قصيدة لاتلعن الفقر - فزاع

لاتلعن الفقر يالشاعر ولاتشره
رسول الامة فقير ومنهجه سامي

لو كل واحد حزين اتحده العبره
لقيتني ابكي ضنوني على أوهامي

لكن أصبر على الشوق وعلى امره
واصد عنه حبيبي لو انا ضامي

اسابق اليوم من فجره ليا عصره
واحلف والله ماتسبقني أيامي

أستثمر أخطاء هذا اليوم لبكره
عشان ماتتعب من احلامي اقدامي

والحب جمره على جمره على جمره
والبعد عن من تحب الميسم الحامي

والزين ماهو بزين الخد والبشره
الزين زين الخلق والعاتق السامي

مداعبات القصيد المرنة الخطرة
تنشط الدم بي وتزيد بالهامي

قد قال شيخ الشيوخ الي سبق عصره
يامرحبا يامعنى خط الاقلامي