماعرفوا يربونك لاكن انا الي بربيك اشواق: طيب متى بتجي تربيني عشان اتجهز احمد: الحين انا جاي وبعلم خالتي عن كل شي وهي تتصرف معك اشواق: لا أحمد الحين انا مايمديني اتجهز خلها بكره وتعال الساعه وحده صدقني كلهم نايمين إلا انا بستناك احمد: انتي وقحه وماتربيتي ويسكر احمد السماعه سعود: احمد هذي بنت خالتك احمد: لا سعود: انت قلت ( بعلم خالتي) وانا اذكر يوم كنا بأول متوسط كنت تحب بنت خالتك ولا نسيت اني اعرفك من 15 سنه وانت ماكنت تخبي عني اي شي إلا في الفتره الأخيره احمد: سعود انت اخوي ياما نمت عندكم وياما نمت عندنا ياما كلينا وشربنا مع بعظ السر الي بقوله لك خاص جدا" ولو عرفه احد غيرنا بتصير فظيحه سعود: سرك في بير تكلم وانت متطمن احمد:/@/@/ (وقاله السالفه من اول ماأتصلت الي الحين) سعود: احمد انت لازم تجلس معاها وتكلمها احمد: انا صرت اخاف منها سعود: هي تتكلم بها الطريقه لأنها حاسه انها صعب توصلك بس لا كلمتها بهدوأ راح تتكلم معك بأدب وحاول انك تنهي السالفه وترتاح احمد: هذا رايك سعود: صدقني المواجهه هي احسن حل احمد: اقول الظاهر هذا الحل الوحيد الي قدامي سعود: اقول جا العشا انا طلبته وانت تتكلم خلنا نتعشى ويكون خير طلعو من المطعم ورجعو البيت احمد: الله يرظى عليك ياسعود ناد هند تأخر الوقت بنمشي كانت الساعه وحده هند ومرام ماحسوا بالوقت الي مر عليهم سريع في السياره هند: احمد مرام تسلم عليك احمد: الله يسلمها هي وش لونها عساها بخير هند: هي فيها شي ماراح اقولك إلا لما تسامحني احمد: هذا مو وقته هند: إلا وقته احمد: خلاص سامحتك هند: من قلبك احمد: ايه والله سامحتك قوليلي مرام وش فيها هند: مرام تعبانه احمد: وش فيها هند: فراقك متعبها احمد: ___ هند: وش فيك ساكت احمد: اخاف اتكلم وتغارين وتسوين مشكله طويله وعريظه هند: احمد مرام غير وانا غير على الأقل اسأل عني حسسني انك مهتم انت عارف ان مافي احد يسأل عني غيرك وفجأه تمر من عند الغرفه ولاتفكر حتى تقول السلام عليكم احمد: حقك علي انا بعد غلطة وخلاص برجع احمد الأولي @@@الجزأ السابع@@@ @@@(شي ماكان@@@@ @@@ على البال)@@@@ اليوم الثاني احمد ينزل للصاله ويلقى امه واخته هند احمد: السلام عليكم هند وعبير: وعليكم السلام عبير: يمه احمد تعال افطر احمد: لا والله تأخرت على الجامعه وبروح عبير: احمد راجو اتصل اليوم ويقول أن البقاله ماعاد فيها اغراظ احمد: اي والله انا من شهر ماتقظيت للبقاله عبير: احمد لاتهملها تراها مصدر رزقنا احمد: ان شاالله يمه ياالله تبغين شي يمه عبير: الله يحفظك احمد: تبين شي ياهند هند: سلامتك ياخوي هند تلحق احمد وتعطيه رساله احمد: من مين هند: افتحها وتعرف على العموم انا نسيت اعطيك الرساله امس احمد: طيب مشكوره ياالله احمد يركب السياره ويفتح الرساله: إلى اعز انسان احمد اتمنى اني اعيش معك حياتا"جميله ننعم فيها بأمن من الله_احمد اتمنى ان تقرأ هذه الرساله عدة مراب وان تقرأها قراءه جيد قبل اربع سنوات كنا في رحله إلا خارج المملكه وبتحديد إلى بيروت انا واخي سعود وعمي ناصر وابنائه فهد وراكان ولمياء وعمي محمد وابنائه روان وميساء وعلي و ريان كان عمري وقتها 15 وراكان ولد عمي كان عمره 17___ مره من المرات كنا طالعين نتمشى في إحدى المجمعات الكبيره قعدنا نتعشى كنت جالسه وكان قدامي راكان كان طول الوقت وهو يناظرني انا تظايقة من نظراته___ مرام: الحمد لله ناصر: وش فيك كملي اكلك مرام: لا عمي شبعة راكان: الحمد لله ناصر: انتو وش ماكلين راكان: شبعة___ لحقني راكان ومسك يدي وقالي انتي متظايقه من نظراتي قلت له ايه زين انك عارف قال اسمعي يامرام انا من اول ماشفتك وانا افكرفيك دايم على بالي انا موعجب بجمالك ولي حببني فيك اكثر انك بنت عمي وانا اولا فيك من الغريب قلت له انا عمري مافكرت فيك انت واحد ماعندك هدف ممكن تقولي كم عمرك عمرك 17 وانت إلى الأن في ثالث متوسط انت انسان ماعندك هدف قال لي مرام ترى ماعندنا بنات تعلي صوته على الرجال على العموم انا مو محتاج للدرسه عندي فلوس ابوي اقدر افتح عشرين مجمع دراسي واخلي الناس تدرس مجاني قلت له احمد انا اسف إذا غلطة عليك انا مابغاك تبني مجمع مدارس انا ابغاك تدرس وتفهم الي تدرسها هذي المدارس انا ماأنكر أن عمي ناصر يملك الله يرزقها خير من رب العالمين لاكن ياراكان انت ماعندك هدف اهم شي عندك الفلوس والوناسه ماقد