[color="indigo"]" بقلك ايه : أنا مش فايقلك عالصبح " كانت هذه أولى الكلمات التى نطق بها زغلول طالب المدينة الجامعية الموقرة بالاسكندرية . عندما طلبت منه أن يحكي لي عن يومياته في المدينة وفجأة طب علينا أحد اضدقاء زغلول فسألته اسم حضرتك ايه ؟ بادرني بالاجابة : انت مالك ؟ قلت له عاشت الأسامي و بعد صرار مرير عرفت أن اسمه شلبي و الآخر اللي ما زال نايم اسمه زغلول .. فسألت رغلول ليه نايم لغاية دلوقتي ؟ الساعة 12 قال لي كما لو أن ارسطو يتحدث (( من طلب العلا سهر الليالي و استخبى تحت اللحاف و قال أنا مالي )) قلت ونعم يبني والله ,, ممكن تفوق معايا يا زغلول انت وشلبي و تحكولي عن يومياتكم في المدينة ؟ فاستطرق قائلا (( شايفين الفصاحة )) في أسى : بصحى من النوم كالعادة أنزل أجيب الفطار قبل اي حاجة و الفطار طبعا لا داعي لذكر محتوياته لعدم الاحراج وبعدين أجي رايح على موقف المكروباظ عشان أروح الكلية و أسمع التباع ينادي (( تعالى تب و مجمح )) اي طب و مجمع و بعدين اوصل الكلية و أدخل المحاضرة و كالعادة الدكتور المبجل لسة ما وصلش مع ان المحاضرة بدأت من نص ساعة و المدر زحمااااااه , ألقي زميل جنبه كرسيين فاضيين أساله لو سمحت الكرسي اللي على يمينك فاضي؟ يقولي محجوز ! آجي أقعد على شماله يقلي ده محجوز ... أقله لو سمحت هو محجوز قاعد فين بالظبط؟ أقوم لاطعه قلمين على قفاه آجي مطرود من المحاضرة أحلف ان انا مش مكمل اليوم وأروح على المدينة أكمل النوم ... أصحى من النوم أنزل أجيب الغدا و أطلع الأوضة عشان آكل ... آه نسيت أقلك حاجة ان المدينة فيها حوالي 500 قطة وهو ده الجنس الآخر الوحيد اللي عايش معانا في المدينة آجي آكل ألاقي القطة واقفالي !! أديلها حتة من الكتف تقلي لأ أنا عايزة من الورك... يا سلام :::: طبعا أنا عمال أهز دماغي على اساس إن انا مصدق كل اللي زغلول و شلبي بيقولوه ,, أقله يا زغلول و بعدين ؟؟
يرد : وبعدين آجي اذاكر ألاقي الفول اللي اكلته كابس على نفسي ومخلي دماغي زي فردة الجزمة الكاوشت آجي نايم عالكتاب اقله في تاثر بتتعب والله يبني .. ربنا يكون في عونك و شوية نلاقي الباب بيخبط .. و أتاري واحد من الاخوان بيوزع منشورات فشلبي يقله ربنا معاكم و على فكرة انا معاكم من زمان ده أنا اخوانجي أبا عن جداً ... شوية الباب يخبط .. يفتح شلبي يطلع واحد من الوطني بيوزع ورق للحزب يقوم شلبي يقله ربنا معاكم وعلى فكرة أنا معاكم من زمان .. ده حتى أنا حزب وطني أبا عن جداً ... وشوية الباب يخبط يلاقي واحد وفدي بيوزع منشورات عن الحزب فيرد شلبي بحماسة ,, يا سلام ايه الحلاوة دي .. برضه ربنا معاكم .. ألا الأستاذ ايمن نور عامل ايه دلوقتي ؟ هيخرج امتى ان شاء الله ؟ وهكذا ........ تتلاقى كل فئات الشعب العاطلة في خندق واحد تحت سقف واحد لهدف واحد ....
ثم قلت و أنا على يقين : فعلا هؤلاء هم قادة المستقبل و رجال الغد ... لك الله يا مصر[/color]

توقيع : tmnt

يسلمووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو

توقيع : ~ عبير الدلع ~

[GLINT]
[GRADE="FF1493 800080 FF1493 800080"]& غلا حربية &

سابقا [/GRADE][/GLINT]