ديوان الشاعر على الريض العزيزي

إرسال إلى Facebook ارسال الى تويتر
  1. 30-05-2010, 12:13 AM
    طير القوافي

    ديوان الشاعر على الريض العزيزي

    الشاعر : على الريض العزيزي المطيري

    شاعر نظم متمكن وله دواوين صوتيه تبرهن جزاله الشاعر وتميزه دائم في كل قصائده ..
    وها انا اضع بين ايديكم اجزاء من قصائد الشاعر المبدع الذي ظهر خلال شاشات التلفاز والمواقع الهامه لشعر والشعراء ..

    الشاعر : على الريض العزيزي المطيري
    وكل امل ان تحوز الرضا

    1


    ياللي تبي تعرف اسراري وعنواني
    الحزن والضيق واللوعه عناويني
    وان كان من جد يا بن الناس تبغاني
    في كل لمة حزن يمكن تلاقيني
    يكتبني الضيق واللوعات تقراني
    والناي من شرهة احزاني يغنيني
    أجامل الصبر والايام تعصاني
    بالله قلي وش اللي معجبك فيني
    فقير يوم ان عز النفس ما غناني
    كم قلت للفقر عز النفس مغنيني
    كم واحدن ما شتمته لجل ما عطاني
    وكم واحدن ما مدحته لجل يعطيني
    يقلقني الذنب لامنه تغشاني
    يالله من الذنب والغفله تنجيني
    مافيه صوتن يخفف عني احزاني
    الا ابن شريم لأأأأأم المصليني
    ما هو بدايم يصير لساني ..حصاني
    كم زلة(ن) من لساني صدق تشقيني
    من صغر سني وانا هالحزن يبراني
    واليوم عمري تعدنه ثلاثيني
    صحيح ماني بمثل ابوي واخواني
    رغم ان هقوات نفسي نوب تغويني
    ما مد كفي لكفن ما تمناني
    ولاسج رجلي بدربن ما يوديني
    ما كذب لاكن اتجمل بعض الاحياني
    يوم ان ها الكذب صاير شي روتيني
    في ظروف ازرف عزيزن ما تناساني
    وفي ظروف ادور مزرفني وناسيني

    اعرف نبض الجفا في وجيه عدواني
    واعرف نبض الغلا في اللي مواليني
    والطعنه اللي تجي من صوب صدقاني
    اقسى من الطعنه اللي من عدويني
    كم مرتن مات دمعي داخل اجفاني
    وكم مرتن اتفه الاسباب تبكيني
    كذاب لو قلت شعري يوم ما شقاني
    احيان يسرق منامي من جفن عيني
    اكتب قصيدي عشان عيون خلاني
    ومرات اجامل عشان ارضى محبيني
    هذا اعترافي وانا ماني بندماني
    ممكن ابصم او التوقيع يكفيني


    من مواضيع طير القوافي :


  2. 30-05-2010, 12:16 AM
    طير القوافي

    بعد ماطالبي ليل الهجوس وطال بي مسراه = سريت وزان لي نظم القصيد وزن قيفانه
    عساي اكتب كلام مايخيب ظن من يقراه = وعساي اجيب من بحر الشعر لوله ومرجانه
    انا العبد الفقير اللي رجاه وعزته بالله = إله مايخيب اللي طلب عفوه وغفرانه
    وأنا اللي حده الوقت الردي يالين جاب اقصاه = زمان ماصفط لي غير تعذيبه وحرمانه
    وانا الصب العليل اللي طواه البعد لين اشقاه = نسى ظلم الزمان ولانسى تجريح خلانه
    اشوف العشق يكبر في الضلوع ولا قدرت اقواه = رعت ذوده مداهيل الخفوق وعشب صمانه
    سبايب مترف ماداج في روض الحشا حلياه = ملك تاج المحبة واعتلى عرشه وسلطانه
    عليه من البها هيبة شموخ وطلة تزهاه = وعلي من الشقا سقم الجروح وعين سهرانه
    اليا منه تبسم شب قنديل الغلا بشفاه = ولا منه تجهم ضاقت الدنيا على شانه
    ترك لي في غيابه طعنتين ودمعتين وآه = متى ينهي حضوره سيرة الحرمان واحزانه
    له الله لانسى حدب الضلوع ولاذكر مرباه = ولي الله لاذكرته والغلا يرجح بميزانه