سمعت انك بتسوي شي مفيد كل ماأسأل عنك مسافر قال لي إذا تزوجنا بخليك تعرفين قيمة الفلوس قلت له ماشاالله والله متأمل اني بوافق عليك قال لي انتي توك صغيره لاكبرتي انتي من نفسك راح تقولين ماراح ألقى احسن من راكان _وانتهى الحوار ورجعنا قعدنا معهم على الطاوله من بعد هذا اليوم راكان ينادي سعود ياأبو نسب وسعود يقوله هلا والله بنسيب_ عرفت ياأحمد مشكلة راكان وانا بصراحه ماأحب راكان بعيشة الله ومستحيل اتزوجه لاكن ماأبغاك ياأحمد تدخل في هالمشكله _______ مرام _______ ////////////////////////// احمد سكر الرساله وراح الجامعه الرساله ماهمته وقال انا بظحي من اجلك ياحبي يا مرام احمد راح الجامعه وطلع العصر وهو في الطريق يرن الجوال احمد: الو اشواق: هلا حبيبي احمد: اسمعي يابنت اليوم انا بزوركم علمي خالتي اشواق: خلاص حبيبي الله يحييك انا استناك وبعلم امي انك بتجي احمد: بعد صلاة العشاء مباشره بجيكم اشواق: بعد الصلاة امي تجتمع كل يوم عند الجيران تعال الساعه عشر قد جت احمد: خلاص الساعه عشر انا عندكم اشواق: استناك ياحبي احمد يسكر السماعه بعد صلاة العشاء احمد: سعود انا بروح اليوم لخالتي وبتفاهم معاها سعود: احسن شي سويته احمد: انا لازم احط حد لهل المهزله الي قاعده تصير سعود: الله يعينك الموظوع ماهو سهل احمد: لاتخاف انا عارف وش راح اقول على العموم انا بروح اتسبح والبس بمر البقاله وبعدين بروح سعود: على طاري البقاله ترى احمد معليش مادفعة الحساب اصبر علي إلا الشهر الجاي احمد: افا ياسعود انا عمري سألتك عن الحساب سعود: بس الشي أمانه احمد: ثاني مره خذ الي تبي ولا تدفع ريال واحد سعود: ماتقصر ياأحمد بس المثل يقول إذا صار حبيبك عسل لاتلحسه كله احمد خلاص انا بروح وإذا رجعت من عند خالتي بأتصل عليك ياالله مع السلامه احمد يتسبح ويلبس ويروح لخالته اول مارن الجرس تفتح اشواق كانت لابسه برمودا زرقه وفنيله حمره كت وكانت منزله خصله على وجهها اشواق: تفظل حبيبي احمد انبهر بجمال اشواق: خالتي فيه اشواق ايه موجوده تفظل وش فيك مستحي احمد يدخل تدخله اشواق مجلس الرجال الخارجي احمد: وين خالتي اشواق تسكر الباب: الحين بتجي انت رجال وخايف من بنت ياعيباه عليك احمد: انا ما أخاف من احد اشواق: طيب انت ليه تسأل كل شوي عن امي خلاص الحين بتجي احمد: لأني مشغول ومابي اتأخر اشواق: والله ياأحمد احلوية وطلعت جذاب احمد:___ اشواق: تصدق ياأحمد اني الحين اذكر اليوم الي حظنتني فيه واقول ياليت هذي الأيام ترجع لحظه اشواق تدخل وتجيب العصير اشواق: تفظل احمد اشواق كانت منحنيه قدام احمد وهي تقدم العصير وكان تفاصيل جسمها باينه احمد ينزل راسه وياخذ العصير اشواق تمسك يد احمد وتقول بقدملك مثل هذا العصير في يوم خطبتنا احمد يحط العصير على الطاوله ويقوم : اشواق انا بجي وقت ثاني ويطلع قبل ماوصل للباب اشواق لحقت احمد ومسكته مع كتفه التفت احمد على اشواق اشواق ظمت احمد بقوه احمد نسى نفسه قدام جمالها وبادلها الشعور وظمها بكل قوته احمد في هذي اللحظه تذكر مرام احمد دفع اشواق بكل قوته وطاحت على الأرظ احمد قرب لها ورفسها مع بطنها ثلاث مرات ودنق عليها وسطرها كف وطلع من البيت وحلف ان هذا البيت ماعاد يدخله مره ثانيه لو مهما صار اشواق اغمى عليها وماقامت إلا بعد ساعتين كانت الساعه 12/30 _________________ احمد تحسف انه راح لبيت خالته ومانام طول الليل يفكر بالي صار الصباح الساعه ثمان ونص عبير: احمد قوم وش فيك نايم للحين احمد: يمه انا تعبان وتوني نايم وماراح اروح الجامعه عبير: وش فيك خوفتني احمد: فيني نقص نوم الله يخليك ابي انام عبير تطلع من الغرفه جوال احمد يرن رساله احمد: يمكن مرام خلني اشوف _طيب يانذل ياحقير ان ماخليتك تلعن اليوم الي جيتنا فيه انا ماخليتك تحب رجلي ان ماذليتك ماكون انا اشواق_ احمد يرمي الجوال ويكمل نوم وماقام إلا الساعه 6 المغرب قام تعبان وكلا اربع حبات بندول من عوار الراس احمد تسبح ولبس ثوب وشماغ ونزل للصاله ولقى مرام وهند قاعدين في الصاله احمد: السلام عليكم هند ومرام: وعليكم السلام هند: هلا بأخوي وينك الله يهديك ترا بعظ الناس ازعجونا بكثر الأسئله وين احمد وش فيه نايم ليه ماقام احمد: يعني فيه احد يهتم فيني هند: يهتم ألا بيموت عليك احمد يبتسم وقبل مايطلع يلتفت على مرام احمد: اقول ترى الرساله ماهمتني ولاهمني المكتوب فيها ويطلع