| | |
|
#1 
10-06-2008, 08:06 PM
| ||||
| ||||
 ديوان الشاعرة كبرياء شمريه بسم الله الرحمن الرحيم السلام عليكم مقدمه بسيطه عن الشاعرة.. كبرياء شمريه شاعرة من المملكه العربيه السعوديه من مدينة حائل شمال المملكه وتقيم في مدينة الخبر شرق المملكة كبرياء شمريه سطعت كنجم في سماء الشعر النبطي لها كتابات رائعه و اسلوب راقي اشتهرت برثائها لوالدتها المتوفه في اغلب قصائدها مدحت والدها و تغنت بقبيلتها شمر وكتبت لدفاع عن الرسول الكريم صلى الله عليه و سلم اترككم مع بعض من قصائده التى استطعت ان اجمعها لكم ؛ ؛ ؛ دمي ... ودموعي كتبت من ..دمي ..ودموعي قصيدة وبروزتها بقلبي ل حدى والديني وغنيتها بصوت العذاب و نشيده لاصحت صاحت و امطرت مقلتيني ليله عسى الله بالعمر لايعيده شفت السواد بدنيتي محتويني ضاق الفضا و امسيت كني و حيده ومن المصيبه صرت ماعرف ويني فارقت به اغلا البشر والبديده امي بعد روحي و قلبي و عيني الغاليه .. الحالمه ... الفريده اللي لها من الشوق تعرق يديني من غيره ..اللي بالزمن لي عضيده ؟ من غير ماشكيله .. تحس.. و تجيني كانت هوى قلبي و نبضه و عيده ودكتورتي ..لابين الهم فيني اقرب من اقرب شي لو هي بعيده وماكان يخفي شي بينه و بيني راحت .. وتبقى في حياتي فقيده وادري بتبقى مظلماتٍ سنيني لو كنت بين الناس كني سعيده الخافي لو بالشعر لازم يبيني يالله يالي كل خلقه عبيده ابسألك يافزعتي ياعويني تغفر لمن كانت بداره زهيده رحمتك ياأرحم من الرحميني وتنور لها قبره و ترفع رصيده وتمطر عليها الغيث في كل حيني وتكتب لها عمر(ن) بدار(ن) جديده مع النبي و اصحابه الصالحيني التعديل الأخير تم بواسطة *مزون شمر* ; 10-06-2008 الساعة 08:26 PM  |
|
#2
10-06-2008, 08:09 PM
| ||||
| ||||
| نزف لم يكتمل .. لكِ امي . صعب اخبي دمعتي بين البنات لابدت كل (ن) تسولف فأمها الفراق اول تفاصيل الشتات بعده الايام يثقل دمها من ظلمني جعل عينه ماتبات تبتله بهمها و بغمها ،،،، للشقا في عالمي حظ و نصيب صار له عامين من عمري معي فالنهار يكون من ظلي قريب والمسا جثم ورى حدب اضلعي من بعد وارى الثرى اغلى حبيب وابتدا شوف المعزي و انعي ،،،، ياطيف الحباب لاتشكيلي ابكيلك ويضيق صدري علي و تذرف العبره بعدين ياطيفها لاضقت ياويلك يتكدر الميت اللي في وسط قبره من كبر قدره وحبيله و حبيلك ودي اكون الشموخ اللي على خبره ،،،،، كيف اسلي خاطري بعد الاحبه واتحدا واقع يكسر جناحي كل ماافتح باب انس الحزن ضبه سجن همي مانوى يطلق سراحي شمعة الضحكه غدى منهو يشبه وراحت الضحكه مع أدراج الرياحي جعل ذاك اللي رحل مغفور ذنبه روح روحي نور عيني وارتياحي جعل بيت مارثاه ولا انكتبه أكتبه باليل و انساه الصباحي ،،،،، تدري متى تفقد حبيبك وغاليك لاصرت وسط مناسبه مع قرايبك ياخذك تفكيرك عن اللي حواليك وتذكر طيوف اللي تحبه وغايبك وتقول ياحظي انا وين اوديك يوماً بختي منك دايم مصايبك فرقا و حزن وموت هذي لياليك محاسنك تقلب عليها معايبك ،،،، دفتر قصيدي و الوله والمعاناه وانا... غدينا فالزمن مثل الاخوان نترجم الحرمان و الحزن والاه وتبوح بالاشعار بأنغام والحان ،،،، لو اتظاهر بالفرح بعض الاحيان لابد مايظهر بأني حزينه غديت انا للحزن مرسى و عنوان وامسيت له مخدع و خدر و مدينه ،،،، يمه وفاتك تحط القلب بحزانه والله والله يايمه وحشتيني الوقت بعدك يايمه مال ميزانه ياليت انا الميته وانتي رثيتيني ؛ ؛ ؛نزف لم يكتمل ... لكِ أمي اليوم كملنا بفرقاك عامين غبتي ولاغابت طيوفك وذكراك باليت يومي قبل يومك بيومين لايابعد ذولا وذولا و ذولاك والحزن والله مابرح بعدك العين ماغير اطالع صورتك واتحراك ،،،، متي ولاكن لاتزالين حيه لازال لك في القلب ذكرى وطاري يااعز وغلى من حياتي عليه غبتي ولاغابت عن القلب ناري ،،،، اذكر كلامك يوم كنتي تقولين لحدن يشوف الحزن يغشا محياك ابي شموخك عز في العسر و اللين ولحدن يشوف الضيم والحزن وبكاك ،،،،،، يامميتي من يوم فرقاك للحين وانا اتقطع شوق لاحل طرياك حنا بما قدر لنا الله راضين يالله عسا في جنة الخلد مثواك ،،، غبتي ولازالت طيوفك وذكراك تقض مضجع مردي كل ليله عامين مرت من غيابك وفرقاك ساعاتها مرت بدمن ثقيله اكذب على نفسي اذا قلت ابنساك مهما تجي ساعات بعدك طويله |
|
#3
10-06-2008, 08:12 PM
| ||||
| ||||
| بنت عز وشمريه ادري اني بنت عز وشمريه والثقه من فضل ربي تاج راسي من جبال آجا وسلمى شي فيه الشموخ الل مخليهم رواسي وارثه من ربعي النفس الابيه والوفا من طبع ابوي وطبع ناسي من هل الاحقاد ماوالله عليه شامخه رغم التحدي و المآسي مادخلت النت ادور للحميه او ادور من يحن او يواسي وماادور لا حبيب ولا خويه الشرف ستري و ثوبي مع لباسي والعلوم الناقصه ماهي ليه كاسها من فضل ربي غير كاسي جيت من دافع غلا نجد العذيه والتراث و حبها الشي الاساسي القنعه هي غنى النفس الغنيه وكبريائي منبعه من طيب ساسي بس ياللي تستغل اني بنيه انتبه ماودي تطيح متواسي اعرف اني غير عن هاذي و ذيه لو تجي بابيه عاملًي سياسي لاتدور عندي اية نرجسيه لو بحلم الليل من بعد النعاسي ويوم اغض الطرف عن بعض الاذيه في طروحاتي و في بعض اقتباسي مانقص مني كبير ولاشويه لو حذف نزفي ولو يقلع غراسي التزم بالصمت كله طيب نيه ماابي كثر السوالف و الحساسي والا انا على قناعاتي قويه واعرف اني صعبه وصعبٍ مراسي واعرف اني صح ماجبت الخطيه واتحد الاصمعي و ابو نواسي ما ابي منهم كثير ولا بليه ما ابي منصب ولا موقع رئاسي جيت من دافع غلا نجد العذيه والتراث و حبه الشي الاساسي القناعه هي غنى النفس الغنيه وكبريائي منبعي من طيب ساسي ؛؛؛؛؛؛؛؛؛؛؛؛؛؛ العبره العبره اللي لها كم يوم مكتومه استوطنت في حشاى وخاوت عيوني لقت لها في صميم القلب منظومه توافقت مع جروحي واعشقت كوني عامين مرت و هي فالروح معزومه فالنون بين الهدب و الموق و جفوني وبتروح و الكبرياء ماهانت عزومه كله علشان من غابو ووصوني والضحكه اللي لعين الناس مرسومه ملت وهي مالبق لونه على لوني ماعاد تحلالي القعده ولاالنومه متضايقه واكثر الغالين ملوني من غايب ليت يومي جا قبل يومه اقفي وخلى الحزن فأمي يموني بقا لي الذكريات وريحة هدومه ودموع ماتستحيى من ضحكة سنوني مير المقادير مكتوبه و مفسومه ومن لااحتسب مالقا صبرٍ ولاعوني وانا رضيت القدر والعيش محرومه وعسى العوض خير قدامي و من دوني لو ينشري الضحك بشري لو غلا سومه بفرح قلوب من حولي يحبوني ارضيبها ابوي واخواني وملزومه اجامل شعورهم لاجو يواسوني بعيونهم مااحب اكون مهزومه اخاف من زايد الامي يضيقوني هاذي ترى ...