    الشاعر / علي الريض العزيزي
    ===========

    من مواضيع طير القوافي :


  3. 30-05-2010, 12:16 AM
    طير القوافي

    لعل هالليله تعدي على خير
    ................................من واحد جر الحكي وابتلانا
    خبل يسولف دون منطق وتبرير
    ...................................يالله من ظلم العباد تحمانا
    مايدري انه يكبر ان قال يامطير
    ..............................مير ان مدحنا بطيب والا هجانا
    حنا مطير الله خلقنا مشاهير
    ............................من جدنا الاول الياخر نمانا
    عشان هذا ماولد بينا صغير
    ............................ماينجبن الا المطنخ نسانا
    رضيعنا اشرس من كليب والزير
    ...........................وكبيرنا له بالمجره مكانا
    كلام جاهلنا كنوز ودنانير
    ...........................وكلام عاقلنا عقود وضمانا
    حنا ترانا غير وفعالنا وغير
    ........................... طلنا على كل الطوال ورقانا
    حنا الكرام الطيبين المسافير
    ............................عن ساقط العالم نكرم لحانا
    الصادقين الصاملين المناعير
    ............................ حنا لميلات الزمان ارتكانا
    يوم الضعوف يحسبون الماخسير
    ........................... بعنا بسوق الطيبه وشترانا
    لنا مع الامجاد ورد ومصادير
    ........................... وماتمطر الا بالمكارم سمانا
    نمشي بشرع الله عباده وتكبير
    .......................... وفي هدي خير الانبياء اهتدانا
    مافوقنا الا الله ولي المقادير
    .......................... تبت يدين الي يبا مستوانا
    نشوش للمعروف ونطول ونجير
    ............................ويامن بنا الخايف لامنه نصانا
    ليا كسرنا وين للكسر تجبير
    ......................... ونزيله الي مامشاء في هوانا
    ولله لو انا نبي نهمش بلير
    .......................... لنهمشه ونحط واحد حدانا
    نعامل الطيب بحشمه وتقدير
    ......................... ومن جالنا يبغا وفانا لقانا
    نبطش ونعفي ونتفرد عن الغير
    .......................... ماتلحق طوال الليالي مدانا
    ابسط رجل فينا يعادل طوابير
    ....................... وليا وقف يرهب جحافل عدانا
    حنا ستر للمترفات الغنادير
    ........................ لبشوتنا هيبه تكمل ذرانا
    تفخر بنا جل البكار المعاشير
    ........................ وترعى بامان تحت فية عصانا
    تفخر بنا صفر الدلال المباهير
    .........................والعود الازرق ماشتهر لين جانا
    تاريخنا ماهو كتابه طباشير
    ..........................تمحى اساطير الزمن مانمحانا
    والحين جاي تذمنا ( ياعصيفير )
    .........................ياصعب هوزتنا على من بغانا
    بكره يجون منفخين المزامير
    ............................ كم واحد يجيك يلهث ورانا
    والمعذره لاصار ف المدح تقصير
    ..........................ما الحق مدى ربعي طوال اليمانا
    ومن زعل من قولي عساه بزمهرير
    ............................ويعيش في باقي حياته مهانا
    وبعض الليالي ماتعدي على خير
    .............................من واحد جانا وبيح خفانا


    من مواضيع طير القوافي :