من البيت احمد لقى فزاز السياره مكسور ومصروق المسجل واستبنة السياره احمد: لاحول ولاقوه إلا باالله حسبي الله ونع الوكيل احمد يروح الصناعيه يشتري مسجل واستبنه ويركب قزازه احمد لقى رساله في درج السياره فتحها لقى مكتوب فيها_هذا شي بسيط والباقي اعظم_ احمد شقق الرساله ورماها كانت مكتوبه بالكمبيوتر احمد اتصل على سعود وعلمها كل الي صار معه من امس إلى المغرب سعود ماكان يعرف وش يقول كان محتار مثل احمد وماهم قادرين يوصلون لحل مناسب COLOR] التعديل الأخير تم بواسطة سـيف المـلــوك ; 19-01-2008 الساعة 12:52 AM سبب آخر: تم تعديل نوعية الخط وكذلك تنسيق كلي للقصه  |
|
#2
02-10-2006, 06:22 PM
| |||
| |||
| الجزء الثاني من@@@إذا في يوم مت@@@ [size="3"]@@@الجزأ الثامن@@@ @@@بدايت المشاكل@@@ سعود من الي جاينا الحين خلني اقوم افتح سعود يفتح الباب سعود: هلا والله من طول الغيبات جاب الغنايم وش هالمفاجئه الحلوه راكان: من زمان كان ودي ازوركم لاكن تعرف مشاغل هالدنيا سعود: العمر ينتهي والشغل ماينتهي تفظل حياك يدخل راكان ويجلس في الصاله سعود: مرام صلحي قهوه راكان عندنا مرام: راكان وش عنده سعود: البيت بيته لاتتأخرين بالقهوه مرام اول ماسمعت الخبر تلخبطة وقالة الله يعينك ياأحمد مرام تدق الباب سعود القهوه سعود: مافيه غريب تغطي وتعالي سلمي على ولد عمك مرام تغطة ودخلت مرام: السلام عليكم راكان: هلا والله مرام: الحمد لله على السلامه راكان: الله يسلمك بخير واكيد إذا كنت اشوفكم بكون بخير مرام حطت القهوه عل الطاوله وطلعت راكان: اقول ياسعود ليه ماتجون تسكنون في جده عند اهلكم وحبايبكم سعود: لا وانا اخوك تعودنا على الرياظ واهل الرياظ وجده خلها لأهلها راكان: انتو اهل جده صدقني ابوي يقول لو يجي راكان ومرام يسكنون عندنا في جده لأعطيهم بيت واشغل سعود ومرام وبأحسن رواتب سعود: خلنا من هالسالفه وش لون روان وفهد ولمياء وعمي ناصر راكان: لاتخاف روان بخير سعود: اقول لاتفهمني غلط انا سئلة عن الجميع راكان: كلهم بخير ويسلمون عليك سعود: طيب روان قبلوها جامعة الملك عبدالعزيز راكان: ايه قبلوها وهي الحين في السنه الأولى سعود: الحمدلله وأبشرك مرام جابة نسبه حلوه الفصل الأول وجابة الدرجات كامله في أختبار الشهر الثاني وإن شاالله بعد في اختبارات الوزاره بتجيب نسبه حلوه راكان: الله يبشرك بالخير سعود: اخليك ترتاح ياالله راكان: سعود الله لا يهينك حط جوالي في الشاحن وأي واحد يدق علي رد وقله راكان نايم وإذا صحى بيتصل عليك سعود: ابشر ياالله مع السلامه _________________ جوال راكان يتصل ويرد سعود سعود: الو لمياء: هلا مين سعود: انا سعود لمياء: هلا سعود وينك يالقاطع ترى كلنا زعلانين عليك وخاصة" روان وماراح نرظى لين تزورنا في جده سعود: إن شاالله بزوركم في اقرب فرصه لمياء: وين راكان سعود: نايم إذا قام بخليه يكلمك لمياء: خلاص مع السلامه //سعود سعود سعود: هلا لمياء: امسك كلم سعود: الو روان: السلام عليكم سعود: هلا والله بالروان روان: انا زعلان عليك سعود: ليه___! روان: يالظالم ولا تسأل ولا تقول بشوف وش اخبارهم سعود: والله مشاغل روان: افا ياسعود الشغل اهم مني الله يسامحك ماتوقعتها منك ياسعود سعود: انا اسف ماكنت اقصد انتي معك حق انا غلطة كثير روان: سعود انا فرحانه اني سمعت صوتك لاكن انا زعلانه منك كثير ياسعود اربع سنين ماتسأل الله يسامحك يقولون البعيد عن العين بعيد عن القلب سعود: وش قصدك روان: تبي تعرف قصدي وتعرف الي صارلي في اربع سنين بمكالمه وحده يعني انت ماراح تتنزل وتتصل مره ثانيه سعود: لا ياروان انا ماأقصد روان: على العموم هذا رقم جوالي إذا تبي تتصل اتصل سعود: خلاص بأتصل روان: بأستناك ياالله مع السلامه سعود: الله يسلمك مع السلامه _________________ اليوم الثاني احمد كان قاعد في البقاله يراجع الحسابات يرن الجوال احمد وش هالرقم غريب احمد: الو اشواق: هلا احمد احمد: نعم اشواق: وينك احمد: نعم نعم وانتي وش دخلك إن شاالله اشواق: لاتطولها وهي قصيره وينك ياأحمد احمد: بعصبيه وش تبين اشواق: ابيك تجيني ظروري احمد: انا اساف اخاف على نفسي اشواق: بظحكة استهزاءلاتخاف احمد: مابيني وبينك اي كلام اشواق: انت تعال ولاتطولها احمد: الحين جاي وماراح ادخل اشواق: اصلا" مايحتاج تدخل احمد يسكر السماعه وبعد ساعتين يجي احمد اشواق تطلع وتعطي احمد