كبرياء وآخر علومه كتبتها فالقصيد لمن يهموني تعيش في جو حزن تبرق غيومه ولاتبي اكثر الاقراب يدروني من لام من فارق امه ربي يلومه وعساه يمشي مع العربان مجنوني وعسى الغلا في جنان الخلد مخدومه امي و مغزى القصيد وقرة عيوني |
|
#4
10-06-2008, 08:13 PM
| ||||
| ||||
| حبآ لمحمد ياشباب اطهر ثرى واطهر بلد وينكم للذب عن خير الانام وينكم يانسل ابوبكر و سعد يوم اهانو (احمد) عيال الحرام كيف من صلى وللباري سجد مايدافع عن نبية بالكلام من بحبه قراب اللفرد الصمد خاتم الرسل المبشر و الامام من نسلمله سلام بلا عدد من عليه مع الصلاة ازكا السلام من يشفع يوم مايشفع احد من بنوره ينفلق قلب الظلام نخوتي للبنت قدام الولد وكل مسلم قد دعا عند المقام من له القدره ولاقدام وبعد للدفاع عن الكريم ابن الكرام الحبيب الهادي و نور الابد الشفيع لامته يوم الزحام |
|
#5
10-06-2008, 08:14 PM
| ||||
| ||||
| شمر شموخ الصمت ابلغ من كثير الملامه اذا جرح قلبك عزيزٍ وغالي الجرح يبرى بس جرح الكرامه مايندمل مهما تطول الليالي قلته وانا ماني بزرقا اليمامه لكن ورثته من عزيز الرجالي ابوي رمز المرجله و الشهامه تشهد له الايام فأول وتالي من سالف اجداده رفيع مقامه وفي شمر المنسب ذياب العيالي عدوهم يبشر بذل وندامه وضيوفها تبشر بنحر الجمالي احفاد حاتم ماتجيهم رخامه تاريخهم شامخ شموخ الجبالي من اشجع الي يلبسون العمامه ومن زود عزتهم يميل العقالي من قابله يفرض عليه احترامه متواضع وطيب و صدره شمالي ربيت في حبه و طاعة كلامه الصارم الحاني والاب المثالي احب توجيهه واحب اهتمامه ويالله عسي ارضيه في كل حالي هو نور قلبي فالزمان و ظلامه والقا معه دايم أجابة سؤالي لو لاه ماصار لقصيدي علامه ولابلغ في العين حد الكمالي ولاصارت أثياب الاصاله وسامه وأرضيتبه عمي و أبويه وخالي |
|
#6
10-06-2008, 08:15 PM
| ||||
| ||||
| واثقه ماني بحب اللعب و الغش و الكذب الله خلقني في حياتي صريحه طبعي وفاء و الصدق واطباع تنحب مثل الزهر لافاح ينعش بريحه امشى بخطوه واثقه لآخر الدرب ومن مال عن دربه يامسرع مطيحه وبنات فكري لانخيت الشعر سرب من بحر هاجوسي تفيض القريحه شربت من جدي وابوي الوفاء شرب الساس طيب و الضماير صحيحه الشمس يشرق نورها قبل تغرب ولولا الخطا مافيه لوم ونصيحه هذي انا ياغاية الروح و القلب ماقلتها ارجي من وراها مديحه يشهد على ماقلت ياعالم الرب واللي غلط في حقي الله يبيحه |
|
#7
10-06-2008, 08:16 PM
| ||||
| ||||
| الحزن المميت سيرة حزني الدامي ولا ادري وش تواليها وهذه صورت الحزن المميت و لوعة سنيني يايمه العيون اللي بتبكي وين اوديها اكفكفها ولا ولاينفع لهيب الهم يكويني غريبه صرت انا بعدك بقصة شعر يرويها يقول انه عرف امي قبل لانتي تموتيني قبل لاقول قاطعني وش اللي عاجبك فيها وجاوبته بنبع الحب عطشانه و تسقيني حنونه حيل بزياده وحب الناس حاويها ويكفي انها امي وهي اول عناويني ويكفي قدرها عندي و سري من خوافيها تخون الارض ياعالم وفاء امي يدفيني وكل ماشفت صورتها عجزت اكتب مراثيها دموع العين يايمه محت ماتكتب ايديني عرفت ان الشعر يكذب صفاتك وش عرف فيها وعرفت انه بكى من جور همي من تركتيني |
