| | |
|
|
#1 
19-03-2006, 01:01 AM
| ||||
| ||||
| الأم - حامد زيد قصيدتي زاد بعيونها بجمالها.. وأخذت انقى بالمعاني جزالها.. واكتب معانيها من الشوق والغلا.. لأمي وانا اصغر شاعر من عيالها.. كتبتها في غربتي يوم رحلتي.. لما طرا لي بالسفر ماطرالها.. امي وانا بوصف لها زود حبها.. وان ماحكيت لها قصيدي حكالها.. امي لها بالقلب والجوف منزله.. ومكانة ماكل محبوب نالها.. اقرب من ظلالي وانا وسط غربتي.. وانا تراي اقرب لها من ظلالها.. ماشافت اعيوني من الناس كلهم.. اتبع رضاها وارتجي زود قربها.. واللي طلبته من حياتي وصالها... الصدق مرساها والأشواق بحرها.. والعطف واحساس الغلا راس مالها.. اهيم فيها وابتسم يوم قلبها.. تسال وانا قلبي يجاوب سؤالها.. وان طلبتني شيء فزيت مندفع.. اموت انا واحمل تعبها بدالها.. واصبر على الدنيا والأحزان والتعب.. واحمل على متني فطاحل جبالها.. واسهر واعذب راحة القلب بالشقا.. واعيش اعاني بس يرتاح بالها.. تربية ابوي اللي على الطيب بذكره.. اللي وهبني للحياة ومجالها.. نور لي ادروبي وانا طفل مبتدي.. حتى تركتني واحد من رجالها.. الوالدين اولى بالإحسان لجلهم.. واولى بتكريم النفوس وعدالها.. اقولها وانا على الله متكل.. والله يعلم بقدرتي واحتمالها.. ياكلمة اغلى من الناس كلهم.. ياشمس بقلبي بعيد زوالها.. يافرحة تملي لي الكون بالحمله.. ياشجرة تكبر ويكبر ظلالها.. تضحك لي الدنيا ليا شفت زولها.. مثل السما تزها بطلة هلالها.. والبعد عنها ياهل العرف مااقدره.. لاشك ناري زايده بإشتعالها.. مااعيش ببلاد ولاهيب بارضها.. ولابي عيوني كان ماهي قبالها.. ارض تدوس امي بالاقدام رملها.. اموت فيها واندفن في رمالها.. التعديل الأخير تم بواسطة الصمـت الجـارح ; 23-12-2007 الساعة 10:19 PM  |
 |
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لو شفت حالي كيف عايش بلياك تبكي على حالي وتكره غيابك | مجهولة الحياه | رسائل جوال | 18 | 23-05-2008 04:49 AM |
| شعر عن حب الأم | زينة الاخلاق | الشعر | 1 | 19-04-2008 07:56 PM |
| الأم | نجمة قطر | بوح الخواطر | 6 | 02-11-2007 03:02 AM |
| احذروا غضب الأم | سلطان الشمال | القصص والروايات | 5 | 05-02-2007 08:09 PM |
| من أجل أمك أدخل ( قلب الأم ) | ملك العشق | الشعر | 8 | 28-06-2006 04:31 AM |