كيس وتدخل البيت احمد فتح الكيس فيه شريط احمد رجع البيت بسرعه ودخل الغرفه وشغل الشريط اول الشريط كان مشوش وكن احد سجل على التصوير بعد ربع ساعه شاف شي تمنى يموت ولا يشوفه شاف نفسه وهو يحظن اشواق وكانت المده دقيقه كامله وبعدين انقطع التصوير احمد انصدم بالي شافه وقال حسبي الله عليك يالصايعه الله لايبارك باليوم الي شفتك فيه وش تبين بالظبط جننتيني احمد ماستوعب الي شافه وبعد نص ساعه جوال احمد يرن احمد مايرد وبعد خمس دقايق تجي احمد رساله يفتح احمد الرساله (حبيبي احمد انا احبك وماراح القى احسن منك انسى الي شفته وبفتح معك صفحه جديده تصبح على خير ياعمري) احمد يتنرفز اول ماقرى الرساله ويقعد يبكي مثل الطفل بقهر ويقول ليه ياأشواق خليني بحالي انتي وش تبين فيني احمد كسر الشريط وانسدح على الفراش يفكر بالي صار اليوم الثاني سعود يتصل على احمد سعود: هلا احمد احمد: اهلين وسهلين سعود: اليوم انا عازمك على العشى ولاتتأخر احمد: وش المناسبه سعود: راكان ولد عمي جاينا قبل يومين احمد: لا مامعك حق ليه ماعلمتني من اول ماجاء سعود: انشغلت معه شوي احمد: خلاص ان شاالله بعد العشاء بجيكم احمد اول ماسمع اسم راكان تذكر مرام وقال الله يعين على الزمن الي جاي احمد بعد صلاة العشاء يرجع البيت يتسبح ويلبس ويروح لسعود وعند باب بيت سعود شاف مرسيدس2006 قال هذي اكيد سيارة ولد الأثرياء احمد كره راكان من قبل مايشوفه احمد يدق الباب يفتح سعود هلا والله تفظل حياك احمد يدخل ويسلم احمد كان بسيط في حياته بعكس راكان الي كانت كل سواليفه عن اموالهم والمشاريع الي يسويه طبعا" بفلوس ابوه احمد تظايق لاكن ماسك نفسه بالقوه سعود كان يعرف ان ولد عمه راكان مغرور وكان كل مافتح راكان سالفه يستفز فيها احمد سعود يغير السالفه احمد: والله الجو في ابها روعه راكان: ابها ياشيخ حرام عليك الناس الصح تصيف في جنيف ولا باريس ولا لندن ولا النمسا احمد: والله وانا اخوك كل واحد يمد لحافه على قد رجوله راكان: وانت صادق الي ماعنده احسن له يقعد في بيتهم يجمع سنه كامله ويروح للبحرين ولا الأمارات وأذا رجع مايبقى احد على وجه الأرظ مايعلمه بها الروح انا سويت وانا فعلت سعود: الفلوس ياولد عمي ماهي كل شي دينك وحب الناس لك اهم شي راكان يظحك: حب الناس اقول الي عنده قرش يسوى قرش والي ماعنده قرش مايسوى شي تعشوا واحمد استأذن ورجع بيتهم كان اليوم ثقيل على احمد وتحسف انه قبل الدعوه وهو عند باب الغرفه هند: وينك لك يومين لاحس ولا خبر احمد: هلا هند وش لونك هند: الحمدلله مرام كلمتني قبل شوي وتسلم عليك سلام كثير وتقول معليش اتحمل كلام راكان تراه سفيه ومايدري وش يقول احمد: من قال اصلا" ان كلامه همني هذا واحد مريظ الله يعينهم عليه هند: الله يعينك ياخوي انا بروح انام تبي شي احمد: لاسلامتك تصبحين على خير هند: وانت من اهله ويدخل احمد غرفته ويغير ملابسه ويطفي النور وينسدح على فراشه احمد معك حق يامرام ماترظين فيه انا ماشفة اثقل من دمه والغرور ذابحه مدري كيف سعود متحمله يرن جوال احمد احمد: الو اشواق: هلا حبيبي احمد: خير اشواق: حبيت اتطمن عليك لالحين مانمت احمد: اشواق ارجوك قولي لي وش تبين وريحيني اشواق: لو اقولك بتنفذ طلبي احمد: اكيد بس ابغى ارتاح @@@(الجزأ التاسع)@@@ @@@(اهات احمد)@@@@ اشواق: اكيد احمد: بعصبيه قلت اكيد خلصيني اشواق: تتزوجني احمد: نجوم السماء اقربلك اشواق: ليه احمد: اقول انتي عارفه وانا عارف ماله داعي نجرح في بعظنا اشواق: يعني الواحد مايغلط احمد: اولا" انا احب وحده وبتزوجها عن قريب إن شاالله ثانيا" لو كنتي اخر شخص في العالم ماخذيتك اشواق: آآهاه كذا السالفه طيب انا وراك وراك والزمن طويل احمد يسكر السماعه وينام اليوم الثاني سعود: راكان وين بتروح راكان: قريب وبجي سعود: اروح معك راكان: لا لا انت بذات لاتجي يطلع راكان سعود يغتنم الفرصه ويتصل على روان سعود: الو روان: زين اتصلت اهلين وسهلين سعود: وش لونك روان: تعبانه سعود: ليه__! روان: انت قاهرني سعود: ماعاش الي يقهرك روان: إذا تبيني ارتاح جاوبني بصراحه وماراح ازعل انت ليه تركتني وبدون سبب سعود: يظحك بدون سبب روان: ايه بدون سبب وأي شي سخيف بتقوله ماراح يبررلك موقفك معي سعود: روان بكون معك صريح لأبعد حد لانك حسيت اني ظالم وانتي الظحيه روان: للأسف هذي الحقيقه سعود: اسمعي ياروان ولاتزعلين من صراحتي