  4. 30-05-2010, 12:18 AM
    طير القوافي

    هذه القصيدة للشاعر/علي الريض









    قالها في الراوي منيف الشويب





    يا كثر شين في الحشا ودي أبديه ===== أطلق عصافير المحبه وأقوله

    وأطرزه بأغلى التعابير واهديه===== بأغلى درر مرجان شعري ولوله

    شاعر ولي من قمة الشعر عاليه===== لوالشعر ماينحسب لي بطوله

    لأكن اقدر قيمته واعتني فيه===== واعرف تاريخه ودارس فصوله


    أطول عسراته وارتب قوافيه=====والجزل صعب ولايجي بالسهو له

    ماني مثل خبل يخمه ويخطيه=====جاهل وتسمع له عقول مهبوله

    واليوم انا من صادق القلب أغنيه=====للوافي اللي نادرات فعوله

    لمنيف صقر اقدم اجمل معانيه=====يوم ان له في الطيب صوله وجوله

    اقسم قسم بالله اقدره واغليه===== ولا بغي لمدحي من صديقي عموله

    ياكم حلمت بمثل شرواه اخاويه=====حلم يراودني وأنا بالطفو له

    والحين لامن جاني اسمه وطاريه=====افز له واذكر معان الرجوله

    تنبت بساتين التواضع على ايديه=====وتزهر نواوير الفرح من وصوله

    حر تبشر بالعشاء من تعليه=====وغيث تبشر بالحيا من هطوله

    بحر الكرم للجود باني موانيه=====يبهج صدور المعسرين ان عنوا له

    عجزت مدري كيف وشلون اسميه=====حتى المدح ما يقدرانه يطوله



    يالله من شر المخاليق تحميه=====ومن نزوة القلب الغثيث وفضوله




    ويالله ياربي تطول لياليه=====وتنزله بالاخره مع رسوله










    من مواضيع طير القوافي :


  5. 30-05-2010, 12:21 AM
    طير القوافي



    نامت عيون المريح ولا لقا السهران راحه
    والليالي المؤرقة بالحزن لبسته سهرها


    بات في صدر الشقا والصبر وعزومه كفاحه
    عارف الأيام ما يسلم بن آدم من خطرها


    وجر صوته من صميم القلب وأعلنها صراحه
    لا بكا لام العيون ولاهدى قام وشكرها


    آه ياشين الحشيم اليا سقط وأعلن مطاحه
    لو عذر بعض الوجيه وجيه ناس ما عذرها


    والهنوف اللي لها في الصدر مرقاب وبراحه
    كل عرق من عروقي صار هو مجرى مطرها


    وعلمتني كيف صارت ضيقة المسلم مباحه
    لا تساوت ضيقتي ورضاي دئم في نظرها


    وعلمتني كيف يقسا الحب لا جرد سلاحه
    وعلمتني كيف أبشرب ملحها وأشرب كدرها


    هي غدت لي في بحور العشق مجداف وسباحه
    وهي قصيدة حب عذري بس وين القا بحرها


    بعدها من راح مافكرت وش قصة مراحه
    كل ما غابت أعد أيام عمري وأنتظرها


    في ليال البعد أقول إنه عزا قلبي جراحه
    كل ما شط النوى وأبطت عليه في سفرها


    جادل تشرب قراح الحسن مدري هي قراحه
    كل ما لدت علي بعينها قلت اختصرها


    كنها ليل فهق فجره وبين لي صباحه
    وكنها قمرا بعد نام الشفق بين قمرها


    أن تغشاها الهوى مالت مثل غصن بواحه
    وإن تعداها الهوى طالت وزمت له نحرها


    إن صفا لي بالها ما ضاق بال ولا مساحه
    وإن حدتني للجفا والضيق عودت لصورها


    يا بعد كل القصيد ويا بعد كل الفصاحه
    ويا بعد كل الغلا والحب يالسود وحورها


    كان شعري ما وصفها باتركه وأكسر جناحه
    واقطعه قلبي إذا في يوم سج ولا ذكرها


    والقصيد إن ما حداك لضيق ما جاب لك راحه
    والليال المؤرقه بالحزن طاولني سهرها



    علي الريض









    تجميعي وبحثي
    وان شاء الله سوف اكمل الديوان بكل قصائد شاعرنا المميز على الريض
    طير القوافي

    من مواضيع طير القوافي :


  6. 14-09-2010, 02:45 AM
    طير القوافي

    رد: ديوان الشاعر على الريض العزيزي

    لنا وقفة مع شاعر شاب برز على الساحة الشعبية واحتل مساحة في قلوب متذوقي الشعر..

