| | |
| |||||||
| الشعر شعر, قصيد, شعراء, قصائد مسموعة, |
 |
| | أدوات الموضوع | إبحث في الموضوع |
|
#1 
07-06-2008, 10:52 PM
| ||||
| ||||
 ضيقو صدر العبايه ووسعو طرف الكموم السلااام عليكم ورحمة الله وبركااااته: اسعد الله أوقاااتكم بكل خير وعااافيه.... اليوم جايبن لكم قصيده للأسف مدري مين شاااعرها... بس أعجبتني وحبيت إنكم تشاااركوني الإعجاااب...فمضمون القصيده تتكلم عن العباءه وماوصلت إليه .....أترككم مع القصيده...ولكم مني خالص التحيه والتقدير,,,, العبايه عولموها وانفثو فيها السموم من ملاهي الرقص جابوا فكر تخصير العباة ضيقوا صدر العباة ووسعوا طرف الكموم ونزلوها لين وصلت آخر أكتاف الفتاة بانت نحور الصبايا وانكشف شكل الهدوم والغبية تحسبنها زايده زين وحلاة والبراقع دلعوها لين عام الخد عوم لازم القرضه توسع والكحل يلقى الحياة طوروا شكل النقاب وصارت الدعوه علوم صار شفاف(ن)يوضح خدها ويا الشفاة وآخر الصرعه لثام(ن)يفتن الرجل العزوم والفتن قالوا ضلاله للقلوب المؤمنات وش علامك بنت حوى تستبيحين السلوم أو مع خيلك ياشقراء بعضكم جنس البنات قاهرتهم هالعبايه مايبون الستر دوم جدهم علمان يعني لاصيام ولاصلاة حطوا إن البنت سلعه وغلفوها بالهموم وارفعوا شعار(ن) ينادي للحقوق الضايعات من ظلمها والبدو لاصاحت الحرمه تقوم قايمه تحت المعادي لجل عين الشامخات من ظلمها يوم قام المعتصم من عز نوم قال وين الكافر اللي يستبيح المسلمات ثم ذبح لجل شعرتها من العدو كثر النجوم قال هذا حق منهو يستذل الطاهرات نكسوا ذاك الشعار ولملموا باقي السهوم يكسر الخاطر سهمكم لاضرب في مدرعات بيتكم لاصار مبني داخل البيت مهدوم وبيتنا صوم وصلاة وحج وأشهد والزكاة إتركيهم يابدويه وخلي اللايم يلوم وسعي خصر العبايه واكرمي بالمكرمات وإن رفعتيها لراسك أصبح الراس محشوم العبايه فوق راسك حشمه وطيب وثبات وماعليك من اللئيمه تحاول تقلدك يوم لبست البرقع ولكن حن عرق الماجدات بحنكها ألفين دقه مدري ألف من الوشوم أو تراه ألفين خكري يكتبون الذكريات ولابغت تكتب قصيده قافها هو قاف يوم (يوم يابا)(يوم يابا)جاك عرق الراقصات جت تقول إني بدويه قلت أنتي وجه بوم إعقبي منتي بدويه أنتي جزء من الحصاة يابدويه لايغرك بعض غربان(ن) تحوم أنتي فوق الكل أنتي فوق روس النايفات أنتي يوم الحرب دارت والمعارك (قوم)(قوم) عانقت عزوات أخوك صوت ضرب المرهفات إن حدوا من بيننا أو طولوا حد العقوم يابدويه طبعي أرقى فوق كل الطايلات إحذري يابنت منهم طبعهم نفث السموم عولمتهم لو أعرفها طلع معنى الشتات ضيقوا صدر العباة ووسعوا طرف الكموم وبيجي يوم نشوف فيه شقوق في وسط العباة ((م ن ق و ل ه ))  |
|
#2
08-06-2008, 02:00 AM
| ||||
| ||||
|
صح لسان الشاعر قصيدة جميلة يسلمووو على الطرح الله يعطيك الف عافيه تحيتي لكم |
|
#3
08-06-2008, 03:25 AM
| ||||
| ||||
| ألف شكر
ايه والله صدق الشاعر نسأل الله السلامه والعافيه تسلم أخوي وصح لسان الشاعر المبدع |
|
#4
08-06-2008, 03:52 AM
| ||||
| ||||
| للأسف هذا هو حال البعض صح السان الشااعر وسلمت يدينك اخوي وله على النقل الراااائع والذووق الرااااقي كل الحب |
|
#5
14-06-2008, 01:04 AM
| ||||
| ||||
| وله وشوق... شعرا جميل وذوق راقي.... سلمت يمناك... وسلم ذوقك...... ننتظر المزيد كن بخير ميلاس |
|
#6
14-06-2008, 05:31 PM
| ||||
| ||||
| وله وشوق.. أحسنت في اختيارك.. عن جد رااااااااائعة.. صح لسان شاعرها.. و سلمت أياديك الناقلة عزيزي.. أرق تحياتي لك.. |
|
| أدوات الموضوع | إبحث في الموضوع |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| العبايه المخصرة والبنات...(كاريكاتير) | قطريه وكلي فخر | منتدى الصور | 7 | 01-04-2007 05:11 PM |