انتي مغروره بفلوس ابوك تسوين الي في راسك ولاهامك احد الي تبينه يصير ومايهمك راي احد تذكرين يوم قصيتي شعرك بوي قلتلك ليه تقصينه قلتي وش دخلك تذكرين مره تعشيت انا وياك ويوم وقفنا نحاسب جيت بحاسب مسكتي يدي وقلتي انت من ويلك فلوس خل الي معك تنفعك وانا إذا سويت شي بدون ماأقولك قلبتي الدنيا فوق تحت لازم استأذن منك في كل شي وانتي تسوين الي تبين بدون ماتشاورين احد_____ روان: ايه غرد وش فيك سكت سعود: انتي بصراحه ماتحترميني ابدا" ولاعاملتلي اي حساب انا بصراحه تعبت معك ولا اقدر اتحمل اكثر قلت احسن شي اني ابتعد وارتاح من الحب الي بيذلني روان: كل هذا في قلبك علي ياسعود تعتقد اني انا ماحبيتك سعود: لا انا متأكد انك ماحبيتيني بس خلتيني اتعلق فيك الله يسامحك روان: بصوت مخنون لا ياسعود انت غلطان يمكن ابوي رباني على الكبرياء والغرور بس صدقني ياسعود اني حبيتك من كل قلبي وانت معك حق في كل كلمه قلتها ومشكور انك تحملتني كل هذا الوقت انا ياسعود جرحت كبريائك بدون قصد صدقني ارجوك ياسعود سامحني وانا مستعده اصير خدامه تحت رجولك سعود: روان ان عدتي هالكلمه ماراح تسمعين صوتي ثاني روان: لاأرجوك اسوي اي شي وتبقى معي انا ماعرفت قيمتك إلا يوم فقدتك سعود: ____ روان: وش فيك ساكت سعود: ماعندي شي اقوله روان: اكيد مافي شي تبي تقوله سعود: اكيد روان: طيب انا عندي شي ابي اقوله سعود: قولي روان: احبك سعود: وانا بعد روان: يعني ماتبي تقولها سعود: احبك ياروان وعمري مانسيتك روان: سامحتني سعود: مادامك اعترفتي بغلطك اكيد بسامحك روان: الله يخليك لي ولايحرمني منك قول آمين سعود: آمين والله لايحرمني منك طول العمر ياروان روان: سعود امي تناديني بستنى اتصالك في اي وقت سعود: خلاص بأتصل كل دقيقه وكل ساعه وكل يوم روان: ياليت ياسعود سعود: ياالله مع السلامه روان: مع السلامه انتبه لنفسك سعود: إن شاالله ياالله باي راكان يدخل على سعود بعد ثلاث ساعات من اول ماطلع راكان: السلام عليكم سعود: هلا راكان وين رحت راكان: قريب ورجعت تعال سعود ابغاك سعود: امرني راكان: ياسعود الرسول صلى الله عليه وسلم قبل الهديه سعود: انا عارف وش الطاري راكان: انا جايبلك هديه بمناسبه عيد ميلادك سعود يظحك اي عيد انا ماأحتفل إلا بعيد الفطر وعيد الأظحى راكان: على العموم هذا اليوم انت مولود فيه وحبيت احتفل فيك واليوم بيكون الأحتفال في مطعم مارينا سعود: راكان من صدقك انا طفل اسوي عيد ميلاد راكان: اسمع الحفل بيكون عشاء لخمسه اشخاص ابيك تعزم صديقك احمد واخته وانا وياك ومرام انت ليه مكبر الموظوع سعود اتصل على احمد وقاله استغرب احمد وقال اول مره تسويها سعود: وش اسوي عاد المهم لاتنسى احمد: وهذي مناسبه تنسي خلاص انا جايكم إن شاالله الساعه عشر يوصل احمد وهند لمطعم مارينا يدخلون المطعم ويلقون سعود وراكان ومرام ينتظرونهم احمد: السلام عليكم سعود وراكان: وعليكم السلام هند تجلس مع صديقة عمرها مرام يسولفون اما احمد قبل مايجي اكل خمس حبات بندول عشان يتحمل كلام راكان احمد عينه مانزلة عن مرام راكان لاحظ هالشي لأن راكان بعد كانت عيونه على مرام راكان تظايق ومسك نفسه عشان الحفله ماتخرب احمد كان يناظر راكان نظرات تحدي وراكان يبادله نفس النظرات مرات كانت تناظر احمد وتبتسمله اما راكان ماكانت تعطيه وجه هند حست ان اخوه قادم على مرحله خطيره في حياته وتقول بينها وبين نفسها الله يعينك ياخوي راكان شكله مو سهل بعد نص ساعه يجي العشاء ويتعشون وبعد العشاء راكان عن اذنكم بوصل السياره شوي وبجي وبعد عشر دقايق يجي راكان ومعه كيس راكان: بهالمناسبه الحلوه حبيت اعطيكم هذي الهدايا المتواظعه راكان اعطى كل واحد هديه مغلفه وكانت احجامها عاديه الى هدية سعود كانت غريبه كانت علبه مغلفه صغيره جدا" الكل استغرب وش في هالعلبه الساعه12 كل واحد راح بيتهم. في بيت احمد هند: شف راكان وش جاب لي احمد: يعني وش جاب هند: طقم ذهب لا بعد من اجد الأطقم في السوق شوف وش حلاته احمد: معقوله خلني افتح العلبه الي معي اشوف وش فيها يفتح العلبه ويلقى فيها قلم ذهب وساعه ذهب وكبك ذهب احمد: هذا وش قصده بها الهدايا يبغى يعلمنا انه شبعان فلوس وان هالأشياء الي جابها ولى شي عنده هند: اعتقد ان راكان جاب هذي الهدايا عشان يفرظ نفسه علينا ويبغى يحط لنفسه برستيج قدامنا وان هو الكنق والي يقوله هو الي يمشي احمد: انا مايهمني