    من يقرأ لهذا الشاعر يستشف أن بداخله الكثير والكثير.. طرق جميع أغراض الشعر المتعددة ولن أطيل عليكم
    فهو الشاعر المبدع علي الريض المطيري
    ديوان الشاعر على الريض العزيزي


    فمن قصيدة يقول شاعرنا:


    يالله بوجهك يا عليم النوايا =عن ما قف الحقران والذل والضيق

    ومن زفرة منها تضيق الحنايا =ومن فجعة منها عيوني غواريق



    ومن قصيدة معبرة أخرى يقول:



    اجامل الصبر والأيام تعصاني =بالله قلي وش اللي معجبك فيني

    فقير يوم أن عز النفس ماغناني =كم قلت للفقر عز النفس مغنيني



    وكذلك قوله:



    كم واحد ما شتمته لاجل ما عطاني =وكم واحد ما مدحته لاجل يعطيني

    يقلقني الذنب لامنه تغشاني =يالله من الذنب والغفلة تنجيني

    ما فيه صوت يشتت عني احزاني =الا ابن اشريم لا أم المصليني



    ومن قصيدة أخرى يقول شاعرنا:



    يالله تهديني لدرب الفضيلة =تاخذ يدي على طريق الهداية

    يالله بوجهك من دروب الفشيله =ومن حاقد يدخل مع الحقد رايه

    من واحد يعن بالشر خيله =اللي خذا شذب الاوادم هوايه




    ويتجدد إبداع شاعرنا بهذه الأبيات الغزلية:




    الفكر سجاته قديحه وبارود =لا عنت أفكار القريحه قدحها

    والحزن تحت ضلوعي العوج موجود =نزل بفيضة خافقي ما برحها

    لاذعذعت باعلى مراقيبها النود =هب القلق والضيق غصب ولفحها

    تأخذني الأيام واغيب واعود =من غاص فبحور المحبة سبحها

    لعيون من فيها عن أمثالها زود =شيهانة الزين ربي ملحها

    سلمتها قلب ومواثيق وعهود =وشعر ليا هاضت شجونه مدحها



    ويقول من قصيدة أخرى:



    ما بغيت أنصاف الايام والدنيا حطام =ولا رجيت من الليالي سوى عطف الرحيم

    والتفاتت واحد بالغلا لابس وسام =الله اللي قدره بالحشاء وأصبح حشيم

    فالخفوق اللي كسر للغلا بيض النعام =للنديم اللي تبرا من طعون النديم



    وفي الحكمة يقول شاعرنا:


    ما يدحم الصعبات أبو جنب اصخيف =كنك ليا مدحت غيره تذمه

    الطيب جم ما نقصوه الغواريف =تروي مواريده وينبع مجمه



    ومن إبداع هذا الشاعر قوله:



    شعر تمجده الاسامي والالقاب =وشعر يخلد فالسنين الاسامي

    والا أنت يا شعري لك قلوب واحباب =وعليك بصمه مثل بصمة ابهامي



    وأخيرا يقول شاعرنا:

    بعدك ما أطلب من الأيام تنصفني =حتى لو اني اشوف بعيني اجحافي

    لكن تدري وش اكثر شيء يوسفني =لاشفت مبدع ولا حصل له انصافي






    تابع







    من مواضيع طير القوافي :


  7. 14-09-2010, 02:47 AM
    طير القوافي

    رد: ديوان الشاعر على الريض العزيزي





    ديوان الشاعر على الريض العزيزي






    يالله بوجـهـك يــا علـيـم النـوايـا
    عن ما قف الحقـران والـذل والضيـق


    ومـن زفـرة منهـا تضيـق الحنـايـا
    ومـن فجعـة منهـا عيونـي غواريـق




    ومـن قصيـدة معبـرة أخـرى يقـول:




    اجامـل الصبـر والأيــام تعصـانـي
    بالله قلـي وش اللـي معجبـك فيـنـي


    فقيـر يـوم أن عـز النفـس ماغنانـي
    كم قلـت للفقـر عـز النفـس مغنينـي




    وكـــذلــــك قــــولــــه:




