 |  |
| |||||||
| الرجة و الهبال هبال, خبال, تنسيم, زحف, اقلاع, صرقعة, محششين |
 |
| | أدوات الموضوع | إبحث في الموضوع |
| | |
| |||||||
| الرجة و الهبال هبال, خبال, تنسيم, زحف, اقلاع, صرقعة, محششين |
|
| | أدوات الموضوع | إبحث في الموضوع |
|
#1 
11-08-2006, 09:34 AM
| ||||
| ||||
 مغامرتي يوم دخلت الكمبيوتر وصرت أيقونه *16 سـلام يا أحلى الأنــام قبل كل شي لاتشرهون علي وابلعوا مصالتي اللي غطت على أبو جد الموضوع *·~-.¸¸,.-~*مقدمـــه :*·~-.¸¸,.-~* في يوم من الأيام...بعد أن حل الظلام...وصار كل الناس نيام جلست في غرفَتي...أتأمل الحي مع دريشَتي...فطنت في رأسي فكرَتي << لايفوتكم بس السجع ومن هنا بدأت رحلتي اللي سأسردها عليكم الآن: *·~-.¸¸,.-~*الموضـوع :*·~-.¸¸,.-~* الشي الوحيد اللي في راسي ذيك الليله وشلون أصير هكر؟.؟ ابي أصير هكر محسوس في عالم اللامحسوس يعني أبي أدخل كلي عبر الأثير وماني مخربه شي بس أبي أتفرج على أجهزة العالم << لو انك هكر كان دمرتي كل العالم وقعدت أفكر وأفكر... للأسف مالقيت طريقه قلت مافيه إلا إني أنام بس عجزت أنام لازم أسوي اللي براسي لازم أدخل في الكمبيوتر ورحت للجهاز وشغلته وقعدت أدور مكان أدخل معه بس للأسف مالقيت مكان يوسعني << من صغرك وفجأه طلعت فوق راسي لمبه وتذكرت أمي يوم كانت تقول لاتلمسون الكهرب وبأيديكم مويه ترى يشفطكم : وأروح أغسل ايديني وأجي للكمبيوتر أبيه يشفطني ومع محاولات عديده أبشركم شفطني << العقل نعمه وأخذني المعالج مع راسي ورحت لسطح المكتب وقمت أتلَفََت في ذهول وأنا احك الصعرور اللي طلع براسي من قوة الضربه وعيوني طايره صرت صغيره مررررره كبر أيقونة الماسنجر ولا تطلع لي رساله مكتوب فيها الكمبيوتر لايعرفك نرجو ادخال السي دي وأنا أمسك هالرساله واعكرشها واجدعها في المحذوفات<< ياقويه وارجع لسطح المكتب واشم ريحه مو زينه أناظر وأتلفت أدوور الريحه!!! ياالله طلعت الورده اللي أنا حاطتها على سطح المكتب يابسه!! يوووه والفراشه اللي عليها ميته!!. يووووووه والأيقونات كلها مغبره شكل محد قد مسحها!!! رحت للمستندات وجبت مكنسه ومساحه علشان ارتب بس يبيلي شغل مايخلص ولا السنه الجايه... الله بيعيني ان شاء الله...وبديت انظف في لوحة التحكم يوم بديت امسح واسمع أحد يناديني والتفت الى مصدر الصوت ...يمااااااااااااااااااه وش لقيت؟؟ لقيت رجال!!واروح عند الرسام وخليته يرسم لي نقاب بسرعه ولبسته ورجعت عند الرجال انا: خير يا ابو الشباب وش عندك بجهازي قم اطلع هو: يا بنت الحلال لاتفهميني غلط...انا الماسنجر << مالت عليك انا:الزبده وش تبي مناديني وقاطعني عن شغلي وراي تنظيف هو:ورا ماتروحين للي انتي جايتن علشانه روحي هكري يابنت الحلال والتنظيف لاحقتن عليه انا:والله انك صادق ولو يطلع منك يا الاخيضر "بس مدري ليه قلبي ناغزني وش عنده هالاخضر بيصرفني" واجدع مكنستي واروح متجهه للاكسبلورر... ياربيييييييه...