إلا مرام اخاف تغتر بفلوس راكان هند: الحب مايعرف غني ولا فقير بعيدين هي تعرف راكان قبلك وعمرها ماحبته ولا فكرة فيه لاتخاف ياخوي وشل هالوساوس من راسك احمد: اي والله بروح انام انا تعبان تصبحين على خير في بيت سعود مرام فتحت الهديه ولقتها طقم الماس فاخر مرام ماهتمت وحطت الطقم في الدولاب ونسدحت على الفراش راكان رقد لانه كان تعبان اما سعود فتح العلبه صغيره وتفاجئ بالي لقى فيها لقى مفتاح سياره سعود استغرب من هدية راكان طلع من البيت مقابل بابهم افالون2006 سعود ماصدق فتح السياره بالمفتاح الي معه انفتحة ماصدق شغل السياره وقفها عند باب البيت وابعد سيارة القديمه كانت مكسيما97 سعود دخل على راكان لقاه نايم ماحب يزعجه دخل يدور مرام مالقاها قال اكيد نايمه سعود ماجاه النوم ذاك اليوم راكان سوا كل هذا بس عشان سعود يقدره اكثر لأن عارف ان مرام رافظته بس لو كسب اخوها اكيد اخوها راح يظعط عليها في الأخير بالتوافق في بيت احمد/ يرن جوال احمد احمد من الي داق هالحزه احمد: الو مرام: السلام عليكم احمد: هلا والله بحياتي وعيوني الي اشوف فيها مرام: ليه يااحمد ماتتصل ولا ماشتقتلي احمد: بالعكس الى الشوق ذابحني مرام: انا حاسه انك متظايق من شي احمد: بصراحه راكان يخوفني مرام: راكان ماخوفني وانا بنت بيخوفك يالرجال احمد: سعود يحب راكان ولو طلبك منه ماراح يرفظ مرام: بس انا برفظ ولا منت واثق مني يااحمد احمد: تصدقين يامرام كلامك يحسسني بلأمان وارتاح من كل هم بعد مااسمع صوتك مرام: انا بظحي عشانك يااحمد ولو يذبحني سعود ماخذيت راكان عندي الموت اهون ولا اتزوج هلأنسان الغريب بس يااحمد انت مستعد تواجه سعود وتقوله احمد: مرام لاتخافين سعود مثل اخوي وبقدر اتفاهم معه مرام: اخليك تنام ياحبيبي احمد: تصبحين على خير مرام: وانت من اهل الخير بعد ماسكر احمد بربع ساعه دق جواله كانت الساعه2 الفجر احمد: الو اشواق: يازين صوتك يفز قلبي اول ماأسمعه احمد: حنا ماخلصنا وش تبين اشواق: ابي اسمع صوتك احمد يسكر السماعه ويقفل الجوال وينام اشواق تخطط بفكره شيطانيه تبعد احمد عن مرام وتخلي احمد يحبها اشواق كرهة احمد بعد ماظربها لاكن هي تبي تنتقم منه بأي طريقه حتى لوتخسره حياتها عشان تنتقم منه ماعندها مانع لولوه ام اشواق ماقدرة توقف بنتها عند حدها وهي تعرف انها كل يوم تطلع من البيت واذا سألتها وين تروحين تقول اروح لصديقتي امها ماهي مطمنه لبنتها ابدا". @@@(الجزأ العاشر)@@@ @@@@(السراب)@@@@ في بيت سعود اليوم الثاني الساعه11 الظحى سعود: الله يهديك راكان ماكان له داعي السياره راكان: هذي هديه وهي والله شوي عليك بس وانا اخوك انا ماذكرة عيد ميلادك إلا وانا في الرياظ سعود: لا والله كفيت وفيت وانت كلفت على نفسك ماكان له داعي راكان: تعال معي سعود: وين راكان: جب مفتاح السياره معك والحقني راكان راح المعارظ وسجل السياره بأسم سعود وهم راجعين من المعارظ راكان: سعود ابغى اقولك شي مهم وابغاك تركز معي سعود: وش فيه ياراكان راكان: انت تثق بأحمد سعود: وش قصدك راكان: بصراحه امس في الحفله احمد مارفع عينه عن مرام سعود بعصبيه: وش قاعد تقول انا ومرام واحمد وهند متربين مع بعظ من يومنا اطفال وحنا نلعب مع بعظ دايم وحنا مثل الأخوان الله يهديك ياراكان وش هالكلام الي تقوله راكان: الكلام الي اقوله هو الحقيقه وبعدين انت قلت كنا اطفال والاطفال يكبرون افتح عيونك ياسعود ترى ان ماوقفت هالمهزله انا بتدخل في الموظوع وانت عارف اني ابي مرام ولا نسيت ياسعود ولا انت شايف ان احمد احسن مني سعود سكت والأفكار تتظارب بالراسه راكان زرع الشك في قلب سعود وفي البيت: سعود: مرام مرام مرام: هلا ياخوي سعود: تجهزي الأسبوع الجاي بنسافر جده نسلم على اهلنا مرام: سعود الله يهديك ماعاد بقى على الأختبارات الى ثلاث اسابيع متى بذاكر سعود: ذاكري من الحين بعدين ماراح نطول كلها ثلاث ايام وبنرجع مرام: ياليت تأجل الروحه إلى بعد الأختبارات دراستي اهم من كل شي سعود: انا قلت بنسافر يعني بنسافر مرام: انت ليه معاند ياخوي انت ماتبي لي الخير سعود: الخير في الرياظ صح مرام: ايه في الرياظ سعود: الظاهر الكلام صدق مرام: اي كلام____! سعود: طايحين في العسل وانا ياغفلين لكم الله مرام: انت وش تقول سعود: سلامتك ياأختي العزيزه سعود بدى يشك في اخته وكل ماشافها تكلم بالجوال يفتح معها تحقيق من تكلمين