كتبتك شطر في شعري ابي احكيلك عن احزاني

جلست اليوم واليومين ثلاثه واكتملي اسبوع



ويوم اني قدرت اكتبك واكمل شطرك الثاني

تذكرت الوصل واقوم اغير صيغة الموضوع



لقيت انك مواضيعي ملكتي جو وجداني

وشفت ان الشعر فيكم يبي له يالغلا مشروع



وانا معاد لي قوه بعد ما بُعدك ابلاني

وان قلت الشعرلحظه فلحظاتي اهل دموع



على خبرك زمان اول قبل مااصير وحداني

زمن شعري مع وصالك وكم دونت لك مطبوع



فما احلا نبات الشعر بكم في ارض ديواني

ومااحلا ثمار الحب على ارض الوصل مزروع



تعالي نقسم الشكوى دخيلك يكفي هجراني

تعالي يا داو قلب ٍ عليل ٍ في الهوى موجوع



تعالي وقفي وشوفي بقايا روح بانساني

ٍٍتعالي حاجتي عطفك امانه اوعدي برجوع



تعالي واسمعي شعري باغنيبه مع اللحاني

تعالي واسمعي اعذب كلام ٍ يالغلا مسموع



تعالي ما بقى شي ٍ على جنون ٍ بيلقاني

واصير بعيون عذالي شماته والقلم مرفوع


تحياتي

توقيع : احمد الشمري

كلماتك تلامس القلب والوجدان وهي هذه الحياة تاخذ اكثر مما تعطي اتمنى لك كل الخير ولاتحرمنا من مشاركاتك