    كم واحد ما شتمته لاجـل مـا عطانـي
    وكم واحد مـا مدحتـه لاجـل يعطينـي


    يقلقنـي الـذنـب لامـنـه تغشـانـي
    يالله مـن الذنـب والغفـلـة تنجيـنـي


    ما فيه صـوت يشتـت عنـي احزانـي
    الا ابــن اشـريـم لا أم المصليـنـي




    ومن قصيـدة أخـرى يقـول شاعرنـا:




    يالله تهديـنـي لـــدرب الفضـيـلـة
    تاخـذ يـدي علـى طـريـق الهـدايـة


    يالله بوجهـك مــن دروب الفشيـلـه
    ومن حاقـد يدخـل مـع الحقـد رايـه


    مـن واحـد يـعـن بالـشـر خيـلـه
    اللـي خــذا شــذب الاوادم هـوايـه





    ويتجدد إبداع شاعرنا بهذه الأبيات الغزلية:





    الفكـر سجـاتـه قديـحـه وبــارود
    لا عنـت أفـكـار القريـحـه قدحـهـا


    والحزن تحت ضلوعـي العـوج موجـود
    نـزل بفيضـة خافقـي مــا برحـهـا


    لاذعذعـت باعلـى مراقيبهـا الـنـود
    هب القلـق والضيـق غصـب ولفحهـا


    تأخذنـي الأيــام واغـيـب واعــود
    مـن غـاص فبحـور المحبـة سبحهـا


    لعيـون مـن فيهـا عـن أمثالهـا زود
    شيهـانـة الـزيـن ربــي ملحـهـا


    سلمتهـا قلـب ومواثـيـق وعـهـود
    وشعـر ليـا هاضـت شجونـه مدحهـا




    ويـقـول مــن قصـيـدة أخــرى:




    ما بغيت أنصاف الايـام والدنيـا حطـام
    ولا رجيت من الليالي سوى عطف الرحيم


    والتفاتـت واحـد بالغـلا لابـس وسـام
    الله اللي قدره بالحشاء وأصبـح حشيـم


    فالخفوق اللي كسر للغلا بيـض النعـام
    للنديم اللـي تبـرا مـن طعـون النديـم




    وفـي الحكـمـة يـقـول شاعـرنـا:



    ما يدحم الصعبات أبـو جنـب اصخيـف
    كنـك ليـا مـدحـت غـيـره تـذمـه


    الطيـب جـم مـا نقصـوه الغـواريـف
    تـروي مـواريـده وينـبـع مجـمـه




    ومـن إبـداع هـذا الشاعـر قـولـه:




    شعـر تمجـده الاسـامـي والالـقـاب
    وشعـر يخلـد فالسنـيـن الاسـامـي


    والا أنت يا شعري لـك قلـوب واحبـاب
    وعليك بصمـه مثـل بصمـة ابهامـي




    وأخـيــرا يـقــول شـاعـرنــا:


    بعدك مـا أطلـب مـن الأيـام تنصفنـي
    حتى لو انـي اشـوف بعينـي اجحافـي


    لكن تدري وش اكثـر شـيء يوسفنـي
    لاشفت مبـدع ولا حصـل لـه انصافـي



    نتمنى لشاعرنا التوفيق.

    ولكم مني اتا طير القوافي كل تحياتي ومحبتي .

    من مواضيع طير القوافي :


  8. 21-09-2010, 05:56 PM
    NEXT

  9. 21-09-2010, 07:37 PM
    طير القوافي

    رد: ديوان الشاعر على الريض العزيزي


    اسعدني تواجدك وحضورك المشرف لي كثير
    طول الله عمرك ياطويل العمر
    الله يعافيك
    حياك الله

    مودتي
    طير القوافي

    من مواضيع طير القوافي :


المواضيع المتشابهه

  1. آخر مشاركة: 23-04-2012, 12:31 AM
  2. آخر مشاركة: 07-07-2011, 06:29 AM
  3. آخر مشاركة: 14-05-2011, 06:03 PM
  4. آخر مشاركة: 13-04-2011, 03:14 PM
  5. آخر مشاركة: 21-09-2010, 06:00 PM