وش له هالمكالمات مرام تظايقة من اسئلة اخوها سعود ماعاد يكلم احمد مثل اول كان كل يوم لازم يدق عليه مره او مرتين اما من بعد الكلام الي سمعه من راكان ماعاد اتصل يرن جوال سعود سعود: الو احمد: السلام وينك يالقاطع سعود بنفس شينه: مشغول بس اليوم ابغى اشوفك ظروري احمد: خلاص استناك في البيت سعود: الساعه تسعه وانا عندك احمد: انتظرك احمد لاحظ ان سعود متغير والساعه تسعه بالظبط وسعود واقف عند الباب احمد: تفظل سعود يدخل وفي المجلس سعود: احمد ابغاك تجيب البوم الصور الي صورناه يوم سافرنا الشرقيه قبل عشر سنين احمد: ابشر لاكن وش الطاري سعود: ودي اشوفها احمد: ان شاالله احمد راح يجيب الصور وسعود مسك جوال احمد وقعد يفتش بالأرقام والرسائل والمكالمات الصادره والوارده لاكن مالقى اي دليل لأن احمد كان يتصل على مرام من شريحه ثانيه مايعرف رقمها إلا مرام وهند احمد اول مادخل شاف سعود يرجع الجوال مكانه احمد بينه وبين نفسه سعود اكيد درى بشي عشان كذا يفتش الجوال ومتغير 180 درجه كله من راكان طيب ياراكان اليوم بدت الحرب بيني وبينك والشاطر الي يظحك في الأخر زيارة سعود لأحمد مرة ثقيله على الأثنين احمد قبل ماينام اتصل على مرام وقالها الي صار بينه وبين سعود بتفصيل احمد: مرام بصراحه ماكنت اتوقع ان راكان له تأثير على سعود الى هذي الدرجه مرام: لا و ازيدك من الشعر بيت سعود يقول لازم نسافر جده الأسبوع الجاي احمد: تسافرون_! ليه والأختبارات مرام: يقول لازم نسلم على اهلنا اما الأختبارات يقول لاحقين عليها احمد: هذا كل من تحت راس السكني راكان مرام: احمد انا ماأقدر اطول سعود يدور علي اي غلط احمد: خلاص مع السلامه وتصبحين على الف خير مرام: مع السلامه ياحبيبي كانت الساعه12/30 الساعه ثنتين الفجر تتصل اشواق احمد: نعم فيه شي اشواق: ابغاك تجي الحين احمد: الظاهر انك مجنونه اشواق: ارجوك تعال امي بتموت وماعندنا احد غيرك احمد: خالتي وش فيها اشواق: مدري كنا نايمين صرخت واول مافتحنا الغرفه لقيناه طايحه عند الباب احمد: الحين جايكم اشواق: انتبه لايدري احد خلنا نوديها المستشفى اول احمد: خلاص انا الحين جايكم مسافة الطريق احمد يسكر السماعه يغسل ويلبس ويطلع بأقصى سرعه بعد ربع ساعه احمد يوصل لبيت خالته يرن الجرس تفتح اشواق الي كانت لابسه فستان عرس اشواق تدخل احمد نفس المجلس الي دخله اول احمد مستغرب من لبس اشواق وكان يسئلها عن خالته المريظه وينها اشواق: امي نايمه ومافيها إلا العافيه ولله الحمد احمد ماسك اعصابه: طيب ليه ناديتيني يابنت في نص الليل اشواق: ابغى اتكلم معك احمد: وش الكلام الي بين حرمه ورجال في نص الليل اشواق: احمد ابغى ابين لك شي واحد انا ماأنكر اني كونت علاقات مع شباب كثير بس صدقني ياأحمد انا علاقتي معهم عابره جدا"جدا" وماتجاوزت حدود المكالمات وانا يااحمد مابعت نفسي وأذا تبغى تتأكد ممكن نروح المستشفى وتتأكد بنفسك احمد: انا علاقي معك انتهت خلاص انتي بنت تربية شوارع ولا ما اتصلتي على رجال غريب ودخلتيه غرفه وسكرتي الباب انتي وش قصدك من هالحركه اشواق تتجه لأحمد وتمسك يده وتقعد على ركبتها قدامه وتترجاه انه يتزوجها احمد: انتي مجنونه اشواق وقد انهارت بالبكاء: احمد اكثر من هذا الذل مافيه انت ليه ماتبيني ليه حبيتني وخليتني اتعلق فيك انت الي خليتني ادور عن الحب الي قفدته اول ماتخليت عني احمد يدفع اشواق بكل قوته ويقوم من مكانه اشواق: دقيقه ياأحمد هذي ورقه وقلم تزوجني عرفي ولا والله العظيم لأذبح نفسي احمد خذا الورقه وشقها وطلع من البيت احمد رجع البيت تعبان الساعه ثلاث وربع الفجر ونام كان تعبان ومايدري عن الي حوله الساعه ثمنيه الصبح هند تطق على احمد الباب احمد: نعم خير ابي انام هند: بسرعه قوم خالتي لولوه تقول ان اشواق في المستشفى وحالتها خطيره احمد يقوم يلبس وياخد امه واخته ويروحون المستشفى احمد يقابل الدكتور احمد: يادكتور طمني الدكتور: انت اخوها احمد: انا ولد خالها الدكتور: حنا سوينا الي علينا والباقي على الله بصراحه هي كلت كميه كبيره من حبوب سامه وحالتها خطيره لان السم انتشر في كل شبر من جسمها والأعمار بيد الله احمد يدخل على اشواق في غرفتها ماكان عندها الا اخته هند وبنت خالته اريج عبير ولولوه انهاروا من كلام الدكتور وكملوا بكائهم في الممر اشواق اول ماشافة احمد اشواق: احمد تعال احمد يقرب من اشواق ويوقف عند