| | |
|
| |||||||
| الشعر شعر, قصيد, شعراء, قصائد مسموعة, |
 |
| | أدوات الموضوع | إبحث في الموضوع |
|
#1 
15-06-2008, 05:05 PM
| |||
| |||
 قصيدة للشاعر العراقي الكبير عريان السيد خلف -------------------------------------------------------------------------------- القصيدة للشاعر الكبير عريان السيد خلف اتمنى ان تعجبكم ليس عندي غير روحي وكانت .. وتبقى نذرا ....... ادك روحي .. نذر للجايب ابشاره واورجه اعله الجروح ، المالهن جاره جرح ينزف .. جرح باني .. اعله بسماره - خجل .. والمايخاف اللوم.. يرضه ابذلته وعاره يالمبشر .. مته المكَصوص جنحه ايطولن اكَصاره ؟ ومتى الوكت التراده ، ايبدل اطواره ومتى العايش غريب ، ايأمن ابداره ... ؟ يالمبشر .. ممحله الروح .. غيمك .. عزّت امطاره اوجثيره المايهزها الضيم .. جن اكَلوبها حجارة ولو لذة عشيج الموت .. كَلبه .. ايموت بسراره لجن ، شانت على المذبوح .. دمه .. ايضيع فجّاره دَفك عينك ، زمانك ليل .. ليل .. ايريدله انطاره ولا كلشي الجليته ايطيح زنجاره ولا كلمن يموت ايضيع تذكاره هلبت .. مات (جيفاره .. ؟) اوهلبت .. (هوشي منه ) انكَطعت اخباره ..؟ عمت عين الوجاغ الماتشب ناره ولو دنياك غداره ولو .. جرحك .. جرف تعبان .. تغفه الآخ باكتاره لجن .. بيه العتب شاره امن اشوفن : دانك السفان .. صار الروج .. حدّاره يهلتشبر ، خيال الليل .. وترد كَاصره اشباره اعله هونك .. بيه الك حسبات كلها اغيوم مطاره ابدمع ، يا دمعة المهظوم .. ما ما تعتاز .. تسياره يناري .. المالجم عاره اعله هونك .. من يهاب السيل .. لو ينخاض تياره اعله هونك .. من تربّه اهلال .. غطت غيمته انواره دَذر ، جرح الصبر بارود .. خل يتباهن اكتاره يبارغ .. من تضيف الموت .. يخشى الموت .. خطاره آنه الجرحك .. عشت مجروح .. وانته .. ابعشر معشاره الم بيه الوجع نيشان ثاير .. ما يرد ثاره واهزك هزة المطعون ، من تتلايم اكتاره اعله وكتك والوكت مشوار .. غمّه الباع مشواره واداري العيب تتداره اداري العين .. وانته العين .. والدم .. اورفيف الدم اداري الآه .. انته الآه .. وانخه الروح .. لا تهتم اداري الحيف .. كل الحيف .. ظل بيك الحلم .. يحلم اداري اوكَضت روحي انذور .. لاوِد لا شمل يلتم يهاوي الروح غم الروح كون ابشان ما تحلم يباجي العين .. ذل العين بالدمعات تتوشم هظم والشال هظم الناس لوجّه الموت ما يندم لَوَن .. شحت دموع الغيض .. خل دمع العتب .. يلتم ندامه ، اعله الشرف .. ينداس والداس الشرف .. يسلم !؟ ندامه ، اوعزّة المندوم .. وكت الثار .. يتحزم فشك .. والمافهم معناك .. بزمور التفك .. يفهم او جرعنه .. اشجم شكل علكَم .... ؟! وِنِت طيف المحبه .. اوشوك الولايه انت .. زخات غيمه .. ابكَاع صبخايه يشاتل بالكَلب دايات .. دايه اتلوب .. من \دايه يبو الشط التعيش اوياك .. قصته .. طينته .. اومايه اشتكَل لمشذبات الروس .. لوجن ليك .. شجايه .. اشتكَل للطاح .. بين ارماح .. كلها اوياه كَصايه .. ؟ اشتكَلي ؟ .. اوبيك روحي اتموت وترد .. بيك تتحايه ابرجاها ولو كسرها ايجيد .. تصرخ وين جباره .. ؟ اوثكَلها .. اوعادة المضهود .. بالمعبار .. يتباره ولو .. جرحك جرف تعبان .. تغفه الآخ .. باكتاره لجن .. شانت على المذبوح .. دمه يضيع فجاره  __________________ تحياتي  |
|
#2
16-06-2008, 07:01 PM
| ||||
| ||||
| قصيدة جميله يعطيك العافيه عاالنقل الجميل كون بخير |
|
#3
17-06-2008, 03:32 AM
| |||
| |||
| مرورك الكريم اسعدني وانار جدران متصفحي اختي الغاليه دمتي بالف خير تحيتي |
|
#4
17-06-2008, 08:10 AM
| ||||
| ||||
| مشكور اخو ي قصيدة جميلة واختيار رائع يعطيك العافية |
|
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أحلى أبيات للشاعر الكبير حامد زيد | اميرة العشاق | حامد زيد | 0 | 02-03-2008 08:54 PM |
| اجمل قصيدة قيلت بالشام قصيدة ميسون للشاعر نزار قباني | * الراقص مع الذئاب * | نزار قباني | 0 | 27-01-2008 06:50 PM |
| قصيدة الشعب ...للشاعر بدر الضبعان | سااااكب الدمعه | الشعر | 8 | 24-12-2007 09:22 AM |
| قصيدة لا تصالح للشاعر أمل دنقل | عزالدين القوطالي | الشعر | 3 | 02-05-2007 05:44 PM |
| قصيدة : مفقودات للشاعر العراقي أحمد مطر | عزالدين القوطالي | الشعر | 1 | 26-04-2007 03:11 PM |