|
#8
10-06-2008, 08:16 PM
| ||||
| ||||
| لواء الشعر اخذت من شمر شموخي وعزي واعطيتهم شعري على كبريائي العز بيرق فالقصايد يرزي واعلنت لشعر الموقر ولائي مع كل بيت احس قلبي يفزي في حضرت الحرف يتجلا دهائي الشعر و الاحساس و الذوق رمزي اخوض حرب الشعر و احمل لوائي خيول فكري في حضوري تلزي خنساء زماني و القصايد فضائي يامعتمد همزي و غمزي و لمزي حذفت كيدك ياعدوي ورائي انزي على جمر الغض كيف ماانزي واضح على لوح القصايد عنائي عزي لقلبٍ ضامه الوقت عزي وانا على الوقت شر و بلائي وحروف شعري بالمشاعر تعزي جرح الزمان اللي سطع في سمائي |
|
#9
10-06-2008, 08:18 PM
| ||||
| ||||
| يمه يمه عسفت الحرف لرضاك يمه يمه رحمك الله ياأغلى عباده يمه و ليل الجرح ياثقل دمه بين بعيني و اكتساني سواده أموت في صمتي و احبه و أضمه دايم وحيده ماعرفت السعاده سود الليالي أكدت لي متمه جرحً لجى بالقلب و أعلن عناده فرقاك يايمه صعيبه و سمه ساري بدمي ماتفيد العياده ماهمني من عاش من غير ذمه ولاهمني وقتً عطاني نكاده أبوعدك يمه وصاتك لصمه تبقى على صدري و سام و قلاده ؛؛؛؛؛؛؛؛؛؛؛؛؛؛؛ يالمقابر؟؟؟ يالمقابر ماتردين الحبيب من الغياب في ذراك من الخلايق نازلٍ اغلى حبيب رجعيلي أمي اللي بعدها ذقت العذاب لو ثواني رجعيها بأحضن الصدر الرحيب افتقدتك يالحنان اللي خذا طهر السحاب وافتقدتك يالملاذ الدافي العب الرهيب وافتقدتك يالعطا اللي فيك بحتار الحساب وافتقدتك يالحضور اللي معه همي يغيب وافتقدتك يامعلمني خطايه و الصواب ياموصيني على صبري ليا شان النصيب وافتقدتك ياسهرها لجلي لابسط مصاب مايعوضه فالخلايق لابعيد ولاقريب |
|
#10
10-06-2008, 08:19 PM
| ||||
| ||||
| مدينة غرامي أي والله اكتب عن مدينة غرامي أرض الخبر عشقي وباكتب بالاورق من هاجسٍ هايم وبالحيل ظامي نويت أبكتب شعر يوم الفكر راق لك في ضميري قدر والقلب هامي ولاظنتي يقدر على كتم الاشواق من كبرياء لاهل الشمال الكرامي سلام ياصلكم لو البعد حراق ياديرة الأجداد لك قدر سامي من غيبة الأشفاق لاحد الأشراق وأنا اهوجس وأرتقي في مقامي لاقلت حايل حل في القلب خفاق ودي ازورك بس تعرف غرامي بأرض الخُبر و بعد الخبر كيف ينطاق من الخبر الى جنوبك وشامي يالمملكه قدرك بقلبي و الأعماق |
 |
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعرة نوض سدير | *مزون شمر* | ديوان الشعراء | 28 | 08-08-2008 09:55 AM |
| عبقرية الذات الشاعرة | البراء | الشعر | 12 | 05-06-2008 01:10 PM |
| ديوان الشاعرة عابرة سبيل | *مزون شمر* | ديوان الشعراء | 10 | 22-04-2008 10:24 PM |
| مصطلحات شمريه (بحت) | الشايب | الرجة و الهبال | 1 | 27-12-2007 01:38 PM |
| ديوان الشاعرة - مزون المحمد | *مزون شمر* | ديوان الشعراء | 7 | 02-09-2007 12:07 AM |
