الحب نصه اهتمام

السلام عليكم ورحمة الله وبركاته



بداية ..~
اهتم فيني .. حط بالك عليا ..
سكنّي بروحك وعينك وقلبك ..
حافظ على أهل القلوب الوفية ..
مو كل يوم تلاقي واحد يحبك ..
أنا لك وودي تكون إنت لي ..
يا شين غيباتك ويا زين قربك ..
أبسط حقوقي إنك تحس فيا ..
وأحس إني بكل الأوقات جمبك ..






بطبيعة النفس البشرية .. لما تدخل بعلاقة سواء مع حبيب أو زوج أو خطيب .. تحب تكون محط اهتمام الطرف الاخر طول الوقت ..
يعني كل طرف يتذكر الثاني بأي شي لو بمسج صغير (( اشتقت لك )) صحيح بسيط لكن صدقوني يفي بالغرض ..


ما أقول نحاصر بعض لأن الحصار مو حلو وكريه ويزعج الاثنين ..
ولكن برضو الاهمال يقتل الحب على المدى الطويل ..
لما تعطي وتعطي وتعطي في الحب ما تنتظر رد العطا لأن الحب عطا وعطا فقط ..
لكن لما تعطي ويواجه عطاءك بالاهمال طبيعي مع الوقت يخف عطاءك وتصير تتردد تكمل ..


إذا حس أي طرف في أي علاقة بعدم اهتمام أو اهمال من الطرف الثاني بيتضايق أكيد ويبدا يلمح بطريقة أو بأخرى ولو ما فاد التلميح
واستمر الاهمال وقتها ممكن يجرب يبعد وبيبدا يخفت الحب جواته (( يخفت القصد منها يخف وهجه وحماسه وانطلاقته )) ..
ولو خف هالشي ممكن مع الوقت يصير وجوده وعدمه واحد ..
ولما يبغى الطرف اللي بدا الاهمال يسترجع الحب والشي اللي تعوّد عليه ما يلقى أحد ولا يلقى شي ..


أصعب شعور على اللي يحب الاهمال من الحبيب أو الزوج أو الخطيب .. أو حتى الصديق ..


لما طرف يسوي كل شي عشان يرضيه ويسعده والثاني بس ياخذ ويسكت حتى تعبير عن فرحته فيك واحساسه باللي تسويه عشانه ما فيه ..
والكلام تشحده منه شحادة .. طبيعي مع الوقت بيمل ويتعب ويزهق .. ويصير ما عنده شي يعطيه ..






الأسئلة ..~


1- رأيك بالمقولة " الحب نصه اهتمام " ,, تؤيدها أو لا .. ؟


2- لو تعرضت للإهمال من الطرف الاخر ,, كيف بتكون ردة فعلك .. ؟


3- كيف تصرفك مع الطرف الاخر لمن يهملك وما يهتم فيك وبالأشياء اللي تحبها ..؟


4- تصبر عليه .. ؟ إلى متى ؟ متى ممكن يخلص هالصبر ..؟


5- هل باعتقادك إن الاهمال يخفف وهج الحب تدريجيا ً..؟


6- لو كنت إنت الطرف المهمل .. لو جا فيوم وسمعت إنه اللي اهملته راح وما عاد يرجع بأي طريقة كانت ,, ايش موقفك وكيف بتتصرف ..؟


7- أترك لكم هنا حرية التعبير ..!



خاتمه ..~

تصّور كذا ..
يصير شي ما تتوقعه ..

يا خذ امانتي رب العباد ..

و يختفي صوتي و ما تسمعه ..
تصّور لو يجي هاليوم ..

و تندم على ما فات ..
و تتحسر على اهمالك ..

و تزيد في صدرك هموم ..

و تبكي فراقي ..
بس .. بوقت متأخر ..

قلي وقتها بتكون مرتاح ؟؟!!




دمتم بحفظ الله
 
جبتها على الجرح وكنك مادريت
موضوعك رائع بكل ماتحمله الكلمه من معنى
بس اعفيني ياعسسسل من الاجوبه
مشكوووره خيتوووو
 
عودة
أعلى