صفحة 1 من 6 123456 الأخيرةالأخيرة

ديوان الشاعر خليل ابراهيم الشبرمي

إرسال إلى Facebook ارسال الى تويتر
  1. 19-08-2010, 12:32 AM
    صقر فوق مشراف

    ديوان الشاعر الكبير (خليل الشبرمي التميمي)

    ديوان  الشاعر خليل ابراهيم الشبرمي

    الاسم : خليل ابراهيم الناصر الشبرمي التميمي
    مواليد :مدينة سميرا - بمنطقة حائل 1391هـ
    المؤهل:جامعي- مدرس لغة عربيه






    قطري الهويه والقبيله سنام .. ودار جدي سميرا ولتميم انتمي
    ولجميع الحمايل فالفواد احترام .. واحمد الله تعالى دامني مسلمي


    ـ هل صحيح أنك شاعر بني تميم ؟

    شعراء قبيلة بني تميم كثيرين جدا ولايسعني المجال لذكرهم وانا لست الوحيد في القبيله بل معي مجموعة من الشعراء الكبار وافتخر انني من هذه القبيلة العريقه أن كنت انا أو غيري
    فغالبيتنا نعتز بنسبنا لهذه القبيلة الممتدة عبر التاريخ .


    الشــاعر /
    خليل ابراهيــم الناصر الشبرمي ..
    شاعر شاب ملهم شعره شعر الطبع لا الصنع . شاعر هرم
    له مقدرة شعريه هائلة ..
    شارك بالعديد من مناسبات بني تميم ..
    شاعر اسمائه الكثير من اقاربه و اهله بشاعر الجبل ( اجا وسلمى )
    شاعر له مشاركات عديده بالمحافل والمهرجانات الشعرية ..
    يمتلكـ صوت جمــــيل ومتمكن ..
    والذي دخل القلوب بلا أستئذان ..
    شاعر عذب استطاع خلال فترة وجيزه ان يكون له قاعده جماهيريه ومعجبين ..
    وشاعرنا الكبيــر احاول من هذا المتصفح ان اضع له :
    ديوان شعري أجمــع فيه كل ما ستطعت من قصائد للشاعر خليل الشبرمي ..
    فـ خليل بحق شاعر تميم القادم بقــوه ..
    .. خليل الشبرمي ..
    والان نبحر سويـــا مع قصائد شاعر " تمـــيم " القــادم بأذن اللــه ..

    بديت بسم الله اللي لادعته الناس لبـى واجـاب
    رب عطوف يشوف ظروفها ويـروف بحوالهـا
    أوي الله الله وسيع المغفره .. والله شديد العقاب
    سبحانه مقسم ارزاق البشـر ومقـدر آجالهـا



    هذه القصيده موجهة من الشاعر خليل بن ابراهيم الشبرمي الى اللواء متقاعد عبدالعزيز اليوسف
    رئيس لجنة القبول بالكليات العسكريه سابقا..
    ومناسبتها هي ان الشاعر ذهب لمقابلة اللواء في موضوع لاحد ابناء عمومته ولكنه لم يستطيع مقابلته اكثر من مرة فكتب هذه القصيدة علما بأنه كان بينهما سابق معرفه جيران وهذه القصه عام *1416هـ ..
    يقول شاعرنــا :

    ياواحد مـادون بابـك خفـارات
    ياسامع اللي بالدجاء لـك ينـادي
    يالله سالتـك يـالـه البـريـات
    عفوك وسترك والهدا والرشـادي
    ومن بعدذا يامحزمـي بالمهمـات
    اللازمـات الملزمـات الشـدادي
    ياماكر الصلولات نسل التميمـات
    يامعرب الجديـن سقـم الاعـادي

    حاولت اشوفك بس هيهات هيهات
    انا بوادي وانـت عنـي بـوادي
    والجندي الماخوذ مابـه مروفـات
    يهوشني ويقول وين انـت غـادي
    واهل المشالح والرتب الرفيعـات
    ماوقفوابالـبـاب صفـرالايـادي
    والعلم مابـه يالبناخـي مـراوات
    جاك الوكـاد ورد علـم وكـادي
    والطيب كايد بس للطيب حـزات
    والفعل صملـه والـدوادي دوادي
    واديـم الله ماتـدوم المقـصـات
    تمسي لوتصبـح انسـان عـادي
    والشر له بوجيه الاشرار شـارات
    والجود باهل الجـود بيـن بـادي
    وغيري يجيب من الامير اعتمادات
    واناعلـى رب العبـاد اعتمـادي
    يقوله اللـي مايخـون الامانـات
    ولايجحد المعروف عنده مبـادي
    وصلو على مبعوث رب السموات
    شفيعنـا يـوم الحشـر والتنـادي

    من مواضيع صقر فوق مشراف :


  2. 19-08-2010, 01:05 AM
    صقر فوق مشراف

    قلت : حق ... وقـال :: لابالله زيـف
    قلـت : عنـدي مايـبـرر موقـفـي
    قال :: كيف ؟ وقلت انا له :: كيف كيف
    بعـد ذا المـده تقـول انـك وفــي
    زل صيـف وزل صيـف وزل صيـف
    مـن ثـلاث سنيـن وينـك مختفـي
    رحت أدور عنك مـن بيـش لطريـف
    ودجت نجد مـن الهفـوف ليـا نفـي
    كنت طيف وجيت طيف ورحت طيـف
    والامـل لا طـال شمـعـه ينطـفـي
    قال احبـك قلـت حبـك حـب حيـف

