قصيدة تطاير فكري واحساسي - فزاع

تطاير فكري واحساسي من الخفاق دون شعور
وصار القلب ما يميز وانا ما اميز احساسي

بدا يطري على بالي وبراكين الضمير تثور
لوين آصد لي يطلع .. حتى وسط هوجاسي

أبيك تكون (عزام) الذي يلعب وله جمهور
وانا طبعا في جمهورك لا تنسى انك بني ياسي

أبي حال الموده تصير كما حبل الوتد مزرور
متى منك قطعته ينقطع به حبل الانفاسي

ترى نور الفجر أحيان ياخذ من غياب النور
متى ما تشابهت الاعداء إحذر ضربة الراسي

ومتى ما جاتك بطيب تخليها لابو عسكور
وترد لها الجميل بطيب سياسي واكبر سياسي

وكم واحد ضايع ويترجى ما بين بحور
ومركب حبكم يبحر ولا يصبح لها راسي

ترى من يطعم الاخلاص ما يرجع يبي عنقور
ولى ضاري على المصعاد ما يمشي بمنكاسي

وحتى النور لو هو غاب عقب ليله يجي له نور
وزر حزامك انت اليوم ترى القاسي يبي قاسي

بأبي تنسى وتتناسى وتنسى انك نسيت الشور
وتنسى انسان ما ينساك وتتناسى ولا بناسي