راسها اشواق تمسك يد احمد بكل قوتها احمد حابس دموعه لأنه عارف ان احتمال كبير إن هذي اخر مره يشوف اشواق فيها اشواق: لو ادري ان الموت بيقربك لي كان من اول احمد يقاطعها لاياأشواق لاتقولين كذا انتي بتقومين بسلامه وترجعين مثل اول اشواق: اول مره احس انك خايف علي يااحمد احمد: يمسح على جبهة اشواق اشواق: يااحمد انا مابي شي من الدنيا الا خوفك علي الي اشوفه بعيونك انا خلاص يااحمد انتهيت بس خلك جمبي لين ارتاح من الدنيا احمد ماقدر يمسك دموعه اشواق اول ماشافة دموع احمد دموعها نزلت على خدها من دون ماتدري اشواق: اريج فيه بدولابي شنطه ورديه عطيها احمد بدون ماتفتحينها اريج: إن شاالله ياأختي الي تبينه بيصير بس ريحي نفسك اشواق بصوت مخنوق: احمد حبي لك كان سراب كل يوم اشوفه قدامي اشواق تبتسم ابتسامة النصر في وجه احمد وتقول احمد هذي اغلى امنيه عندي وتحققة والحين مابي شي من الدنيا كل الي ابغاه ان احمد الي عشقته من كل قلبي ووجداني يكون جمبي لاتخليني يااحمد ارجوك لاتبعد عني انا حاسه بلأمان والراحه بقربك انا عارفه انك تحب وحده اسمها مرام لاكن مايهمني المهم اني احبك واتمنى بعد انك تعيش مع مرام احلى ايام عمرك احمد شكرا" عشانك ماتخليت عني في هالوقت شكرا" عشانك حطيت يدك بيدي انتظرة هالموقف عشر سنين والحمد لله ان صبري جاب نتيجه تذكر ياأحمد اخر مره مسكت يدي فيها تذكر يوم تطيح على الدرج وتناديني اجي اساعدك مسكت يدي بكل قوه وقلت ماراح احد ياخذك مني ابدا" كنت في وقتها صغيره بس كنت افهم كل كلمه تقوله واقعد افكر فيها طول الليل_______ اشواق تظعط على يد احمد بكل قوتها وبعد عشر ثواني يد اشواق انفلتت من يد احمد اشواق فارقة الحياة لترتاح من كل همومها كانت حياتها مستحيله من دون عشقها وحبها الأول ولأن حبها الأول لايستطيع العيش معها إختارة ان تفارق الحياة بحلوها ومرها_________ احمد عرف ان اشواق فارقة الدنيا احمد بكل برود يغطي اشواق ويطلع من الغرفه بخطوات ثقيله الى ان وصل السياره فتح السياره وانسدح في المرتبه الخلفيه كان يسأل نفسه الي صار حلم ولى علم احمد كان يلوم نفسه ويتهم نفسه انه هو الي ذبح اشواق في المستشفى لولوه انهارة اول ماسمعت الخبر وطاحة في الممر ودوها الأسعاف اما اريج وهند وعبير كانت الصدمه عليهم كبيره____ لولوه تنومة في المستشفى اما اريج راحت مع عبير وهند للبيت اول ايام العزى سافر سعود وراكان ومرام لجده سعود سحب الجوال من اخته مرام عشان ماتتصل على احد سعود كان بيسافر جده الأسبوع الجاي لاكن جت في راسه خطه حب ينفذها بأسرع وقت وطبعا" راكان صاحب الأقتراح الي بينهي احمد ويبعده عن طريق مرام للأبد احمد كان في أسوأ حالاته النفسيه مرت ايام العزى ثقيله على احمد اريج: هند ابيك توديني انتي واحمد للبيت هند: ليه اريج: في اغراظ تخصني باخذها من البيت هند: ان شاالله اريج: ابغاكم تتحملنوني شوي انتو عارفين اني مالي احد في الدنيا غيركم هند: اريج وش هالكلام هذا بيتك وحنا كلنا لازم نتحمل بعظ عشان نقدر نعدي من الأزمه الي حنا فيها اريج تذكرة اشواق وقعدت تصيح هند ظمت اريج على صدرها وقالتلها حنا كلنا معك وانا مثل اختك اريج تقول صح ان اشواق كانت تقظي اكثر وقتها في غرفتها بس هي الي كانت تذاكرلي وتسأل عني وتشتريلي اي شي نفسي فيه الله يرحمك برحمته يااختي. احمد وهند واريج راحو البيت هند واريج نزلوا للبيت اما احمد قعد يستناهم في السياره اريج طلعت من البيت وراحت لأحمد في السياره اريج: احمد امسك هذي الشنطه الي تقول عنها اشواق احمد ياخذ الشنطه واريج تدخل للبيت بعد ربع ساعه تطلع هند واريج يركبون السياره ويرجعون للبيت احمد دخل الغرفه وهو يحمل الشنطه الورديه الصغيره احمد حط الشنطه على السرير اول مافتح الشنطه كان فيه ورقه كبيره على امتداد الشنطه مكتوب فيها ارجوك يااحمد تخلص من جميع محتويات الشنطه بعد ماتتطلع عليها ولا تحتفظ بأي ذكرى لأنها من الماظي وانت يااحمد للأسف نسيت الماظي//اشواق SIZE] التعديل الأخير تم بواسطة سـيف المـلــوك ; 19-01-2008 الساعة 12:56 AM |
|
#3
27-08-2008, 11:21 PM
| ||||
| ||||
| يعطيك العافيه عاالطرح |
|
#4
28-08-2008, 12:17 AM
| ||||
| ||||
|
مشكورة الله يعطيك العافية
|
|
#5
28-08-2008, 02:07 AM
| ||||
| ||||
|
يعطيك العافيه تحياتي..(رجه بس بعقل) |
 |
| أدوات الموضوع | إبحث في الموضوع |
| |