    ماقبلـه لـو كـان حسنـك يوسفـي
    مامعـي للحـرب لاحربـه وسـيـف
    مـن غرابـيـل الليـالـي مكتـفـي
    وعطر باريسي وساعـة مـن جنيـف
    ماتـفـيـد ولا تـغـيـر مـوقـفـي

    من مواضيع صقر فوق مشراف :


  3. 19-08-2010, 01:06 AM
    صقر فوق مشراف

    رجواي باللي عليـه المتكـل والاعتمـادي
    وماخاب عبد(ن) على رب المخاليق اعتماده
    رحيم يحيي هشيم القاع من وبل الغـوادي
    وحكيم فيما حكـم واراد لـه حكمـه واراده
    سبحانه اللي رفع سبع السموات الشـدادي
    اللي دحر بالبحر فرعون وجنـوده وابـاده

    من مواضيع صقر فوق مشراف :


  4. 19-08-2010, 01:07 AM
    صقر فوق مشراف

    من الوسمي سحاب(ن) ساقه الرحمن ومفاجات
    تزبر وارتهش وارهش وهـل وبيـح سـدوده
    ترزم وارتكم وابهل على الروضه ونوه بـات
    يقود ونوض براقه يقيـد وترجـس رعـوده
    ردوم(ن) هل ماها من سماها والبـرد زخـات
    وغثير السيل من يوحي هديره زادت سعـوده
    ربابه لاانفهق واقفى مثل ذود(ن) من الخلفات
    تتالى واقفت ركابـه عقـب مانـزل شنـوده
    كساه العشب والنوار الاصفـر كنـه جنيهـات
    وقال الروض غني يا ام سالم باعذب انشـوده
    يطيب الكيف والدله على جمر الغضا مركـات
    بروض(ن) لااومت فنوده يفوح الطيب مع نوده

    من مواضيع صقر فوق مشراف :


  5. 19-08-2010, 01:09 AM
    صقر فوق مشراف

    يازين انا من ثمان سنين
    مجنون يازيـن بعيونـك
    والشاهد الله الى ذا الحين
    لازلـت لليـوم مجنونـك
    خفف على قلبي المسكين
    وارفق على قلب مظنونك
    ماهو بحبحب على السكين
    اطعن ولكن على هونـك

    من مواضيع صقر فوق مشراف :


  6. 19-08-2010, 01:11 AM
    صقر فوق مشراف

    البوم ينزل بالخرابـه والقليـب
    وطيور شلوى عالي(ن) منزالها
    والحق حق ودوم شمسه ماتغيب
    والمخزيه خزي(ن) على عمالها
    لاتامن الدنيا تطيب ولا تطيـب
    ما تنومـن باقفايهـا واقبالهـا

    من مواضيع صقر فوق مشراف :


  7. 19-08-2010, 01:11 AM
    صقر فوق مشراف

    من زود مابي يالغضي ترخت
    يوم الوعد هجـري وميـلادي
    ومن لهفتي ياسيـدي دوخـت
    رزنامتـي ياثالـث اعيـادي
    لاشك ما ادري وش بلاك افخت
    ياباشـة الغـزلان ميـعـادي
    يا حيلة الله فـي رداة البخـت
    حظي معك بالوصل ماجـادي
    الله يجيبك يا غـرور اليخـت
    الموج ماهو دايـم(ن) هـادي

    من مواضيع صقر فوق مشراف :


  8. 19-08-2010, 01:16 AM
    صقر فوق مشراف

    يا عيوني عيوني عن خطـاك معصوبـه
    مخلص(ن) لك بحبي والليالـي عصيبـه
    ليه ماترحم اللـي منـك يمـك هروبـه
    ومـن عذابـك لذيـذ مـا يهتنـي بــه
    بعدك اقسى عذاب وقربك اعذب عذوبـه
    ووصلك اكبر نعيم وصدك اكبر مصيبـه
    وصمت اعظم عقاب وهمسك اجزل مثوبه
    وانت طب الجروح المبطيـه والعطيبـه
    سقت جيش العتب لاشك واجه صعوبـه
    وانسحـب مـن ميادينـك كتيبـه كتيبـه
    تـدري ان المحبـه ياحبيبـي عقـوبـه
    وادري المحبـه طـوع ماهـي غصيبـه
    وادري ان الدقايـق والعمـار محسوبـه
    حسبي الله على حظـي وربـي حسيبـه

    من مواضيع صقر فوق مشراف :


  9. 19-08-2010, 01:16 AM
    صقر فوق مشراف

    الوصل طاعه والقطاعه جريمـه
    سنة محمد في صحيح البخـاري
    ومن لايميز صاحبه من خصيمه
    لابد عينـه مـا تهـل العبـاري
    والجود له بوجيه الاجواد سيمـه
    والشر مثله بالعرب له مـواري
    والحر يفهـم والبهيمـه بهيمـه
    والاصلي اصلي والتجاري تجاري

    من مواضيع صقر فوق مشراف :


  10. 19-08-2010, 01:18 AM
    صقر فوق مشراف

صفحة 1 من 6 123456 الأخيرةالأخيرة

المواضيع المتشابهه

  1. آخر مشاركة: 11-12-2011, 07:01 PM
  2. آخر مشاركة: 14-05-2011, 06:03 PM
  3. آخر مشاركة: 19-11-2009, 07:03 AM
  4. آخر مشاركة: 11-08-2009, 11:37 AM
  5. آخر مشاركة: 26-01-2008, 10:05 AM