تصدقون له هيبه يخووف كل شوي اقرب منه وارجع وعلى هالحال تقريبا نص ساعه لين حامت كبده مني ويجرني مع شوشتي قطََع شعري حسبي الله عليه ويجدعني بصفحة البدايه...واقوم وكلي فخر اخيرا بصير هكر << فاهمه غلط أروح للمفضله واسحبها...طبعا أول موقع فيها قوقل.. .واستجمع قواي وأطب فيه يوم دخلت عليه... وألقى العم قوقل متكي وقدامه شواهي وقهاوي يوم شافني وهو يفز و يتغير وجهه...ويناظرني نظره شينه أنا احسبه خاف من خشتي المملوحه...وشوشتي المنتفشه وبديت الحس ايديني واهجد شوشتي...حرام بعد استاثم به هالشايب لين فاق من الصدمه وانفكت عقدة لسانه قوقل: يابنت الناس وش تبين مني بالضبط... بهذلتيني.. مابقى شي مابحثتي عنه!! حتى قواطي التونه بحثتي عنها...ارحميني...خلااااص بتموتيني ناقص عمر... طسي عن وجهي...وريني عرض كتافك...برااااا ...برااااامن غير مطرود... آآآهـ ياألبي << دراما عربيه وبدت عيونه تغورق...ودميعاته تنقط الصراحه رحمته...توي ادري اني مستاثمتن به الضعيف انا:خلاص ياعم مالك الى اللي يرضيك...وش تبي بس قوقل:عمت عيون العدو ماني عمك من زينك أصير عمك انا:كل تبن منت بوجه حشيمه ياشايب قريح بس هيّن... امّا عزَرت بك وخليتيك تقول حئي برئبتي ما أكون أنا شووق << مازالت متأثره بالافلام وأسفهه واطلع من موقعه هالشايب الخايس ...حتى شاهي ماصب لي...عساه مر الشاهي وامشي بالمفضله أدوور موقع اهكره سمعت ناس يقولون كلمات غريبه لقطت منها " حينما حينئذ قلما أكاد بوتقه فجوه تقريب حيثما " طلع موقع سياسي قلت خل بطل عليهم وأمارس هوايتي المفضله في متابعة الهوشات وادَخل عليهم راسي مع الدريشه ويمسكوني مع رقبتي ويدخلوني بينهم قالوا لي ما رأيك... قلت موافقه موافقه موافقه وأنا أصلا مدري وش السالفه يوم قلتها وهم يبدون يصفقوني...وياما جدعوني يمين...ياماجدعوني يسار... وبعدها حجروني وقعدوا يصفقوني وبدت عيوني تتسكر على شوي شوي لين فقدت الوعي من قوة التكفيخ وصحيت لقيت نفسي مجدوعه برا موقعهم وقمت برجع لهم بشوف وش الموضوع اللي كنت فيه وش السالفه<< ماتابت بس مالقيته...المنتدى كله صار محجوب وارجع للمفضله واسحبها.. .قلت مابه احد متحملني انا وبثارتي غيرعالمي الحبيب منتدى عبير هاهاهاها<< يقال لها ضحكه شيطانيه وأدوره في المفضله وأطب فيه...ويصقع راسي بصندوق الرسايل... ويطلعلي صعرور ثاني جتني الصيحه من قوة الطيحه بس استحيت اصيح احسبهم بيعرفوني طبعا أول ماطبيت لقيت أطباق منتدى سكر مريت عليهم وأخذت قهوه وطلعت لقسم الصرقعه والفرفشه وواصلت طريقي ...ودخلت القسم وأشوف المتواجدين مافيه غيري .. ياربييييييه وين العالم يوم صرت هكر اختفوا << محد يدخل الساعه سبع الصبح وقعدت انتظر لين صكتني الشمس قلت مافيه إلا إني أهكر على المشرفين لين يجي أحد ذبحني الحر وأنا واقفه وأطب على عبير وأروح لم الرسايل تصدقون رسايله كثار مو مثلنا << ما تحب التجسس ابد وأنا رايحه. بفتح الرسايل...