شحن جوالي انهيته وقفل... وافتحه امرار

أبد لاتسألين بغربتي عن اخر الأخبار
عمت عين السفر دامي أذوق المر من كاسه!


أنا اللي بسألك قولي.. جواب بكلمتين صغار
بلد من دونك (اش) يسوى بعيني؟ يابعد ناسه


بدونك.. ما أطيق البعد لو هو بيننا أمتار!!
ولكن هالفراق أقوى ولاينفع به سياسه


ترى لولا اتصالاتك.. برغم اللي يدق.. كثار
حشى مافيه أحد غيرك يرد لصدري أنفاسه


ألا ياشوق خفاق ٍ ضويتي ظلمته أنوار
وصار اليوم ينبض لك مشاعر حييييل حساسه


تبي تدرين بفراقك معي يا الغاليه وش صار؟؟
تبي تعرفين مجنونك وش اللي قالب ٍ راسه؟؟


لك الله عايش بحالي/ لحالي.. شاعر ٍ منهار
وأنا كل ما طريتي لي صرخ شعري بقرطاسه!


يمر يومي.. ولابه غير همي والحزن زوار
عسى الله يرحمه حال ٍ غدا هالثنين جلاسه


شحن جوالي أنهيته!! أقفّل .. وافتحه أمرار!!
قسم لولا رسايلنا .. حبيبك قاتله ياسه!


فقدتك والدمع لامن ذكرتك يفضح الأسرار
ولا أشره على وقت ٍ به الأيام دساسه


أسلي نفسي بكثرالأماني..واليدين قصار
وأنام وربي العالم وش اللي خاطري حاسه!!!



كأني من ملك أسهم يبي تضحك له الأقدار
وقدّم كل ماعنده.. وفجأه أعلن إفلاسه!!


كأني طالب بغربه.. تذكّر عيلته والدار
وهو كل ماذكر أمه! ملا هالدمع كراسه


أعاني كثر ماتملك ومالك بالحشى تذكار
و(أحبك) والبلا حبك أبد ما أملك قياسه


جعل في داخلي عرق ٍ سمع بك يا الغلا ماثار!
يموت.. و وش لي بعرق فوصالك ميت إحساسه


حياتي تسأليني عن جديدي بالشعر وأحتار؟
وش أكتب لك شعر وانتي غديتي اليوم نبراسه!


ولكن أوعدك شعر ٍ لاقوله يتعب الشعار
متى ماشفتك وموعد لقانا دقت أجراسه


لأن مافيني أتحمّل بعادك في سفر وانهار
عسى لايعيدها سفره.. ولو هي كانت اجازه!!!



منقوووووله​
 
التعديل الأخير بواسطة المشرف:
نقل رائع
يعطيك الف عافيه

ياليت تكتبين تحتها منقوله
اذا كانت منقوله من غير منتدى

للامانه الادبيه
 
شفايف تووت

بصراحة القصيدة ((جوونان ))

وتحمل كل معاني الروعة في كل بيت من ابياتها

من اجمل ماقراءت في الفراق

الف شكر على نقلك المميز
ولا تحرمينا من جديدك
تقبلي تحياتي
 
:b:حروفي ودها توصف مانقلته
¤من البدايه => الى النهايه¤
تراني مابغيت إلا أتعمق في
معانيها ..

لو أنها حروف منثوره فانتي فنانه "بالتشبيك"

وشبكتيها على صوره تحير عقل قاريها ..

ورسمتي بحروفك حب وتفننتي وأبدعتي فيه

تأملت كل كلمة من 'حرووفك'
ولا تعديتها

مع ذلك أحس إني عن التعبير عاجز ...
بس ما أخفيك ؟!

أحس إنك ..!
((تقدرين لعثمة حرفي))

تقبلي مرووري :a:
 
سلمت يداك على هذا الإختيار الراقي ....

و أعجبني هذا البيت و ما فيه من معاني و صور فنية :

" يمر يومي.. ولابه غير همي والحزن زوار *** عسى الله يرحمه حال ٍ غدا هالثنين جلاسه "

شكرا ......
 
تسلموووون ع المرور

وهذا من ذوووقكم..

وامير بكلمتي

كل واحد وذوووقه منت مجبووور تدخل الموضوووع ..

وفي وجهات نظر مختلفه

واتقبل وجه نظرك
 
يعطيك العافيه شفايف توووت
قصيدة كتير جميله وكل واحد بيقول لكي انو القصيدة مش حلوة اصلا هو ميعرف شنو معنى قصيدة
تحياتي
 
عودة
أعلى