إذا كان الخطا ديرة وفيها المذنبين تراب
بصدري للعذر عالم تحير بشعبه الأمّه


وإذا كان الوفا عالم وفيه الأنقياء احباب
انا واحد من العالم يدور للوفا لمّه



تصدق يوم ضاقت بي وصك الناب فوق الناب
لقيت الصاحب أول من سقاني كاس من سمّه


وانا مااخطيت لكن الخطا جاني بدون أسباب
وترى الغلطات هي اللي خذتني فوق للقمّه


ابكتب دون تقييد وقواعد واسئلة وإعراب
أبتمرّد على التشكيل بالفتحة وبالضمّه


خلص ماعاد باقي بي على سجن الحروف اعصاب
على راسي يا (سيباويه) .. وكل اللي نطق فمّه


وربي مانزف حرفي لأجل يكسب عيون أعجاب
ولكن الزمن بعثر طموح ٍ جيت ابالمّه


قسم بالله من تالي احس بضيقة ٍ تنتاب
محاديب الضلوع وكل ماباقي بي تعمّه


ذبحني هالشقى (مل .... ابوجده) ياهو غلاب
لوانه شخص واجهته ونسيته (حليب امّه)


يضيق الحر في قيده ونفسه تطلب المرقاب
يثور / ويندفع / يصبح فدائي/ صلب... ماهمّه


لأنه يعشق الحوم وفضى الحرية الجذاب
ويكره (ديكتاتورية) قيود ٍ زوّدت غمّه


أحب الورد وأنفاسه وأهيم بشكله الخلاب
ولكن ماقدرت اخذ من أزهاري ولو شمّه


أسكر عن همومي باب...تفتح لي الحياة ابواب
واحاول كل ماضقت استعيد الصبر والهمّه


أجفف دمعة الباكي ودمعي بالخفا سكاب
اعانق واقعي واترك أساي ضلوعي تضمّه


لو اني ب أكره الصادق .. وربي ما أعشق الكذاب
لأن الصدق من أصله كره سيرة ولد عمّه


صباح الخير ياهمي صباح الخير يالأتعاب
صباح الخير يا أجسام ٍ بلا قلوب وبلا ذمّه


صباح النور ياظلما الحياة وضحكة المرتاب
عساك بخير ياقلب ٍ تسيّد مملكة همّه


وش أخبار الضياع اللي يضيعني وهو ما غاب
هلا بهالجمعه اللي كل موت يشوفني يمّه







م ن ق و ل