يمااااااااااااه... القى عبيرر جاي وجايب قهوته طلع دوامه يبدأ سبع الصبح يوم شفته وتجيني أم الركب...تعرفون بعد مشرف عام اقل شي يسويه يشيل الإشراف مني وأروح له واجدع شباصتي بحجره انا:داخلتن على الله ثم على وجهك عبيرر : خير ((معصب يمه )) أنا:أنا بنت قدر الله على أهلي وكشتوا ونسوني في هالمنتدى وطقتني الهواجيس مدري مع مين أروح ما أدل الطريق ولا اعرف احد...كبرت عشر سنين في كم ساعه... صرت فراشه ذابله... وورده حزينه... وقطوه مشرده << يقال لها بتحزنه عبيررر : خلاص رحمتك تعالي تقهوي لين نشوفلك صرفه ودخلني في صندوق التنسيق حق إضافة رد...وقعدنا بزاويته... وقعد يسولف يقالك بيوسع صدري...وأنا ماني بلمه... أدوور لوحة تحكم المشرف العام بسرقها وأروح وأدورها .يمين .يسار.مالقيتها...مدري وين مكانها.قلت مافيه إلا اني أطقها بالوجه انا: لو سمحت << هكر مؤدب لوسمحت وين لوحة التحكم الخاصه فيك ؟.؟ عبيرر: نعم انا:شوف بتجيبه بالطيب ولا ترى بهكّرعلى جهازك واحرقه عبيررر :لحظه شويه أجيبه لك أنا:وقفت وقفت عرابجه ورجعت ايديني ورا شوي وأخذت من ارض المنتدى عود اخضر وحطيته بفمي ...يعنني قويه<< متأثره بافلام كرتون وجا عبيرر معه مسدس ....يمااااااااااااااااه و أشيل عفشي وأروح أركض ورجعت عند الشباك انتظر احد .شفت البنات طولوا والشمس احرقتني رحت أفحط في الأقسام وشريت مظله ورجعت لقسمي لاتقولون من وين لك فلوس عشاني مدري وشفت مس مطفوقه جايه قلت فرصه اهكر وأقرا رسايلها ويوم ضغطت على إضافة رد... وأنا أطب في صندوق التنسيق معها تصدقون ماعندها ألوان مثلنا...هذا اللي عندها وقعدت أتمشى عندها...لقيت عندها طاوله... عليها دهن عود وبخور وفازلين ولابغت تكشخ حطت نيفيا أخذت من الفازلين شوي باهجد شوشتي... الله يهجدها وشوش بنات المسلمين اجمعين آمييييييين يوم شافتني اسرق من الفازلين وهي تطقني بمؤشر الماوس وأنا اركض .وهي تلحقني وتطقني...وأنا أروح من موضوع لموضوع وهي وراي صار جسمي كله مكسر من طقها حسبي الله على عدوها قلت بابنت بلاتهكير بلاخرابيط اطلعي منها وفكي عمرك.وافصخ جزمتي "تكرمون"وأروح عنها... وش ذا وقعدت اركض بين المواقع لين وصلت صفحة البداية...يوه... قعدت شوي أبي آخذ نَفَس واطلع ماامداني اقعد ...طردني الاكسبرولرر... وطحت مرةً ثانيه على سطح المكتب.قعدت أتلفت اكتشفت إن الأخضر مخرب جهازي ولاعب فيـه ياربييييييييييييه أجل كان يصرفني أبو راس... وجلست ابكي بحرقه  << متعوب عليها بحرقه يعني خرب الجهاز ولاصرت هكر للمعلوميه :مازلت ناشبه في الجهاز ...عجزت اطلع  |
|
#2
11-08-2006, 09:52 AM
| ||||
| ||||
|
هههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههه وربي ماعمري ضحكت كذا هههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههه :مصرقع الرياض::  |
|
#3
11-08-2006, 10:12 AM
| ||||
| ||||
|
ههههههههههههههههههههههههههههههههههههههههههههه هههههههههههههههههههههههههههههههههههههههههههههههههههه قسم با لله دخلت جوووووووووووو يوووووووووووووووووووه ليش خلصتي اقول يا حرمه امسحي دموعك سريع سريع وفكري بطريقتن اخرى عشان تصيرين هكر وانا معك قدااااااااااااااااااااااااام شميناااااااااا تحياااااااااااااااااااااااااتي |
|
#4
11-08-2006, 10:27 AM
| ||||
| ||||
| مهبول دوووووم الضحكه يالغالي الله لايهينك صمتي اهئ اهئ شسوي ابي اصير هكرر اهئ اهئ بس انت ساعدين انا وانتي بس شاكره مرورج |
|
#5
11-08-2006, 03:09 PM
| ||||
| ||||
| جميل جدا وابداع اخر لشوق جميل جدا ما كتبتي يعطيكي العافيه على الجهد الكبير في كتابه احداث القصه شــــــــــ ابداع ـــــــــــــــــــــــوق والقصه مضحكه وجميله وفيها روح الفكاهه وستعمال الفاظ جميله وجمل حلوه وفيها طرفه والقليل من الخرافات يعني خرافات شوق كثيره وفيها خيال واسع ننتظر المزيد من الخيال الجميل المفيد والمواضيع الشيقه |
|
#6
11-08-2006, 09:51 PM
| ||||
| ||||
| محتررم يعجز لساني من القول شاكر لك اخووي هذا من ذوقك الله لايحرمنا منك يالغالي |
|
#7
12-08-2006, 06:11 AM
| ||||
| ||||
| عسآكي تتمي نآشبه في الجهآز وماتطلعي منه < نذل خخخخخخخخخخخخخخخخخ < ميت ضحك لووووووووووووووووووووووووووووووووول ويعطيكي العآفيه عن جد قصصك روعه ومغآمراتك اروع  |
|
#8
12-08-2006, 10:21 AM
| ||||
| ||||
| ليش كذا انت الصد يالخقاق اهئ اهئ كل ضدي بس شاكره مرورك يالغالي الله لايحرمني من ردوك |
|
#9
12-08-2006, 10:45 AM
| ||||
| ||||
| [grade="4169e1 Ff6347 008000 4b0082"]هع هع هع هع هع هع هع خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ روووووووووووووعــــه المغـــامرهــ . يعطيكــ العــافيـــهـ ع هيكــ دعـــابـــهـ لاعـــدمنــــــاكــ مودتي[/grade] |
|
#10
12-08-2006, 10:53 AM
| ||||
| ||||
| هههههههههههههههههههههههههههههههههههههههههههههه وربي حرام دخل جو من جدا |
|
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مغامرتي ....شوفوهااااا حلوووووووووووووه مره | حساويه في هواها | بوح الخواطر | 4 | 19-05-2008 11:31 AM |
| نشرة الاخبار | ملكة الاحزان | الرجة و الهبال | 2 | 26-04-2008 03:45 PM |
| نشرة الاخبار...!! | اميرة المراجيج | الرجة و الهبال | 2 | 20-03-2008 04:25 PM |
| نشرة الاخبار | ولد الجنووووب | الرجة و الهبال | 11 | 25-01-2008 05:05 AM |
| نشرة الأخبار | خاطف القلوب | الرجة و الهبال | 6 | 14-06-2005 05:58 PM |
